Atemmufoɔ

20 Enti Israelfoɔ nyinaa firii adi,+ na asafo no boaboaa wɔn ano te sɛ onipa baako,+ ɛfiri Dan+ kɔsi Beer-Seba+ ne Gilead+ asase so, na wɔkɔɔ Yehowa anim wɔ Mispa.+ 2 Ɛnna Israel man ne mmusua no nyinaa mu atitire, asraafoɔ mpem ahanan a wɔnam fam a wɔtwe nkrantɛ,+ bɛgyinaa nokorɛ Nyankopɔn+ man asafo mu.

3 Na Benyaminfoɔ tee sɛ Israelfoɔ aforo kɔ Mispa.+

Ɛnna Israelfoɔ kaa sɛ: “Amumuyɔdeɛ a ɛte sei firi he?+ Monka mma yɛntie.” 4 Afei Lewini+ a wɔkum ne yere no kaa sɛ: “Me ne me yefam+ kɔɔ Benyaminfoɔ kuro Gibea+ mu sɛ yɛrekɔpɛ baabi ada. 5 Na Gibeafoɔ baa me so bɛtwaa fie a mete mu no ho hyiaa anadwo no. Anka me na wɔrepɛ me aku me, na wɔfaa me yefam ne no da+ maa no wuiɛ.+ 6 Enti mesɔɔ me yefam no mu twitwaa ne mu de kɔɔ Israel asase nyinaa so,+ ɛfiri sɛ wɔabɔ ahohwibra+ ayɛ aniwudeɛ wɔ Israel.+ 7 Afei Israelfoɔ, mo nyinaa monkyerɛ mo adwene na momma yɛn afotuo+ wɔ ha.”

8 Ɛnna ɔman no nyinaa sɔre gyinaa sɛ onipa baako+ kaa sɛ: “Yɛn mu biara renkɔ ne ntomadan mu, na yɛn mu biara renkɔ ne fie.+ 9 Na deɛ yɛde bɛyɛ Gibea nie: Momma yɛmmɔ ntonto+ nkɔ ne so. 10 Israel mmusua nyinaa mu, yɛbɛyi mmarima du afiri mmarima ɔha biara mu, ɔha afiri apem biara mu, apem afiri mpem du biara mu, na wɔbɛma ɔman no aduane ama wɔakɔ Benyaminfoɔ kuro Gibea so, ɛfiri sɛ wɔayɛ aniwudeɛ+ wɔ Israel.” 11 Enti Israel mmarima nyinaa ka boom kɔɔ kuro no so sɛ onipa baako.

12 Afei Israel mmusua no somaa mmarima kɔɔ Benyaminfoɔ+ nyinaa nkyɛn kɔkaa sɛ: “Amumuyɔdeɛ bɛn na wɔayɛ no mo mu yi?+ 13 Monyi mmarima+ ahuhufoɔ+ a wɔwɔ Gibea+ no mmra mma yɛnku wɔn,+ na yɛnyi mmusuo biara mfiri Israel.”+ Nanso Benyaminfoɔ no antie deɛ wɔn nuanom Israelfoɔ reka no.+

14 Na Benyaminfoɔ no boaboaa dɔm ano firii wɔn nkuro mu kɔɔ Gibea sɛ wɔne Israelfoɔ no rekɔko. 15 Enti saa da no Benyaminfoɔ boaboaa asraafoɔ mpem aduonu nsia+ ano firii nkuro ahodoɔ mu; ɛsono Gibeafoɔ mmarima ahanson a wɔboaboaa wɔn ano no. 16 Dɔm yi nyinaa mu mmarima a wɔayi wɔn ahanson yɛ abenkumma.+ Sɛ nwi mpo sɛn hɔ a, wɔn mu biara bɛtumi ato boɔ+ ate a ɔmfom.

17 Woyi Benyaminfoɔ firi mu a, Israelfoɔ mmarima a wɔboaboaa wɔn ano si mmarima mpem ahanan a wɔtwe nkrantɛ.+ Ná wɔn mu biara aben ɛko mu. 18 Na Israelfoɔ siim foro kɔɔ Betel kɔbisaa Onyankopɔn+ sɛ: “Yɛn mu hwan na ɔnni kan ne Benyaminfoɔ nkɔko?”+ Ɛnna Yehowa kaa sɛ: “Yuda nni kan.”+

19 Afei Israelfoɔ sɔree anɔpa, na wɔboaboaa wɔn ano sɛ wɔrekɔ Gibea so.

20 Na Israel mmarima firii adi sɛ wɔne Benyaminfoɔ rekɔko, na Israel mmarima no hyehyɛɛ wɔn ho de ɛko no kɔhyiaa wɔn wɔ Gibea. 21 Saa da no, Benyaminfoɔ no firi Gibea+ bɛkunkum Israelfoɔ mmarima mpem aduonu mmienu guu hɔ.+ 22 Nanso Israelfoɔ no de akokoɔduro san hyehyɛɛ wɔn ho kɔɔ baabi a wɔkoo da a ɛdi kan no. 23 Na Israelfoɔ kɔsuu+ Yehowa anim kɔsii anwummerɛ, na wɔbisaa Yehowa sɛ: “Yɛnsan ne yɛn nua Benyamin nkɔko anaa?”+ Ɛnna Yehowa buaa sɛ: “Monkɔ ne so.”

24 Enti da a ɛtɔ so mmienu no, Israelfoɔ twe bɛn Benyaminfoɔ.+ 25 Na Benyaminfoɔ firi Gibea bɛhyiaa wɔn da a ɛtɔ so mmienu no, na saa da no nso wɔkunkum Israel asraafoɔ, mmarima a wɔtwe nkrantɛ,+ mpem dunwɔtwe guu asase no so.+ 26 Afei Israelfoɔ+ nyinaa, ɔman no nyinaa, foro kɔɔ Betel kɔsuiɛ,+ na wɔtenatenaa Yehowa anim dii mmuada+ kɔsii anwummerɛ na wɔbɔɔ ɔhyeɛ afɔdeɛ+ ne asomdwoeɛ afɔdeɛ+ wɔ Yehowa anim. 27 Akyire yi Israelfoɔ kɔbisaa Yehowa,+ ɛfiri sɛ saa berɛ no na nokorɛ Nyankopɔn apam adaka+ no si hɔ. 28 Ná Aaron ba Eleasar ba Finehas+ na ɔgyina adaka no anim,+ na ɔkaa sɛ: “Mensan nkɔ ne me nua Benyamin nkɔko anaa mennyae?”+ Ɛnna Yehowa kaa sɛ: “Kɔ, ɛfiri sɛ ɔkyena mede no bɛhyɛ wo nsa.”+ 29 Afei Israel maa mmarima kɔtɛɛ+ Gibea ho nyinaa hyiaeɛ.

30 Da a ɛtɔ so mmiɛnsa no, Israelfoɔ kɔɔ Benyaminfoɔ so, na wɔhyehyɛɛ wɔn ho sɛ wɔne Gibeafoɔ rekɔko sɛdeɛ wɔyɛɛ kane no.+ 31 Na berɛ a Benyaminfoɔ firii adi bɛhyiaa dɔm no, wɔtwee wɔn firii kuro no mu.+ Na sɛdeɛ wɔyɛɛ kane no, wɔto hyɛɛ wɔn so kunkum nnipa no bi wɔ tempɔn a ɛkɔ Betel+ ne deɛ ɛkɔ Gibea+ no so. Israel+ mmarima bɛyɛ aduasa totɔeɛ wɔ wuram. 32 Enti Benyaminfoɔ no kaa sɛ: “Wɔretotɔ wɔ yɛn nsa ano te sɛ kane no.”+ Na Israelfoɔ no kaa sɛ: “Momma yɛnnwane,+ na yɛntwe wɔn mfiri kuro no mu mmra tempɔn no so.” 33 Enti Israelfoɔ nyinaa firii wɔn asoɛeɛ kɔhyiaa Baal-Tamar, na Israelfoɔ a wɔkɔtɛɛ+ Gibea+ mpɔtamu no nso firii baabi a wɔtɛ no baeɛ. 34 Ɛnna mmarima mpem du a wɔayi wɔn afiri Israelfoɔ nyinaa mu no baa Gibea anim, na ɛko no mu yɛɛ den, nanso na Benyaminfoɔ no nnim sɛ asɛm rebɛto wɔn.+

35 Na Yehowa de Benyaminfoɔ+ no hyɛɛ Israelfoɔ nsa maa wɔdii wɔn so nkonim. Enti saa da no, Israelfoɔ kunkum Benyamin asraafoɔ, mmarima a wɔtwe nkrantɛ,+ mpem aduonu nnum ne ɔha.

36 Nanso Benyaminfoɔ susuu sɛ wɔbɛdi Israel so nkonim, ɛfiri sɛ na Israelfoɔ no ama Benyaminfoɔ kwan kɛse.+ Israelfoɔ no yɛɛ saa ɛfiri sɛ na wɔde wɔn ani ato wɔn a wɔakɔtɛ Gibea nkyɛn baabi no so. 37 Na wɔn a wɔkɔtɛeɛ+ no nyinaa bɔɔ twi kɔɔ Gibea.+ Afei wɔto hyɛɛ kuro no so, na wɔtrɛɛ wɔn mu de nkrantɛ kunkum wɔn nyinaa.+

38 Saa berɛ yi na Israelfoɔ ne mmarima a wɔkɔtɛeɛ no ahyehyɛ ho sɛ wɔbɛma wisie afiri kuro no mu aforo akɔ wiem.+

39 Berɛ a Israelfoɔ danee wɔn ho ɛko no mu no, Benyaminfoɔ to hyɛɛ Israelfoɔ bɛyɛ aduasa so kunkum wɔn,+ na wɔkaa sɛ: “Nkoguo ara na wɔredie sɛ kane ko no mu.”+ 40 Wisie no firi kuro no mu foro+ kɔɔ wiem kumɔnn.+ Enti berɛ a Benyaminfoɔ danee wɔn ani no, wɔhunuu sɛ egya da kuro mũ no nyinaa mu ama wisie ayɛ wiem kumɔnn.+ 41 Ɛnna Israel mmarima no danee wɔn ho,+ na Benyaminfoɔ no bɔɔ hu,+ ɛfiri sɛ na wɔahunu sɛ asɛm ato wɔn.+ 42 Enti wɔdwane firii Israelfoɔ anim de wɔn ani kyerɛɛ serɛ so, nanso akofoɔ no taa wɔn, na mmarima a wɔfiri kuro no mu reba no kunkum wɔn wɔ wɔn mu. 43 Wɔtwaa Benyamin ho hyiaeɛ,+ na wɔtaa no maa enti wannya ne ho atwayɛ.+ Wɔtiatiaa ne so wɔ Gibea+ ntentensoɔ wɔ apueeɛ. 44 Enti Benyaminfoɔ mmarima akatakyie+ mpem dunwɔtwe totɔeɛ.

45 Afei wɔdanee wɔn ho dwane kɔɔ serɛ so, Rimmon+ botan so. Na wɔkunkum mmarima mpemnum wɔ atempɔn+ no so sɛ ntosoɔ. Wɔtaa wɔn kɔduruu Gidom, na wɔkunkum mmarima mpem mmienu kaa ho. 46 Saa da no, Benyamin asraafoɔ, mmarima akatakyie a wɔtwe nkrantɛ,+ a wɔwuwuiɛ nyinaa si mpem aduonu nnum. 47 Na mmarima ahansia dwane kɔɔ serɛ so, Rimmon+ botan so. Na wɔtenaa Rimmon botan no so abosome nnan.

48 Afei Israelfoɔ no san baa Benyaminfoɔ so na wɔde nkrantɛ kunkum wɔn a wɔwɔ kurom nyinaa, ɛfiri nnipa so kɔsi mmoa so, na wɔsɛee biribiara a wɔhunuiɛ.+ Na kuro biara a wɔhunuiɛ nso, wɔde gya toom.+