Mintirho Ya Timbhoni Ta Yehovha Ya Manguva Lawa

Curaçao

Emepeni wa misava hinkwayo, xihlala xa Curaçao, xa Aruba ni xa Bonaire swi vonaka swi ri switsongo ngopfu loko swi pimanisiwa ni matiko-nkulu lama akelaneke na swona. Kambe, eswihlaleni leswi ku tshama vanhu va matiko ni mindhavuko yo tala. Vanhu vo tala lava tshamaka eswihlaleni swoleswo swa Kharibiya, va tsakile leswi va nga ehansi ka vulawuri byo lulama bya Yehovha. Hlaya hi ndlela leyi Timbhoni leti hisekaka ti langutaneke ni mintlhontlho ya ku nga fani ka mindhavuko ni ririmi, leswaku ti kota ku dyondzisa ririmi leri tengeke ra ntiyiso wa Bibele.

Ukraine

A ku ri hi April 8, 1951. Pongo ra tilori ta masocha ri kavanyete ku rhula ka mixo wolowo. Evupela-dyambu bya Ukraine, masocha ma fike emakaya ya Timbhoni ta Yehovha kutani ma nyika ndyangu ha wun’we tiawara timbirhi leswaku wu longa leswi nga swa wona, wu tilunghiselela ku teka riendzo ro leha leri vo tala va fambeleke makumu eka rona. Hi siku rero, Timbhoni to tlula 6 100, ti layichiwe ematorokisini lama pfalekeke ivi ti fika ti cukumetiwa eSiberia. Kungu rero, a ri ri xiphemu xa tsima leri tekeke nkarhi wo leha ra mfumo wa matimba wa Soviet Union, lowu a wu tiyimisele ku miyeta un’wana ni un’wana loyi a a ri ni xivindzi xa ku chumayela hi Mfumo wa Xikwembu. Matimu lama khumbaka mbilu ya ndlela leyi Timbhoni ta le Ukraine ti tiyiseleke ku yirisiwa ni ku xanisiwa ha yona, ku ringana malembe lama tlulaka 50, ma ta aka ripfumelo ra wena ematimbeni ya Yehovha lawa a seketelaka vanhu va yena ha wona.