Atemmufoɔ
3 Aman+ yi na Yehowa gyaa wɔn wɔ asase no so sɛ ɔde wɔn bɛsɔ Israel ahwɛ+ no, wɔn a wɔanhunu ɛko a ɛkɔɔ so wɔ Kanaan no nyinaa,+ 2 sɛdeɛ ɛbɛyɛ a Israel awoɔ ntoatoasoɔ a wɔnhunuu biribi a ɛte saa da no bɛsua akodie na wɔanya ɛko mu suahunu. 3 Yeinom ne Filistifoɔ+ ahemfo+ nnum no ne Kanaanfoɔ+ nyinaa, ne Sidonfoɔ+ ne Hiwifoɔ+ a wɔte Bepɔ Lebanon+ soɔ, ɛfiri Bepɔ Baal-Hermon+ ho kɔsi Hamat no.+ 4 Na wɔde wɔn sɔɔ Israelfoɔ hwɛɛ+ sɛ wɔbɛdi mmara a Yehowa nam Mose so de maa wɔn agyanom no so anaa.+ 5 Enti Israelfoɔ tenaa Kanaanfoɔ,+ Hitifoɔ, Amorifoɔ, Perisifoɔ, Hiwifoɔ, ne Yebusifoɔ+ mfimfini. 6 Wɔfaa wɔn mma mmaa wareeɛ,+ na wɔde wɔn mma mmaa nso maa wɔn mma mmarima,+ na wɔsom wɔn anyame.+
7 Enti Israelfoɔ yɛɛ bɔne wɔ Yehowa ani so, na wɔn werɛ firii Yehowa wɔn Nyankopɔn+ na wɔkɔsom Baal ahoni+ ne abosonnua.+ 8 Na Yehowa abufuo dɛre tiaa Israelfoɔ+ na ɔtɔn+ wɔn hyɛɛ Mesopotamia+ hene Kusan-Risataim nsa; na Israelfoɔ som Kusan-Risataim mfeɛ nwɔtwe. 9 Ɛnna Israelfoɔ su frɛɛ Yehowa,+ enti Yehowa maa Israelfoɔ no ɔgyefoɔ+ bi a ɔbɛgye wɔn. Ɔno ne Kaleb+ nua kumaa Kenas+ ba Otniel.+ 10 Yehowa honhom+ baa ne so na ɔbɛyɛɛ Israel temmufoɔ. Na berɛ a ɔfirii adi kɔkoeɛ no, Yehowa de Siria hene Kusan-Risataim hyɛɛ ne nsa na ɔdii Kusan-Risataim so nkonim.+ 11 Afei asase no so dwoo mfeɛ aduanan. Akyire yi, Kenas ba Otniel wuiɛ.
12 Na ntɛm ara na Israelfoɔ kɔɔ so yɛɛ bɔne wɔ Yehowa ani soɔ.+ Na Yehowa maa Moab+ hene Eglon ho yɛɛ den boroo Israel so,+ ɛfiri sɛ wɔyɛɛ bɔne wɔ Yehowa ani so.+ 13 Na ɔde Ammonfoɔ+ ne Amalekfoɔ+ nso baa wɔn so, na wɔkunkum Israelfoɔ na wɔfaa mmɛ kuro+ no. 14 Na Israelfoɔ som Moab hene Eglon mfeɛ dunwɔtwe.+ 15 Afei Israelfoɔ firii aseɛ su frɛɛ Yehowa,+ enti Yehowa maa wɔn ɔgyefoɔ bi. Oyi ne Gera ba Ehud,+ Benyaminni+ a ɔyɛ abenkumma no.+ Na Israelfoɔ faa ne so de ayɛyɛdeɛ kɔmaa Moab hene Eglon. 16 Na Ehud yɛɛ nkrantɛ anofanu+ a ne tenten yɛ basafa baako. Ɔde bɔɔ n’asene wɔ n’atadeɛ ase, nifa so.+ 17 Afei ɔde ayɛyɛdeɛ no kɔmaa Moab+ hene Eglon. Ná Eglon yɛ ɔbarima a ɔso yie.
18 Berɛ a ɔde ayɛyɛdeɛ+ no maa no wieeɛ ara pɛ na ɔgyaa wɔn a wɔde ayɛyɛdeɛ no baeɛ no kwan. 19 Wɔkɔduruu abopaebea a ɛwɔ Gilgal+ no, ɔsan n’akyi bɛka kyerɛɛ ɔhene no sɛ: “O ɔhene, mepɛ sɛ me ne wo ka asomsɛm bi.” Enti ɔkaa sɛ: “Twɛn!” Afei wɔn a wɔgyina ne nkyɛn nyinaa firii adi.+ 20 Na Ehud baa ne nkyɛn berɛ a ɔno nko ara te n’abansoro pia mu, baabi a ɛhɔ dwoɔ no. Na Ehud ka kyerɛɛ no sɛ: “Mewɔ asɛm bi firi Onyankopɔn hɔ ma wo.” Ɔtee saa no, ɔsɔre firii n’adwa so. 21 Ɛnna Ehud de ne nsa benkum twee nkrantɛ no firii n’ataaso wɔ ne nifa, na ɔde wɔɔ ne yam. 22 Wantwe nkrantɛ no amfiri ne yam, enti dadeɛ no ne dua no nyinaa wuraa ne yam maa sradeɛ yɛɛ ho, na tiafi dii so baeɛ. 23 Na Ehud totoo abansoro dan no apono mu wɔ n’akyi, na ɔfaa tokuro mu pueeɛ. 24 Na ɔfirii adi kɔeɛ.+
Na ne nkoa bɛhwɛeɛ, na wɔhunuu sɛ wɔatoto abansoro apono no mu. Enti wɔkaa sɛ: “Ɛbɛyɛ sɛ ɔregya ne nan+ wɔ pia mu hɔ.” 25 Wɔgyinaa hɔ kyɛreeɛ. Afei na wɔn ani awu, ɛfiri sɛ obiara ammue pia no apono no. Enti wɔfaa safoa bueeɛ, na wɔnkɔhwɛ a, wɔn hene na ɔda fam tim a wawuo yi!
26 Berɛ a wɔda so gyinagyina hɔ no, na Ehud kɔ dadaada. Ɔdwane kɔfaa abopaebea+ hɔ kɔɔ Seira. 27 Ɔduruu hɔ no, ɔfirii aseɛ hyɛnee abɛn+ wɔ Efraim+ bepɔ no so, na ɔdii Israelfoɔ no anim ne wɔn siane firii bepɔ no so. 28 Na ɔka kyerɛɛ wɔn sɛ: “Monni m’akyi+ ɛfiri sɛ Yehowa de mo atamfo Moabfoɔ no ahyɛ mo nsa.”+ Enti wɔdii n’akyi, na wɔko faa Yordan asutwareeɛ+ no sii Moabfoɔ no kwan, na wɔamma obiara amfa hɔ. 29 Saa berɛ no wɔkunkum Moab mmarima akantinka+ ahoɔdenfoɔ bɛyɛ mpem du;+ baako mpo antumi annwane.+ 30 Saa da no, Israel dii Moab so nkonim, na asase no so dwoo mfeɛ aduɔwɔtwe.+
31 N’akyi no, Anat ba Samgar+ nso gyee Israelfoɔ firii Filistifoɔ+ nsam, na ɔde poma a wɔde ka anantwie kɔkunkum mmarima ahansia.+