Yeremia

25 Asɛm a ɛbaa Yeremia nkyɛn wɔ Yuda man nyinaa ho nie. Ɛbaa wɔ Yuda hene Yehoiakim,+ Yosia ba no afe a ɛtɔ so nnan a na ɛyɛ Babilon hene Nebukadnesar* afe a ɛdi kan no mu. 2 Asɛm a odiyifoɔ Yeremia ka faa Yuda man nyinaa ne Yerusalemfoɔ nyinaa ho nie:*

3 “Ɛfiri Amon ba Yosia,+ Yuda hene no ahennie afe a ɛtɔ so 13 so de bɛsi nnɛ da yi, mfeɛ 23 yi mu, Yehowa asɛm baa me nkyɛn, na mekɔɔ so kasa kyerɛɛ mo mprɛ pii,* nanso moantie.+ 4 Na Yehowa somaa ne nkoa adiyifoɔ no nyinaa baa mo nkyɛn. Ɔsomaa wɔn mprɛ pii,* nanso moantie, na moanyɛ aso antie.+ 5 Wɔkaa sɛ, ‘Yɛpa mo kyɛw, obiara ntwe ne ho mfiri ne kwammɔne ne ne nneyɛɛ bɔne ho,+ na ama moakɔ so atena asaase a Yehowa de maa mo ne mo agyanom firi tete no so akyɛ. 6 Monnni anyame foforɔ akyi nnkɔsom wɔn; monnkoto wɔn, na mommfa mo nsa ano adwuma no nnhyɛ me abufuo. Anyɛ saa a, mede mmusuo bɛba mo so.’

7 “‘Nanso moantie me,’ Yehowa asɛm nie. ‘Na mmom mode mo nsa ano adwuma no hyɛɛ me abufuo de mmusuo baa mo ara mo so.’+

8 “Enti deɛ asafo Yehowa aka nie, ‘“Ɛsiane sɛ moantie m’asɛm nti, 9 meresoma ama wɔakɔfa atifi fam mmusua nyinaa aba,”+ Yehowa asɛm nie, “na mɛma Babilon hene Nebukadnesar,* m’akoa no nso aba.+ Mɛma wɔaba asaase yi+ ne emu nnipa ne aman a atwa ho ahyia no nyinaa so.+ Mɛsɛe wɔn na mama wɔadane biribi a ɛyɛ hu ne biribi a nkurɔfoɔ bɛtɛɛ wɔn anom ahwɛ,* na ɛbɛyɛ amamfo afebɔɔ. 10 Na mɛma ahurisie nnyegyeeɛ ne osebɔ nnyegyeeɛ,+ ne ayeforɔkunu nne ne ayeforɔ nne,+ ne ɛboɔ a wɔyam so adeɛ* nnyegyeeɛ agyae wɔ wɔn mu, na kanea hann nso ayera afiri wɔn mu. 11 Na asaase yi nyinaa bɛdane amamfo ne biribi a ɛyɛ hu, na aman yi bɛsom Babilon hene mfeɛ 70.”’+

12 “‘Na sɛ mfeɛ 70 no ba awieeɛ a,+ mɛma Babilon hene ne saa ɔman no abu wɔn bɔne ho akonta,’*+ Yehowa asɛm nie, ‘na mɛma Kaldeafoɔ asaase no ada mpan na ayɛ amamfo afebɔɔ.+ 13 Mɛma me nsɛm a maka atia saa asaase no nyinaa aba asaase no so, nsɛm a wɔatwerɛ wɔ nwoma yi mu nyinaa, deɛ Yeremia ahyɛ ho nkɔm atia amanaman no nyinaa no. 14 Na aman pii ne ahemfo akɛseɛ+ de me nkurɔfoɔ bɛyɛ nkoa,+ na mɛtua wɔn ka sɛdeɛ wɔn nneyɛɛ ne wɔn nsa ano adwuma teɛ.’”+

15 Na deɛ Yehowa, Israel Nyankopɔn no aka akyerɛ me nie: “Gye abufuo nsã kuruwa a ɛwɔ me nsam yi, na ma aman a meresoma wo wɔn nkyɛn no nyinaa nnom. 16 Na wɔbɛnom na wɔaboro sram na wɔayɛ sɛ abɔdamfoɔ, sekan a mede reba wɔn so no nti.”+

17 Enti megyee kuruwa no firii Yehowa nsam, na memaa aman a Yehowa somaa me wɔn nkyɛn no nyinaa nom bi.+ 18 Mede Yerusalem ne Yuda nkuro+ ne n’ahemfo ne ne mpanimfoɔ bɛfiri aseɛ. Mɛma wɔadane amamfo ne biribi a ɛyɛ hu ne biribi a nkurɔfoɔ bɛtɛɛ wɔn anom ahwɛ* ne abusudeɛ,+ sɛdeɛ ɛteɛ nnɛ yi. 19 Wɔn a wɔdi hɔ ne Egypt hene Farao ne n’asomfoɔ ne ne mpanimfoɔ ne ne manfoɔ nyinaa,+ 20 ne firamanfiramanfoɔ a wɔwɔ wɔn mu no nyinaa; afei Us asaase so ahemfo nyinaa; Filistifoɔ+ asaase so ahemfo nyinaa, Askelon+ hene ne Gasa hene ne Ekron hene ne Asdodfoɔ a aka no hene; 21 afei Edom+ ne Moab+ ne Ammonfoɔ;+ 22 Tiro ahemfo nyinaa ne Sidon ahemfo nyinaa+ ne supɔ a ɛwɔ ɛpo so no ahemfo; 23 afei Dedan+ ne Tema ne Bus ne nnipa a wɔatwitwa wɔn asontorɔm nwi no nyinaa;+ 24 afei Arabiafoɔ ahemfo nyinaa+ ne firamanfiramanfoɔ a wɔtete serɛ so no ahemfo nyinaa; 25 afei Simri ahemfo nyinaa ne Elam+ ahemfo nyinaa ne Mediafoɔ ahemfo nyinaa;+ 26 afei atifi fam ahemfo a wɔbɛn ne wɔn a wɔwɔ akyiri no nyinaa, obiara bɛnom bi, wɔne wiase ahennie a ɛwɔ asaase so nyinaa; sɛ obiara nom wie a, Sesak*+ hene nso bɛnom bi.

27 “Afei ka kyerɛ wɔn sɛ, ‘Deɛ asafo Yehowa, Israel Nyankopɔn no aka nie: “Monnom na mommobo, na momfefe, na monhwehwe ase a montumi nsɔre bio,+ sekan a mede reba mo so no nti.”’ 28 Na sɛ wɔka sɛ wɔrennye kuruwa no wɔ wo nsam nnom a, ka kyerɛ wɔn sɛ, ‘Deɛ asafo Yehowa aka nie: “Mobɛnom! 29 Na hwɛ! kuro a me din da so no mpo na merema mmusuo no afiri aseɛ wɔ hɔ yi,+ na mo na mobɛfa mo ho adi?”’+

“‘Moremfa mo ho nni, ɛfiri sɛ merefrɛ sekan aba asaase sofoɔ nyinaa so,’ asafo Yehowa na aka.

Ɔbɛbobom dendeenden agu n’atenaeɛ no so.

Ɔno ankasa bɛbu nnipa* nyinaa atɛn.+

Na ɔde abɔnefoɔ bɛma sekan,’ Yehowa asɛm nie.

32 Deɛ asafo Yehowa aka nie:

33 “‘Na wɔn a Yehowa bɛkunkum wɔn saa da no bɛgugu hɔ afiri asaase ano akɔpem asaase ano. Wɔrensu wɔn, wɔremmoa wɔn ano, na wɔrensie wɔn nso. Wɔbɛyɛ sɛ sumina* wɔ asaase ani.’

34 Mo, nnwanhwɛfoɔ, monsu na monteateam!