Ol Miting Bilong Wok Bilong Disemba
Wik i Kirap Long Disemba 2
Singsing 134
10 min: Ol toksave bilong kongrigesen. Sampela Toksave bilong Wok Kingdom.
15 min: “Husat Bai Harim Tok Yumi Autim?” Ol askim na bekim. Kamapim tu sampela tok bilong Kirap! (tok Inglis) bilong Mas 22, 1987, p. 5, em i stori long olsem wanem na planti man i save laikim tok yumi autim.
20 min: “Tok Bilong God Inap Helpim Yumi.” (Paragraf 1-6) Bilong kirapim tok stori long paragraf 1-2. (Stori liklik long 4-pela bikpela tok aninit long het-tok: “Bilong wanem yumi mas save long Baibel?” olsem i stap long buk Toktok Gut, p. 37-38.) Ol pablisa i gat save, ol i ken mekim soim olsem i stap long paragraf 3-6. Askim ol brata sista long stori long (1) olsem wanem ol askim ol i mekim i bin kirapim man long harim tok, (2) olsem wanem ol skripsa ol i bin mekim wok long en i stret long ol tok ol i kamapim, (3) taim ol i go bek, olsem wanem ol i mekim tok i stret wantaim ol tok ol i bin mekim long namba wan taim, na (4) olsem wanem ol i bin tokim man long stadi long Baibel.
Singsing 75 na beten.
Wik i Kirap Long Disemba 9
Singsing 100
10 min: Ol toksave bilong kongrigesen. Ripot bilong ol akaun. Tokim ol brata sista long kisim Wastaua bilong Oktoba 1, 1996, i kam long Miting Bilong Wok long wik antap.
15 min: Helpim Ol Lapun Long Mekim Wok Autim Tok. Planti lapun pablisa ol i gat strongpela laik long mekim wok autim tok wantaim kongrigesen, tasol ol i no gat strong, long wanem, ol i lapun na ol i gat sik samting. I gat sampela samting yumi ken mekim bilong kamapim olsem yumi tingim ol na bai ol i ken bung wantaim grup bilong autim tok: Tokim ol yu laik kisim ol long ka bilong yu, sapos yu inap mekim olsem; stretim rot bambai ol i ken autim tok long haus em lata bilong en i no longpela tumas na long ol ples i stret; larim ol i ken sindaun na malolo long ples kol sapos skin bilong ol i les; sapos yu gat ka, tokim ol yu laik kisim ol i go long ol gobek bilong ol; tokim ol yu bai kisim ol i go long haus sapos ol i no inap mekim wok moa. Ol lapun i save amamas long ol samting yumi mekim bilong helpim ol. Stori long sampela rot bilong helpim ol lapun em yupela inap bihainim long hap bilong yupela. Kamapim ol bikpela tok bilong stori “Yumi Amamas Long Ol Lapun!” long Wastaua, Julai 1, 1986, p. 28-29.
20 min: “Tok Bilong God Inap Helpim Yumi.” (Paragraf 7-9) Stori long hap “Mas i Gat Helpim” long Wastaua, Me 1, 1993, p. 3. Stori olsem: Bilong wanem ol tok yumi mekim i mas kamapim klia olsem em i bikpela samting long kisim helpim long Man antap—em God. Wanpela pablisa i ken mekim soim olsem i stap long paragraf 7-8. Kamapim klia olsem, bikpela tingting bilong yumi em long kirapim Baibel-stadi long buk Save.
Singsing 197 na beten.
Wik i Kirap Long Disemba 16
Singsing 209
15 min: Ol toksave bilong kongrigesen. Kamapim sampela tok long pasin bilong bekim gut tok sapos man i tok “Meri Krismas” o “Hepi Nu Yia” long yumi. Toksave long ol bung bilong autim tok long Disemba 25. Stori long “Ol Nupela Program Bilong Kibung.”
30 min: Lukautim Famili. Tok i stap long Wastaua, Oktoba 1, 1996, p. 29-31. Wanpela elda i ken redi gut bilong mekim dispela tok. Kamapim ol bikpela tok i stret long ol samting i save kamap long hap bilong yupela. Kamapim sampela tok bilong ol magasin bilong bipo em ol i kolim long ol sta daunbilo long p. 30-31.
Singsing 41 na beten.
Wik i Kirap Long Disemba 23
Singsing 93
10 min: Ol toksave bilong kongrigesen. Kamapim ol bikpela tok bilong pepa i kam wantaim Wok Kingdom, “Amamas Long Wok Bilong God i Go Bikpela.” Toksave long ol bung bilong autim tok long Janueri 1.
15 min: Sampela tok bilong helpim kongrigesen. O wanpela elda i ken mekim dispela tok “Pinis Long Wok Mani—Em i Opim Rot Long Mekim Wok Bilong God?” long Wastaua, Julai 15, 1996, p. 24-25.—Lukim buk Insight, Volyum 2, p. 794, par. 2-3.
20 min: “Wok Bilong Yu Insait Long Skul Bilong Wok Autim Tok.” Wasman bilong skul i ken mekim olsem wanpela tok. Toksave long hamas i insait pinis long skul, na strongim ol narapela em ol i winim pinis mak long ol i ken insait long skul. Stori long ol lo bilong sumatin olsem i stap long “Sedyul Bilong Skul Bilong Wok Autim Tok Bilong 1997.”
Singsing 166 na beten.
Wik i Kirap Long Disemba 30
Singsing 223
10 min: Ol toksave bilong kongrigesen. Sapos i gat taim, stori long sampela gutpela ekspiriens ol brata sista i bin kisim taim ol i autim tok long ol haus, na long rot, stua na bisnis samting.
15 min: “Samting Bilong Helpim Yumi Long Taim Stret.” Ol askim na bekim. Kamapim sampela bikpela tok bilong nupela buk na buklet.
20 min: Stori Long Samting Bilong Tilim Long Janueri. Tilim wanpela bilong ol buk i gat 192 pes em ol i daunim pe bilong en. Toksave long wanem ol buk i stap long kongrigesen. Stori liklik long sampela kirap bilong tok em i stret long olgeta wan wan buk olsem i stap long pes 9-14 long buk Toktok Gut. Mekim wanpela o tupela soim.
Singsing 137 na beten.