SELEMIA

1 Koʼeni te ʼu folafola ʼa Selemia,* te foha ʼo Ilekisa, ʼae neʼe kau ʼi te kau pelepitelo ʼae neʼe maʼuʼuli ʼi Anatote,+ ʼi te fenua ʼo Pesamino. 2 Neʼe palalau ia Sehova kia ia ʼi te 13 taʼu ʼo te temi pule ʼo te hau ʼo Suta ko Sosiasi,+ te foha ʼo Amone.+ 3 Neʼe toe palalau kia ia ʼi te temi pule ʼo te hau ʼo Suta ko Soakimi,+ te foha ʼo Sosiasi, ʼo kaku ki te fakaʼosi ʼo te 11 taʼu ʼo te temi pule ʼo te hau ʼo Suta ko Setesiasi,+ te foha ʼo Sosiasi, ʼo kaku ki te ʼave popula ʼo te hahaʼi ʼo Selusalemi ʼi te nima mahina.+

4 Neʼe palalau mai ia Sehova ʼo ina ui:

Neʼe au fakanofo koe ko he polofeta ki te ʼu puleʼaga.”

 6 Kae neʼe au ui: “Oie, siʼoku Tuʼi ʼAliki ko Sehova!

ʼE mole au poto ʼi te palalau ki te hahaʼi,+ he ʼe kei au tamasiʼi.”*+

 7 Kae neʼe ui mai e Sehova:

“Tuku tau ui ʼae kei ke tamasiʼi.

9 Neʼe faoʼi leva e Sehova tona nima ʼo fāfā ki toku gutu.+ Pea neʼe ui mai e Sehova: “Neʼe au ʼai ʼaku folafola ki tou gutu.+ 10 Fakalogo, ʼi te ʼaho nei ʼe au tuku atu te pule ki ni hahaʼi mo ni puleʼaga, moʼo taʼaki pea mo taʼaga, moʼo maumauʼi pea mo holoʼi, moʼo laga pea mo to.”+

11 Neʼe toe palalau ia Sehova ʼo ina fehuʼi mai: “Selemia ʼe ke sio kitea?” Neʼe au tali age kia te ia: “ ʼE au sio ki he vaʼa amatie.”*

12 Neʼe ui mai leva e Sehova: “Neʼe tonu tau sio, he ʼe kua au ʼala lelei moʼo fakahoko taku folafola.”

13 Neʼe toe palalau mai ia Sehova ko tona tuʼa lua ʼaia mo fehuʼi mai: “ ʼE ke sio kitea?” Neʼe au tali age kia te ia: “ ʼE au sio ki he kulo ʼe pula, pea ʼe haga tona ava mai te potu noleto ki te potu saute.” 14 Neʼe ui mai leva e Sehova:

Pea ʼe natou tauʼi anai te ʼu kolo fuli ʼo Suta.+

‘ ʼE au nofo mo koe+ moʼou haofaki.’ ”

2 Neʼe palalau mai ia Sehova, ʼo ina ui: 2 “Alu ʼo tala te logo ʼaeni ki te hahaʼi ʼo Selusalemi: ‘Koʼeni te folafola ʼa Sehova:

 3 Neʼe maʼoniʼoni ia Iselaele maʼa Sehova.+ Neʼe ko te ʼu ʼuluaki fua ʼo tana taʼukai.” ’

‘Neʼe lakahala ia natou fuli ʼae neʼe natou faigaʼi ke natou kai.

Neʼe hoko kia natou te malaʼia,’ ko te ui ʼaia ʼa Sehova.”+

 5 Koʼeni te folafola ʼa Sehova:

 8 Neʼe mole feuiʼaki pe la e te kau pelepitelo: ‘ ʼE ʼifea ia Sehova?’+

10 ‘Kae kotou fakalaka ʼi te tai ʼo kaku ki te ʼu matatai* ʼo Kitimi+ mo sisio.

11 Neʼe kua siʼaki koa e he puleʼaga ʼona ʼatua kae atolasio ki ni meʼa ʼe mole ko ni ʼatua?

Kae neʼe fetogi e taku hahaʼi toku kololia ʼaki ni meʼa vaʼiganoa.+

14 ‘Ko Iselaele ʼe ko he tagata faifekau koa peʼe ko he kaugana neʼe tupu ʼi te ʼapi ʼo tona pule?

He koʼe leva ia neʼe kaihaʼa ia ia?

Neʼe natou fakaliliu tona fenua ko he meʼa fakalialia.

Neʼe natou tutu ʼona kolo ʼo mole kei nofoʼi.

16 ʼE kakai ʼi tou ʼulu te hahaʼi ʼo Nofi*+ mo Takepanese.+

Kae neʼe ke ui: “ ʼE mole au tauhi anai kia te koe.”

23 ʼE feafeaʼi hau ui: ‘ ʼE mole au ʼuli au,

Neʼe mole au mulimuli au ʼi te ʼu Paale’?

Sio ki tau aga ʼae neʼe ke fai ʼi te potu fenua laulelei.

Fakakaukauʼi te meʼa ʼae neʼe ke fai.

Ko ai ʼae ʼe ina lava taʼofi moka vela ʼona holi?

ʼE mole kinakina anai ia natou ʼae ʼe natou kumi ia ia.

ʼI te temi ʼo ʼona holi, ʼe natou maʼu anai ia ia.

Kae neʼe ke ui koe: ‘Kailoa, ʼaua naʼa ke fakakinauʼi au!+

27 ʼE natou ui ki he fuʼu ʼakau: ‘Ko koe taku tamai,’+

Pea ki he foʼi maka: ‘Ko koe ʼae neʼe ke fakatupu au.’

Kae neʼe natou lituʼa kia te au mo haga kehe.+

28 Kae kofea te ʼu ʼatua ʼae neʼe ke faʼu?+

29 ‘He koʼe ʼe kotou tukugakoviʼi tuʼumaʼu ia au?

He koʼe ʼe kotou agatuʼu fuli kia te au?’+ ko te ui ʼaia ʼa Sehova.

30 Neʼe au ta ʼokotou foha kae neʼe mole hona ʼuhiga.+

31 Taʼiake, fakakaukauʼi te folafola ʼa Sehova.

ʼE mole matou toe ʼomai anai kio koe’?+

Kae kua fualoa toku ia galoʼi e taku hahaʼi.+

33 Fafine, ʼe ke faiva ʼi te kumi ke ʼofainaʼi koe!

Neʼe ke ako te ʼu kaka ʼo te agakovi.+

Kae ʼe totototo pe tou tapaʼi kofu.+

35 ʼE ke ui koe: ‘ ʼE mole au lakahala.

Lagi kua maliu kehe tona ita ia au.’

36 ʼE mole ke fakakaukau koa koe ʼi tau maʼuli heʼe agatonu?

3 ʼE fai e te hahaʼi te fehuʼi ʼaeni: “Kapau ʼe kapu e he tagata tona ʼohoana pea mavae ia ʼo ʼohoana mo he tahi tagata, ʼe feala koa ke ina toe ʼohoanaʼi?”

ʼE mole ʼulihi katoa koa la te fenua ʼaia?+

 2 “Haga ʼou mata ki te ʼu kiʼi moʼuga lauʼatea mo mamata.

Ko te potu fea ʼae neʼe mole ke momoe ai mo ni tagata?

6 ʼI te temi pule ʼo Sosiasi,+ neʼe ui mai e Sehova: “ ‘Neʼe ke sio koa ki te meʼa ʼae neʼe fai e Iselaele, te fafine heʼe agatonu ʼaia? Neʼe alu ia ki te ʼu moʼuga maʼoluga fuli pea mo te ʼu lalo fuʼu ʼakau fuli ʼae ʼe maʼuli lelei ʼo faiaga ai.+ 7 Kae logope la te ʼu meʼa fuli ʼae neʼe ina fai, neʼe au haga kole kia ia ke toe liliu mai kia te au.+ Kae neʼe mole fia liliu mai ia. Neʼe sioʼi e Suta tona tehina, te fafine kaka ʼaia.+ 8 ʼI taku sio ki ai, neʼe au kapu te Iselaele heʼe agatonu mo he tohi mavete+ ʼuhi ko tana tono.+ Kae neʼe mole mataku pe la tona tehina ko Suta, te fafine kaka ʼaia. Neʼe toe alu ia ʼo faiaga.+ 9 Neʼe ina ui ia ʼe mole kovi tana faiaga. Neʼe ina ʼulihi te fenua pea neʼe tono ʼo atolasio ki ni fuʼu maka mo ni fuʼu ʼakau.+ 10 Logope la te ʼu meʼa fuli ʼae neʼe hoko, neʼe mole toe liliu mai tona tehina kaka ko Suta kia te au ʼaki tona loto katoa, kae neʼe failoi ia,’ ko te ui ʼaia ʼa Sehova.”

11 Pea neʼe ui mai e Sehova: “ ʼE faitotonu age te Iselaele heʼe agatonu ia ʼi te fafine kaka ko Suta.+ 12 Alu ʼo fakaha te ʼu folafola ʼaia ki te potu noleto:+

“ ‘ “Iselaele, fafine kaka, toe liliu mai,” ko te ui ʼaia ʼa Sehova.’+ ‘ “ ʼE mole au sio fakaitaita anai kia koe,+ he ʼe au agatonu,” ko te ui ʼaia ʼa Sehova.’ ‘ “ ʼE mole au lotokovi tuʼumaʼu anai. 13 Ko te meʼa pe ʼe tahi ʼe au kole atu: ke ke iloʼi neʼe ke lakahala he neʼe ke agatuʼu kia Sehova tou ʼAtua. Neʼe ke haga momoe pe mo ni matapule* ʼi te ʼu lalo fuʼu ʼakau fuli ʼae ʼe maʼuli lelei pea neʼe mole ke fakalogo mai kia te au,” ko te ui ʼaia ʼa Sehova.’ ”

14 “ ʼU foha kaka, kotou toe liliu mai,” ko te ui ʼaia ʼa Sehova. “He ʼe ʼi te temi nei, ko au tokotou pule* moʼoni. Pea ʼe au toʼo anai koutou, he tokotahi ʼi te kolo mo he toko lua ʼi he famili pea ʼe au ʼave anai koutou ki Sione.+ 15 ʼE au foaki atu anai ni tagata tauhi ovi ʼe natou mulimuli ki toku finegalo,+ pea ʼe natou fafaga anai koutou ʼaki te ʼatamai malama mo te fakasiosio poto. 16 ʼI te temi ʼaia, ʼe kotou liliu anai ʼo kaugamalie mo tuputupu ʼi te fenua,” ko te ui ʼaia ʼa Sehova.+ “ ʼE mole toe ui anai e he tahi: ‘Te aleka ʼo te fuakava ʼa Sehova!’ ʼE mole toe manatuʼi anai, ʼe mole toe hake anai ʼi te loto, ʼe mole toe palalauʼi anai pea ʼe mole toe faʼu anai he tahi age. 17 ʼI te temi ʼaia, ʼe fakahigoaʼi anai ia Selusalemi ko te hekaʼaga fakahau ʼo Sehova.+ Pea ʼe fakatahitahi fuli anai te ʼu puleʼaga ʼo vikiʼi te huafa ʼo Sehova ʼi Selusalemi.+ Pea ʼe mole natou toe mulimuli anai ki ʼonatou holi kovi.”

18 “ ʼI te temi ʼaia, ʼe haʼele fakatahi anai te hahaʼi ʼo Suta mo te hahaʼi ʼo Iselaele+ pea ʼe natou ʼomai fakatahi anai mai te fenua ʼo te potu noleto. Pea ʼe natou ulu anai ki te fenua ʼae neʼe au foaki ki ʼakotou kui ko he tofiʼa.+ 19 Neʼe au ui: ‘Neʼe au fiafia ʼosi ʼi taku fakaʼuhiga koe ko toku foha* pea ʼi taku foaki atu he fenua ʼe matalelei, he tofiʼa ʼe taulekaleka age ʼi te ʼu puleʼaga!’+ Neʼe au toe manatu foki, ʼe ke fakahigoaʼi anai au, ‘Taku Tamai!’ pea ʼe ke mulimuli tuʼumaʼu anai ia te au. 20 ‘Hahaʼi ʼo Iselaele, neʼe ke kakaʼi au ohage ko he fafine ʼe ina kakaʼi tona ʼohoana pea mo ina liʼaki,’+ ko te ui ʼaia ʼa Sehova.”

22 “ ʼU foha kaka, kotou toe liliu mai.

ʼE au fakamalolo anai koutou ʼi ʼakotou manatu kaka.”+

23 ʼE mahino ia, ʼe ko he kaka te logoaʼa ʼae ʼi te ʼu kiʼi moʼuga mo te ʼu moʼuga.+

Ko Sehova totatou ʼAtua ʼae ka ina haofaki moʼoni ia Iselaele.+

3 Koʼeni te folafola ʼa Sehova ki te ʼu tagata ʼo Suta pea mo te hahaʼi ʼo Selusalemi:

 5 Kotou tala ki Suta mo fakaha ki Selusalemi.

Kotou kalaga mo pupuhi te fakatagi pupuhi ʼi te fenua katoa.+

 6 Kotou fakatuʼu he pou fakailoga ki te ala ʼo Sione.

Kotou kumi he nonoʼaga pea ʼaua naʼa kotou tuʼu,”

He ʼe au fekauʼi mai te potu noleto he malaʼia,+ he toe maumau lahi.

Neʼe mavae mai tona nonoʼaga moʼo fakaliliu tou fenua ko he meʼa fakaʼofaʼofa.

ʼE maumauʼi anai ʼou kolo pea ʼe mole toe nofoʼi anai e he tahi.+

10 Neʼe au ui leva: “Oie, siʼoku Tuʼi ʼAliki ko Sehova! Neʼe ke kakaʼi te hahaʼi ʼaeni+ pea mo te hahaʼi ʼo Selusalemi. Neʼe ke ui: ‘ ʼE kotou maʼuʼuli anai ʼi te tokalelei,’+ kae koʼeni kua vave matehi pe matou ʼaki te heleta.”

11 ʼI te temi ʼaia, ʼe ui anai ki te hahaʼi ʼaia mo te hahaʼi ʼo Selusalemi:

12 ʼE haʼu te tuʼani matagi mai te ʼu potu ʼaia ʼo mulimuli ki taku fakatotonu.

ʼI te temi nei, ʼe au fakaha anai ni fakamau ʼo ʼuhiga mo koutou.

ʼE gaholo age ʼana hosi ʼi te ʼu akuila.+

Malaʼia kia tatou he ʼe kua tou vave pupuli!

14 Selusalemi, toʼo te agakovi ʼae ʼi tou loto ke maʼa pea ke haofaki ai koe.+

ʼE kaku anai ki ʼafea tau nofo mo ni fakakaukau kovi?

18 “ ʼE fua kovi anai tau aga mo ʼau gaue.+

19 Oie, ʼi fakamataku leva!

ʼE au logoʼi he toe mamahi ʼi toku mafu.

ʼE kua ta vave toku mafu.

ʼE ko ni foha lotonoa, ʼe mole natou fakakaukau ki he meʼa.

23 Neʼe au sioʼi te fenua, pea koʼeni neʼe lavaki pea mo liʼakina.+

Neʼe au sioʼi te lagi pea kua puli tona malama.+

30 ʼI te temi nei ʼae kua maumauʼi ai koe, kotea ʼae ka ke fai?

ʼE ina faoʼi ʼona nima mo ui:+

“Malaʼia kia au, he kua au gaʼegaʼe ʼuhi ko te kau faifakapo.”

5 Kotou olo ʼi te ʼu ala ʼo Selusalemi.

Kotou sioʼi fakalelei ʼokotou tafaʼaki.

 2 Tatau aipe pe ʼe natou ui: “ ʼE au fakapapau ia muʼa ʼo Sehova, te ʼAtua maʼuli!”

Kae ʼe natou fai ni fakapapau loi.+

 3 Sehova e, ʼe mole ke kumi koa la te agatonu?+

Neʼe ke ta natou, kae neʼe mole hona fua.

Neʼe teitei pe ke ke pulihi ia natou fuli, kae neʼe mole natou tokagaʼi pe la te fakatonutonu.+

 4 Kae neʼe au ui: “ ʼE mahino ia ko ni hahaʼi neʼe mole ako.

ʼE hae liki ia natou fuli ʼae ʼe hu mai ki tuʼa,

 7 ʼE feafeaʼi anai haku fakamolemole te meʼa ʼae neʼe ke fai?

 9 ʼE ui e Sehova: “ ʼE mole tonu koa la ke au fakatuʼā ia natou ʼuhi ko te ʼu meʼa fuli ʼaia?

ʼE mole tonu koa la ke au lagavaka ki te taʼi puleʼaga ʼaia?”+

Ke natou liliu ko ni meʼa noa!”

14 Koʼeni te folafola ʼa Sehova, te ʼAtua ʼo te ʼatu kautau:

15 ʼE ui e Sehova: “Hahaʼi ʼo Iselaele, ʼe au fekauʼi mai anai he puleʼaga mai mamaʼo ke haʼu ʼo tauʼi koe.+

Ko he puleʼaga ʼe tuʼu talu mai fualoa.

17 ʼE natou kai anai tau taʼukai mo tau pane.+

ʼE natou kai anai ʼau tama mo ʼau taʼahine.

ʼE natou kai anai ʼau pipi mo ʼau ovi.

ʼE natou kai anai ʼau gaueʼaga vite mo ʼau fuʼu fiku.

ʼE natou maumauʼi anai ʼaki te heleta ʼou kolo tau ʼae ʼe ke falala ki ai.”

18 “Maʼiape la ʼi te temi ʼaia,” ko te ui ʼaia ʼa Sehova, “ ʼe mole au pulihi fuli anai koutou.+ 19 Pea kapau ʼe natou fehuʼi: ‘He koʼe neʼe fai e Sehova tomatou ʼAtua ia meʼa fuli ʼaia?’ ʼe tonu anai ke ke tali age kia natou: ‘Ohage pe ko takotou liʼaki au kae kotou tauhi ki he ʼatua matapule ʼi tokotou fenua, ʼe kotou tauhi anai ni matapule ʼi he fenua ʼe mole ko tokotou fenua.’ ”+

21 “Kotou fagono, hahaʼi agavale mo hala ʼatamai:+

24 Pea ʼe mole natou ui natou:

26 ʼE maʼu ni tagata agakovi ʼi taku hahaʼi.

ʼE natou lamalama ohage ko ni tagata puke manulele ʼe sisike.

ʼE natou fakatuʼu he hele ʼe fakatupu mate

Moʼo puke ni tagata.

Koia ʼae neʼe natou liliu ai ʼo malolohi mo maʼu koloa.

29 ʼE ui e Sehova: “ ʼE mole tonu koa la ke au fakatuʼā ia natou ʼuhi ko te ʼu meʼa fuli ʼaia?

ʼE mole tonu koa la ke au lagavaka ki te taʼi puleʼaga ʼaia?

30 Neʼe hoko he meʼa fakamataku mo fakalialia ʼi te fenua:

Pea ʼe leleiʼia e taku hahaʼi ke feia.+

Kae kotea ʼae ka kotou fai moka hoko mai te fakaʼosi?”

6 Telepi ʼo Pesamino, ke ke hola mamaʼo mai Selusalemi ke ke hao ai!

ʼE hoko mai he malaʼia, he toe maumau mai te potu noleto.+

 2 ʼE hage te taʼahine ʼo Sione* ko he fafine finelelei mo fakaʼeteʼete.+

 3 ʼE ʼomai anai te ʼu tagata tauhi ovi mo ʼanatou faga manu.

 4 “Kotou teuteu ʼo tauʼi ia ia!

Tutuʼu ake, ʼe tou tauʼi anai ʼi te fetapa!”

 6 Koʼeni te folafola ʼa Sehova ʼo te ʼatu kautau:

“Kotou tuʼusi te ʼakau pea kotou laga he kaupa moʼo tauʼi ʼo Selusalemi.+

 9 Koʼeni te folafola ʼa Sehova ʼo te ʼatu kautau:

“ ʼE tae anai ia meʼa fuli ʼae ʼe toe ʼi Iselaele, ohage ko te tuʼusi ʼo te ʼu fuhiga vite fakaʼosi ʼo he gaueʼaga vite.

ʼE tonu anai ke ke toe tanaki ohage ko he tagata toli vite ʼi te ʼu gaueʼaga vite.”

10 “ ʼE au palalau anai kia ai? ʼE au fakatokaga anai ia ai?

Ko ai ʼae ka fakalogo mai?

Koʼeni, kua pupunu ʼonatou taliga ʼo mole feala ai ke natou tokagaʼi.+

He ʼe au faoʼi anai toku nima moʼo fakatuʼā te hahaʼi ʼo te fenua,” ko te ui ʼaia ʼa Sehova.

Kae ʼe mole maʼu te tokalelei.+

15 ʼE natou ufiufi koa ʼi te ʼu meʼa fakalialia ʼae neʼe natou fai?

Kailoa ia, ʼe mole natou ufiufi!

ʼE mole natou iloʼi pe la pe ʼe kotea te ufiufi!+

Koia ʼae ʼe natou fetoki anai ohage pe ko natou ʼae kua ʼosi fetoki.

Ka au fakatuʼā natou, ʼe natou tukia anai,” ko te ui ʼaia ʼa Sehova.

16 Koʼeni te folafola ʼa Sehova:

“Kotou tutuʼu ʼi te magafa mo sisio,

Kae ʼe natou tali: “Kailoa, ʼe mole matou olo ai anai.”+

Kae neʼe natou tali: “Kailoa, ʼe mole matou tokagaʼi anai.”+

18 “Koia, ʼu puleʼaga, kotou fagono!

19 Kele, fagono!

Pea ʼe mole au fiafia ʼi ʼakotou sakilifisio.”+

21 Koia koʼeni te folafola ʼa Sehova:

22 Koʼeni te folafola ʼa Sehova:

23 ʼE natou toʼo anai te nahau pea mo te savelo.

ʼE natou agafekai pea ʼe mole natou ʼoʼofa tuʼa tahi anai.

ʼE natou fakaʼatu ki te tau ohage ko he foʼi tokotahi moʼo tauʼi ʼo koe, siʼi taʼahine ʼo Sione.”

24 Neʼe matou logo ki te fakamatala ʼo ʼuhiga mo natou.

29 Kua vela te meʼa tavili afi.

Ko te pulu ʼae ʼe haʼu mai te afi.

7 Koʼeni te ʼu folafola ʼae neʼe ui e Sehova kia Selemia: 2 “Ke ke tuʼu ʼi te matapa ʼo te fale ʼo Sehova, pea ke kalagaʼi te logo ʼaeni: ‘Kotou fagono ki te logo ʼa Sehova ia koutou fuli, hahaʼi ʼo Suta ʼae ʼe fehufi ʼi te ʼu matapa ʼaeni ʼo tulolo ia muʼa ʼo Sehova. 3 Koʼeni te folafola ʼa Sehova ʼo te ʼatu kautau, te ʼAtua ʼo Iselaele: “Kotou fetogi takotou aga mo ʼakotou gaue, pea ʼe au fakagafua anai ke hoko atu takotou nonofo ʼi te fenua ʼaeni.+ 4 ʼAua naʼa kotou falala ki ni palalau kaka pea ʼaua naʼa kotou ui: ‘Ko te fale lotu ʼo Sehova, ko te fale lotu ʼo Sehova, ko te fale lotu ʼo Sehova!’+ 5 Kotou fetogi moʼoni takotou aga mo ʼakotou gaue. Kotou tokaga lelei ʼo fakahoko te faitotonu moka kotou fakamauʼi ni tagata.+ 6 ʼAua naʼa kotou gaohi koviʼi te kau matapule, te ʼu fanau hala mo tamai pea mo te ʼu fafine vitua.+ ʼAua naʼa kotou liligi te toto ʼo natou ʼae neʼe mole natou fai he meʼa ʼe kovi ʼi te fenua ʼaeni. ʼAua naʼa kotou fakatupu tokotou malaʼia ʼi takotou fakalogo ki ʼihi ʼatua.+ 7 Pea ʼe hoki au fakagafua leva ke hoko atu takotou nonofo ʼi te fenua ʼaeni, te fenua ʼaeni neʼe au foaki ki ʼakotou kui ʼo talu ai.” ’ ”*

8 “Kae ʼe kotou falala koutou ki ni palalau kaka,+ ʼe mole anai hona ia ʼuhiga. 9 ʼE kotou kaihaʼa,+ ʼe kotou faifakapo, ʼe kotou tono, ʼe kotou fai ni fakapapau loi,+ ʼe kotou momoli ni sakilifisio kia Paale+ pea ʼe kotou fakalogo ki ni ʼatua neʼe mole kotou iloʼi pe la. 10 ʼI takotou manatu la, ʼe feala koa ke kotou fai te ʼu meʼa fakalialia fuli ʼaia pea kotou ʼomai leva ʼo tutuʼu ʼi ʼoku muʼa ʼi te ʼapi ʼaeni ʼe tuʼu ai toku huafa pea mo ui: ‘ ʼE haofaki anai matou’? 11 ʼE kotou fakaʼuhiga koa koutou te ʼapi ʼaeni ʼe tuʼu ai toku huafa ko he ʼana ʼo te kau kaihaʼa?+ Ko te meʼa ʼaia neʼe au tokagaʼi,” ko te ui ʼaia ʼa Sehova.

12 “ ‘Kae kotou olo la ki Silo,+ ki toku sagatualio, ʼae neʼe au fakatuʼu ki ai toku huafa ʼi te temi muʼa.+ Pea kotou sisio ki te meʼa ʼae neʼe au fakahoko ki ai ʼuhi ko te agakovi ʼo taku hahaʼi ko Iselaele.+ 13 Kae neʼe mole kotou tuku pe la takotou fai te ʼu meʼa fuli ʼaia,’ ko te ui ʼaia ʼa Sehova. ‘Neʼe au palalau liuliuga atu kia koutou, kae neʼe mole kotou fakalogo mai pe la.+ Neʼe au pauʼi tuʼumaʼu koutou, kae neʼe mole kotou fia tali mai pe la.+ 14 Koia ko te meʼa ʼae neʼe au fakahoko ki Silo,+ ʼe au toe fakahoko pe anai ki te ʼapi ʼae ʼe tuʼu ai toku huafa,+ te ʼapi ʼaeni ʼe kotou falala ki ai,+ pea mo te koga meʼa ʼaeni neʼe au foaki atu maʼa koutou pea mo ʼakotou kui. 15 ʼE au kapu anai koutou ʼi ʼoku muʼa ohage ko taku kapu ʼokotou tehina fuli, te hologa katoa ʼo Efalaimi.’+

16 “Kae kia koe, ʼaua naʼa ke hufakiʼi te hahaʼi ʼaeni. ʼE mole he ʼuhiga ʼo tau kole tokoni mai, peʼe ko tau faikole mai, peʼe ko tau kole mamahi mai ʼo ʼuhiga mo natou,+ he ʼe mole au fakalogo atu anai.+ 17 ʼE mole ke sio koa koe ki te ʼu meʼa ʼae ʼe natou fai ʼi te ʼu kolo ʼo Suta pea mo te ʼu ala ʼo Selusalemi? 18 ʼE tae fafie te ʼu tama, ʼe tafu te afi e te ʼu tamai pea ʼe natu e te ʼu fafine te falena moʼo fai ni keke ke natou momoli ko he sakilifisio ki te Fineʼaliki ʼo Te Lagi.*+ Pea ʼe natou liligi ni molaga meʼa inu ki ʼihi ʼatua moʼoku fakamamahiʼi.+ 19 ‘Kae ko au koa ʼae ʼe natou fakamamahiʼi?’ ko te ui ʼaia ʼa Sehova. ‘Kailoa ia, ko natou totonu pe, pea ʼe natou ufiufi aipe.’+ 20 Koʼeni te folafola ʼa te Tuʼi ʼAliki ko Sehova: ‘Kotou fagono, ʼe au fakato anai toku hauhau ki te fenua ʼaeni,+ ki te ʼu tagata pea mo te ʼu manu, ki te ʼu fuʼu ʼakau ʼo te fenua pea mo te ʼu fua ʼo te kele. ʼE kakaha anai toku hauhau ohage ko he afi pea ʼe mole feala anai ke matehi.’+

21 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘Kotou hilifaki ʼakotou holokoseta ki ʼakotou sakilifisio ʼae, pea kotou kai tonu te kanoʼi manu.+ 22 ʼI te ʼaho ʼae neʼe au fakamavae ai ʼakotou kui ʼi Esipito, neʼe mole au tala age peʼe fakatotonu age he meʼa ʼo ʼuhiga mo te ʼu holokoseta pea mo te ʼu sakilifisio.+ 23 Kae neʼe au foaki age te fakatotonu ʼaeni: “Kotou fakalogo mai kia te au, pea ʼe au liliu anai ko tokotou ʼAtua pea ʼe kotou liliu anai ko taku hahaʼi.+ ʼE tonu anai ke kotou mulimuli lelei ki te ala ʼae ka au fakaha atu ke fua lelei meʼa fuli kia koutou.” ’+ 24 Kae neʼe mole pe la natou fakalogo peʼe tokaga mai.+ Neʼe natou mulimuli pe ki te ala ʼo ʼanatou fakatuʼutuʼu kaka. Neʼe natou uigataʼa ʼo mulimuli ki ʼonatou holi kovi.+ Pea neʼe mole natou laka ki muʼa, kae neʼe natou holomuli. 25 Neʼe feia pe tanatou aga talu mai te ʼaho ʼae neʼe mavae ai ʼakotou kui ʼi Esipito ʼo kaku mai ki te ʼaho nei.+ Neʼe au fekauʼi tuʼumaʼu kia natou ʼaku polofeta fuli, ʼei, neʼe au fekauʼi liuliuga natou ʼi te ʼaho fuli.+ 26 Kae neʼe mole fia fakalogo mai te hahaʼi ʼaia pea mo tokaga mai.+ Neʼe natou uigataʼa ʼo kovi age tanatou aga ʼi ʼanatou kui!

27 “ ʼE ke tala anai kia natou te ʼu folafola fuli ʼaia,+ kae ʼe mole natou fakalogo atu anai. ʼE ke pauʼi anai natou, kae ʼe mole natou tali atu anai. 28 Pea ʼe ke tala age anai kia natou: ‘Koʼeni te puleʼaga ʼae neʼe mole fakalogo kia Sehova tona ʼAtua pea neʼe mole ina tokagaʼi te fakatonutonu. ʼE mole kei natou palalau ʼo ʼuhiga mo te agatonu, kua puli ia.’+

29 “Tele tou lauʼulu ʼae neʼe heʼeki kosi* pea ke siʼaki. Alu ki te ʼu kiʼi moʼuga lauʼatea pea ke hiva leʼo lahi ai he tagilaulau.* Kua liʼaki e Sehova te taʼiake ʼaeni neʼe tupu ai tona hauhau pea ʼe lituʼa anai kia natou. 30 ‘Neʼe fai e te hahaʼi ʼo Suta te meʼa ʼae ʼe kovi ki ʼoku mata,’ ko te ui ʼaia ʼa Sehova. ‘Neʼe natou fakatuʼu ʼanatou fakatata fakalialia ʼi te ʼapi ʼae ʼe tuʼu ai toku huafa moʼona ʼulihi.+ 31 Neʼe natou laga te ʼu faʼahi maʼoluga ʼi Tofete,* ʼi te potu fenua lauveliveli ʼae ko Te Foha ʼo Hinome*+ ke tutu ai ʼonatou foha mo ʼonatou ʼofafine.+ Kae neʼe mole au fakatotonu te faʼahi ʼaia pea neʼe heʼeki au manatu pe la ki ai.’+

32 “ ʼE ui e Sehova: ‘Koia, kotou fagono! ʼE hoko mai anai he ʼaho ʼe mole toe fakahigoaʼi ko Tofete peʼe ko te potu fenua lauveliveli ʼo Te Foha ʼo Hinome,* kae ʼe fakahigoaʼi anai ko te Potu Fenua ʼo Te Mātea. ʼE tanu anai te ʼu mate ʼi Tofete ʼo kaku ki te mole kei maʼu he koga meʼa.+ 33 ʼE kai anai e te ʼu manulele pea mo te ʼu manu ʼo te vao te ʼu sino mate ʼo te hahaʼi ʼaia pea ʼe mole haʼu anai he tahi ʼo fakamatakuʼi natou.+ 34 ʼE au fakagata anai te ʼu kalaga fakafiafia ʼi te ʼu kolo ʼo Suta pea mo te ʼu ala ʼo Selusalemi. ʼE mole toe logo anai ki te leʼo ʼo te tagata ʼohoana peʼe ko te leʼo ʼo te fafine ʼohoana he ʼe kua maumauʼi te fenua.’ ”+

8 ʼE ui e Sehova: “ ʼI te temi ʼaia, ʼe toʼo mai anai ki tuʼa te ʼu hui ʼo te ʼu hau ʼo Suta mai ʼonatou fale maka, mo te ʼu hui ʼo ʼona tama ʼaliki, mo te ʼu hui ʼo te kau pelepitelo, mo te ʼu hui ʼo te kau polofeta pea mo te ʼu hui ʼo te hahaʼi ʼo Selusalemi. 2 Pea ʼe fola anai ʼi muʼa ʼo te laʼa, ʼi muʼa ʼo te mahina pea ʼi muʼa ʼo te foʼi kautau katoa ʼo te ʼatu lagi,* ʼae neʼe leleiʼia mo tauhi ki ai te hahaʼi, ʼae neʼe natou mulimuli ki ai mo kumi, ʼae neʼe natou tulolo ki ai.+ ʼE mole tanaki anai mo tanu te ʼu hui ʼaia. ʼE liliu anai ko he meʼa fakagako kele.”+

3 Koʼeni te folafola ʼa Sehova ʼo te ʼatu kautau: “ ʼI te ʼu koga meʼa fuli ʼae ʼe au fakamavetevete ai te toe ʼo te famili agakovi ʼaeni, ʼe natou leleiʼia age anai te mate ʼi te maʼuli.”

4 “ ʼE tonu anai ke ke tala age kia natou: ‘Koʼeni te folafola ʼa Sehova:

“ ʼE mole toe tutuʼu ake anai koa ia natou ʼae ka fetoki?

Kapau ʼe toe fia liliu mai he tahi, ʼe mole toe liliu mai anai koa mo ia ʼae?

 5 He koʼe ʼe hoko atu pe te heʼe agatonu ʼa te hahaʼi ʼaeni, te hahaʼi ʼo Selusalemi?

 6 Neʼe au tokagaʼi mo logo, kae ʼe mole moʼoni ʼanatou palalau.

Neʼe mole fakahemala pe la he tagata ʼi tana agakovi peʼe ina ui: ‘Kotea ʼae neʼe au fai?’+

ʼE natou tahi fai pe ohage ko natou fuli ʼae, ohage ko te ʼoho ʼa he hosi ki te tau.

Kae ko taku ia hahaʼi ʼe mole mahino pe la ki te fakatuʼā ʼae neʼe tala e Sehova.” ’+

 8 ‘ ʼE lava feafeaʼi hakotou ui: “ ʼE matou maʼu te poto mo te lao* ʼa Sehova”?

Neʼe fakaʼaogaʼi pe te peni* kaka+ ʼa te kau sikalaipe moʼo tohi ni loi.

 9 Neʼe ufiufi te kau poto.+

Neʼe natou tekelili pea ʼe puke anai natou.

Kae ʼe mole maʼu te tokalelei.+

12 ʼE natou ufiufi koa ʼi te ʼu meʼa fakalialia ʼae neʼe natou fai?

Kailoa ia, ʼe mole natou ufiufi!

ʼE mole natou iloʼi pe la pe ʼe kotea te ufiufi!+

Koia ʼae ʼe natou fetoki anai ohage pe ko natou ʼae kua ʼosi fetoki.

Ka au fakatuʼā natou, ʼe natou tukia anai,’+ ko te ui ʼaia ʼa Sehova.

13 ʼE ui e Sehova: ‘ ʼE au matehi anai natou moka au fakatahiʼi.

ʼE mole toe maʼu anai he foʼi vite ʼi te fuʼu vite, peʼe ko he foʼi fiku ʼi te fuʼu fiku, ʼe fefe anai te ʼu lau.

Pea ʼe puli anai te ʼu meʼa ʼae neʼe au foaki age.’ ”

14 “He koʼe ʼe tou heheka ʼi heni?

Tou fakatahitahi pea tou ulu ki te ʼu kolo tau+ ke tou mamate ai,

16 ʼE logo te manava ʼa te ʼu hosi ʼo te fili mai Tane.

“ ʼE mole nofo koa la ia Sehova ʼi Sione?

Pe ʼe mole nofo koa la te hau ʼo Sione ʼi ai?”

Kua au mataku.

22 ʼE mole ʼi ai koa he lolo magoni ʼi Kileate?+

Peʼe mole ʼi ai koa he tahi ʼi ai ke ina faitoʼo?*+

He koʼe ʼe mole fakamalolo te taʼahine ʼo taku hahaʼi?+

 2 Oie, ka na pau la neʼe au iloʼi ʼe ʼi ai he nofoʼaga maʼa te kau faifolau ʼi te toafa,

Neʼe natou akoʼi tonatou ʼalelo ke loi.+

Kua natou fiu ʼi te fai ʼo te meʼa ʼae ʼe kovi.

 6 ʼE ke maʼuli ʼi te lotolotoiga ʼo te hahaʼi kaka.

Neʼe mole natou fia iloʼi ia au ʼuhi ko ʼanatou kaka,” ko te ui ʼaia ʼa Sehova.

 7 Koia, koʼeni te folafola ʼa Sehova ʼo te ʼatu kautau:

 8 ʼE hage ʼonatou ʼalelo ko he kauʼi nahau fakatupu mate ʼe ina tala ni loi.

 9 ʼE ui e Sehova: “ ʼE mole tonu koa la ke au fakatuʼā ia natou ʼuhi ko te ʼu meʼa fuli ʼaia?

ʼE mole tonu koa la ke au lagavaka ki te taʼi puleʼaga ʼaia?+

Kua feholaki te ʼu manulele pea mo te ʼu manu ʼo te vao, kua olo ia.+

12 Ko ai ʼae ʼe feʼauga tona poto ke mahino ki te faʼahi ʼaia?

Kapau neʼe palalau ia Sehova kia ia, ke ina fakaha!

He koʼe kua maumau te fenua?

13 Neʼe tali leva e Sehova: “Koteʼuhi neʼe natou liʼaki te lao* ʼae neʼe au foaki age, neʼe mole natou fakaʼapaʼapa ki ai pea neʼe mole natou fakalogo kia te au. 14 Kae neʼe uigataʼa natou ʼo mulimuli ki ʼonatou holi kovi.+ Neʼe natou atolasio ki te ʼu fakatata ʼo Paale ohage ko tona akoʼi age e ʼanatou tamai.+ 15 Koia, koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘ ʼE au fafaga anai te hahaʼi ʼaeni ʼaki te apiseneto* pea ʼe au fakainu anai ʼaki he vai kona.+ 16 ʼE au fakamavetevete anai natou ʼi te ʼu puleʼaga ʼae neʼe mole natou iloʼi mo ʼanatou kui,+ pea ʼe au uga anai ʼonatou fili ke natou tuli natou ʼo kaku ki taku pulihi natou.’+

19 Neʼe logo mai he tagilaulau mai Sione:+

“ ʼI toe malaʼia leva ʼae neʼe hoko kia tatou!

ʼI toe ufiufi leva!

Neʼe tou mavae ʼi te fenua pea neʼe natou maumauʼi ʼotatou ʼapi.”+

20 ʼU fafine, kotou fagono ki te folafola ʼa Sehova.

Ke mahino ʼokotou taliga ki te folafola ʼae ʼe haʼu mai ia te ia.

22 Ke ke tala: ‘Koʼeni te folafola ʼa Sehova:

23 Koʼeni te folafola ʼa Sehova:

24 “Kae ko ia ʼae ʼe laupisi,

25 ʼE tala e Sehova: “Kotou fakalogo! ʼE hoko mai anai he ʼaho ʼe au fakamauʼi ai ia natou fuli ʼae kua silikosisioʼi, kae ʼe natou heʼe silikosisio,+ 26 ia Esipito,+ mo Suta,+ mo Etome,+ mo te kau Amone+ pea mo Moape,+ ʼo toe feia pe mo natou fuli ʼae neʼe tuʼusi ʼonatou lauʼulu ki ʼonatou niania mo nonofo ʼi te toafa.+ Ko te ʼu puleʼaga fuli ʼaia ʼe heʼe silikosisio pea ko te hahaʼi fuli ʼo Iselaele ʼe heʼe silikosisio ʼonatou loto.”+

10 Hahaʼi ʼo Iselaele, kotou fakalogo ki te fakatuʼā ʼae neʼe tala e Sehova ʼo ʼuhiga mo koutou. 2 Koʼeni te folafola ʼa Sehova:

 3 ʼE mole he ʼuhiga ʼo te ʼu agaʼi fenua ʼa te hahaʼi.

 6 Sehova e, ʼe mole he tahi ʼe tatau mo koe.+

ʼE ke lahi pea ʼe maʼuhiga tou huafa ʼo ha ai tou mafimafi.

 8 ʼE natou agavale fuli, ʼe mole natou fakakaukau pe la.+

ʼE natou tuku ke akoʼi natou e he fuʼu ʼakau. ʼI fakaʼofaʼofa leva!+

ʼE fai te ʼu teu ʼo te ʼu taula ʼatua ʼaki te filo ʼuʼui pea mo te fuluʼi akeno huʼa lotuma fakapoʼuli.

ʼE faʼu te ʼu taula ʼatua fuli ʼaia e ni tagata tufuga faiva.

10 Kae ko Sehova ia ko te ʼAtua moʼoni.

Ko te ʼAtua ʼe maʼuli+ pea ko te Hau heʼe gata.+

11* ʼE kotou fakaha anai kia natou:

14 ʼE agavale mo hala ʼatamai te tagata fuli pe.

15 Ko ni gaue ʼe vaʼi anai, ʼe mole honatou ʼuhiga.+

ʼE pupuli anai ʼi te ʼaho ʼae ka fakamauʼi ai natou.

Ko tona huafa ko Sehova ʼo te ʼatu kautau.+

18 Koʼeni te folafola ʼa Sehova:

19 Malaʼia kia au he ʼe au mahaki!*+

ʼE mole feala ke faitoʼo toku lavea.

Pea neʼe au ui: “ ʼE tonu ke au katakiʼi, ko toku mahaki ʼaia.

20 Kua maumauʼi toku fale la pea kua motumotu ʼona maea fuli.+

Kua mavae ʼaku tama pea kua natou pupuli.+

ʼE mole kei ʼi ai he tahi ke ina fakatuʼu toku fale la peʼe faoʼi ʼoku la.

22 Fagono! Ko he logo ʼe tau mai.

23 Sehova e, ʼe au iloʼi lelei pe ʼe mole feala ki te tagata ke ina maʼu tokotahi tona ala.

ʼE mole feala ki te tagata ʼae ʼe haʼele ke ina takitaki ʼona lakaʼaga.+

11 Koʼeni te folafola ʼa Sehova kia Selemia. Neʼe ina ui age: 2 “Ke fagono te hahaʼi fuli ki te ʼu kupu ʼo te fuakava ʼaeni!

“Ke ke* fakaha ki te ʼu tagata ʼo Suta pea mo te hahaʼi ʼo Selusalemi. 3 Tala age kia natou: ‘Koʼeni te folafola ʼa Sehova, te ʼAtua ʼo Iselaele: “Malaʼia ki te tagata ʼae ʼe mole fakalogo ki te ʼu kupu ʼo te fuakava ʼaeni,+ 4 ʼae neʼe au fakatotonu ki ʼakotou kui ke natou fakaʼapaʼapa ki ai ʼi te ʼaho ʼae neʼe au fakamavae ai natou mai Esipito,+ mai te gutuʼumu haka ukamea.+ Neʼe au ui age kia natou: ‘Kotou fakalogo mai kia te au mo fai te meʼa ʼae ʼe au fakatotonu atu. Pea ʼe kotou liliu anai ko taku hahaʼi, pea ʼe au liliu anai ko tokotou ʼAtua,+ 5 ke au fakahoko ai te fakapapau ʼae neʼe au fai ki ʼakotou kui. Neʼe au fakapapau ʼe natou nonofo anai ʼi te fenua ʼae ʼe tafe ai te huʼa pipi mo te meli.+ ʼE mole koia koa la ʼae ʼe hoko ʼi te ʼaho nei?’ ” ’ ”

Pea neʼe au tali leva: “Sehova e, Ameni!”*

6 Pea neʼe toe ui mai e Sehova: “Kalaga ʼi te ʼu kolo ʼo Suta pea ʼi te ʼu ala ʼo Selusalemi te ʼu folafola fuli ʼaeni: ‘Kotou fakalogo ki te ʼu kupu ʼo te fuakava ʼaia, pea kotou maʼuliʼi. 7 Talu mai te ʼaho ʼae neʼe au fakamavae ai ʼakotou kui mai Esipito ʼo kaku mai ki te ʼaho nei, neʼe au fakatokagaʼi natou. Neʼe au faiga tuʼumaʼu pe ke au fakalotoʼi natou, ʼo ui age: “Kotou fakalogo mai kia te au.”+ 8 Kae neʼe mole natou fakalogo peʼe tokaga mai. Neʼe natou uigataʼa pe mo mulimuli ki ʼonatou holi kovi.+ Koia neʼe au fakahoko ai kia natou ia meʼa fuli ʼae neʼe tohi ʼi te fuakava ʼae neʼe au fakatotonu ke natou fakaʼapaʼapa ki ai, pea neʼe mole natou fia maʼuliʼi.’ ”

9 Pea neʼe ui mai e Sehova: “Neʼe logo tahi te ʼu tagata ʼo Suta pea mo te hahaʼi ʼo Selusalemi ke natou agatuʼu kia te au. 10 Neʼe natou toe fai pe te ʼu hala ʼae neʼe fai e ʼanatou kui ʼi te temi muʼa, ʼi tanatou mole fia fakalogo ki ʼaku folafola.+ Neʼe natou toe fakalogo mo tauhi ki ʼihi ʼatua.+ Neʼe maumauʼi e te hahaʼi ʼo Iselaele mo te hahaʼi ʼo Suta te fuakava ʼae neʼe au fai mo ʼanatou kui.+ 11 Koia koʼeni te folafola ʼa Sehova: ‘ ʼE au fakato anai he malaʼia kia natou+ pea ʼe mole hao anai he tahi. Ka natou kole tokoni mai, ʼe mole au fakalogo anai.+ 12 ʼE haga anai te ʼu kolo ʼo Suta pea mo te hahaʼi ʼo Selusalemi ki te ʼu ʼatua ʼae ʼe natou momoli ki ai ni sakilifisio, pea ʼe natou kole tokoni anai kia natou.+ Kae ʼe mole feala tuʼa tahi anai ki te ʼu ʼatua ʼaia ke natou haofaki natou ʼi te temi mamahi. 13 Suta, kua kaugamalie ʼou ʼatua ohage pe ko te lahi ʼo ʼou kolo. Pea ohage pe ko te lahi ʼo te ʼu ala ʼi Selusalemi, kua lahi mo te ʼu ʼaletale ʼae neʼe ke laga ki te meʼa fakaufiufi,* te ʼu ʼaletale moʼo momoli ni sakilifisio kia Paale.’+

14 “Kae kia koe,* ʼaua naʼa ke hufakiʼi te hahaʼi ʼaeni. ʼAua naʼa ke kole tokoni mai peʼe ke faikole ʼo ʼuhiga mo natou,+ he ʼe mole au fakalogo anai moka natou lauga ʼo ʼuhiga mo tonatou malaʼia.

ʼE feala anai koa ke natou taʼofi te malaʼia ʼae ka to kia koe* ʼaki tanatou momoli te kanoʼi manu taputapu?*

ʼE ke fiafia ai anai koa?

17 “Hahaʼi ʼo Suta, ko Sehova ʼo te ʼatu kautau ʼae neʼe Ina to+ ia koe, neʼe ina tala ʼe hoko anai he malaʼia kia koe, ʼuhi ko te kovi ʼae neʼe ke fai, ia koe pea mo te hahaʼi ʼo Iselaele, ʼi takotou fakamamahiʼi au ʼi takotou momoli ni sakilifisio kia Paale.”+

19 Neʼe au hage ko he ovi ʼe ʼave ʼo tamateʼi.

Neʼe mole au iloʼi au ʼe natou fonofono ʼo ʼuhiga mo au:+

21 Koia koʼeni te folafola ʼa Sehova ʼo ʼuhiga mo te ʼu tagata ʼo Anatote,+ ʼae ʼe natou kumi ke natou matehi koe pea mo ui: “ ʼAua naʼa ke faifakakikite ʼi te huafa ʼo Sehova,+ naʼa matou matehi anai koe.” 22 Koʼeni te folafola ʼa Sehova ʼo te ʼatu kautau: “ ʼE au fakamauʼi anai natou. ʼE mamate anai te kau tupulaga ʼi te heleta,+ pea ʼe mamate anai ʼonatou foha mo ʼonatou ʼofafine ʼi te hoge.+ 23 ʼE au fakahoko anai he malaʼia ki te ʼu tagata ʼo Anatote+ pea ʼe mole hao anai he tahi, ʼi te taʼu ʼae ka au fakamauʼi ai natou.”

 2 Neʼe ke to ia natou pea neʼe natou tauaka.

Neʼe natou homo ake ʼo fua.

ʼE natou palalau tuʼumaʼu kia koe kae ʼe mamaʼo ʼonatou ia loto.+

Neʼe natou ui: “ ʼE mole sio ia ki te meʼa ʼae ka hoko kia tatou.”

Neʼe natou kalaga malohi kia koe.

 7 “Neʼe au siʼaki toku ʼapi+ pea mo toku tofiʼa.+

Neʼe au tuku toku ʼofaina ki te ʼu nima ʼo ʼona fili.+

 8 ʼE hage toku tofiʼa ko he laione ʼi te vao matuʼa.

Neʼe gugulu ia kia au.

Koia neʼe au fehiʼa ai leva ki ai.

Neʼe natou fakaliliu taku gaueʼaga matalelei ko he toafa pea neʼe tuʼu lavaki.

11 Kua liliu ia ʼo vaoa.

ʼE mole maʼuli tokalelei he tahi.

13 Neʼe natou nunusi te fulumeto kae neʼe natou utu ni ʼakau talatala.+

Neʼe natou gaue kinakina kae ʼe mole hona ʼuhiga.

14 Koʼeni te folafola ʼa Sehova: “Kae ko ʼoku vahaʼa fale agakovi fuli ʼae ʼe natou tauʼi te fenua ʼae neʼe au foaki ko he tofiʼa ki taku hahaʼi ko Iselaele,+ ʼe au taʼaki anai natou mai tonatou fenua+ pea ʼe au taʼaki anai te hahaʼi ʼo Suta mai ia natou. 15 Kae ʼi taku ʼosi taʼaki natou, ʼe au toe ʼofa anai kia natou mo toe fakaliliu natou ki tonatou fenua pea ki tonatou tofiʼa.”

16 “ ʼE natou maʼu anai honatou nofoʼaga ʼi taku hahaʼi, mo kapau ʼe natou tokakaga ʼo ako te ʼu faʼahiga maʼuli ʼo taku hahaʼi pea mo fakamoʼoni ʼi toku huafa ʼo natou ui: ‘ ʼE matou fakapapau ia muʼa ʼo Sehova, te ʼAtua maʼuli,’ ohage pe ko tanatou akoʼi ki taku hahaʼi ke natou fakapapau ʼaki ia Paale. 17 Kae kapau ʼe mole natou fia fakalogo, ʼe au toe taʼaki anai mo te puleʼaga ʼaia. ʼE au taʼaki anai mo pulihi,” ko te ui ʼaia ʼa Sehova.+

13 Koʼeni te folafola ʼa Sehova: “Alu ʼo totogi he kiliʼi pipi lino pea ke haʼi ki tou koga loto, kae ʼaua naʼa ke palapalaʼi.” 2 Koia neʼe au alu ai ʼo totogi mai he kiliʼi pipi, ohage ko tona fakatotonu mai e Sehova pea neʼe au haʼi ki toku koga loto. 3 Pea neʼe toe palalau mai ia Sehova ʼo tuʼa lua, ʼo ina ui mai: 4 “Toʼo te kiliʼi pipi ʼae neʼe ke totogi mo ke haʼi ki tou koga loto, pea ke alu leva ki te vaʼe Efalate, pea ʼi te potu ʼaia ʼe ke fufu anai ʼi he ava ʼo he ʼutu.” 5 Neʼe au alu leva ki te vaʼe Efalate pea neʼe au fufu ai toku kiliʼi pipi ohage pe ko tona fakatotonu mai e Sehova.

6 Hili ʼaia ni ʼaho, neʼe ui mai e Sehova: “Alu ki te vaʼe Efalate, pea ke toʼo te kiliʼi pipi ʼae neʼe au fakatotonu atu ke ke fufu ai.” 7 Neʼe au alu ai ki te vaʼe Efalate, neʼe au keli ʼi te faʼahi ʼae neʼe au fufu ai te kiliʼi pipi pea neʼe au toʼo ake. Neʼe au tokagaʼi kua maumau te kiliʼi pipi, neʼe mole kei ʼi ai hona ʼaoga.

8 Neʼe toe palalau mai ia Sehova ʼo ina ui mai: 9 “Koʼeni te folafola ʼa Sehova: ‘ ʼE feia anai taku pulihi te fiameʼalahi ʼa te hahaʼi ʼo Suta, pea mo te toe fiameʼameʼa ʼa te hahaʼi ʼo Selusalemi.+ 10 ʼE mole fia fakalogo te hahaʼi agakovi ʼaia ki ʼaku folafola,+ ʼe natou uigataʼa ʼo mulimuli pe ki ʼonatou holi kovi+ pea ʼe natou fakalogo ki ʼihi ʼatua, ʼe natou tauhi kia natou mo tulolo ʼi ʼonatou muʼa. ʼE natou liliu anai ohage ko te kiliʼi pipi ʼaia ʼe mole kei ʼi ai hona ʼaoga.’ 11 ‘Ohage pe ko he kiliʼi pipi ʼe nonoʼo ʼi he koga loto ʼo he tagata, neʼe toe feia pe taku haʼi te puleʼaga katoa ʼo Iselaele pea mo te puleʼaga katoa ʼo Suta ʼi toku koga loto,’ ko te ui ʼaia ʼa Sehova, ‘ke natou liliu ko haku hahaʼi,+ ko he meʼa matalelei ke au logologona ai+ pea mo vikiʼi ai au. Kae neʼe mole natou fia fakalogo.’+

12 “ ʼE tonu anai ke ke fakaha age kia natou te logo ʼaeni: ‘Koʼeni te folafola ʼa Sehova, te ʼAtua ʼo Iselaele: “ ʼE tonu ke fofonu te ʼu ʼaiʼaga vino lalahi fuli ʼi te vino.” ’ Kae ʼe natou tali atu anai: ‘ ʼE matou iloʼi lelei pe ʼe tonu ke fofonu te ʼu ʼaiʼaga vino lalahi fuli ʼi te vino.’ 13 ʼE ke tali age anai kia natou: ‘Koʼeni te folafola ʼa Sehova: “ ʼE au fakafonu anai te hahaʼi fuli ʼo te fenua ʼaeni ʼaki te vino,+ te ʼu hau ʼae ʼe natou ʼafio ʼi te hekaʼaga fakahau ʼo Tavite, te kau pelepitelo, te kau polofeta pea mo te hahaʼi fuli ʼo Selusalemi ʼo kaku ki tanatou konahihia. 14 ʼE au faiga anai ke natou felalikiʼaki, te ʼu tamai ʼo feia mo te ʼu foha,” ko te ui ʼaia ʼa Sehova.+ “ ʼE mole au manavaʼofa anai, ʼe mole au lotomamahi anai pea ʼe mole au ʼofa tuʼa tahi anai kia natou. ʼE mole ʼi ai anai he meʼa ka ina taʼofi taku pulihi ia natou.” ’+

15 Kotou fagono mo tokaga mai.

ʼAua naʼa kotou fiameʼalahi, he neʼe palalau ia Sehova.

19 Kua pupunu* te ʼu kolo ʼo te potu saute, pea ʼe mole ʼi ai he tahi ke ina avahi.

Kua ʼave popula ia Suta katoa pea kua fakapopulaʼi ia natou fuli.+

20 Hiki ake ʼou mata pea ke sio kia natou ʼae ʼe ʼomai mai te potu noleto.+

ʼE ʼifea te faga ovi ʼae neʼe foaki atu, ʼau ovi matalelei?+

ʼE mole ke mamahi anai koa ohage ko he fafine ʼe fanau?+

22 ʼE ke ui anai: ‘He koʼe neʼe hoko kia au te ʼu meʼa ʼaia?’+

Neʼe hoko ʼuhi ko te mamafa ʼo tau agahala. Ko te tupuʼaga la ʼaia ʼo te haeʼi ʼo tou lalo kofu+

Pea mo te lahi ʼo te mamahi ʼo ʼou mulivaʼe.

23 ʼE feala koa ki he tagata Kusi* ke ina fetogi tona kili peʼe ki he leopa ʼona pulepule?+

24 Koia ʼe au fakamavetevete anai koutou ohage ko te fueʼi e te matagi ʼo te toafa te luna moamoa.+

Malaʼia kia koe Selusalemi!

ʼE ke heʼe maʼa anai koa ʼo kaku ki ʼafea?”+

14 Koʼeni te folafola ʼa Sehova kia Selemia ʼo ʼuhiga mo te ʼu taʼi laʼa:+

 2 Kua putu ia Suta+ pea kua maumau te ʼu matapa ʼo ʼona kolo.

 3 ʼE fekauʼi e te ʼu pule ʼanatou kaugana* ke olo ʼo ohu vai.

ʼE olo te ʼu kaugana ki te ʼu foʼi vai,* kae ʼe mole ʼi ai he vai.

ʼE natou toe liliu mai mo ʼanatou ʼaiʼaga vai ʼe ʼago.

 6 ʼE tutuʼu te ʼu asino vao ʼi te ʼu kiʼi moʼuga lauʼatea,

ʼAua naʼa ke lituʼa kia matou.

10 Koʼeni te folafola ʼa Sehova ʼo ʼuhiga mo te hahaʼi ʼaeni: “ ʼE natou leleiʼia tanatou feoloʼaki ʼi he mo he,+ kae ʼe mole natou taʼofi pe la ʼonatou vaʼe.+ Pea ʼe mole leleiʼia e Sehova te faʼahi ʼaia.+ Koia ʼi te temi nei ʼe ina manatuʼi anai ʼanatou hala pea ʼe ina fakamauʼi anai natou ʼuhi ko ʼanatou agahala.”+

11 Pea neʼe ui mai e Sehova: “ ʼAua naʼa ke hufakiʼi te hahaʼi ʼaeni ke au fai age he meʼa ʼe lelei.+ 12 Ka natou sesunio, ʼe mole au fakalogo ki ʼanatou tagi,+ pea ka natou momoli mai ni holokoseta mo ni molaga meʼa kai, ʼe mole au tokagaʼi natou.+ ʼE au pulihi anai natou ʼaki te tau, mo te hoge pea mo te ʼu taʼi mahaki.”*+

13 Kae neʼe au ui: “Oiaue, siʼoku Tuʼi ʼAliki ko Sehova! ʼE ui age ia e te kau polofeta: ‘ ʼE mole hoko anai kia koutou te tau peʼe ko te hoge, he ʼe au foaki atu anai te tokalelei moʼoni ʼi te koga meʼa ʼaeni.’ ”+

14 Pea neʼe toe ui mai e Sehova: “ ʼE faifakakikite loi te kau polofeta ʼi toku huafa.+ Neʼe mole au fekauʼi natou, neʼe mole au fakatotonu age he meʼa pea neʼe mole au palalau mo natou.+ ʼE natou tala atu he meʼa kaka neʼe ha kia natou. ʼE vaʼiganoa ʼanatou faifakakikite pea ʼe natou faʼufaʼu ni loi.+ 15 Koia koʼeni te folafola ʼa Sehova: ‘Ki te kau polofeta ʼae ʼe natou faifakakikite ʼi toku huafa kae neʼe mole au fekauʼi, pea ʼe natou ui ʼe mole hoko anai ni tau mo ni hoge ʼi te fenua ʼaeni, ʼe natou mamate anai ʼi te tau mo te hoge.+ 16 Pea ʼe mamate anai te hahaʼi ʼae ʼe natou faifakakikite ki ai, ʼi te hoge mo te tau. ʼE laku anai natou ʼi te ʼu ala ʼo Selusalemi, pea ʼe mole ʼi ai he tahi ke ina tanu natou,+ mo ʼonatou ʼohoana, mo ʼonatou foha pea mo ʼonatou ʼofafine. ʼE au fakahoko anai kia natou te malaʼia ʼae ʼe tuha mo natou.’+

Neʼe feoloʼaki te polofeta mo te pelepitelo ʼi he fenua ʼe mole nā iloʼi.’ ”+

19 Neʼe ke liʼaki katoa koa ia Suta, pe neʼe ke fakalialia koa ki Sione?+

He koʼe neʼe ke taʼi matou, ʼo mole kei feala ke faitoʼo ʼomatou lavea?+

Manatuʼi tau fuakava mo matou pea ʼaua naʼa ke maumauʼi.+

Sehova e, tomatou ʼAtua, ko koe tokotahi pe ʼe ke lavaʼi!+

15 Neʼe ui mai leva e Sehova: “Tatau aipe pe ʼe tutuʼu ʼi ʼoku muʼa ia Moisese pea mo Samuele,+ ʼe mole au manavaʼofa anai ki te hahaʼi ʼaeni. Fakamamaʼo natou ia au, ke natou olo. 2 Pea kapau ʼe natou fehuʼi atu: ‘Ke matou olo la kifea?’ ʼe ke tali age anai: ‘Koʼeni te folafola ʼa Sehova:

“Ko natou ʼae ʼe tonu ke mamate ʼi te taʼi mahaki, ke mamate ʼi te taʼi mahaki!

Ko natou ʼae ʼe tonu ke mamate ʼi te heleta, ke mamate ʼi te heleta!+

Ko natou ʼae ʼe tonu ke mamate ʼi te hoge, ke mamate ʼi te hoge!

Pea ko natou ʼae ʼe tonu ke mamate popula, ke natou mamate popula!” ’+

3 “ ‘Koia ʼe au fakato anai ni malaʼia ʼe fa,’*+ ko te ui ʼaia ʼa Sehova, ‘te heleta moʼo matehi, he ʼu kuli moʼo toho, he ʼu manulele pea mo he ʼu manu fekai moʼo kai pea mo pulihi ia natou.+ 4 ʼEi, ʼe au fakaliliu anai natou ko he meʼa fakalialia ki te ʼu puleʼaga fuli ʼo te kele+ ʼuhi ko Manase, te foha ʼo Esekiasi, te hau ʼo Suta mo te meʼa ʼae neʼe ina fai ʼi Selusalemi.+

 6 ʼE ui e Sehova: ‘Neʼe ke liʼaki au.+

Neʼe ke lituʼa mai.*+

Koia ʼae ʼe au faoʼi anai toku nima moʼou fakatuʼā pea moʼou tauteaʼi.+

Kua au fiu ʼi te ʼofa kia koe.

 7 ʼE au fakamavetevete anai natou ʼi te ʼu matapa ʼo te ʼu kolo ʼo te fenua ohage ko te toʼo kehe ʼo te tegaʼi fulumeto mai tona kili.

ʼE au toʼo anai ʼanatou fanau.+

 8 ʼE liliu anai ʼanatou fafine vitua ʼo kaugamalie age ʼi te ʼu fisiʼi ʼone ʼo te tai.

ʼI te fetapa ʼe au fekauʼi mai anai he tagata fakatupu maumau moʼonatou tauʼi, ʼe ina tauʼi anai te ʼu faʼe pea mo te ʼu tama tupulaga.

ʼE au fakato fakapunamaʼuli anai kia natou he mataku mo he maveuveu.

Peʼe ke ina fasiʼi te kapa?

Ke ke lagavaka kia natou ʼae ʼe natou fakatagaʼi au.+

ʼAua naʼa ke tuai ʼi te ita naʼa natou matehi au.*

Pea ke ke iloʼi ʼe au tau mo te lainoa ʼaia ʼuhi ko koe.+

17 ʼE mole au nofo fakatahi mo natou ʼae ʼe fakafiafia tuʼumaʼu.+

18 He koʼe ʼe au mamahi tuʼumaʼu, pea ʼe mole he faitoʼo ʼo toku lavea?

ʼE mole loto ia ke fakamalolo.

19 Koia, koʼeni te folafola ʼa Sehova:

20 “ ʼE au fakaliliu koe ko he kaupa kapa malohi ʼi te lotolotoiga ʼo te hahaʼi ʼaia.+

16 Neʼe toe palalau mai ia Sehova, ʼo ina ui: 2 “ ʼE mole tonu ke ke ʼohoana, pea ʼe mole tonu ke ke maʼu ni foha mo ni ʼofafine ʼi te koga meʼa ʼaeni. 3 Koʼeni te folafola ʼa Sehova ʼo ʼuhiga mo te ʼu tama mo te ʼu taʼahine ʼae ʼe tutupu ʼi heni, mo ʼanatou faʼe ʼae neʼe natou fanauʼi natou pea mo ʼanatou tamai ʼae neʼe natou maʼu ai te maʼuli ʼi te fenua ʼaeni: 4 ‘ ʼE natou mamate anai ʼi ni mahaki kovi+ pea ʼe mole tagiʼi mo tanu anai natou e he tahi. ʼE natou liliu anai ko he meʼa fakagako kele.+ ʼE natou mamate anai ʼi te heleta mo te hoge,+ pea ʼe kai anai ʼonatou sino mate e te ʼu manulele mo te ʼu manu ʼo te vao.’

 6 ʼE mate anai te tagata maʼuhiga ohage pe ko te tagata malalo ʼi te fenua ʼaia.

9 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘ ʼI te koga meʼa ʼaeni, ʼi takotou kei maʼuʼuli pea ʼi ʼokotou muʼa, ʼe au fakagata anai te ʼu kalaga fakafiafia. ʼE mole toe logo anai ki te leʼo ʼo te tagata ʼohoana peʼe ko te leʼo ʼo te fafine ʼohoana.’+

10 “Ka ke tala anai te ʼu folafola fuli ʼaia ki te hahaʼi ʼaeni, ʼe natou fehuʼi atu anai: ‘He koʼe neʼe fakaha e Sehova ia te toe malaʼia ʼaia ʼo ʼuhiga mo matou? Kotea te hala mo te agahala neʼe matou fai kia Sehova tomatou ʼAtua?’+ 11 ʼE ke tali anai kia natou: ‘ “Neʼe liʼaki au e ʼakotou kui,”+ ko te ui ʼaia ʼa Sehova, “pea neʼe natou haga fakalogo ki ʼihi ʼatua mo tauhi pea mo tulolo ʼi ʼonatou muʼa.+ Kae neʼe natou liʼaki au pea neʼe mole natou fakalogo ki taku lao.+ 12 Neʼe kovi age takotou aga ʼi ʼakotou kui.+ ʼE kotou uigataʼa ʼo kotou mulimuli ki ʼokotou holi kovi kae ʼe mole kotou fakalogo kia te au.+ 13 Koia ʼe au li anai koutou ki tuʼa ʼi te fenua ʼaeni pea ʼe au ʼave anai koutou ki he fenua neʼe mole kotou iloʼi ʼo feia mo ʼakotou kui.+ ʼI te fenua ʼaia, ʼe kotou tauhi anai ki ʼihi ʼatua, ʼaho mo te po,+ he ʼe mole au toe ʼofa anai kia koutou.” ’

14 “ ʼE ui e Sehova: ‘ ʼE ʼi ai anai he ʼaho ʼe mole natou toe ui ai: “ ʼE matou fakapapau ia muʼa ʼo Sehova te ʼAtua maʼuli, ʼae neʼe ina fakamavae te hahaʼi ʼo Iselaele mai Esipito!”+ 15 Kae ʼe natou ui anai: “ ʼE matou fakapapau ia muʼa ʼo Sehova, te ʼAtua maʼuli, ʼae neʼe ina ʼaumai te hahaʼi ʼo Iselaele mai te fenua ʼo te potu noleto pea mo te ʼu fenua fuli ʼae neʼe ina fakamavetevete ai natou!” ʼE au fakaliliu anai natou ki tonatou fenua, ʼae neʼe au foaki ki ʼanatou kui.’+

17 ʼE au sio ki te ʼu meʼa fuli ʼae ʼe natou fai.

17 “Kua tohi te agahala ʼa Suta ʼaki he peni ukamea.

 4 ʼE ke fakafisi totonu anai ki te tofiʼa ʼae neʼe au foaki atu.+

Pea ʼe mu anai ʼo talu ai.”

 5 Koʼeni te folafola ʼa Sehova:

 6 ʼE hage anai ko he fuʼu ʼakau ʼe tuʼu tokotahi ʼi te toafa.

 9 ʼE kaka te loto ʼo laka age ia meʼa fuli, ʼe fakatupu tuʼutamaki.*+

Ko ai ʼae ʼe feala ke ina iloʼi?

14 Sehova e, fakamalolo au pea ʼe au malolo anai.

15 Koʼeni ʼe ui mai e ʼihi:

“Kua feafeaʼi koa te fakakikite ʼa Sehova?+

Ke fakahoko foki!”

17 ʼAua naʼa ke fakatupu te mataku ia au.

Ko koe toku nonoʼaga ʼi te temi ʼo te malaʼia.

19 Koʼeni ʼe ui mai e Sehova: “Alu ʼo tuʼu ʼi te matapa ʼo te ʼu foha ʼo te hahaʼi, te matapa ʼae ʼe fehufi ai te ʼu hau ʼo Suta ki loto pea feulufi ai ki tuʼa, pea ke toe alu ʼo tuʼu ʼi te ʼu matapa fuli ʼo Selusalemi.+ 20 ʼE ke ui anai kia natou: ‘Kotou fagono ki te folafola ʼa Sehova, ia koutou ʼu hau ʼo Suta, mo koutou fuli ʼu tagata ʼo Suta pea mo koutou fuli hahaʼi ʼo Selusalemi ʼae ʼe feulufi ʼi te ʼu matapa ʼaia. 21 Koʼeni te folafola ʼa Sehova: “Kotou tokakaga kia koutou totonu: ʼI te ʼaho ʼo te Sapato, ʼaua naʼa kotou ʼamo he kavega pea ʼaua naʼa kotou fakahu he kavega ʼi te ʼu matapa ʼo Selusalemi.+ 22 ʼI te ʼaho ʼo te Sapato, ʼe mole tonu ke kotou ʼave ki tuʼa he kavega ʼi ʼokotou ʼapi, pea ʼe mole tonu ke kotou fai he gaue.+ Ke taputapu tuʼumaʼu te ʼaho ʼo te Sapato ohage pe ko taku fakatotonu ki ʼakotou kui.+ 23 Kae neʼe mole natou fakalogo peʼe tokakaga mai. Neʼe natou uigataʼa ʼo mole natou fakalogo, ʼei, neʼe mole natou tokagaʼi te fakatonutonu.” ’+

24 “ ‘ ʼE ui e Sehova: “Kapau ʼe mole kotou fakahu he kavega ʼi te ʼu matapa ʼo te kolo ʼaeni ʼi te ʼaho ʼo te Sapato, pea mo kotou haga fakaʼapaʼapa ki te Sapato ohage ko he ʼaho taputapu ʼo mole kotou fai he gaue ʼi te ʼaho ʼaia,+ 25 ʼe fehufi anai ʼi te ʼu matapa ʼo te kolo ʼaeni te ʼu hau mo te ʼu tama ʼaliki ʼae ʼe ʼafio ʼi te hekaʼaga fakahau ʼo Tavite,+ ʼe natou heheka ʼi ni saliote mo ni hosi, ʼei, ʼe fehufi anai te ʼu hau mo ʼanatou tama ʼaliki, te ʼu tagata ʼo Suta pea mo te hahaʼi ʼo Selusalemi.+ Pea ʼe nofoʼi anai te kolo ʼaeni ʼo talu ai. 26 ʼEi, ʼe ʼomai anai te hahaʼi mai te ʼu kolo ʼo Suta, mo te ʼu tafaʼaki ʼo Selusalemi, mo te fenua ʼo Pesamino,+ mo te potu fenua malalo,+ mo te potu moʼugaʼia pea mo te Nekepe.* ʼE natou ʼaumai anai ki te fale ʼo Sehova+ ni holokoseta,+ mo ni sakilifisio,+ mo ni molaga meʼa kai,+ mo te iseso hina pea mo te ʼu sakilifisio ʼo te fakafetaʼi.

27 “ ‘ “Kae kapau ʼe mole kotou fakalogo mai, kapau ʼe mole kotou fakaʼapaʼapa ki te Sapato ohage ko he ʼaho taputapu, kapau ʼe kotou ʼamo ni kavega pea mo kotou fakahu ni kavega ʼi te ʼu matapa ʼo Selusalemi ʼi te ʼaho ʼo te Sapato, ʼe au tutu anai te ʼu matapa ʼo Selusalemi. ʼE ʼosiʼosi anai ʼona tule malohi+ pea ʼe mole mate anai te afi.” ’ ”+

18 Koʼeni te ʼu folafola ʼa Sehova kia Selemia: 2 “Tuʼu ake pea ke hifo ki te tagata faʼu ipu kele,+ pea ʼe au fakaha atu anai ʼi ai ʼaku folafola.”

3 Neʼe au hifo ai ki te tagata faʼu ipu kele. Neʼe gaue ʼi tana meʼa faʼu ipu. 4 Kae neʼe maumau ʼi tona nima te ipu ʼae neʼe ina lolotoga faʼu ʼaki te kele. Pea neʼe ina toe kamata faʼu ʼaki pe te moʼi kele ʼaia he tahi ipu ohage pe ko te meʼa ʼae neʼe loto ki ai.

5 Neʼe toe palalau mai ia Sehova, ʼo ina ui: 6 “ ‘Hahaʼi ʼo Iselaele, ʼe mole feala koa la ke au fai kia koutou ia te meʼa ʼae neʼe fai e te tagata faʼu ipu ʼaeni?’ ko te fehuʼi ʼaia ʼa Sehova. ‘Koʼeni, siʼaku hahaʼi ko Iselaele, ʼe kotou hage kia au ko te kele ʼae ʼi te nima ʼo te tagata faʼu ipu.+ 7 Kapau ʼe au fakaha ʼe au taʼaki anai, mo tuʼusi pea mo maumauʼi ia he puleʼaga,+ 8 kae ʼe tuku e te puleʼaga ʼaia ia tana agakovi ʼae ʼe au valokiʼi, ʼe au fetogi anai taku manatu, ʼe mole au fakato anai te malaʼia ʼae neʼe au fakatuʼutuʼu ke au fakahoko ki ai.+ 9 Pea kapau ʼe au fakaha ʼe au laga anai mo fakatuʼu ia he puleʼaga, 10 kae ʼe fai e te puleʼaga ʼaia te meʼa ʼae ʼe kovi ki ʼoku mata pea mole fakalogo mai ia kia te au, ʼe fetogi anai taku manatu, ʼe mole au fai anai te lelei ʼae neʼe au fakatuʼutuʼu ke au fakahoko ki ai.’

11 “Fakalelei tou loto, ke ke ui ʼi te temi nei ki te ʼu tagata ʼo Suta mo te hahaʼi ʼo Selusalemi: ‘Koʼeni te folafola ʼa Sehova: “ ʼE au lolotoga teuteuʼi he malaʼia pea mo he fakatuʼutuʼu kia koutou. Fakalelei siʼokotou ʼu loto, kotou tafoki mai pea kotou liʼaki ʼakotou aga ʼae ʼe kovi. Kotou fakatonutonuʼi ʼakotou aga.” ’ ”+

12 Kae neʼe natou ui: “ ʼE mole hona ia ʼaoga,+ koteʼuhi ʼe matou mulimuli pe anai ki ʼamatou manatu pea ʼe matou tahi fai anai ʼo mulimuli ki te ʼu holi kovi ʼo ʼomatou loto.”+

13 Koia, koʼeni te folafola ʼa Sehova:

“Fakalelei ʼokotou loto, kotou fakafehuʼi te ʼu puleʼaga.

Neʼe kua hoko koa he meʼa feia?

Neʼe fai e te taʼahine taupoʼou ʼo Iselaele he aga fakalialia ʼaupito.+

14 ʼE puli anai koa te nive ʼo te Lipane* ʼi te ʼu maka ʼo ʼona mahifo?

Peʼe mamaha anai koa te ʼu vai tafe mokomoko ʼae ʼe haʼu mai mamaʼo?

15 Kae neʼe galoʼi au e taku hahaʼi.+

Ko natou fuli ʼae ka fakalaka ʼi ai, ʼe natou fakalialia anai mo kalokalo ʼonatou ʼulu.+

17 ʼE au fakamavetevete anai natou ia muʼa ʼo tonatou fili ohage ko te matagi ʼo te potu esite.

Ka hoko mai te ʼaho ʼo tonatou malaʼia, ʼe au situʼa anai pea ʼe mole au sio anai kia natou.”+

18 Pea neʼe natou ui: “Kotou ʼomai ke tou fonofono ʼo ʼuhiga mo Selemia,+ he ʼe maʼu tuʼumaʼu anai te lao* e te kau pelepitelo, mo te tokoni e te kau poto, mo te folafola e te kau polofeta. Kotou ʼomai, tou palalau kovi ʼo ʼuhiga mo ia pea ʼaua naʼa tou tokagaʼi ʼana palalau.”

20 ʼE tonu koa ke tauʼi te lelei ʼaki te kovi?

Neʼe natou keli he luo ke natou matehi au.+

Ke hala fanau ʼonatou ʼohoana pea ke natou liliu ʼo vitua.+

19 Koʼeni te folafola ʼa Sehova: “Alu ki he tagata faʼu ipu kele ʼo totogi mai ai he ʼaiʼaga vai kele.+ ʼAve ni takitaki ʼo te hahaʼi pea mo ni takitaki ʼo te kau pelepitelo, 2 pea ke alu ki te potu fenua lauveliveli ʼae ko te Foha ʼo Hinome,*+ ʼi te huʼaga ʼo te Matapa ʼo Te ʼu Kogaʼi Ipu Kele. ʼE ke tala anai ʼi ai te ʼu folafola ʼae ka au ui atu. 3 ʼE ke ui age anai kia natou: ‘Kotou fagono ki te ʼu folafola ʼa Sehova, ia koutou, ʼu hau ʼo Suta pea mo koutou, hahaʼi ʼo Selusalemi. ʼE ui e Sehova ʼo te ʼatu kautau, te ʼAtua ʼo Iselaele:

“ ‘ “ ʼE au fakato anai ki te koga meʼa ʼaeni ia he malaʼia ʼe punamaʼuli ai anai ia natou fuli ʼae ka natou logo ki ai, 4 he neʼe natou liʼaki au+ pea neʼe natou fetogi te koga meʼa ʼaeni ʼo mole kei au iloʼi pe la.+ ʼE natou momoli ʼi ai ni sakilifisio ki ʼihi ʼatua, ko ni ʼatua neʼe mole iloʼi e natou, mo ʼanatou kui pea mo te ʼu hau ʼo Suta. Pea neʼe natou fakafonu te koga meʼa ʼaeni ʼaki te toto ʼo te hahaʼi ʼae neʼe mole natou fai he meʼa ʼe kovi.+ 5 Neʼe natou laga te ʼu faʼahi maʼoluga ʼo Paale ke tutu ai ʼonatou foha ko he sakilifisio maʼa Paale.+ Kae neʼe mole au fakatotonu te faʼahi ʼaia, neʼe mole au talanoa ki ai pea neʼe heʼeki au manatu pe la ki ai.” ’+

6 “ ‘ ʼE ui e Sehova: “Koia kotou fagono! ʼE hoko mai anai he ʼaho ʼe mole toe fakahigoaʼi anai te koga meʼa ʼaeni ko Tofete peʼe ko te potu fenua lauveliveli ʼo Te Foha ʼo Hinome, kae ʼe fakahigoaʼi anai ko te Potu Fenua ʼo Te Mātea.+ 7 ʼE au fakato noa anai te ʼu fakatuʼutuʼu ʼa Suta pea mo Selusalemi ʼi te koga meʼa ʼaeni. ʼE au tuku anai te hahaʼi ki te ʼu heleta ʼo ʼonatou fili pea ki te ʼu nima ʼo natou ʼae ʼe natou fia matehi natou, pea ʼe au tuku anai ke kai ʼonatou sino mate e te ʼu manulele pea mo te ʼu manu ʼo te vao.+ 8 ʼE au fakaliliu anai te kolo ʼaeni ʼo fakaʼofaʼofa pea ʼe sisio anai ki ai te hahaʼi mo he fehiʼa. ʼEi, ko natou fuli ʼae ka fakalaka ai ʼe natou sisio anai ʼaki he fakalialia, pea ʼe natou vaʼi anai ʼuhi ko te ʼu malaʼia fuli ʼae neʼe hoko ki ai.+ 9 Pea ʼe au fafaga anai natou ʼaki te sino ʼo ʼonatou foha pea mo ʼonatou ʼofafine. ʼEi, ʼe tahi kai anai e te tagata te sino ʼo tona tatau. ʼE natou lotovaivai anai ʼi te ʼa takai ʼo te kolo. ʼE ʼa takai anai natou e ʼonatou fili mo natou ʼae ʼe natou fia matehi natou.” ’+

10 “ ʼE ke foaʼi anai te ʼaiʼaga vai ia muʼa ʼo te ʼu tagata ʼae ka olo mo koe. 11 ʼE ke ui anai kia natou: ‘Koʼeni te folafola ʼa Sehova ʼo te ʼatu kautau: “ ʼE au laliki anai te hahaʼi ʼaeni pea mo te kolo ʼaeni, ohage ko he tahi ʼe ina foaʼi te ipu ʼae neʼe faʼu e he tagata faʼu ipu kele ʼo mole feala hona toe faʼu. Pea ʼe natou tanu anai te ʼu mate ʼi Tofete ʼo kaku ki te mole kei maʼu he koga meʼa.” ’+

12 “ ʼE ui e Sehova: ‘ ʼE au fakahoko anai te faʼahi ʼaia ki te koga meʼa ʼaeni mo ʼona hahaʼi ke liliu te kolo ʼaeni ohage ko Tofete. 13 ʼE heʼe maʼa anai te ʼu fale ʼo Selusalemi pea mo te ʼu fale ʼo te ʼu hau ʼo Suta ohage ko te koga meʼa ʼae ko Tofete,+ ʼei, te ʼu fale fuli ʼae neʼe momoli ʼi te ʼu ʼato ni sakilifisio ki te foʼi kautau katoa ʼo te ʼatu lagi*+ pea mo liligi ni molaga meʼa inu ki ʼihi ʼatua.’ ”+

14 ʼI te toe liliu mai ʼa Selemia mai Tofete, ʼae neʼe fekauʼi ki ai e Sehova ke alu ʼo faifakakikite, neʼe tuʼu leva ʼi te malaʼe ʼo te fale lotu ʼo Sehova mo ina ui ki te hahaʼi fuli: 15 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘ ʼE au fakato anai ki te kolo ʼaeni pea mo te ʼu kiʼi kolo fuli ʼi ʼona tafaʼaki te ʼu malaʼia fuli ʼae neʼe au fakaha ʼo ʼuhiga mo ia, he neʼe natou uigataʼa pea neʼe mole natou fia tokagaʼi ʼaku folafola.’ ”+

20 Ko Pasule te foha ʼo Imele, te pelepitelo, ia te tagata taupau pule ʼo te fale lotu ʼo Sehova, neʼe fakalogo ki te fakakikite ʼo te ʼu meʼa ʼaia e Selemia. 2 Neʼe taʼi leva e Pasule ia te polofeta ko Selemia, neʼe ina fakatuʼā ia ia+ ʼi te Matapa Maʼoluga ʼo Pesamino, ʼae neʼe tuʼu ovi ki te fale lotu ʼo Sehova. Neʼe ina fakamaʼumaʼu ʼi ni lauʼi papa. 3 Kae ʼi te ʼaho ake, ʼi te fakaʼateainaʼi e Pasule ia Selemia mai te ʼu papa ʼaia, neʼe ui age e Selemia:

“Neʼe mole fakahigoaʼi koe e Sehova ko Pasule kae ko Fakamataku ʼi Te ʼu Potu Fuli.+ 4 Koʼeni te folafola ʼa Sehova: ‘ ʼE au fakaliliu anai ia koe ko he meʼa fakamataku kia koe pea mo ʼou kaumeʼa fuli. ʼE matehi anai natou e ʼonatou fili ʼaki te heleta ʼi ʼou muʼa.+ ʼE au tuku anai te hahaʼi fuli ʼo Suta ki te nima ʼo te hau ʼo Papiloni, pea ʼe ina ʼave popula anai natou ki Papiloni mo ina matehi ai natou ʼaki te heleta.+ 5 ʼE au foaki anai ki ʼonatou fili te ʼu koloa fuli ʼo te kolo ʼaeni, ʼona meʼa lelei fuli, ʼona meʼa maʼuhiga fuli, pea mo te ʼu koloa fuli ʼo te ʼu hau ʼo Suta.+ Pea ʼe natou kaihaʼa anai ʼo ʼave ki Papiloni.+ 6 Pea ko koe Pasule pea mo natou fuli ʼae ʼe maʼuʼuli ʼi tou loto fale, ʼe ʼave popula anai koutou. ʼE ke alu anai ki Papiloni pea ʼe ke mate ai anai. ʼE tanu anai koe ʼi ai mo ʼou kaumeʼa fuli he neʼe ke fakakikite ni loi kia natou.’ ”+

 7 Sehova e, neʼe ke kakaʼi au, ʼei, neʼe kakaʼi au.

Neʼe ke fakaʼaogaʼi tou malohi ʼo fakafeagai mai kia au pea neʼe ke malohi age koe.+

ʼE laukoviʼi mo vaʼi au ʼi te ʼaho katoa ʼuhi ko te folafola ʼa Sehova.+

“Kotou tukugakoviʼi ia ia, ʼei, tou tukugakoviʼi ia ia!”

Ko natou fuli ʼae neʼe hage mai neʼe natou tokalelei mo au, neʼe natou lamalama ke au higa:+

11 Kae neʼe nofo ia Sehova mo au ohage ko he tagata tau fakamataku.+

Koia ʼe higa anai ia natou ʼae ʼe natou fakatagaʼi au, ʼe mole natou malohi age anai natou.+

ʼE lahi anai tonatou ufiufi he ʼe to noa anai ʼanatou fakatuʼutuʼu.

ʼE fakalainoaʼi anai natou ʼo talu ai, pea ʼe mole galoʼi anai ʼi he temi.+

13 Kotou hiva kia Sehova! Kotou fakavikiviki kia Sehova!

Neʼe ina haofaki te masiva mai te nima ʼo te hahaʼi agakovi.

14 Ke malaʼia te ʼaho ʼae neʼe au tupu ai!

Ke mole tapuakiʼi te ʼaho ʼae neʼe fanauʼi ai au e taku faʼe!+

15 Ke malaʼia te tagata ʼae neʼe ina fakaha ki taku tamai te logo lelei ʼaeni:

“Kua ke maʼu tou foha!”

Neʼe fiafia lahi ai taku tamai.

16 Ke hage te tagata ʼaia ko te ʼu kolo ʼae neʼe maumauʼi e Sehova kae neʼe mole fakahemala ai.

Ke logo ki ni kalaga ʼi te uhu pea mo te kalaga tau ʼi te fetapa.

21 Koʼeni te ʼu folafola ʼa Sehova kia Selemia. Neʼe fekauʼi e te Hau ko Setesiasi+ ia Pasule,+ foha ʼo Malekisa mo Sofoni,+ foha ʼo Maasesa, te pelepitelo, ke olo ʼo kole ki ai: 2 “Fakalelei siʼou loto, kae ke ke fakafehuʼi ia Sehova he ʼe tauʼi tatou e te Hau ʼo Papiloni ko Nepukanesa.*+ ʼE lagi fakahoko anai e Sehova maʼa tatou ia he meʼa fakaofoofo ke tupu ai he mavae ʼa Nepukanesa.”+

3 Neʼe tali age e Selemia kia natou: “Koʼeni te meʼa ʼae ʼe tonu ke kotou ui kia Setesiasi: 4 ‘Koʼeni te folafola ʼa Sehova, te ʼAtua ʼo Iselaele: “Kotou fagono mai. ʼE au toe fakahaga atu anai kia koutou te ʼu mahafu ʼae ʼi ʼokotou nima, ʼae ʼe kotou tauʼi ʼaki te hau ʼo Papiloni+ pea mo te kau Kaletea ʼae ʼe natou ʼa takai koutou mai tuʼa. ʼE au fakatahiʼi anai te ʼu meʼa ʼaia* ʼi te loto kolo ʼaeni. 5 ʼEi, ʼe au tauʼi totonu anai koutou+ ʼaki toku nima malohi mo toku mafimafi, pea ʼe au fakato anai kia koutou toku hauhau mo toku ita.+ 6 ʼE au fakato anai ia he malaʼia ki te hahaʼi ʼo te kolo ʼaeni, ʼo tatau pe te tagata mo te ʼu manu. ʼE natou mamate anai ʼi he taʼi mahaki kovi.” ’+

7 “ ‘ ʼE ui e Sehova: “ ʼI te ʼosi ʼo te ʼu meʼa ʼaia, koʼeni leva te meʼa ʼae ka hoko ki te Hau ʼo Suta ko Setesiasi, mo ʼana kau faifekau, mo te hahaʼi ʼo te kolo ʼaeni pea mo natou fuli ʼae ka hao ʼi te ʼu mahaki, mo te tau pea mo te hoge. ʼE au tuku anai natou ki te nima ʼo te Hau ʼo Papiloni ko Nepukanesa, ʼei, ki te nima ʼo ʼonatou fili pea mo natou ʼae ʼe natou fia matehi natou.+ ʼE ina matehi anai natou ʼaki te heleta. ʼE mole fakaʼofaʼofa anai, ʼe mole manavaʼofa anai pea ʼe mole tokaga anai kia natou.” ’+

8 “ ʼE ke ui anai ki te hahaʼi ʼaeni: ‘Koʼeni te folafola ʼa Sehova: “ ʼE au tuku ʼi ʼokotou muʼa te ala ki te maʼuli pea mo te ala ki te mate. 9 ʼE mamate anai ia natou ʼae ka nonofo ʼi te kolo ʼaeni ʼi te tau, mo te hoge pea mo te ʼu taʼi mahaki. Kae ʼe hao anai ia natou fuli ʼae ka mavae ʼo olo ki te kau Kaletea ʼae ʼe natou ʼa takai koutou. ʼE natou maʼu anai tonatou fakapale ʼae ko te maʼuli.” ’+

10 “ ‘’E ui e Sehova: “ ʼE au fakatotonu ke ʼaumai ki te kolo ʼaeni ia te malaʼia kae mole ko te lelei.+ ʼE tuku anai ia ia ki te nima ʼo te hau ʼo Papiloni+ pea ʼe ina maumauʼi anai ’o tutu.”+

11 “ ‘Ia koe, hau ʼo Suta pea mo koutou fuli ʼae ʼe nonofo ʼi tona fale hau, kotou fagono ki te folafola ʼa Sehova. 12 Hakoga ʼo Tavite, koʼeni te meʼa ʼae ʼe ui e Sehova:

‘Kae kia koutou ʼae ʼe kotou ui: “Ko ai ʼae ʼe feala ke ina tauʼi matou?

Pea ko ai ʼae ʼe feala ke ina ulufi ʼomatou nofoʼaga?”

22 Koʼeni te folafola ʼa Sehova: “Alu ki te fale ʼo te hau ʼo Suta ʼo ʼave te logo ʼaeni. 2 ʼE ke ui anai ki ai: ‘Fagono ki te folafola ʼa Sehova hau ʼo Suta, ia koe ʼae ʼe ʼafio ʼi te hekaʼaga fakahau ʼo Tavite, pea ke toe fagono mo ʼau tagata faifekau pea mo tau hahaʼi ʼae ʼe feulufi ʼi te ʼu matapa ʼaeni. 3 Koʼeni te meʼa ʼae ʼe ui e Sehova: “Kotou lagolago ki te faitotonu. Kotou puipui ia natou ʼae ʼe kaihaʼa e te hahaʼi agakaka. ʼAua takotou gaohi koviʼi te kau matapule. ʼAua naʼa kotou fakamamahiʼi te ʼu fanau hala mo tamai pea mo te ʼu fafine vitua.+ Pea ʼaua naʼa kotou liligi ʼi te fenua ʼaeni te toto ʼo natou ʼae ʼe mole natou fai he meʼa ʼe kovi.+ 4 Kapau ʼe kotou tokaga ʼo maʼuliʼi te ʼu folafola ʼaeni, ʼe fehufi anai ʼi te ʼu matapa ʼo te fale hau ʼaeni te ʼu hau ʼae ʼe ʼafio ʼi te hekaʼaga fakahau ʼo Tavite,+ ʼe natou heheka ʼi ni saliote mo ni hosi, ʼei, ʼe fehufi anai te ʼu hau mo ʼanatou tagata faifekau pea mo tanatou hahaʼi.” ’+

5 “ ʼE ui e Sehova: ‘Kapau ʼe mole kotou fakalogo ki te ʼu folafola ʼaia, ʼe au fakapapau e au totonu, ʼe maumauʼi anai ia te fale hau ʼaeni.’+

8 “ ‘Pea ʼe fakalaka anai ia tafa ʼo te kolo ʼaia ni hahaʼi mai ni puleʼaga kehekehe pea ʼe natou feuiʼaki anai: “He koʼe neʼe fai e Sehova te meʼa ʼaia ki te kolo lahi ʼaeni?”+ 9 Pea ʼe tali age anai: “ ʼUhi he neʼe natou liʼaki te fuakava ʼa Sehova tonatou ʼAtua pea neʼe natou tulolo mo tauhi ki ʼihi ʼatua.” ’+

11 “Koʼeni te meʼa ʼae neʼe ui e Sehova ʼo ʼuhiga mo Salume*+ foha ʼo Sosiasi, te hau ʼo Suta ʼae neʼe ina fetogi ia Sosiasi+ ʼi tona ʼuhiga hau pea kua mavae ʼi te koga meʼa ʼaeni: ‘ ʼE mole toe liliu mai anai ia, 12 he ʼe mate anai ʼi te fenua ʼae neʼe ʼave popula ki ai pea ʼe mole toe sio anai ia ki te fenua ʼaeni.’+

15 ʼE hoko atu anai koa ia tau ʼafio ʼuhi he ʼe lahi age tau fakaʼaogaʼi te ʼakau ʼae ko te sete ʼi ʼihi?

‘ ʼE mole tonu koa la ke feia te aga ʼa natou ʼae ʼe natou ui ʼe natou iloʼi au?’ ko te ui ʼaia ʼa Sehova.

“Oie siʼoku tehina! Oie siʼoku tuagaʼane!”

ʼE mole putu anai he tahi mo ui:

“Oie siʼoku pule! Oie siʼoku hau!”

21 Neʼe au palalau atu ʼi te temi ʼae neʼe ke fimalie ai.

ʼE ke ufiufi anai pea ʼe fakalainoaʼi anai koe ʼuhi ko ʼou malaʼia fuli.

24 “ ʼE ui e Sehova: ‘ ʼE au tala moʼoni atu, tatau aipe pe ʼe ko Konia*+ foha ʼo Soakimi,+ te hau ʼo Suta, neʼe ko ia te mama fakailoga ʼae ʼi toku nima mataʼu, ʼe au toʼo anai mai ai! 25 “ ʼE au tuku anai koe ki te nima ʼo natou ʼae ʼe natou fia matehi koe, ʼei, ki te nima ʼo natou ʼae ʼe ke mataku ai, ki te nima ʼo te Hau ʼo Papiloni ko Nepukanesa pea ki te nima ʼo te kau Kaletea.+ 26 ʼE au li anai ia koe mo tau faʼe ʼae neʼe ina fanauʼi koe ki he tahi fenua, ko he fenua neʼe mole kolua tutupu ai pea ʼe kolua mamate ai anai.” 27 ʼE mole natou toe liliu anai ki te fenua ʼae ʼe natou manatu tuʼumaʼu ki ai.+

29 Hahaʼi ʼo te kele, kotou fagono ki te folafola ʼa Sehova.

30 Koʼeni te folafola ʼa Sehova:

23 ʼE ui e Sehova: “Malaʼia ki te ʼu tauhi ovi ʼae ʼe natou maumauʼi mo fakamavetevete te ʼu ovi ʼae ʼe au tokaga ki ai!”+

2 Koia, koʼeni te folafola ʼa Sehova, te ʼAtua ʼo Iselaele ʼo ʼuhiga mo te ʼu tauhi ovi ʼo tana hahaʼi: “Neʼe kotou fakamavetevete ʼaku ovi, ʼei, neʼe kotou fakamavetevete ia natou pea neʼe mole kotou tokakaga kia natou.”+

“Koia ʼe au tauteaʼi anai koutou ʼuhi ko ʼakotou aga ʼae ʼe kovi,” ko te ui ʼaia ʼa Sehova.

3 “Pea ʼe au fakatahiʼi anai te toe ʼo ʼaku ovi mai te ʼu fenua fuli ʼae neʼe au fakamavetevete ai natou.+ ʼE au toe ʼaumai anai natou ki tonatou koga meʼa lunaʼia,+ pea ʼe natou liliu anai ʼo kaugamalie.+ 4 ʼEi, ʼe au filifili anai ni tauhi ovi ʼe tokakaga moʼoni anai kia natou.+ ʼE mole natou toe matataku anai mo tekelili pea ʼe mole puli anai he tahi,” ko te ui ʼaia ʼa Sehova.

5 ʼE ui e Sehova: “Koʼeni ʼe hoko mai anai he ʼaho ʼe au fakatupu anai he huli* ʼe faitotonu maʼa Tavite.+ ʼE pule anai+ mo he fakasiosio poto, pea ʼe lagolago anai ki te faitotonu ʼi te fenua.+ 6 ʼE haofaki anai ia Suta ʼi te temi ʼaia,+ pea ʼe maʼuli fimalie anai ia Iselaele.+ Pea ʼe fakahigoaʼi anai: Ko Sehova Ko Tomatou Faitotonu.”+

7 ʼE ui e Sehova: “ ʼE ʼi ai anai he ʼaho ʼe mole natou toe ui ai: ‘ ʼE matou fakapapau ia muʼa ʼo Sehova te ʼAtua maʼuli, ʼae neʼe ina fakamavae te hahaʼi ʼo Iselaele mai Esipito!’+ 8 Kae ʼe natou ui anai: ‘ ʼE matou fakapapau ia muʼa ʼo Sehova te ʼAtua maʼuli, ʼae neʼe ina ʼaumai te hakoga ʼo Iselaele mai te fenua ʼo te potu noleto pea mo te ʼu fenua fuli ʼae neʼe ina fakamavetevete ai natou,’ pea ʼe natou nonofo anai ʼi tonatou fenua.”+

9 ʼE au ui ʼo ʼuhiga mo te kau polofeta:

ʼE mamahi toku loto.

ʼE tekelili ʼoku hui fuli.

ʼE natou agakovi pea mo pule’i fakamalohi te hahaʼi.

11 “ ʼE heʼe maʼa* te kau polofeta ohage pe ko te kau pelepitelo.+

Kua kaku mai tanatou agakovi ki toku loto fale,”+ ko te ui ʼaia ʼa Sehova.

13 “Neʼe au sio ki he meʼa fakalialia ʼi te kau polofeta ʼo Samalia:+

14 Neʼe au sio ki ni meʼa fakalialia ʼi te kau polofeta ʼo Selusalemi:

15 Koia, koʼeni te folafola ʼa Sehova ʼo te ʼatu kautau ʼo ʼuhiga mo te kau polofeta:

Neʼe uga e te kau polofeta ʼo Selusalemi ke heʼe agatonu te hahaʼi ʼi te fenua katoa.”

16 Koʼeni te folafola ʼa Sehova ʼo te ʼatu kautau:

“ ʼAua naʼa kotou fakalogo ki te ʼu faifakakikite ʼa te ʼu polofeta.+

ʼE natou kakaʼi koutou.

Ko ai ʼae neʼe ina tokagaʼi ke logo ki tana folafola?

ʼE kotou mahino lelei anai ki ai ʼi te ʼu ʼaho fakamuli.

21 Neʼe mole au fekauʼi atu te kau polofeta, kae neʼe natou feleleʼi atu pe.

Neʼe mole au palalau kia natou, kae neʼe natou faifakakikite pe.+

23 ʼE fehuʼi e Sehova: “ ʼE ha pe koa toku ʼuhiga ʼAtua moka au nofo ovi kia koutou? ʼE mole toe ha koa la moka au nofo mamaʼo ia koutou?”

24 “ ʼE feala koa ke nono he tagata kae ʼe mole au sio ki ai?”+ ko te ui ʼaia ʼa Sehova.

“ ʼE mole feala koa la ke au sio kia meʼa fuli ʼi te lagi mo te kele?”+ ko te ui ʼaia ʼa Sehova.

25 “Neʼe au logo neʼe fakakikite e te kau polofeta ni loi ʼi toku huafa ʼo natou ui: ‘Neʼe au fai taku moemisi! Neʼe au fai taku moemisi!’+ 26 ʼE kaku anai ki ʼafea ia te fakakikite ʼae e te kau polofeta ni loi? Ko te ʼu meʼa ʼae ʼe natou fakakikite ko ni loi neʼe natou faʼufaʼu pe.+ 27 ʼE natou fefakahaʼaki ʼanatou moemisi ke galoʼi e taku hahaʼi ia toku huafa, ohage pe ko te galoʼi e ʼanatou kui ia toku huafa ʼuhi ko Paale.+ 28 Kapau ʼe moemisi ia he polofeta, ke ina fakaha. Kae ko ia ʼae ʼe ina maʼu taku folafola, ke agatonu ʼi tana fakaha.”

“Kotea ʼae ʼe tatau ai te luna moamoa mo te tegaʼi fulumeto?” ko te ui ʼaia ʼa Sehova.

29 “ ʼE mole hage koa la taku folafola ko he afi+ peʼe ko he hamale ʼe ina laliki he maka?”+ ko te ui ʼaia ʼa Sehova.

30 “Koia, ʼe au tauteaʼi anai te kau polofeta ʼae ʼe natou fekaihaʼaʼaki ʼaku folafola,” ko te ui ʼaia ʼa Sehova.+

31 ʼE toe ui e Sehova: “ ʼE au tauteaʼi anai te kau polofeta ia natou ʼae ʼe natou ui: ‘Koʼeni te folafola ʼa te ʼAtua!’ ”+

32 “ ʼE au tauteaʼi anai te kau polofeta ʼae ʼe natou fakakikite ni moemisi loi,” ko te ui ʼaia ʼa Sehova. “ ʼE natou fakamatala te ʼu moemisi ʼaia mo natou fakahehe taku hahaʼi ʼaki ʼanatou loi mo ʼanatou laupisi.”+

“Kae neʼe mole au fekauʼi natou. Neʼe mole au fakatotonu age he meʼa. Koia ʼe mole natou fai anai he meʼa ʼe lelei ki te hahaʼi ʼaeni,”+ ko te ui ʼaia ʼa Sehova.

33 “Ka fehuʼi atu e te hahaʼi ʼaeni, peʼe ko he polofeta, peʼe ko he pelepitelo: ‘Kotea te kavega* ʼae ʼa Sehova?’ ʼe ke tali anai kia natou: ‘ “Ko koutou ia te kavega! ʼEi, ʼe au liʼaki anai koutou,”+ ko te ui ʼaia ʼa Sehova.’ 34 Pea ka ui e he polofeta, peʼe ko he pelepitelo, peʼe ko he tahi pe: ‘Koʼeni te kavega ʼa Sehova!’ ʼe au tauteaʼi anai te tagata ʼaia mo tona famili. 35 ʼE kotou tahi fehuʼi ki tona kaumeʼa mo tona tehina: ‘Neʼe kotea te tali ʼa Sehova? Pea kotea ʼae neʼe ui e Sehova?’ 36 Kae ʼaua naʼa kotou toe palalau ki te kavega ʼa Sehova. Ko te kavega ʼe ko ʼakotou palalau ʼa koutou takitokotahi. Neʼe kotou fetogi te ʼu folafola ʼa te ʼAtua maʼuli, ia Sehova ʼo te ʼatu kautau, totatou ʼAtua.

37 “ ʼE ke ui anai ki te polofeta: ‘Kotea ʼae neʼe tali atu e Sehova? Pea kotea ʼae neʼe ui e Sehova? 38 ʼAua naʼa ke toe ui: “Koʼeni te kavega ʼa Sehova!” he ʼe fakaha atu e Sehova: “ ʼUhi ʼae ʼe ke ui: ‘Ko te folafola ʼaia ʼe ko te kavega ʼa Sehova,’ kae neʼe au tapuʼi atu ke ke ui: ‘Koʼeni te kavega ʼa Sehova!’ 39 ʼe au hiki ake anai ia koe ʼo li mamaʼo ia te au, ia koe mo te kolo ʼae neʼe au foaki atu kia koe mo ʼau kui. 40 ʼEi, ʼe au fakatupu anai tou ufiufi ʼo heʼe gata mo tou lainoa ʼo heʼe gata, pea ʼe mole toe galoʼi anai ʼi he temi.” ’ ”+

24 Neʼe fakaha mai leva e Sehova te ʼu kato fiku ʼe lua neʼe hili ia muʼa ʼo te fale lotu ʼo Sehova. (ʼI te temi ʼaia, neʼe kua ʼave popula mai Selusalemi ki Papiloni e te Hau ʼo Papiloni ko Nepukanesa ia Sekoniasi*+ foha ʼo Soakimi,+ te hau ʼo Suta, pea mo te ʼu tama ʼaliki ʼo Suta, mo te ʼu tufuga ukamea* pea mo te ʼu tufuga kehekehe.)+ 2 ʼE ʼai ʼi te tahi kato te ʼu fiku ʼe kano lelei ʼosi. Neʼe hage ia ko te ʼu fiku ʼo te ʼuluaki taʼukai. Kae ʼe ʼai ʼi te tahi kato te ʼu fiku ʼe kovi ʼosi ʼo mole feala pe la tona kai.

3 Pea neʼe fehuʼi mai e Sehova: “Selemia, kotea ʼae ʼe ke sio ki ai?” Neʼe au tali age: “Ko te ʼu fiku. ʼE ʼi ai te ʼu fiku ʼe kano lelei ʼosi, kae ʼe ʼi ai te ʼu fiku ʼe kovi ʼosi ʼo mole feala pe la tona kai.”+

4 Neʼe palalau mai leva ia Sehova, ʼo ina ui: 5 “Koʼeni te folafola ʼa Sehova, te ʼAtua ʼo Iselaele: ‘Ko te kau popula ʼo Suta ʼae neʼe au kapu ʼi te fenua ʼaeni ʼo ʼave ki te fenua ʼo te kau Kaletea, ʼe natou hage ko te ʼu fiku kano lelei ʼaeni pea ʼe au tokaga lelei anai kia natou. 6 ʼE au tokaga anai ke fua lelei kia natou pea ʼe au toe ʼaumai anai ki te fenua ʼaeni.+ ʼE au fakatuʼu anai natou kae ʼe mole au maumauʼi anai. ʼE au to anai natou kae ʼe mole au taʼaki anai.+ 7 ʼEi, ʼe au uga anai tonatou loto ke natou fia iloʼi ia au, ke natou iloʼi ko au ko Sehova.+ ʼE natou liliu anai ko taku hahaʼi pea ʼe au liliu anai ko tonatou ʼAtua,+ he ʼe natou toe liliu mai anai kia te au ʼi tonatou loto katoa.+

8 “ ‘Kae koʼeni te folafola ʼa Sehova ʼo ʼuhiga mo te ʼu fiku kovi ʼae ʼe mole feala pe la tona kai:+ “ ʼE feia anai taku faʼahiga sio ki te Hau ʼo Suta ko Setesiasi,+ mo ʼana tama ʼaliki pea mo te hahaʼi ʼo Selusalemi ʼae neʼe hao, ia natou ʼae neʼe nonofo ʼi te fenua ʼaeni pea mo natou ʼae ʼe nonofo ʼi Esipito.+ 9 ʼE natou liliu anai ko he meʼa fakalialia ki te ʼu puleʼaga fuli ʼo te kele, ʼuhi ko te malaʼia ʼae ka au fakahoko anai kia natou.+ ʼE fakalainoaʼi anai natou ʼi te ʼu potu fuli ʼae ka au fakamavetevete ai natou.+ ʼE vaʼi anai natou mo talanoaʼi ʼi te ʼu takuga lea mo te ʼu faitutuku.+ 10 ʼEi, ʼe au ʼaumai anai kia natou te tau,+ mo te hoge pea mo te ʼu taʼi mahaki*+ ʼo kaku ki tanatou pupuli ʼi te fenua ʼae neʼe au foaki kia natou mo ʼanatou kui.” ’ ”

25 Neʼe palalau leva te ʼAtua kia Selemia ʼo ʼuhiga mo te hahaʼi katoa ʼo Suta. Neʼe ko te fa taʼu ʼaia ʼo te pule ʼa Soakimi,+ foha ʼo Sosiasi, hau ʼo Suta pea mo te ʼuluaki taʼu ʼo te pule ʼa te Hau ʼo Papiloni ko Nepukanesa. 2 Koʼeni te meʼa ʼae neʼe ui e te polofeta ko Selemia ʼo ʼuhiga mo* te hahaʼi katoa ʼo Suta pea mo te hahaʼi katoa ʼo Selusalemi:

3 “Kua taʼu 23 ia te palalau mai ʼa Sehova, talu mai te 13 taʼu ʼo te pule ʼa Sosiasi,+ foha ʼo Amone, hau ʼo Suta ʼo kaku mai ki te temi nei. Pea neʼe au palalau liuliuga atu kia koutou kae neʼe mole kotou fia fakalogo.+ 4 Pea neʼe fekauʼi atu e Sehova ʼana tagata faifekau fuli, ia te ʼu polofeta. Neʼe ina fekauʼi liuliuga atu ia natou kae neʼe mole kotou fia fakalogo mo tokagaʼi ia natou.+ 5 Neʼe natou ui: ‘ ʼE au kole atu kia koutou fuli, kotou liʼaki takotou aga ʼae ʼe kovi mo ʼakotou gaue ʼae ʼe kovi.+ Pea ʼe kotou nonofo fualoa anai ʼi te fenua ʼae neʼe foaki atu e Sehova ʼi te temi muʼa kia koutou mo ʼakotou kui. 6 ʼE kotou fakamamahiʼi au ʼi takotou faʼu ni fakatata. ʼAua naʼa kotou fakalogo ki ʼihi ʼatua, mo tauhi pea mo tulolo ʼi ʼonatou muʼa, naʼa au fakahoko anai he malaʼia kia koutou.’

7 “ ‘Kae neʼe mole kotou fia fakalogo mai,’ ko te ui ʼaia ʼa Sehova. ‘Neʼe kotou fakamamahiʼi au ʼi takotou faʼu ni fakatata ʼo kotou malaʼia ai.’+

8 “Koia koʼeni te folafola ʼa Sehova ʼo te ʼatu kautau: ‘ “Neʼe mole kotou fia fakalogo ki ʼaku folafola,” 9 ko te ui ʼaia ʼa Sehova, “koia ʼe au pauʼi te ʼu puleʼaga fuli ʼo te potu noleto+ pea ʼe au pauʼi taku tagata faifekau ia te Hau ʼo Papiloni ko Nepukanesa.+ ʼE au fekauʼi mai anai ke natou ʼohofi te fenua ʼaeni,+ mo ʼana hahaʼi pea mo te ʼu puleʼaga fuli ʼae ʼi ʼona tafaʼaki.+ ʼE au maumauʼi anai ia te fenua pea mo te ʼu puleʼaga ʼaia. ʼE natou liliu anai ʼo fakalialia mo fehiʼaʼinaʼi ʼo vekaʼi ai natou, pea ʼe tuʼu maumau anai ʼo talu ai. 10 ʼE au fakagata anai ia te ʼu kalaga fakafiafia.+ ʼE mole toe logo anai ki te leʼo ʼo te tagata ʼohoana peʼe ko te leʼo ʼo te fafine ʼohoana,+ mo te logoaʼa ʼo te meʼa momosi fulumeto. Pea ʼe mole toe mu anai ia te malama. 11 ʼEi, ʼe maumauʼi anai ia te fenua katoa pea ʼe liliu anai ʼo fakalialia. Pea ʼe tonu anai ke tauhi e te ʼu puleʼaga ʼaia ia te hau ʼo Papiloni ia taʼu ʼe 70.” ’+

12 “ ʼE ui e Sehova: ‘ ʼI te hili ʼo te ʼu taʼu ʼaia ʼe 70,+ ʼe au tauteaʼi anai ia te hau ʼo Papiloni mo te puleʼaga ʼaia ʼuhi ko tanatou hala,+ pea ʼe au fakatuʼu lavaki anai ia te fenua ʼo te kau Kaletea ʼo talu ai.+ 13 ʼE au fakahoko anai ki te fenua ʼaia ia te ʼu folafola ʼae neʼe au fakaha ʼo ʼuhiga mo ia, ia te ʼu meʼa fuli ʼae ʼe tohi ʼi te tohi ʼaeni, ʼae neʼe fakakikite e Selemia ʼo ʼuhiga mo te ʼu puleʼaga fuli. 14 ʼE fakapopulaʼi anai natou+ e ni puleʼaga ʼe kaugamalie mo ni hau ʼe malolohi,+ pea ʼe au liufaki anai kia natou te meʼa ʼae ʼe tuha mo ʼanatou gaue pea mo ʼanatou aga.’ ”+

15 Koʼeni te folafola ʼae neʼe ui mai e Sehova, te ʼAtua ʼo Iselaele: “Toʼo ʼi toku nima ia te ipu vino ʼaeni ʼo toku hauhau pea ke fakainu ʼaki ia te ʼu puleʼaga fuli ʼae ʼe au fekauʼi koe ki ai. 16 ʼE natou iinu anai mo siʼia pea ʼe natou hage anai ko ni kau vavale ʼuhi ko te heleta ʼae ʼe au fakaʼaogaʼi moʼo taʼi ʼo natou.”+

17 Neʼe au toʼo leva te ipu ʼi te nima ʼo Sehova ʼo fakainu ʼaki ia te ʼu puleʼaga fuli ʼae neʼe fekauʼi au e Sehova ki ai:+ 18 neʼe au kamata ʼi Selusalemi mo te ʼu kolo ʼo Suta,+ mo ʼona hau pea mo ʼona tama ʼaliki ke liliu ai ko he koga meʼa ʼe tuʼu lavaki, mo fakalialia, mo fehiʼaʼinaʼi pea ke talanoaʼi ʼi te ʼu faitutuku,+ he ʼe tonu ke hoko ʼi te temi nei. 19 Pea neʼe au fakainu ʼaki ia te hau ʼo Esipito ko Falaone, mo ʼana tagata faifekau, mo ʼana tama ʼaliki, mo tana hahaʼi fuli,+ 20 ʼo feia mo te kau matapule fuli ʼae ʼe nonofo ʼi tonatou fenua, pea mo te ʼu hau fuli ʼo te fenua ʼo Usia, mo te ʼu hau fuli ʼo te fenua ʼo te kau Filisitini,+ mo Asekaloni,+ mo Kasa, mo Ekelone pea mo natou ʼae ʼe kei nonofo ʼi Asoti, 21 mo Etome,+ mo Moape+ pea mo te kau Amone,+ 22 mo te ʼu hau fuli ʼo Tile, mo te ʼu hau fuli ʼo Sitoni+ pea mo te ʼu hau ʼo te motu ʼae ʼe tuʼu ʼi te tai, 23 mo Tetane,+ mo Tema, mo Puse pea mo natou fuli ʼae neʼe tuʼusi ʼonatou lauʼulu ki ʼonatou niania,+ 24 mo te ʼu hau fuli ʼo te kau Alape+ pea mo te ʼu hau fuli ʼo te ʼu puleʼaga kehekehe ʼae ʼe nonofo ʼi te toafa, 25 mo te ʼu hau fuli ʼo Simili, mo te ʼu hau fuli ʼo Elame+ pea mo te ʼu hau fuli ʼo Metia,+ 26 pea ʼe fefakahoahoaʼaki ia te ʼu hau fuli ʼo te potu noleto pe ʼe tuʼu ovi peʼe tuʼu mamaʼo, mo te ʼu puleʼaga fuli ʼae ʼo te malamanei, pea ʼe inu fakamuli leva ia te hau ʼo Sesake.*+

27 “Pea ʼe tonu anai ke ke ui age kia natou: ‘Koʼeni te folafola ʼa Sehova ʼo te ʼatu kautau, te ʼAtua ʼo Iselaele: “Kotou iinu, kotou konahihia mo lulua. Kotou fetokaʼi pea ke mole kotou toe lava tutuʼu ake+ ʼuhi ko te heleta ʼae ʼe au fakaʼaogaʼi moʼo taʼi ʼaki ʼo koutou.” ’ 28 Pea kapau ʼe mole natou fia toʼo ʼi tou nima ia te ipu ʼo inu, ui age kia natou: ‘Koʼeni te folafola ʼa Sehova ʼo te ʼatu kautau: “ ʼE au fakatotonu atu, kotou inu! 29 ʼE mahino ia, kapau ʼe au fakahoko muʼa ia te malaʼia ki te kolo ʼae ʼe tuʼu ai toku huafa,+ pea ʼe tonu ia ke toe tauteaʼi mo koutou.” ’+

“ ‘ ʼEi, ʼe mole kotou hao anai mai te tautea he ʼe au fakaʼaogaʼi te heleta moʼo taʼi ʼo te hahaʼi fuli ʼo te kele,’ ko te ui ʼaia ʼa Sehova ʼo te ʼatu kautau.

ʼE gugulu malohi anai ki tona nofoʼaga.

ʼEi, ʼe ina fakamauʼi totonu anai ia te hahaʼi fuli.+

Pea ʼe ina tuku anai ia te kau agakovi ki te heleta,’ ko te ui ʼaia ʼa Sehova.

32 Koʼeni te folafola ʼa Sehova ʼo te ʼatu kautau:

33 “ ‘ ʼI te ʼaho ʼaia, ʼe matehi anai e Sehova ni hahaʼi mai he potu ki he tahi potu ʼo te kele. ʼE mole tagiʼi anai natou, ʼe mole tanaki anai ʼonatou sino pea ʼe mole tanu anai ia. ʼE natou hage anai ko he meʼa fakagakokele.’

34 ʼU tauhi ovi, kotou lauga mo kalaga!

26 ʼI te temi ʼae neʼe kamata hau ai ia Soakimi,+ foha ʼo Sosiasi, hau ʼo Suta, neʼe palalau leva ia Sehova kia Selemia, ʼo ina ui: 2 “Koʼeni te folafola ʼa Sehova: ‘Ke ke tuʼu ʼi te malaʼe ʼo te fale ʼo Sehova mo ke palalau ʼo ʼuhiga mo* te hahaʼi fuli ʼo te ʼu kolo ʼo Suta ʼae ʼe ʼomai ʼo atolasio ʼi te fale ʼo Sehova. Fakaha age kia natou te ʼu meʼa fuli ʼae ʼe au fakatotonu atu. Pea ʼaua naʼa ke toʼo he kupu ʼe tahi. 3 ʼE lagi natou fakalogo anai mo liʼaki tanatou aga ʼae ʼe kovi. Pea kapau koia, ʼe au fetogi anai taku manatu ʼo ʼuhiga mo te malaʼia ʼae ʼe au fakatuʼutuʼu ke au fakahoko kia natou moʼo tauteaʼi ʼanatou aga ʼae ʼe kovi.+ 4 Ui age kia natou: “Koʼeni te folafola ʼa Sehova: ‘Kotou fakalogo mai, ʼei, kotou fakaʼapaʼapa ki taku lao* ʼae neʼe au foaki atu, 5 pea kotou fakalogo ki ʼaku tagata faifekau te kau polofeta ʼae ʼe au fekauʼi liuliuga atu kae neʼe mole kotou fakalogo ki ai.+ 6 Kapau ʼe mole kotou fakalogo, ʼe au fakaliliu anai te fale ʼaeni ke hage ko Silo.+ Pea ʼe talanoaʼi anai e te ʼu puleʼaga fuli ʼo te kele ia te kolo ʼaia ʼi ʼanatou faitutuku.’ ” ’ ”+

7 Neʼe logo ai te kau pelepitelo, mo te kau polofeta pea mo te hahaʼi fuli ʼae neʼe nonofo ʼi te fale lotu ʼo Sehova ki te ʼu palalau ʼaia ʼa Selemia.+ 8 ʼI te ʼosi fakaha e Selemia ia te ʼu palalau fuli ʼae neʼe fakatotonu age e Sehova ke ina tala ki te hahaʼi fuli, neʼe puke leva ia ia e te kau pelepitelo, mo te kau polofeta pea mo te hahaʼi, ʼo natou ui ki ai: “ ʼE ke mate anai. 9 He koʼe neʼe ke faifakakikite ʼi te huafa ʼo Sehova ʼo ke ui ʼe liliu anai te fale ʼaeni ohage ko Silo pea ʼe maumauʼi mo tuʼu lavaki anai te kolo ʼaeni?” Pea neʼe fakapupu leva ia te hahaʼi fuli kia Selemia ʼi te fale lotu ʼo Sehova.

10 ʼI te logo ʼae ʼa te ʼu tama ʼaliki ʼo Suta ki te ʼu palalau ʼaia, neʼe natou feulufi ai ki tuʼa ʼi te fale hau ʼo hake ki te fale lotu ʼo Sehova pea natou heheka ʼi te huʼaga ʼo te matapa foʼou ʼo te fale lotu ʼo Sehova.+ 11 Neʼe ui leva e te kau pelepitelo mo te kau polofeta ki te ʼu tama ʼaliki pea mo te hahaʼi katoa: “ ʼE tonu ke matehi te tagata ʼaeni.+ Neʼe ina fakakikite he malaʼia ki te kolo ʼaeni. Pea neʼe kotou logo tonu ki ai.”+

12 Neʼe ui leva e Selemia ki te ʼu tama ʼaliki fuli pea mo te hahaʼi katoa: “Ko te ʼu meʼa fuli ʼae neʼe kotou logo ki ai, ko Sehova ʼae neʼe ina fekauʼi au ke au faifakakikite ki te fale mo te kolo ʼaeni.+ 13 Koia ʼi te lakaga nei, kotou fetogi ʼakotou aga mo ʼakotou gaue pea kotou fakalogo kia Sehova tokotou ʼAtua. Pea ʼe fetogi anai e Sehova ia tana manatu ki te malaʼia ʼae neʼe ina fakaha ʼo ʼuhiga mo koutou.+ 14 Koʼeni au, pea kotou fai kia au te meʼa ʼae ʼe kotou manatu ʼe lelei mo totonu. 15 Pea ke kotou iloʼi, kapau ʼe kotou matehi au, ʼe kotou lakahala anai, ia koutou, mo te kolo ʼaeni mo ʼana hahaʼi, he neʼe kotou matehi ia he tagata neʼe mole ina fai he meʼa ʼe kovi, koteʼuhi neʼe ko Sehova totonu ʼae neʼe ina fekauʼi mai au kia koutou ke au fakaha atu ia te ʼu folafola fuli ʼaeni.”

16 Neʼe ui leva e te ʼu tama ʼaliki mo te hahaʼi katoa ki te ʼu pelepitelo pea mo te ʼu polofeta: “ ʼE mole tonu ke matehi te tagata ʼaeni, he neʼe palalau mai kia tatou ʼi te huafa ʼo Sehova totatou ʼAtua.”

17 Pea neʼe tutuʼu ake ni takitaki ʼo te fenua ʼo natou ui ki te hahaʼi katoa ʼae neʼe kua maʼopoʼopo: 18 “Neʼe faifakakikite ia Mikea+ mai Moleseti, ʼi te temi pule ʼo te Hau ʼo Suta ko Esekiasi,+ ʼo ina ui ki te hahaʼi katoa ʼo Suta: ‘Koʼeni te folafola ʼa Sehova ʼo te ʼatu kautau:

19 “Kae neʼe matehi koa ia ia e te Hau ʼo Suta ko Esekiasi mo te hahaʼi katoa ʼo Suta? Kailoa ia. Neʼe manavasiʼi te hau kia Sehova pea neʼe tagi mamahi kia Sehova. Neʼe fetogi ai leva e Sehova tana manatu ki te malaʼia ʼae neʼe ina fakaha ʼo ʼuhiga mo natou.+ Kae ʼe feafeaʼi kia tatou, ʼe mole tou fakatupu anai koa la he toe malaʼia kia tatou?

20 “Neʼe ʼi ai te tahi tagata neʼe faifakakikite ʼi te huafa ʼo Sehova. Neʼe ko Ulisa, foha ʼo Semaea mai Kiliate-sealimi.+ Neʼe ina toe fakakikite foki ʼe hoko anai he malaʼia ki te kolo mo te fenua ʼaeni, pea neʼe tatau pe ʼana palalau mo ʼae ʼa Selemia. 21 Neʼe logo te Hau ko Soakimi,+ mo ʼana tagata malolohi fuli, mo ʼana tama ʼaliki fuli ki ʼana palalau, pea neʼe kumi e te hau ke ina matehi ia ia.+ ʼI te iloʼi e Ulisa ia te meʼa ʼaia, neʼe mataku ai ʼo hola ki Esipito. 22 Neʼe fekauʼi leva e te Hau ko Soakimi ke olo ki Esipito ia te foha ʼo Akepole ko Elenatane+ pea mo ʼihi tagata. 23 Neʼe natou toe ʼaumai ai mai Esipito ia Ulisa ʼo ʼave ki te Hau ko Soakimi. Pea neʼe fakatotonu e te hau ke matehi ia ia ʼaki te heleta+ mo li tona sino ki te tanuma ʼo te hahaʼi masisiva.”

24 Kae neʼe lagolago ia Asikame,+ foha ʼo Safani+ kia Selemia, ʼo mole tuku ai ia Selemia ki te hahaʼi ʼae neʼe natou fia matehi ia ia.+

27 ʼI te kamata pule ʼa te hau ʼo Suta ko Soakimi,* foha ʼo Sosiasi, neʼe palalau ia Sehova kia Selemia: 2 “Koʼeni te meʼa ʼae neʼe ui mai e Sehova: ‘Fai ni haʼi mo ni ʼakau ʼamo pea ke hili ki tou kia. 3 Pea ke ʼave leva ki te hau ʼo Etome,+ mo te hau ʼo Moape,+ mo te hau ʼo te kau Amone,+ mo te hau ʼo Tile+ pea mo te hau ʼo Sitoni+ ʼaki te ʼu tagata ʼave logo ʼae neʼe ʼomai ki te Hau ʼo Suta ko Setesiasi ʼi Selusalemi. 4 Kole age kia natou ke natou fakaha te fakatotonu ʼaeni ki ʼonatou hau:

“ ‘ “Koʼeni te folafola ʼa Sehova ʼo te ʼatu kautau, te ʼAtua ʼo Iselaele ʼae ka kotou fakaha ki ʼokotou hau: 5 ‘Ko au ʼae neʼe au fakatupu te kele, mo te tagata pea mo te ʼu manu ʼo te vao ʼi te fuga kele ʼaki toku nima malohi mo toku mafimafi, pea neʼe au foaki ki ʼae ʼe au loto ki ai.+ 6 Pea ʼi te temi nei kua au tuku ia te ʼu fenua fuli ʼaia ki te nima ʼo taku tagata faifekau, ia te Hau ʼo Papiloni ko Nepukanesa.+ Pea neʼe au toe foaki age kia ia te ʼu manu ʼo te vao ke natou tauhi ki ai. 7 ʼE tauhi anai te ʼu puleʼaga fuli kia ia, mo tona foha pea mo tona mokopuna ʼo kaku ki te temi ʼae ka puleʼi ai ia tona fenua totonu.+ Pea ʼe fakapopulaʼi anai ia ia e ni puleʼaga ʼe kaugamalie mo ni hau ʼe malolohi.’+

8 “ ‘ “ ‘Kapau ʼe mole fia tauhi ia he puleʼaga ki te Hau ʼo Papiloni ko Nepukanesa, ʼei, kapau ʼe mole fia fakalogo ki te hau ʼo Papiloni, ʼe au tauteaʼi anai te hahaʼi ʼo te puleʼaga ʼaia ʼaki te tau,+ mo te hoge pea mo te ʼu taʼi mahaki,* ʼo kaku ki taku pulihi ia natou ʼaki ia Nepukanesa,’ ko te ui ʼaia ʼa Sehova.

9 “ ‘ “ ‘Koia ʼaua naʼa kotou fakalogo ki ʼakotou polofeta, ki ʼakotou hahaʼi gaohi meʼa fakamanamana, mo faifakakikite ʼaki ni moemisi, mo gaohi meʼa fakatemonio, ia natou ʼae ʼe natou fakapapau atu ʼe mole kotou tauhi anai ki te hau ʼo Papiloni. 10 ʼE natou fakakikite ni loi, pea kapau ʼe kotou fakalogo kia natou ʼe ʼave mamaʼo anai koutou ʼi tokotou fenua pea ʼe au fakamavetevete anai koutou ʼo kotou mamate ai.

11 “ ‘ “ ‘Kae ko te puleʼaga ʼae ʼe fakalogo mo tauhi ki te hau ʼo Papiloni, ʼe au tuku anai ke nofo ʼi tona fenua ʼo gaueʼi te kele pea mo maʼuli ai,’ ko te ui ʼaia ʼa Sehova.” ’ ”

12 Neʼe au toe palalau feia ki te Hau ʼo Suta ko Setesiasi.+ Neʼe au ui: “Kotou fakalogo ki te hau ʼo Papiloni mo kotou tauhi kia ia mo tana hahaʼi. Pea ʼe kotou maʼuʼuli anai.+ 13 He koʼe ʼe tonu anai ke ke mate mo tau hahaʼi, ʼuhi ko te tau,+ mo te hoge+ pea mo te ʼu taʼi mahaki?+ ʼEi, ohage ko tona ui e Sehova, ko te meʼa ʼaia ka hoko ki te puleʼaga ʼae ʼe mole fia tauhi anai ki te hau ʼo Papiloni. 14 ʼAua naʼa kotou fakalogo ki te ʼu palalau ʼa te ʼu polofeta ʼae ʼe natou fakapapauʼi atu ʼe mole kotou tauhi anai ki te hau ʼo Papiloni.+ ʼE natou fakakikite he ʼu loi.+

15 “ ʼE ui e Sehova: ‘Neʼe mole au fekauʼi atu ia natou. ʼE natou fakakikite ni loi ʼi toku huafa. Kapau ʼe kotou fakalogo kia natou, ʼe au fakamavetevete anai ia koutou ʼo kotou pupuli ai mo te kau polofeta ʼae ʼe natou fai atu ia te ʼu fakakikite ʼaia.’ ”+

16 Pea neʼe au ui ki te ʼu pelepitelo pea mo te hahaʼi katoa ʼaia: “Koʼeni te folafola ʼa Sehova: ‘ ʼAua naʼa kotou fakalogo ki te ʼu fakakikite ʼae ʼe fai atu e ʼakotou polofeta ʼo natou ui: “ ʼE kua vave pe te ʼaumai mai Papiloni ʼo te ʼu meʼa gaue ʼae ʼe fai ʼaki te tauhi ʼi te fale ʼo Sehova.”+ ʼE natou fakakikite ni loi.+ 17 ʼAua naʼa kotou fakalogo kia natou. Kotou tauhi te hau ʼo Papiloni pea ʼe kotou maʼuʼuli anai.+ He koʼe ʼe tonu anai ke maumauʼi te kolo ʼaeni? 18 Kae kapau ko ni polofeta moʼoni pea kapau ʼe natou tala moʼoni ia te folafola ʼa Sehova, ke natou kole mamahi kia Sehova ʼo te ʼatu kautau ke mole ʼave ki Papiloni ia te ʼu meʼa gaue ʼae ʼe fai ʼaki te tauhi ʼae ʼe tuku ʼi te fale ʼo Sehova, ʼi te fale ʼo te hau ʼo Suta mo Selusalemi.’

19 “Koʼeni te folafola ʼa Sehova ʼo te ʼatu kautau ʼo ʼuhiga mo te ʼu pou,+ mo te foʼi tane vai,*+ mo te ʼu saliote+ pea mo te ʼu meʼa kehekehe ʼae neʼe tuku ʼi te kolo ʼaeni, 20 ia te ʼu meʼa fuli ʼae neʼe mole ʼave e te Hau ʼo Papiloni ko Nepukanesa ʼi te temi ʼae neʼe ina ʼave popula ai mai Selusalemi ki Papiloni ia Sekoniasi, foha ʼo Soakimi, hau ʼo Suta, pea mo te kau ʼaliki fuli ʼo Suta pea mo Selusalemi.+ 21 ʼEi, koʼeni te folafola ʼa Sehova ʼo te ʼatu kautau, te ʼAtua ʼo Iselaele ʼo ʼuhiga mo te ʼu meʼa gaue ʼae ʼe fai ʼaki te tauhi ʼae neʼe tuku ʼi te fale ʼo Sehova, ʼi te fale ʼo te hau ʼo Suta pea mo Selusalemi: 22 ‘ “ ʼE ʼave anai ki Papiloni+ pea ʼe tuku anai ʼi ai ʼo kaku ki te ʼaho ʼae ka au fakatotonu ai ke au toe kumi mai,” ko te ui ʼaia ʼa Sehova. “Pea ʼe au toe ʼaumai anai ʼo tuku ki te koga meʼa ʼaeni.” ’ ”+

28 Koʼeni te meʼa ʼae neʼe hoko ʼi te taʼu ʼaia, ʼi te temi ʼae neʼe kamata pule ai te Hau ʼo Suta ko Setesiasi.+ Ko te nima mahina ʼaia ʼo te fa taʼu ʼo tana pule. Neʼe ui e te polofeta ko Hanania, foha ʼo Asuli mai Kipeone+ kia Selemia kae neʼe natou ʼi te fale lotu ʼo Sehova mo te ʼu pelepitelo pea mo te hahaʼi katoa: 2 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘ ʼE au fakagata anai te pule ʼa te hau ʼo Papiloni.+ 3 ʼI muʼa ʼo te hili ʼo taʼu ʼe lua, ʼe au toe ʼaumai anai ki te koga meʼa ʼaeni te ʼu meʼa gaue fuli ʼae ʼe fai ʼaki te tauhi ʼi te fale ʼo Sehova ʼae neʼe toʼo e te Hau ʼo Papiloni ko Nepukanesa ʼi te koga meʼa ʼaeni ʼo ʼave ki Papiloni.’ ”+ 4 “ ‘ ʼE au toe ʼaumai anai ki te koga meʼa ʼaeni ia Sekoniasi,+ foha ʼo Soakimi,+ te hau ʼo Suta mo te kau Sutea fuli ʼae neʼe ʼave popula ki Papiloni,+ he ʼe au fakagata anai te pule ʼa te hau ʼo Papiloni,’ ko te ui ʼaia ʼa Sehova.”

5 Neʼe tali leva e te polofeta ko Selemia ki te polofeta ko Hanania ia muʼa ʼo te kau pelepitelo pea mo te hahaʼi katoa ʼae neʼe ʼi te fale lotu ʼo Sehova. 6 Neʼe ui e te polofeta ko Selemia: “Ameni!* Ke fakahoko e Sehova! ʼEi, ke fakahoko e Sehova te meʼa ʼae neʼe ke fakakikite, ʼo toe fakaliliu mai ki te koga meʼa ʼaeni te ʼu meʼa gaue ʼae ʼe fai ʼaki te tauhi ʼi te fale ʼo Sehova mo natou fuli ʼae ʼe maʼuli popula ʼi Papiloni. 7 Kae fakalelei siʼou loto, fagono ki te logo ʼaeni ka au fakaha atu kia koe mo te hahaʼi katoa. 8 Talu mai fualoa, neʼe faifakakikite te ʼu polofeta ʼae neʼe muʼamuʼa ia koe mo au ʼo ʼuhiga mo ni fenua kaugamalie pea mo ni puleʼaga lalahi. Neʼe natou tala ʼe hoko anai ni tau, mo ni malaʼia pea mo ni taʼi mahaki.* 9 Koia kapau ʼe fakaha e he polofeta ʼe ʼi ai anai te tokalelei, ʼe hoki iloʼi anai ko te polofeta neʼe fekauʼi tonu e Sehova moka ʼe hoko tana lea fakapolofeta.”

10 Neʼe toʼo leva e te polofeta ko Hanania te ʼakau ʼamo ʼae neʼe hili ʼi te kia ʼo te polofeta ko Selemia ʼo fasiʼi.+ 11 Pea neʼe ui e Hanania ia muʼa ʼo te hahaʼi katoa: “Koʼeni te folafola ʼa Sehova: ‘ ʼI muʼa ʼo te hili ʼo taʼu ʼe lua, ʼe au fasiʼi feia anai te ʼakau ʼamo ʼae neʼe hili e te Hau ʼo Papiloni ko Nepukanesa ki te ʼu puleʼaga fuli.’ ”+ Pea neʼe mavae leva te polofeta ko Selemia.

12 Hili leva te fasiʼi e te polofeta ko Hanania te ʼakau ʼamo ʼae neʼe hili ʼi te kia ʼo te polofeta ko Selemia, neʼe ui e Sehova te logo ʼaeni kia Selemia: 13 “Alu ʼo ui age kia Hanania: ‘Koʼeni te folafola ʼa Sehova: “Neʼe ke fasiʼi he ʼu ʼamo ʼakau,+ pea ʼe ke fai anai ni ʼamo ukamea moʼo fetogi ʼaki.” 14 Koʼeni te folafola ʼa Sehova ʼo te ʼatu kautau, te ʼAtua ʼo Iselaele: “ ʼE au hili anai ki te ʼu puleʼaga fuli te ʼamo ukamea ke natou tauhi ai ki te Hau ʼo Papiloni ko Nepukanesa. ʼE fakamaʼua anai ke natou tauhi kia ia.+ Pea ʼe au toe foaki anai kia ia te ʼu manu ʼo te vao.” ’ ”+

15 Neʼe ui leva e te polofeta ko Selemia ki te polofeta ko Hanania:+ “Fakalelei siʼou loto Hanania, ke ke fakalogo! Neʼe mole fekauʼi koe e Sehova kae neʼe ke uga te hahaʼi ke tui ki tau loi.+ 16 Koʼeni te folafola ʼa Sehova: ‘Fakalogo! ʼE au pulihi anai koe ʼi te kele. ʼE ke mate anai ʼi te taʼu ʼaeni koteʼuhi neʼe ke uga te hahaʼi ke agatuʼu kia Sehova.’ ”+

17 Pea neʼe mate leva te polofeta ko Hanania ʼi te taʼu ʼaia, ʼi te fitu mahina.

29 Koʼeni te tohi ʼae neʼe momoli e te polofeta ko Selemia mai Selusalemi ki te kau takitaki ʼae neʼe maʼuʼuli popula, mo te kau pelepitelo, mo te kau polofeta pea mo te hahaʼi katoa ʼae neʼe ʼave popula e Nepukanesa mai Selusalemi ki Papiloni. 2 Neʼe ina momoli kae neʼe kua mavae mai Selusalemi te Hau ko Sekoniasi+ pea mo tana faʼe,+ mo te kau faifekau ʼo te fale hau, mo te ʼu tama ʼaliki ʼo Suta pea mo Selusalemi, mo te kau tufuga pea mo te kau tufuga ukamea.*+ 3 Neʼe ina fakatoʼo te tohi ʼaia kia Elasa, foha ʼo Safani+ pea mo Kemalia, foha ʼo Ilekisa. ʼEi, neʼe fekauʼi e te Hau ʼo Suta ko Setesiasi+ ia te ʼu tagata ʼaia ʼe lua ke olo ki Papiloni ki te Hau ʼo Papiloni ko Nepukanesa. Neʼe ui ʼi te tohi:

4 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele ki te hahaʼi fuli ʼae neʼe ina ʼave popula mai Selusalemi ki Papiloni: 5 ‘Kotou laga ni fale pea kotou nofoʼi. Kotou to ni ʼoloto pea kotou kai ʼona fua. 6 Kotou ʼohoana pea kotou maʼu ni foha mo ni ʼofafine. Kotou fakaʼohoanaʼi ʼokotou foha pea kotou fakaʼohoanaʼi ʼokotou ʼofafine ke natou toe maʼu mo natou ni tama mo ni taʼahine. Kotou liliu ʼo kaugamalie ʼi te fenua ʼae ʼe kotou nonofo ai pea ʼaua naʼa kotou tokosiʼi. 7 Kotou tokoni ki te tokalelei ʼo te kolo ʼae neʼe au ʼave popula koutou ki ai pea kotou faikole kia Sehova ʼo ʼuhiga mo te kolo ʼaia, koteʼuhi kapau ʼe tokalelei pea ʼe kotou toe maʼuli tokalelei anai.+ 8 ʼEi, koʼeni te folafola ʼa Sehova ʼo te ʼatu kautau, te ʼAtua ʼo Iselaele: “ ʼAua naʼa fakahalaʼi koutou e ʼakotou polofeta mo ʼakotou hahaʼi faifakakikite fakatemonio,+ pea ʼaua naʼa kotou fakalogo ki te ʼu moemisi ʼae ʼe natou fakamatala atu. 9 ‘Ko te ʼu fakakikite ʼae ʼe natou fai atu ʼi toku huafa ko ni loi. Neʼe mole au fekauʼi atu ia natou,’+ ko te ui ʼaia ʼa Sehova.” ’ ”

10 “Koʼeni te folafola ʼa Sehova: ‘Ka hili anai te ʼu taʼu ʼe 70 ʼi Papiloni, ʼe au manatuʼi anai koutou+ pea ʼe au fakahoko anai taku fakapapau ʼae ʼe au toe ʼaumai anai koutou ki te koga meʼa ʼaeni.’+

11 “ ʼE ui e Sehova: ‘ ʼE au iloʼi lelei ia taku fakatuʼutuʼu ʼo ʼuhiga mo koutou. ʼE au fia foaki atu ia te tokalelei kae mole ko te malaʼia.+ ʼE au fia foaki atu ia he ka haʼu mo he ʼamanaki.+ 12 ʼE kotou pauʼi mai anai, mo faikole mai pea ʼe au fagono atu anai.’+

13 “ ‘ ʼE kotou kumi anai au ʼo kotou maʼu au+ koteʼuhi ʼe kotou kumi anai au ʼaki tokotou loto katoa.+ 14 ʼEi, ʼe au tuku anai ke kotou maʼu au,’+ ko te ui ʼaia ʼa Sehova. ‘ ʼE au fakatahiʼi anai ia koutou ʼae ʼe nofo popula, ʼei, ʼe au fakatahiʼi mo toe fakaliliu mai anai koutou mai te ʼu puleʼaga fuli pea mo te ʼu koga meʼa fuli ʼae neʼe au fakamavetevete koutou ki ai,’+ ko te ui ʼaia ʼa Sehova. ‘ ʼEi, ʼe au toe ʼaumai anai koutou ki te koga meʼa ʼae neʼe au toʼo koutou mai ai ʼo ʼave popula.’+

15 “Kae neʼe kotou ui: ‘Neʼe foaki mai e Sehova ni polofeta ʼi Papiloni.’

16 “Koʼeni te folafola ʼa Sehova ki te hau ʼae ʼe heka ʼi te hekaʼaga fakahau ʼo Tavite+ pea mo te hahaʼi fuli ʼae ʼe nonofo ʼi te kolo ʼaeni, ʼokotou tehina ʼae neʼe mole ʼave popula mo koutou: 17 ‘Koʼeni te folafola ʼa Sehova ʼo te ʼatu kautau: “ ʼE au ʼaumai anai kia natou ia te tau, mo te hoge pea mo te ʼu taʼi mahaki*+ pea ʼe au fakaliliu anai natou ke hage ko ni fiku kua pala* ʼe mole feala pe la tona kai.” ’+

18 “ ‘ ʼEi, ʼe au fakamamahiʼi anai natou ʼaki te tau,+ mo te hoge mo te ʼu taʼi mahaki, pea ʼe au fakaliliu anai natou ko he meʼa fakalialia ki te ʼu puleʼaga fuli ʼo te kele.+ ʼE talanoaʼi anai natou e te hahaʼi ʼi ʼanatou faitutuku, ʼi te ʼu puleʼaga fuli ʼae ʼe au fakamavetevete anai natou ki ai.+ ʼE punamaʼuli anai te hahaʼi moka sisio kia natou, ʼe natou fehihiʼa anai mo fakalainoaʼi natou.+ 19 Neʼe mole natou fakalogo ki ʼaku folafola ʼae neʼe au fakaha ʼaki ʼaku tagata faifekau, ia te kau polofeta, ʼae neʼe au fekauʼi liuliuga kia natou,’+ ko te ui ʼaia ʼa Sehova.

“ ‘Kae neʼe mole kotou fakalogo,’+ ko te ui ʼaia ʼa Sehova.

20 “Koia kotou fakalogo ki te folafola ʼa Sehova, ia koutou fuli ʼae neʼe au ʼave popula mai Selusalemi ki Papiloni. 21 Ko te ʼu fakakikite ʼae ʼe fai e Akapo, foha ʼo Kolasa pea mo Setesiasi, foha ʼo Maasesa ʼi toku huafa ʼe ko ni loi.+ Koia koʼeni te folafola ʼa Sehova ʼo te ʼatu kautau, te ʼAtua ʼo Iselaele ʼo ʼuhiga mo naua: ‘ ʼE au tuku anai naua ki te nima ʼo te Hau ʼo Papiloni ko Nepukanesa pea ʼe ina matehi anai naua ʼi ʼokotou muʼa. 22 ʼE toe talanoaʼi anai te aluʼaga ʼae ka hoko kia naua ʼi te ʼu faitutuku ʼa te hahaʼi fuli ʼo Suta ʼae ʼe maʼuli popula ʼi Papiloni. ʼE ui anai e te hahaʼi: “Ke fakaliliu koe e Sehova ohage ko Setesiasi pea mo Akapo ʼae neʼe tutu e te hau ʼo Papiloni.” 23 ʼEi, neʼe nā fai he ʼu aga fakaufiufi ʼi Iselaele.+ Neʼe nā tono mo te ʼu ʼohoana ʼo ʼonā vahaʼa fale pea neʼe nā ui ʼe nā palalau ʼi toku huafa kae neʼe mole au fakatotonu age.+

“ ‘ “ ʼE au iloʼi te ʼu meʼa ʼae neʼe nā fai pea neʼe au sio ki ai,”+ ko te ui ʼaia ʼa Sehova.’ ”

24 “Pea ʼe ke ui anai kia Semaea+ mai Neselami: 25 ‘Koʼeni te folafola ʼa Sehova ʼo te ʼatu kautau, te ʼAtua ʼo Iselaele: “Neʼe ke momoli ʼi tou higoa ni tohi ki te hahaʼi katoa ʼo Selusalemi, mo Sofoni+ foha ʼo Maasesa, ia te pelepitelo pea mo te ʼu pelepitelo fuli. Neʼe ui ʼi te ʼu tohi ʼaia: 26 ‘Neʼe fakanofo koe e Sehova ko he pelepitelo moʼo fetogi te pelepitelo ko Seosata ke ke liliu ai ko te tagata taupau ʼo te fale ʼo Sehova. Koia kapau ʼe hage te aga ʼa he tagata vale ko he polofeta, ʼe ke tauteaʼi anai ia ia ʼo fakamaʼumaʼu ʼi ni lauʼi papa.+ 27 Koia he koʼe neʼe mole ke fakatonutonuʼi ia Selemia, te tagata mai Anatote+ ʼae ʼe hage tana aga ko he polofeta ʼi ʼokotou muʼa?+ 28 Neʼe ina momoli mai he tohi ki Papiloni ʼe ui ai: “ ʼE fualoa anai takotou nonofo popula! Kotou laga ni fale pea kotou nofoʼi. Kotou to ni ʼoloto pea kotou kai ʼona fua+ . . .” ’ ” ’ ”

29 ʼI te lau ʼae e te pelepitelo ko Sofoni+ te tohi ʼaia ia muʼa ʼo te polofeta ko Selemia, 30 neʼe palalau leva ia Sehova kia Selemia ʼo ina ui: 31 “Fakaha te logo ʼaeni kia natou fuli ʼae ʼe maʼuli popula: ‘Koʼeni te folafola ʼa Sehova ʼo ʼuhiga mo Semaea mai Neselami: “Neʼe faifakakikite atu ia Semaea kae neʼe mole au fekauʼi atu pea neʼe faiga ke kotou tui ki ni loi.+ 32 Koia koʼeni te folafola ʼa Sehova: ‘ ʼE au tauteaʼi anai ia Semaea mai Neselami mo tona hakoga. ʼE mole maʼuli anai he tagata ʼo tona famili ʼi te hahaʼi ʼaeni, pea ʼe mole sio anai ki te ʼu lelei ʼae ka au fakahoko ki taku hahaʼi,’ ko te ui ʼaia ʼa Sehova, ‘koteʼuhi neʼe ina uga te hahaʼi ke agatuʼu kia Sehova.’ ” ’ ”

30 Neʼe palalau ia Sehova kia Selemia, ʼo ina ui: 2 “Koʼeni te folafola ʼa Sehova, te ʼAtua ʼo Iselaele: ‘Tohi ki he tohi ia te ʼu meʼa fuli ʼae ʼe au fakaha atu. 3 ʼE ui e Sehova: “Fakalogo mai! ʼE au fakatahiʼi anai ʼi he ʼaho taku hahaʼi ʼae ʼe nofo popula, ia Iselaele pea mo Suta,”+ ko te ui ʼaia ʼa Sehova. “ ʼEi, ʼe au toe ʼaumai anai natou ki te fenua ʼae neʼe au foaki ki ʼanatou kui pea ʼe natou toe maʼu anai te fenua.” ’ ”+

4 Koʼeni te ʼu folafola ʼae neʼe ui e Sehova ki Iselaele pea mo Suta.

 5 Koʼeni te folafola ʼa Sehova:

 6 Fakalelei ʼokotou loto, kae kotou kumikumi pe ʼe feala ke fanau he tagata.

Pea he koʼe kua lau tetea ia te ʼu fofoga fuli?

 7 ʼI fakaʼofaʼofa foki, he ʼe ko te ʼaho ʼaia ʼe ko he ʼaho fakamataku.+

Kae ʼe haofaki anai ia.”

8 “ ʼI te ʼaho ʼaia,” ko te ui ʼaia ʼa Sehova ʼo te ʼatu kautau, “ ʼe au fasiʼi anai te ʼakau ʼamo ʼae ʼe hili ʼi ʼonatou kia pea ʼe au motuhi anai ʼonatou haʼi. Pea ʼe mole toe fakakauganaʼi anai natou e te kau matapule. 9 ʼE natou tauhi anai kia Sehova tonatou ʼAtua pea mo Tavite, ia te hau ʼae ka au fakanofo anai kia natou.”+

11 “ ʼE au nofo mo koe moʼou haofaki,” ko te ui ʼaia ʼa Sehova.

12 Koʼeni te folafola ʼa Sehova:

“ ʼE mole ʼi ai he faitoʼo ki tou mahaki,+

Pea ʼe mole toe mole ia tou mataʼi lavea.

Pea ʼe mole ʼi ai he puleʼaki moʼou fakamalolo.

14 Kua galoʼi koe e te ʼu tagata fuli ʼae ʼe laukau ia koe.+

ʼE mole kei natou kumi koe.

15 He koʼe ʼe ke tagi ʼi tou mahaki?

ʼE mole he faitoʼo ki tou mamahi.

Peʼe ‘Sione ʼae ʼe mole tokagaʼi e he tahi.’ ”+

18 Koʼeni te folafola ʼa Sehova:

19 ʼE logo anai mai ai ni hiva fakafetaʼi pea mo ni kata.+

ʼE au tauteaʼi anai ia natou fuli ʼae ʼe natou gaohi koviʼi natou.+

ʼE au fakafealagia anai ke fakaovi mai pea ʼe fakaovi mai anai kia te au.”

“Ko ai ʼae ʼe lava fakaovi mai kia te au, gata pe kia ia ʼae neʼe au fakaafe?” ko te ui ʼaia ʼa Sehova.

22 “ ʼE kotou liliu anai ko taku hahaʼi+ pea ʼe au liliu anai ko tokotou ʼAtua.”+

ʼE kotou mahino lelei anai ki ai ʼi te ʼu ʼaho fakamuli.+

31 ʼE ui e Sehova: “ ʼI te temi ʼaia, ʼe au liliu anai ko te ʼAtua ʼo te ʼu famili fuli ʼo Iselaele, pea ʼe natou liliu anai ko taku hahaʼi.”+

 2 Koʼeni te folafola ʼa Sehova:

 3 Neʼe ha mai ia Sehova mai mamaʼo kia au ʼo ui:

“Neʼe au ʼofa ia koe ʼi he ʼofa ʼe heʼe gata.

Ko te tupuʼaga la ʼaia ʼo taku taki mai ia koe kia te au ʼaki toku ʼofa agatonu.*+

 4 ʼE au toe laga anai koe, ʼei, ʼe toe laga anai koe.+

 6 ʼE hoko mai anai he ʼaho ʼe kalaga ai te ʼu tagata leʼo ʼae ʼi te ʼu moʼuga ʼo Efalaimi, ʼo ui:

‘Kotou tutuʼu! Tou hake ki Sione, kia Sehova totatou ʼAtua!’ ”+

 7 Koʼeni te folafola ʼa Sehova:

“Kotou kalaga fakafiafia maʼa Sakopo!

Kotou kalaga fakafiafia he ʼe kotou mumuʼa ʼi te ʼatu puleʼaga.+

 8 ʼE au fakaliliu anai ia natou mai te fenua ʼo te potu noleto.+

ʼE au fakatahiʼi anai ia natou mai te ʼu potu fenua mamaʼo ʼo te kele.+

ʼE kaugamalie anai te hahaʼi ʼae ʼe toe liliu mai ki te koga meʼa ʼaeni.+

 9 ʼE natou tau fetagihi mai anai.+

ʼE au taki anai ia natou he ʼe natou kole mai anai.

He ʼe ko au te Tamai ʼa Iselaele, pea ko Efalaimi toku ʼuluaki foha.”+

“Ko Ia ʼae neʼe ina fakamavetevete ia Iselaele ʼe ina toe fakatahiʼi anai.

ʼE tokaga anai ki ai ohage he tagata tauhi ovi ʼe tokaga ki tana faga ovi.+

ʼE au fetogi anai tanatou putu ʼaki te fiafia.+

ʼE au fakafimalieʼi anai mo fakafiafiaʼi ia natou ke natou galoʼi tonatou lotomamahi.+

15 “Koʼeni te folafola ʼa Sehova:

‘ ʼE logo he leʼo, mo ni lauga mo ni tagi ʼi Lama:+

Ko Lasele ʼae ʼe ina tagiʼi ʼana tama.*+

16 Koʼeni te folafola ʼa Sehova:

‘ ʼE natou toe liliu mai anai mai te fenua ʼo tonatou fili.’+

17 ‘ ʼE ʼi ai te ʼamanaki ki tou ka haʼu,’+ ko te ui ʼaia ʼa Sehova.

‘ ʼE toe liliu mai anai ʼau tama ki tonatou fenua.’ ”+

20 “ ʼE mole koa la ko he foha maʼuhiga kia au ia Efalaimi mo he fanau ʼofaina?+

ʼE kei au manatuʼi ia ia ʼi te temi fuli pe ʼae ʼe au fakatonutonuʼi ai.

Koia ʼae ʼe au lotomamahi ai+

Pea ʼe au ʼofa mamahi anai kia ia,” ko te ui ʼaia ʼa Sehova.+

Tokaga ki te ala lahi, te ala ʼae ʼe tonu ke ke alu ai.+

Toe liliu mai, taʼahine taupoʼou ʼo Iselaele, toe liliu mai ki ʼou kolo.

22 Taʼahine heʼe agatonu, ʼe kaku anai ki ʼafea tau lotolotolua?

Neʼe fakatupu e Sehova ia he aluʼaga foʼou ʼi te kele:

ʼE tuli fakamalotoloto anai e he fafine he tagata.”

23 Koʼeni te folafola ʼa Sehova ʼo te ʼatu kautau, te ʼAtua ʼo Iselaele: “ ʼE toe lau anai ia te ʼu palalau ʼaeni ʼi te fenua ʼo Suta pea mo ʼona kolo, moka au fakatahiʼi ki ai ʼana hahaʼi popula: ‘Ke tapuakiʼi koe e Sehova te nofoʼaga faitotonu+ pea mo te moʼuga taputapu!’+ 24 ʼEi, ʼe maʼuli fakatahi anai ʼi ai te hahaʼi ʼo Suta pea mo ʼona kolo fuli, mo te kau gaue kele pea mo te hahaʼi tagata ʼae ʼe natou takitaki te ʼu faga manu.+ 25 ʼE au fakamakona moʼoni anai ia natou ʼae kua gaʼegagaʼe pea ʼe au fakamalohiʼi anai ia natou fuli ʼae kua vaivavai.”+

26 Hili ʼaia pea neʼe au ʼala ake aipe ʼo sio. Neʼe lelei ʼosi taku moe.

27 ʼE ui e Sehova: “Koʼeni, ʼe hoko mai anai he ʼaho ʼe au fakahahaʼi ai ia Iselaele pea mo natou ʼo Suta, pea ʼe au toe fakalahi anai ʼanatou faga manu.”+

28 ʼE ui e Sehova: “Ohage pe ko taku tokagaʼi natou moʼo taʼaki, moʼo tuʼusi, moʼo holoʼi pea moʼo fakamamahiʼi natou,+ ʼe au toe tokagaʼi anai natou moʼo laga pea moʼo to.+ 29 ʼI te temi ʼaia, ʼe mole toe ui anai: ‘Neʼe kai e te ʼu tamai ni vite neʼe kei mumui kae ko te ʼu foha ia ʼae neʼe maninia ʼonatou nifo.’+ 30 Kailoa ia. ʼE tahi mate pe anai te tagata ʼuhi ko tana hala. Ko te tagata ʼae ka ina kai ni vite ʼe kei mumui, ko ia pe ʼae ka maninia ʼona nifo.”

31 ʼE ui e Sehova: “Koʼeni, ʼe hoko mai anai te ʼaho ʼae ʼe au fai ai mo te puleʼaga ʼo Iselaele mo te puleʼaga ʼo Suta ia he fuakava foʼou.”+ 32 ʼE toe ui e Sehova: “ ʼE mole hage anai ko te fuakava ʼae neʼe au fai mo ʼanatou kui, ʼi te temi ʼae neʼe au puke ai ʼonatou nima ʼo fakamavae mai te fenua ʼo Esipito,+ ia ‘taku fuakava ʼae neʼe natou maumauʼi+ kae neʼe ko au ia tonatou pule moʼoni.’ ”*

33 ʼE ui e Sehova: “Koʼeni te fuakava ʼae ʼe au fai anai mo te puleʼaga ʼo Iselaele hili te ʼu ʼaho ʼaia. ʼE au ʼai anai taku lao ki ʼonatou loto,+ ʼei, ʼe au tohi anai ki ʼonatou loto.+ ʼE au liliu anai ko tonatou ʼAtua pea ʼe natou liliu anai ko taku hahaʼi.”+

34 “Pea ʼe mole toe akoʼi anai e he tahi tona tatau peʼe ko he tahi tona tehina ʼo ui: ‘ ʼE tonu ke kotou iloʼi ia Sehova!’+ koteʼuhi ʼe natou iloʼi fuli anai ia au, mai ia ia ʼae ʼe malalo kia ia ʼae ʼe maʼuhiga,”+ ko te ui ʼaia ʼa Sehova. “ ʼE au fakamolemole anai tanatou hala pea ʼe mole au toe manatuʼi anai tanatou agahala.”+

37 Koʼeni te folafola ʼa Sehova: “ ‘ ʼE feala koa ʼi he ʼaho ke fakafuafua te lagi peʼe ke vakavakaʼi ia te ʼu fakatafito ʼo te kele? Kailoa ia. ʼE toe feia pe, ʼe mole feala anai ʼi he temi ke au liʼaki ia te hakoga katoa ʼo Iselaele, logo la te ʼu meʼa fuli ʼae neʼe natou fai,’ ko te ui ʼaia ʼa Sehova.”+

38 ʼE ui e Sehova: “Koʼeni ʼe hoko mai te ʼaho ʼae ʼe laga ai anai te kolo+ maʼa Sehova, mai te tule ʼo Ananeele+ ʼo kaku ki te Matapa ʼo Te Tuliki.+ 39 ʼEi, ʼe toho fakahagatonu anai ia te maea moʼo fua+ ki te kiʼi moʼuga ʼo Kalepe pea ʼe afe anai ki Koati. 40 ʼE liliu anai te potu fenua laulelei ʼae ʼe laku ki ai te ʼu sino mate mo te lefulefu* ko he meʼa taputapu maʼa Sehova,+ ʼo feia mo te ʼu gaueʼaga fuli ʼo kaku ki te Vai Tafe ʼo Kitelone ʼae kua mamaha+ pea mo te agele ʼo te Matapa ʼo Te ʼu Hosi+ ʼi te potu esite. ʼE mole toe taʼaki anai ʼi he temi peʼe maumauʼi.”

32 Neʼe palalau leva ia Sehova kia Selemia ʼi te 10 taʼu ʼo te pule ʼa te Hau ʼo Suta ko Setesiasi, neʼe ko te 18 taʼu ʼaia ʼo te pule ʼa Nepukanesa.+ 2 ʼI te temi ʼaia, neʼe ʼa takai ia Selusalemi e te foʼi tau ʼa te hau ʼo Papiloni pea neʼe pilisoniʼi te polofeta ko Selemia ʼi te Malaʼe ʼo Te Kau Leʼo,+ ʼi te fale ʼo te hau ʼo Suta. 3 ʼEi, neʼe pilisoniʼi ia ia e te Hau ʼo Suta ko Setesiasi+ pea neʼe ina ui age: “He koʼe ʼe ke fakakikite he ʼu meʼa feia? ʼE ke ui: ‘Koʼeni te folafola ʼa Sehova: “ ʼE au tuku anai te kolo ʼaeni ki te nima ʼo te hau ʼo Papiloni pea ʼe ina maʼu anai.+ 4 ʼE mole hao anai te Hau ʼo Suta ko Setesiasi mai te kau Kaletea he ʼe tuku moʼoni anai ia ia ki te hau ʼo Papiloni. ʼE nā faipalalau anai mo fesioʼaki.” ’+ 5 ‘ ʼE ina ʼave anai ia Setesiasi ki Papiloni pea ʼe nofo ai anai ia Setesiasi ʼo kaku ki taku tokaga ki ai. ʼE kotou fiu anai ʼi te tauʼi ʼo te kau Kaletea kae ʼe mole kotou malo anai,’ ko te ui ʼaia ʼa Sehova.”+

6 ʼI te temi ʼaia, neʼe ui leva e Selemia: “Neʼe palalau mai ia Sehova, ʼo ina ui: 7 ‘ ʼE haʼu anai kia koe ia Anamele, te foha ʼo Salume, te tehina ʼo tau tamai ʼo ui atu: “Totogi taku gaueʼaga ʼae ʼe tuʼu ʼi Anatote+ he ʼe ko koe ʼae ʼe tonu muʼa ke fai ki ai te kole.” ’ ”+

8 Ko Anamele, te foha ʼo te tehina ʼo taku tamai, neʼe haʼu kia au ʼi te Malaʼe ʼo Te Kau Leʼo ʼo ui mai, ohage pe ko tona fakaha mai e Sehova: “Fakalelei siʼou loto, totogi taku gaueʼaga ʼae ʼe tuʼu ʼi Anatote ʼi te fenua ʼo Pesamino, he ʼe ko koe ʼae ʼe tonu muʼa ke fai ki ai te kole pea ke ke maʼu. Ke ke totogi.” Neʼe au mahino ai leva neʼe ko te finegalo ʼaia ʼo Sehova.

9 Koia neʼe au totogi ai mai ia Anamele, te foha ʼo te tehina ʼo taku tamai ia tana gaueʼaga ʼae neʼe tuʼu ʼi Anatote. Pea neʼe au fua ia te paʼaga:+ neʼe ko sikele* ʼe 7 mo piesi siliva ʼe 10. 10 Neʼe au tohi leva te totogi ʼo te gaueʼaga ki he pepa fakamoʼoni,+ neʼe au fakamaʼu ʼaki te fakailoga, neʼe au pauʼi ni tagata fakamoʼoni+ pea neʼe au fua leva te paʼaga ʼae neʼe tonu ke au foaki. 11 Neʼe au toʼo ai te pepa fakamoʼoni (ʼae neʼe kua fakamaʼu ʼaki te fakailoga ʼo mulimuli ki te fakatotonu mo te lao, pea mo te pepa fakamoʼoni ʼae neʼe heʼeki fakamaʼu) 12 ʼo fakatoʼo age kia Paluke,+ foha ʼo Nelisa,+ foha ʼo Makesesa, ia muʼa ʼo Anamele, te foha ʼo te tehina ʼo taku tamai, mo te ʼu tagata fakamoʼoni ʼae neʼe natou tohi te pepa fakamoʼoni pea mo te kau Sutea fuli ʼae neʼe heheka ʼi te Malaʼe ʼo Te Kau Leʼo.+

13 Neʼe au fakatotonu leva kia Paluke ʼi ʼonatou muʼa: 14 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘Toʼo te ʼu pepa ʼaeni, te pepa fakamoʼoni ʼae kua fakamaʼu pea mo ʼae ʼe heʼeki fakamaʼu, pea ke tuku ki he ipu kele ke tologa ʼo fualoa.’ 15 Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘ ʼE toe totogi anai ni fale, mo ni gaueʼaga pea mo ni gaueʼaga vite ʼi te fenua ʼaeni.’ ”+

16 Hili taku fakatoʼo te pepa fakamoʼoni kia Paluke, foha ʼo Nelisa neʼe au faikole leva kia Sehova: 17 “Tuʼi ʼAliki ko Sehova, ko koe ʼae neʼe ke fakatupu te lagi mo te kele ʼaki tou malohi+ pea mo tou nima mafimafi. ʼE mole faigataʼa he meʼa kia te koe. 18 ʼE ke fakaha tou ʼofa agatonu ki he toko lauʼi afe kae ʼe ke tuku ke hoko ki te ʼu foha ia te ʼu nunuʼa ʼo te ʼu hala ʼae neʼe fai e ʼanatou tamai ʼi muʼa atu.+ Ko koe te ʼAtua moʼoni, te Maʼoluga mo te Mafimafi, pea ko tou huafa ko Sehova ʼo te ʼatu kautau. 19 ʼE taulekaleka ʼau fakatuʼutuʼu mo fakaofoofo ʼau gaue.+ ʼE ke sio kia meʼa fuli ʼe fai e te tagata+ ke ke foaki ai ki te takitokotahi ʼo mulimuli pe ki tana aga pea mo ʼana gaue.+ 20 Neʼe ke fakahoko ni fakailoga mo ni milakulo ʼi Esipito, pea ʼe kei manatuʼi pe ia ʼaho nei. Neʼe ke liliu ai ʼo logologona ʼi Iselaele pea mo te hahaʼi fuli,+ ohage pe ko te temi nei. 21 ʼEi, neʼe ke fakamavae mai Esipito ia tau hahaʼi ko Iselaele ʼaki ni fakailoga mo ni milakulo, ʼaki tou nima malohi mo tou mafimafi pea ʼaki he ʼu gaue fakamataku.+

22 “Neʼe ke foaki leva kia natou ia he fenua ʼe tafe ai te huʼa pipi mo te meli,+ te fenua ʼae neʼe ke fakapapau ʼe ke foaki anai ki ʼanatou kui.+ 23 Neʼe natou hu ai ki te fenua ʼo nofoʼi. Kae neʼe mole natou fakalogo kia te koe pea neʼe mole natou maʼuliʼi ia tau lao. Neʼe mole natou mulimuli pe la ki he fakatotonu neʼe ke fai age kia natou. Koia ʼae neʼe ke fakahoko ai kia natou ia te malaʼia ʼaeni.+ 24 Koʼeni, neʼe ʼomai ni tagata ʼo laga ni kaupa moʼo tauʼi te kolo ke natou maʼu.+ ʼE mahino ia, ʼe maʼu anai te kolo e te kau Kaletea ʼi tanatou ʼohofi pea ʼe to anai ʼi te tau,+ mo te hoge pea mo te ʼu taʼi mahaki.*+ Kua hoko te ʼu meʼa fuli ʼaia neʼe ke fakakikite ohage pe ko tau sio ki ai ia ʼaho nei. 25 Kae Tuʼi ʼAliki ko Sehova neʼe ke ui mai: ‘Totogi te gaueʼaga ʼaki he paʼaga pea ke pauʼi ni tagata fakamoʼoni.’ Kae ʼe mahino ia, ʼe maʼu anai te kolo e te kau Kaletea.”

26 Neʼe palalau leva ia Sehova kia Selemia, ʼo ina ui: 27 “Koʼeni au ia Sehova, te ʼAtua ʼo te tagata fuli. ʼE ʼi ai koa he meʼa ʼe faigataʼa kia te au? 28 Koʼeni te folafola ʼa Sehova: ‘ ʼE au tuku anai te kolo ʼaeni ki te nima ʼo te kau Kaletea pea mo te Hau ʼo Papiloni ko Nepukanesa, pea ʼe ina maʼu anai.+ 29 ʼEi, ʼe hu anai ki te kolo ia te kau Kaletea ʼae ʼe natou lolotoga ʼohofi pea ʼe natou tutu anai.+ ʼE natou tutu anai te kolo mo te ʼu fale ʼae neʼe momoli ai ni sakilifisio kia Paale ʼi te ʼu ʼato pea mo liligi ni molaga meʼa inu ki ʼihi ʼatua moʼoku fakamamahiʼi.’+

30 “ ʼE toe ui e Sehova: ‘Talu mai tanatou kei tupulaga mo te fai pe e te hahaʼi ʼo Iselaele mo Suta ia te meʼa ʼae ʼe kovi ki ʼoku mata.+ ʼE fakamamahiʼi tuʼumaʼu pe au e te hahaʼi ʼo Iselaele ʼaki ʼanatou aga. 31 Talu mai te ʼaho ʼae neʼe laga ai te kolo ʼaeni ʼo kaku mai kia ʼaho nei, neʼe ina fakatupu pe ia toku hauhau.+ Koia ʼae ʼe tonu ai ke pulihi ʼi ʼoku muʼa+ 32 ʼuhi ko te ʼu meʼa kovi fuli ʼae neʼe fai e te hahaʼi ʼo Iselaele pea mo Suta moʼoku fakamamahiʼi, mo ʼonatou hau,+ mo ʼonatou tama ʼaliki,+ mo ʼonatou pelepitelo, mo ʼonatou polofeta,+ mo te hahaʼi tagata ʼo Suta pea mo te hahaʼi ʼo Selusalemi. 33 Neʼe natou lituʼa tuʼumaʼu mai pe kae neʼe mole natou haga mai kia te au.+ Neʼe au faiga liuliuga ke au akoʼi natou kae neʼe mole pe la he tahi neʼe fia fakalogo mai ʼo tali taku fakatonutonu.+ 34 Pea neʼe natou fakatuʼu ʼanatou fakatata fakalialia ki te fale ʼae ʼe tuʼu ai toku huafa moʼona ʼulihi.+ 35 Pea tahi, neʼe natou laga te ʼu faʼahi maʼoluga ʼo Paale ʼi te potu fenua lauveliveli ʼae ko Te Foha ʼo Hinome*+ ke tutu ai ʼonatou foha mo ʼonatou ʼofafine kia Moleke.*+ Kae neʼe mole au fakatotonu ke natou fai he toe meʼa fakalialia feia+ pea neʼe heʼeki au manatu ki ai. Neʼe agahala ai ia Suta.’

36 “ ʼE kotou ui ʼe tuku anai te kolo ʼaeni ki te nima ʼo te hau ʼo Papiloni ʼaki te tau, mo te hoge pea mo te ʼu taʼi mahaki. Koia koʼeni te folafola ʼa Sehova, te ʼAtua ʼo Iselaele: 37 ‘ ʼE au fakatahiʼi anai mo toe fakaliliu mai natou mai te ʼu fenua fuli ʼae neʼe au fakamavetevete ai natou ʼi toku hauhau.+ ʼEi, ʼe au toe ʼaumai anai natou ki te koga meʼa ʼaeni pea ʼe natou maʼuli fimalie ai anai.+ 38 ʼE natou liliu anai ko taku hahaʼi pea ʼe au liliu anai ko tonatou ʼAtua.+ 39 ʼE au foaki anai kia natou ia he loto ʼe tahi+ pea ʼe au fakahaʼele anai natou ʼi he ala ʼe tahi ke natou manavasiʼi tuʼumaʼu kia te au ke fua lelei kia natou pea mo ʼanatou fanau ki ʼamuli.+ 40 ʼE au fai anai mo natou ia he fuakava heʼe gata+ pea ʼe au fakapapau ʼe au tokaga tuʼumaʼu anai kia natou.+ ʼE au uga anai natou ke natou manavasiʼi kia te au, ke ʼaua naʼa natou fakamamaʼo ia te au.+ 41 ʼE au fiafia anai ʼi te tokaga kia natou+ pea ʼe au fakanofo moʼoni anai natou ʼi te fenua ʼaeni+ ʼaki toku loto katoa mo toku malohi* katoa.’ ”

42 “Koʼeni te folafola ʼa Sehova: ‘Neʼe au ʼaumai ki te hahaʼi ʼaeni ia he toe malaʼia, ʼo toe feia pe ʼe au foaki anai kia natou ia te ʼu meʼa lelei fuli ʼae neʼe au fakapapauʼi age.+ 43 ʼE toe totogi anai ni gaueʼaga ʼi te fenua ʼaeni+ logo la takotou ui ʼae: “Ko he toafa ʼe mole maʼuli ai he tagata peʼe ko he manu ʼo te vao. Neʼe tuku ia kia nima ʼo te kau Kaletea.” ’

44 “ ‘Koʼeni te meʼa ʼae ka hoko ʼi te fenua ʼo Pesamino, mo te ʼu tafaʼaki ʼo Selusalemi, mo te ʼu kolo ʼo Suta,+ mo te ʼu kolo ʼo te potu moʼugaʼia, mo te ʼu kolo ʼo te potu fenua malalo+ pea mo te ʼu kolo ʼo te potu saute: ʼe totogi anai ni gaueʼaga ʼaki he paʼaga, ʼe tohi anai ni pepa fakamoʼoni pea fakamaʼu ʼaki he fakailoga,+ pea ʼe pauʼi anai ni fakamoʼoni koteʼuhi ʼe au toe ʼaumai anai ʼanatou hahaʼi popula,’+ ko te ui ʼaia ʼa Sehova.”

33 Neʼe palalau ia Sehova kia Selemia, ko tona tuʼa lua ʼaia, kae neʼe kei pilisoniʼi ʼi te Malaʼe ʼo Te Kau Leʼo.+ Neʼe ina ui: 2 “Koʼeni te folafola ʼa Sehova, ia Ia ʼae neʼe ina fakatupu te kele, ia Sehova ʼae neʼe ina faʼu mo fakatuʼu malohi, ia ia ʼae ko tona huafa ko Sehova: 3 ‘Pauʼi mai kia te au pea ʼe au tali atu anai. ʼE au fakaha atu anai ni meʼa lalahi ʼe mole feala he mahino ki ai pea ʼe mole ke iloʼi.’ ”+

4 “Koʼeni te folafola ʼa Sehova, te ʼAtua ʼo Iselaele ʼo ʼuhiga mo te ʼu ʼapi ʼo te kolo ʼaeni mo te ʼu ʼapi ʼo te ʼu hau ʼo Suta, ʼae ʼe maumauʼi e te hahaʼi moʼo puipui ʼo natou mai te heleta mo te ʼu kaupa ʼae neʼe laga e ʼonatou fili moʼo tauʼi te kolo,+ 5 pea ʼo ʼuhiga mo te ʼu tagata ʼae neʼe ʼomai moʼo tauʼi te kau Kaletea, mo fakafonu te ʼu koga meʼa ʼaeni ʼaki te ʼu sino ʼo natou ʼae neʼe au matehi ʼi toku hauhau, pea ʼuhi ko tanatou agakovi neʼe au lituʼa ai ki te kolo ʼaeni: 6 ‘ ʼE au toe fakatuʼu anai mo foaki ki ai he malolo,+ ʼei, ʼe au faitoʼo anai te hahaʼi mo foaki lahi kia natou te tokalelei mo te moʼoni.+ 7 ʼE au toe fakaliliu mai anai te hahaʼi ʼo Suta mo Iselaele ʼae ʼe nonofo popula,+ pea ʼe au toe laga anai ia natou ohage ko taku fai ʼi te kamata.+ 8 ʼE au fakamaʼa anai ia natou mai tanatou lakahala ʼae ʼe tupu ko te ʼu agahala ʼae ʼe natou fai kia te au.+ ʼEi, ʼe au fakamolemole anai tanatou lakahala ʼae ʼe tupu ko ʼanatou agahala pea mo ʼanatou talagataʼa kia te au.+ 9 ʼE au fiafia anai ʼi te logologona ʼo te kolo ʼaeni, pea ʼe vikiʼi anai mo fakakololiaʼi au e te ʼu puleʼaga fuli ʼo te kele moka natou iloʼi te ʼu meʼa lelei fuli ʼae ʼe au fai kia natou ʼae neʼe nonofo popula.+ ʼE natou matataku anai mo tekelili+ ʼuhi ko te ʼu meʼa lelei fuli ʼae ka au fakahoko anai ki te kolo ʼaeni pea mo te tokalelei ʼae ka au foaki ki ai.’ ”+

10 “Koʼeni te folafola ʼa Sehova: ‘ ʼI te koga meʼa ʼaeni ʼae ʼe kotou ui anai ʼe ko he toafa ʼe mole ʼi ai he tagata peʼe ko he faga manu, ʼi te ʼu kolo ʼo Suta mo te ʼu ala ʼo Selusalemi kua tuʼu lavaki, ʼe mole he tagata, mo he hahaʼi ʼe nonofo ai, mo he faga manu, ʼe toe logoʼi anai 11 te ʼu kalaga fakafiafia,+ te leʼo ʼo te tagata ʼohoana mo te leʼo ʼo te fafine ʼohoana, mo te leʼo ʼo natou ʼae ʼe natou ui: “Kotou fakafetaʼi kia Sehova ʼo te ʼatu kautau he ʼe agalelei ia Sehova.+ Pea ʼe ina fakaha tona ʼofa agatonu ʼo talu ai.” ’+

“ ‘ ʼE natou ʼaumai anai ni molaga fakafetaʼi ki te fale ʼo Sehova+ he ʼe au toe fakaliliu mai anai te hahaʼi ʼo te fenua ʼae ʼe nonofo popula, pea ʼe toe hage anai ia meʼa fuli ko te kamata,’ ko te ui ʼaia ʼa Sehova.”

12 “Koʼeni te folafola ʼa Sehova ʼo te ʼatu kautau: ‘ ʼI te koga meʼa lavaki ʼaeni ʼe mole kei ʼi ai he tagata mo ni faga manu pea ʼi ʼona kolo fuli, kae ʼe toe ʼi ai anai ni koga meʼa lunaʼia ʼe feala ke fakamalolo ai e te kau tagata tauhi ovi ʼanatou faga ovi.’+

13 “ ‘ ʼI te ʼu kolo ʼo te potu moʼugaʼia, mo te ʼu kolo ʼo te potu fenua malalo, mo te ʼu kolo ʼo te potu saute, mo te fenua ʼo Pesamino, mo te ʼu tafaʼaki ʼo Selusalemi+ pea mo te ʼu kolo ʼo Suta,+ ʼe toe fakalaka anai te faga ovi ʼi te ʼu lalo nima ʼo te tagata ʼae ʼe ina lau natou,’ ko te ui ʼaia ʼa Sehova.”

14 “ ʼE ui e Sehova: ‘Koʼeni ʼe hoko mai anai te ʼaho ʼae ʼe au fakahoko ai taku fakapapau taulekaleka ʼo ʼuhiga mo te hahaʼi ʼo Iselaele mo te hahaʼi ʼo Suta.+ 15 ʼI te temi ʼaia, ʼe au fakatupu anai he huli* ʼe faitotonu maʼa Tavite+ pea ʼe ina fakahoko anai te faitotonu ʼi te fenua.+ 16 ʼI te temi ʼaia, ʼe haofaki anai ia Suta+ pea ʼe maʼuli anai ia Selusalemi ʼi te fimalie.+ Pea ʼe fakahigoaʼi anai te kolo ʼaia: ‘Ko Sehova Tomatou Faitotonu.’ ”+

17 “Koʼeni te folafola ʼa Sehova: ‘ ʼE ʼi ai tuʼumaʼu anai he tagata ʼi te hakoga ʼo Tavite ʼe ʼafio anai ʼi te hekaʼaga fakahau ʼo Iselaele.+ 18 Pea ʼi te kau pelepitelo Levite ʼe ʼi ai tuʼumaʼu anai he tahi ʼi ʼoku muʼa moʼo momoli ni holokoseta, pea mo tutu ni molaga meʼa kai pea mo momoli ni sakilifisio.’ ”

19 Neʼe toe palalau leva ia Sehova kia Selemia, ʼo ina ui: 20 “Koʼeni te folafola ʼa Sehova: ‘ ʼE feala anai koa ʼi he ʼaho ke kotou maumauʼi taku fuakava ʼo ʼuhiga mo te ʼaho mo taku fuakava ʼo ʼuhiga mo te poʼuli ke ʼaua naʼa toe ʼaho mo poʼuli ʼi tona temi totonu? Kailoa!+ 21 ʼE toe feia pe, ʼe mole anai he meʼa ʼe ina maumauʼi te fuakava ʼae neʼe au fai mo taku tagata kaugana ko Tavite+ pea mo taʼofi hona foha ke heka ki tona hekaʼaga fakahau.+ Pea ʼe mole ʼi ai anai he meʼa ʼe ina maumauʼi te fuakava ʼae neʼe au fai mo ʼaku pelepitelo Levite, ʼaku kaugana.+ 22 ʼE mole feala ke lau te foʼi kautau ʼo te ʼatu lagi* mo te ʼone ʼo te tai, ʼe toe feia pe ʼe au fakaliliu anai te hakoga ʼo taku tagata kaugana ko Tavite ʼo kaugamalie, mo te ʼu Levite ʼae ʼe tauhi kia te au.’ ”

23 Neʼe toe palalau leva ia Sehova kia Selemia, ʼo ina ui: 24 “Neʼe mole ke tokagaʼi koa la te ʼu palalau ʼa te hahaʼi ʼaeni? ‘ ʼE liʼaki anai e Sehova te ʼu famili ʼe lua ʼae neʼe ina filifili.’ ʼE mole natou fakaʼapaʼapa ki taku hahaʼi pea ʼe mole kei hage kia natou ko he puleʼaga.

25 “Koʼeni te folafola ʼa Sehova: ‘Neʼe au fakatuʼu taku fuakava ʼo ʼuhiga mo te ʼaho mo te poʼuli, ʼo feia ki te ʼu lao ʼo te lagi mo te kele, pea neʼe mole au maumauʼi.+ 26 ʼE toe feia pe ʼe mole au liʼaki anai te ʼu hakoga ʼo Sakopo pea mo taku tagata kaugana ko Tavite, pea ʼe mole he meʼa anai ʼe ina taʼofi taku filifili ni pule mai ʼona hakoga pea mo fakanofo ke pule ki te ʼu hakoga ʼo Apalahamo, mo Isaake mo Sakopo, he ʼe au toe fakatahiʼi anai ʼanatou hahaʼi popula+ pea ʼe au ʼofa anai kia natou.’ ”+

34 Neʼe palalau ia Sehova kia Selemia ʼi te temi ʼae neʼe tauʼi ai ia Selusalemi mo te ʼu kolo fuli ʼi ʼona tafaʼaki e te Hau ʼo Papiloni ko Nepukanesa mo tana foʼi tau katoa, mo te ʼu puleʼaga fuli ʼo te kele pea mo te hahaʼi fuli ʼae neʼe ina puleʼi. Neʼe ina ui:+

2 “Koʼeni te folafola ʼa Sehova, te ʼAtua ʼo Iselaele: ‘Alu ʼo palalau ki te Hau ʼo Suta ko Setesiasi+ ʼo ui age ki ai: “Koʼeni te folafola ʼa Sehova: ‘ ʼE au tuku anai te kolo ʼaeni ki te ʼu nima ʼo te hau ʼo Papiloni, pea ʼe ina tutu anai.+ 3 ʼE mole ke hao anai. ʼE puke anai koe ʼo ʼave ki te hau ʼo Papiloni.+ ʼE kolua fesioʼaki anai mo faipalalau pea ʼe ke alu anai ki Papiloni.’+ 4 Kae Hau ʼo Suta ko Setesiasi, fakalogo ki te folafola ʼa Sehova: ‘Koʼeni te folafola ʼa Sehova ʼo ʼuhiga mo koe: “ ʼE mole matehi anai koe ʼaki te heleta. 5 ʼE ke mate fimalie anai,+ pea ka tanu koe ʼe tutu anai te iseso ohage ko tona fai ki ʼau kui, te ʼu hau ʼae neʼe muʼamuʼa ia koe. ʼE tagiʼi anai koe e te hahaʼi ʼo natou ui: ‘Oiaue, siʼomatou pule!’ ʼE moʼoni, ‘ko te ʼu meʼa ʼaia neʼe au fakakikite,’ ko te ui ʼaia ʼa Sehova.” ’ ” ’ ”

6 Neʼe fakaha leva e te polofeta ko Selemia te ʼu logo fuli ʼaia ki te Hau ʼo Suta ko Setesiasi ʼi Selusalemi. 7 Neʼe lolotoga tauʼi e te hau ʼo Papiloni mo tana foʼi kautau ia Selusalemi mo te ʼu kolo ʼo Suta ʼae neʼe kei toe,+ ia Lakisi+ mo Aseka.+ Neʼe ko te ʼu kolo tau pe ʼaia ʼo Suta neʼe heʼeki maʼu.

8 Neʼe palalau leva ia Sehova kia Selemia hili te fuakava ʼae neʼe fai e te Hau ko Setesiasi pea mo te hahaʼi fuli ʼo Selusalemi. Neʼe natou fakapapauʼi ai ʼe natou fakaʼateainaʼi anai te hahaʼi kaugana.+ 9 ʼE tahi fakaʼateainaʼi anai ʼana kaugana Hepeleo, tagata mo fafine. ʼE mole taupau anai e he tahi he tagata Sutea ko hana kaugana. 10 Neʼe fakalogo te ʼu tama ʼaliki fuli mo te hahaʼi. Neʼe natou fakapapau ʼaki te fuakava ʼaia te fakaʼateainaʼi ʼo te hahaʼi kaugana, tagata mo fafine, pea ke mole taupau natou ko ni kaugana. Neʼe natou fakalogo ʼo natou tuku ai ke olo. 11 Kae ki muli age, neʼe natou toe fakaliliu mai te hahaʼi kaugana, tagata mo fafine, ʼae neʼe kua natou tuku age ke olo pea neʼe natou toe fakakauganaʼi. 12 Neʼe palalau leva ia Sehova kia Selemia pea neʼe ui e Sehova:

13 “Koʼeni te folafola ʼa Sehova, te ʼAtua ʼo Iselaele: ‘ ʼI te ʼaho ʼae neʼe au fakamavae ai ʼakotou kui mai Esipito, te fenua ʼae neʼe natou kaugana ai, neʼe au fai ai he fuakava mo natou.+ Neʼe au ui kia natou: 14 “Hili taʼu ʼe fitu, ʼe kotou tahi fakaʼateainaʼi anai tona tehina Hepeleo ʼae neʼe fakatau atu ke gaue lolotoga taʼu ʼe ono. ʼE tonu anai ke kotou fakaʼateainaʼi.”+ Kae neʼe mole fakalogo mai ʼakotou kui, neʼe mole natou tokagaʼi ʼaku folafola. 15 Kae ko koutou, heʼeki faʼa fualoa ki ai neʼe fetogi takotou aga, neʼe kotou fai te meʼa ʼae ʼe lelei kia au he neʼe kotou fakaʼateainaʼi ʼokotou tehina pea kotou fai he fuakava ʼi ʼoku muʼa, ʼi te fale ʼae ʼe tuʼu ai toku huafa. 16 Kae neʼe fetogi leva takotou manatu. Neʼe kotou ʼulihi toku huafa+ ʼo kotou toe fakaliliu mai ʼakotou hahaʼi kaugana, tagata mo fafine, ʼae neʼe kua fakaʼateainaʼi ke feoloʼaki faʼifaʼitaliha, pea neʼe kotou toe fakakauganaʼi.’

17 “Koʼeni te folafola ʼa Sehova: ‘Neʼe kotou fakapapau ke kotou tahi fakaʼateainaʼi tona tehina mo tona kaiga Sutea kae neʼe mole kotou fakalogo mai.+ Ko te ʼateaina ʼaeni ʼe au fakapapauʼi atu ʼi te ʼaho nei: ʼe kotou mamate anai ʼi te tau, ʼi te ʼu taʼi mahaki* pea ʼi te hoge,’+ ko te ui ʼaia ʼa Sehova, ‘pea ʼe au fakaliliu anai ia koutou ko he meʼa fakalialia ki te ʼu puleʼaga fuli ʼo te kele.+ 18 Koʼeni te meʼa ʼae ʼe hoko anai ki te ʼu tagata ʼae neʼe natou maumauʼi taku fuakava, ʼae neʼe mole natou mulimuli ki te ʼu fakatotonu ʼo te fuakava ʼae neʼe natou fai ʼi ʼoku muʼa, ʼi te temi ʼae neʼe natou taʼaga lua ai te ʼuhiʼi pipi ʼo natou fakalaka ʼi te vaha ʼo te ʼu koga pipi ʼaia ʼe lua.+ 19 ʼEi, koʼeni te meʼa ʼae ʼe hoko anai ki te ʼu tama ʼaliki ʼo Suta, mo te ʼu tama ʼaliki ʼo Selusalemi, mo te kau faifekau ʼo te fale hau, mo te ʼu pelepitelo pea mo te hahaʼi fuli ʼo te fenua ʼae neʼe fakalaka ʼi te vaha ʼo te ʼu koga pipi ʼaia ʼe lua: 20 ʼe au tuku anai ia natou ki ʼonatou fili pea mo natou ʼae ʼe natou fia matehi natou, pea ʼe kai anai ʼonatou sino e te ʼu manulele mo te ʼu manu ʼo te vao.+ 21 Pea ʼe au tuku anai te Hau ʼo Suta ko Setesiasi mo ʼana tama ʼaliki ki te ʼu nima ʼo ʼonatou fili, kia natou ʼae ʼe natou fia matehi ia natou pea mo te foʼi kautau ʼa te hau ʼo Papiloni+ ʼae ʼe mavae mai ia koutou.’+

22 “ ‘ ʼE au foaki anai he fakatotonu pea ʼe au toe fakaliliu mai anai ia natou ki te kolo ʼaeni. ʼE natou tauʼi anai te kolo, mo maʼu ʼo natou tutu.+ ʼE au fakaliliu anai te ʼu kolo ʼo Suta ko he koga meʼa ʼe tuʼu lavaki,’ ko te ui ʼaia ʼa Sehova.”+

35 Neʼe palalau leva ia Sehova kia Selemia ʼi te temi ʼae neʼe pule ai ia Soakimi+ foha ʼo Sosiasi, te hau ʼo Suta, ʼo ina ui: 2 “Alu ki te famili ʼo te kau Lekape+ ʼo palalau mo natou, pea ke ʼaumai ia natou ki he fale kai ʼi te fale ʼo Sehova. Pea ke foaki kia natou he vino.”

3 Neʼe au ʼaumai leva ia Saasania foha ʼo Selemia, ʼae ko te foha ʼo Apasinia, mo ʼona tehina, mo ʼona foha fuli, mo te famili katoa ʼo te kau Lekape, 4 ki te fale lotu ʼo Sehova. Neʼe au fakahu ia natou ki te fale kai ʼo te ʼu foha ʼo Hanane, ʼae ko te foha ʼo Siketalia, te tagata ʼa te ʼAtua moʼoni. Ko te fale kai ʼaia neʼe ovi ki te fale kai ʼo te kau tama ʼaliki, ʼae neʼe tuʼu ʼi ʼoluga ʼo te fale kai ʼo Maasesa foha ʼo Salume, te tagata leʼo matapa. 5 Pea neʼe au tuku he ʼu ipu fonu ko te vino kia muʼa ʼo te ʼu tagata ʼo te famili ʼo te kau Lekape. Pea neʼe au ui kia natou: “Kotou inu muʼa he moʼi vino.”

6 Kae neʼe natou tali mai: “ ʼE mole matou iinu anai ki he vino he neʼe fai mai te fakatotonu ʼaeni e tamatou kui ko Sonatape,+ foha ʼo Lekape: ‘ ʼE mole kotou iinu anai ʼi he ʼaho ki he vino, ia koutou pea mo ʼokotou foha. 7 ʼE mole tonu anai ke kotou laga ni fale peʼe nunusi he pulapula. ʼE mole tonu anai ke kotou to peʼe maʼu ni gaueʼaga vite. ʼE kotou nonofo tuʼumaʼu anai ʼi ni fale la. Kapau ʼe kotou fai feia, ʼe kotou maʼuʼuli fualoa anai ʼi te fenua ohage ni matapule.’ 8 ʼE hoko atu pe tamatou mulimuli ki te fakatotonu ʼae neʼe foaki mai e Sonatape, foha ʼo Lekape tamatou kui: ʼe mole matou iinu ʼi he ʼaho ki he vino, mo ʼomatou ʼohoana, mo ʼomatou foha pea mo ʼomatou ʼofafine. 9 ʼE mole matou laga ni fale moʼo nofoʼi. ʼE mole ni ʼamatou gaueʼaga vite, ni gaueʼaga, pea mo ni pulapula. 10 ʼE kei matou hoko atu pe tamatou nonofo ʼi ni fale la mo fakaʼapaʼapa ki te ʼu meʼa fuli ʼae neʼe fakatotonu mai e tamatou kui ko Sonatape. 11 Kae ʼi te haʼu ʼae ʼa te Hau ʼo Papiloni ko Nepukanesa ʼo tauʼi te fenua,+ neʼe matou ui: ‘ ʼOmai, tou olo ki Selusalemi ke tou hao mai te kautau ʼo te kau Kaletea mo te kau Silia.’ Pea talu mai ai, ʼe matou maʼuʼuli ʼi Selusalemi.”

12 Neʼe palalau leva ia Sehova kia Selemia, ʼo ina ui: 13 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘Alu ʼo fakaha ki te ʼu tagata ʼo Suta mo te hahaʼi ʼo Selusalemi: “Neʼe mole au haga uga koa la koutou ke kotou fakalogo ki ʼaku folafola?”+ ko te ui ʼaia ʼa Sehova. 14 “Neʼe fai e Sonatape, foha ʼo Lekape te fakatotonu ki ʼona hakoga ke ʼaua naʼa natou inu he vino. Pea neʼe natou mulimuli ki te fakatotonu ʼaia. Ia ʼaho nei, ʼe kei hoko atu pe tanatou mole inu he vino. ʼE natou fakalogo ki te fakatotonu ʼo tanatou kui.+ Kae neʼe mole pe la kotou fia fakalogo ʼi taku palalau liuliuga atu.+ 15 Neʼe au fekauʼi tuʼumaʼu atu ʼaku polofeta fuli. Neʼe au fekauʼi liuliuga atu ia natou+ ke natou ui atu: ‘Fakalelei ʼokotou loto ia koutou fuli, kotou liʼaki ʼakotou aga ʼae ʼe kovi+ kae ke kotou fai te meʼa ʼae ʼe totonu. ʼAua naʼa kotou fakalogo ki ʼihi ʼatua mo tauhi kia natou. Kapau ʼe kotou fai feia, pea ʼe kotou haga nonofo anai ʼi te fenua ʼae neʼe au foaki atu kia koutou pea mo ʼakotou kui.’+ Kae neʼe mole pe la kotou tokagaʼi ʼaku folafola, neʼe mole pe la kotou fakalogo mai. 16 Neʼe fakalogo te ʼu hakoga ʼo Sonatape, foha ʼo Lekape ki te fakatotonu ʼo tanatou kui,+ kae ki taku hahaʼi neʼe mole pe la natou fakalogo mai.” ’ ”

17 “Koʼeni te folafola ʼa Sehova, te ʼAtua ʼo te ʼatu kautau, te ʼAtua ʼo Iselaele: ‘ ʼE au fakato anai ki Suta mo te hahaʼi fuli ʼo Selusalemi te malaʼia katoa ʼae neʼe kua au fakatokaga pe kia natou,+ he neʼe au palalau kia natou kae neʼe mole natou fia fakalogo mai. Neʼe au pauʼi tuʼumaʼu natou kae neʼe mole natou fia tali mai.’ ”+

18 Pea neʼe ui e Selemia ki te famili ʼo te kau Lekape. “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘Neʼe kotou fakalogo ki te fakatotonu ʼo takotou kui ko Sonatape pea ʼe kei hoko atu pe takotou fakaʼapaʼapa mo takotou fai ia meʼa fuli ʼo mulimuli pe ki tana fakatotonu atu. 19 Koia koʼeni te folafola ʼa Sehova ʼo te ʼatu kautau, te ʼAtua ʼo Iselaele: “ ʼE ʼi ai tuʼumaʼu pe anai he hakoga ʼo Sonatape, foha ʼo Lekape ke tauhi kia te au.” ’ ”

36 Neʼe palalau leva ia Sehova kia Selemia ʼi te fa taʼu+ ʼo te temi pule ʼo Soakimi foha ʼo Sosiasi, hau ʼo Suta ʼo ui: 2 “Toʼo ia he takaiga tohi. ʼE ke tohi anai ʼi ai ia te ʼu meʼa fuli ʼae neʼe au ui atu talu te ʼuluaki ʼaho ʼae neʼe au palalau atu ai ʼi te temi pule ʼo Sosiasi ʼo kaku mai ki te ʼaho nei. ʼEi, tohi te ʼu tautea fuli ʼae neʼe au fakaha ʼo ʼuhiga mo Iselaele, mo Suta pea mo te ʼu puleʼaga fuli.+ 3 Ka logo te hahaʼi ʼo Suta ki te malaʼia ʼae ʼe au fia fakahoko kia natou, ʼe lagi natou liʼaki anai ʼanatou aga ʼae ʼe kovi. Pea ʼe feala ai anai ke au fakamolemole ʼanatou hala mo ʼanatou agahala.”+

4 Neʼe pauʼi ai e Selemia ia Paluke+ foha ʼo Nelisa pea neʼe ina fakaha age ki ai te ʼu folafola fuli ʼae neʼe ui age e Sehova. Pea neʼe tohi e Paluke ki te takaiga tohi.+ 5 Neʼe fakatotonu age leva e Selemia kia Paluke: “Neʼe tapuʼi mai taku hu ki te fale lotu ʼo Sehova, 6 ko koe anai ʼae ka ke alu. ʼE ke lau leʼo lahi anai te ʼu folafola ʼa Sehova ʼae neʼe au fakaha atu pea neʼe ke tohi ki te takaiga tohi. Lau ki te hahaʼi ʼi te fale lotu ʼo Sehova ʼi he ʼaho ʼe natou sesunio ai pea ʼe logo anai te hahaʼi fuli ʼo Suta ʼae neʼe ʼomai mai ʼonatou kolo ki te meʼa ʼae ka ke lau. 7 ʼE lagi logo anai ia Sehova ki tanatou kole age tona ʼofa pea ʼe natou liʼaki fuli anai ʼanatou aga ʼae ʼe kovi he neʼe fakaha e Sehova kua lahi tona hauhau ki te hahaʼi ʼaia.”

8 Neʼe fai leva e Paluke foha ʼo Nelisa ia meʼa fuli ʼae neʼe fakatotonu age e te polofeta ko Selemia. Neʼe alu ai ki te fale lotu ʼo Sehova ʼo lau leʼo lahi ia te ʼu folafola ʼa Sehova ʼae ʼi te takaiga tohi.+

9 ʼI te mahina hiva ʼi te nima taʼu ʼo te temi pule ʼo Soakimi+ foha ʼo Sosiasi hau ʼo Suta, neʼe sesunio ai ia muʼa ʼo Sehova ia te hahaʼi fuli ʼo Selusalemi, mo te hahaʼi ʼo te ʼu kolo ʼo Suta ʼae neʼe ʼomai ki Selusalemi.+ 10 Neʼe alu ai ia Paluke ki te fale lotu ʼo Sehova ki te koga fale* ʼo Kemalia+ foha ʼo te sikalaipe* ko Safani,+ ʼi te malaʼe ʼae ʼe maʼoluga age, ʼe ovi ki te huʼaga ʼo te matapa foʼou ʼo te fale lotu ʼo Sehova. Pea neʼe ina lau leʼo lahi ia muʼa ʼo te hahaʼi katoa te ʼu folafola ʼa Selemia ʼae ʼe tuʼu ʼi te takaiga tohi.+

11 ʼI te logo ʼa Mikaia foha ʼo Kemalia, foha ʼo Safani ki te ʼu folafola fuli ʼa Sehova ʼae ʼi te takaiga tohi, 12 neʼe hifo ai ki te fale hau ʼo hu ki te koga fale ʼo te sikalaipe. Neʼe heheka fuli ai te ʼu tama ʼaliki: te sikalaipe ko Elisama,+ mo Telaia foha ʼo Semaea, mo Elenatane+ foha ʼo Akepole,+ mo Kemalia foha ʼo Safani pea mo Setesiasi foha ʼo Hanania, pea mo te ʼu tama ʼaliki fuli ʼae. 13 Neʼe fakaha age leva e Mikaia kia natou ia te ʼu folafola fuli ʼae neʼe logo ki ai ʼi te temi ʼae neʼe lau ai e Paluke ia te takaiga tohi ia muʼa ʼo te hahaʼi katoa.

14 Neʼe fekauʼi ai leva e te ʼu tama ʼaliki fuli ia Seutesi foha ʼo Netania, foha ʼo Selemi, foha ʼo Kusi ke alu ʼo ui kia Paluke: “Toʼo te takaiga tohi ʼae neʼe ke lau ia muʼa ʼo te hahaʼi katoa pea ke haʼu.” Neʼe toʼo ai e Paluke foha ʼo Nelisa te takaiga tohi ʼo alu kia natou. 15 Neʼe natou ui age ki ai: “Fakalelei siʼou loto kae ke heka muʼa pea ke lau leʼo lahi mai ia te takaiga tohi.” Pea neʼe lau ai e Paluke.

16 ʼI tanatou logo ki te ʼu folafola fuli, neʼe natou fesioʼaki ai mo matataku, ʼo natou ui ai kia Paluke: “ ʼE tonu ke tou fakaha te ʼu folafola fuli ʼaeni ki te hau.” 17 Pea neʼe natou fehuʼi kia Paluke: “Fakalelei siʼou loto kae ke fakaha mai. Neʼe ko Selemia ʼae neʼe ina ui atu ke ke tohi te ʼu folafola fuli ʼaeni?” 18 Neʼe tali age e Paluke kia natou: “ ʼEi, neʼe ko ia ʼae neʼe ina fakaha mai ia te ʼu folafola fuli ʼaeni pea neʼe au hiki ki te takaiga tohi ʼaki te vaitohi.” 19 Neʼe ui leva e te ʼu tama ʼaliki kia Paluke: “Kolua olo mo Selemia ʼo fenonoʼi pea ʼaua naʼa kolua fakaha ki he tahi ia tokolua nonoʼaga.”+

20 Neʼe natou tuku leva ia te takaiga tohi ʼi te koga fale ʼo te sikalaipe ko Elisama pea natou olo kia muʼa ʼo te hau ʼi te malaʼe, ʼo fakaha ia te ʼu meʼa fuli ʼae neʼe natou logo ki ai.

21 Pea neʼe fekauʼi ai e te hau ia Seutesi+ ke alu ʼo kumi mai te takaiga tohi. ʼI tana ʼosi toʼo ia te takaiga tohi ʼi te koga fale ʼo te sikalaipe ko Elisama, neʼe ina lau ia muʼa ʼo te hau pea mo te ʼu tama ʼaliki fuli ʼae neʼe tutuʼu ovi ki te hau. 22 Neʼe ko te hiva mahina* ʼaia pea neʼe nofo te hau ʼi ʼona koga fale ʼo te temi momoko. Neʼe ulo te afi ʼi ʼona muʼa ʼi te tutuʼaga afi. 23 ʼI te ʼosi lau e Seutesi ni ʼatu ʼe tolu peʼe fa, neʼe tuʼusi e te hau ia te koga ʼaia ʼaki te hele ʼa te sikalaipe, ʼo ina li ki te afi ʼi te tutuʼaga afi pea neʼe ina fai feia ʼo kaku ki te vela katoa ʼo te takaiga tohi ʼi te tutuʼaga afi. 24 Neʼe mole tuʼania pe la e te hau mo ʼana tagata faifekau ʼi tanatou logo ki te ʼu folafola fuli ʼaia. Pea neʼe mole hae pe la e he tahi ʼona mutuʼi meʼa. 25 Neʼe kole mamahi ai e Elenatane,+ mo Telaia+ pea mo Kemalia+ ki te hau ke ʼaua tana tutu ia te takaiga tohi, kae neʼe mole fia fakalogo ia. 26 Neʼe fakatotonu leva e te hau kia Selasemeele, foha ʼo te hau,* mo Selasa foha ʼo Aselieli, mo Selemi foha ʼo Apeteele ke olo ʼo puke ia te polofeta ko Selemia mo tana sikalaipe ko Paluke. Kae neʼe fakanono naua e Sehova.+

27 ʼI te ʼosi tutu e te hau ia te takaiga tohi ʼae neʼe tuʼu ai te ʼu folafola ʼae neʼe fakaha e Selemia kia Paluke, neʼe toe palalau ia Sehova kia Selemia+ ʼo ui: 28 “Toʼo he tahi takaiga tohi pea ke tohi ki ai ia te ʼu folafola fuli ʼae neʼe tuʼu ʼi te ʼuluaki takaiga tohi, ʼae neʼe tutu e te Hau ʼo Suta ko Soakimi.+ 29 Pea ʼe ke ui anai ʼo ʼuhiga mo te Hau ʼo Suta ko Soakimi: ‘Koʼeni te folafola ʼa Sehova: “Neʼe ke tutu te takaiga tohi ʼaia pea neʼe ke fehuʼi: ‘He koʼe neʼe ke tohi ʼe haʼu anai te hau ʼo Papiloni ʼo maumauʼi te fenua ʼaeni pea ʼe mole ina tuku anai ke maʼuli ʼi ai he tagata peʼe ko he manu?’+ 30 Koia koʼeni te folafola ʼa Sehova ʼo ʼuhiga mo te Hau ʼo Suta ko Soakimi: ‘ ʼE mole he tahi ʼi tona hakoga ʼe heka anai ʼi te hekaʼaga fakahau ʼo Tavite.+ Pea ʼe tuku anai tona sino mate ki te vevela ʼo te ʼaho mo te momoko ʼo te poʼuli.+ 31 ʼE au tauteaʼi anai ia ia, mo tona hakoga pea mo ʼana tagata faifekau ʼuhi ko ʼanatou hala. ʼE au fakahoko anai kia natou, mo te hahaʼi ʼo Selusalemi pea mo te hahaʼi tagata ʼo Suta ia te malaʼia katoa ʼae neʼe au fakaha ʼo ʼuhiga mo natou+ ʼuhi ko tanatou mole fakalogo.’ ” ’ ”+

32 Neʼe toʼo ai e Selemia he tahi takaiga tohi ʼo fakatoʼo ki te sikalaipe ko Paluke foha ʼo Nelisa.+ Pea neʼe fakaha age e Selemia ia te ʼu folafola fuli ʼae neʼe maʼu ʼi te takaiga tohi ʼae neʼe tutu e te Hau ʼo Suta ko Soakimi.+ Pea neʼe lahi te ʼu folafola neʼe tatau mo te ʼu folafola ʼaia neʼe hilifaki ki ai.

37 Neʼe kamata ʼafio leva ia te Hau ko Setesiasi,+ foha ʼo Sosiasi ʼo fetogi ia Konia,*+ foha ʼo Soakimi he neʼe fakanofo ke hau ʼi te fenua ʼo Suta+ e te Hau ʼo Papiloni ko Nepukanesa. 2 Kae neʼe mole fakalogo ia, mo ʼana tagata faifekau mo te hahaʼi ʼo te fenua ki te ʼu folafola ʼa Sehova ʼae neʼe fakaha kia natou e te polofeta ko Selemia.

3 Neʼe fekauʼi leva e te Hau ko Setesiasi ia Seukale,+ foha ʼo Selemi pea mo Sofoni,+ foha ʼo te pelepitelo ko Maasesa ke olo ʼo ui ki te polofeta ko Selemia: “Fakalelei siʼou loto kae ke faikole kia Sehova, totatou ʼAtua ke tokoni mai.” 4 ʼI te temi ʼaia, neʼe kei fealuʼaki faʼifaʼitaliha ia Selemia ʼi te hahaʼi he neʼe heʼeki pilisoniʼi.+ 5 Pea neʼe mavae ia te foʼi kautau ʼa Falaone mai Esipito.+ Pea ʼi te logo leva ki ai ʼa te kau Kaletea ʼae neʼe natou ʼa takai ia Selusalemi, neʼe natou mavae ai.+ 6 Pea neʼe palalau ia Sehova ki te polofeta ko Selemia, ʼo ina ui: 7 “Koʼeni te folafola ʼa Sehova, te ʼAtua ʼo Iselaele: ‘Koʼeni te meʼa ʼae ka kotou ui age ki te hau ʼo Suta ʼae neʼe ina fekau ke kotou ʼomai ʼo fakafehuʼi au: “ ʼE toe liliu anai ki Esipito, tona fenua, ia te foʼi kautau ʼa Falaone ʼae ʼe haʼu ʼo tokoni atu.+ 8 Kae ʼe toe liliu mai anai ia te kau Kaletea ʼo tauʼi ia te kolo ʼaeni. ʼE natou maʼu anai ʼo tutu.”+ 9 Koʼeni te folafola ʼa Sehova: “ ʼAua naʼa kotou kakaʼi pe ia koutou totonu ʼo ui: ‘ ʼE mahino ia, ʼe olo mamaʼo anai te kau Kaletea ia tatou,’ kae ʼe mole natou olo anai. 10 Tatau aipe pe ʼe kotou malo anai ʼi te foʼi kautau katoa ʼa te kau Kaletea ʼae ʼe natou tauʼi koutou, pea ko ʼanatou tagata lavevea pe ʼae ʼe kei toe, ʼe natou toe tutuʼu ake pe anai ʼo mavae mai ʼonatou fale la mo tutu te kolo ʼaeni.” ’ ”+

11 Neʼe mavae te foʼi kautau ʼa te kau Kaletea mai Selusalemi ʼuhi ko te foʼi kautau ʼa Falaone.+ 12 Neʼe fia mavae ai ia Selemia mai Selusalemi ʼo alu ki te fenua ʼo Pesamino,+ ke ina maʼu te vahe ʼae ʼe tonu ke foaki age kia ia ʼi tana hahaʼi. 13 Kae ʼi te kaku atu ʼa te polofeta ko Selemia ki te Matapa ʼo Pesamino, neʼe puke ia ia e te pule ʼo te kau leʼo. Neʼe higoa ko Sileisa, foha ʼo Selemi, foha ʼo Hanania. Neʼe ina ui age ki ai: “ ʼE ke fia hola ki te kau Kaletea!” 14 Neʼe tali age e Selemia: “Kailoa! ʼE mole au fia hola ki te kau Kaletea.” Kae neʼe mole fakalogo ki ai ia Sileisa. Neʼe ina puke leva ia Selemia ʼo ʼave ki te ʼu tama ʼaliki. 15 Neʼe iita te ʼu tama ʼaliki ʼo natou ta ai mo pilisoniʼi ia Selemia+ ʼi te fale ʼo te sikalaipe ko Seonatane ʼae neʼe fakaliliu ko he fale pilisoni. 16 Pea lolotoga ni ʼaho, neʼe pilisoniʼi ʼi ai ia Selemia ʼi he koga fale ʼi te lalo kele.

17 Neʼe fekauʼi ai e te Hau ko Setesiasi ke ʼaumai ia ia ke ina fakafehuʼi fakafufu ʼi tona fale hau.+ Neʼe ina fehuʼi age: “Neʼe ui atu koa e Sehova ia he meʼa?” Neʼe tali age e Selemia: “ ʼEi.” Pea neʼe ina hoko atu: “ ʼE tuku anai koe ki te nima ʼo te hau ʼo Papiloni.”+

18 Neʼe toe ui e Selemia ki te Hau ko Setesiasi: “He koʼe neʼe pilisoniʼi au? Kotea taku agahala ʼae neʼe au fai kia koe, mo ʼau tagata faifekau pea mo te hahaʼi ʼaeni? 19 Pea kofea ʼakotou polofeta ʼae neʼe natou fakakikite atu ʼe mole tauʼi anai koutou mo te fenua ʼaeni e te hau ʼo Papiloni?+ 20 Kae fakalelei siʼou loto, siʼoku ʼaliki hau, fakalogo mai! Fakalelei siʼou loto ʼo tali siʼaku kole. ʼAua naʼa ke toe fakaliliu au ki te fale ʼo te sikalaipe ko Seonatane+ naʼa au mate ai.”+ 21 Neʼe fakatotonu leva e te Hau ko Setesiasi ke pilisoniʼi ia Selemia ʼi te Malaʼe ʼo Te Kau Leʼo.+ Pea ʼi te ʼaho fuli, neʼe foaki kia Selemia tana foʼi pane mai te ala ʼo te kau taʼo pane+ ʼo kaku ki te mole kei maʼu ʼo he foʼi pane ʼi te kolo.+ Pea neʼe nofo aipe ia Selemia ʼi te Malaʼe ʼo Te Kau Leʼo.

38 Neʼe logo leva ia Sefatia foha ʼo Matani, mo Ketalia foha ʼo Pasule, mo Sukale+ foha ʼo Selemi pea mo Pasule+ foha ʼo Malekisa ki te ʼu palalau ʼaeni ʼa Selemia ki te hahaʼi fuli: 2 “Koʼeni te folafola ʼa Sehova: ‘Ko ia ʼae ka nofo ʼi te kolo ʼaeni ʼe mate anai ia ʼi te tau, mo te hoge peʼe ko te taʼi mahaki.*+ Kae ko ia ʼae ka alu ki te kau Kaletea ʼe hao anai ia, ʼe ina maʼu anai tona fakapale ʼae ko te maʼuli.’+ 3 Koʼeni te folafola ʼa Sehova: ‘ ʼE mole tuʼu malohi anai ia te kolo ʼaeni ia muʼa ʼo te foʼi kautau ʼo te hau ʼo Papiloni. ʼE ina maʼu anai ia.’ ”+

4 Neʼe ui leva e te ʼu tama ʼaliki ki te hau: “Ke matehi te tagata ʼaeni+ koteʼuhi ʼaki ʼana palalau ʼe ina fakalotovaivaiʼi* te kau solia ʼae ʼe kei toe ʼi te kolo ʼaeni pea mo te hahaʼi katoa. ʼE mole loto e te tagata ʼaeni ke tokalelei te hahaʼi kae ke natou malaʼia.” 5 Neʼe tali leva e te Hau ko Setesiasi: “ ʼIo. Kotou fai kia ia te meʼa ʼae ʼe kotou loto ki ai koteʼuhi ʼe mole feala ke taʼofi koutou e te hau.”

6 Koia neʼe natou toʼo ai ia Selemia ʼo ʼai ki te foʼi tane vai ʼo Malekisa, te foha ʼo te hau,* ʼae neʼe tuʼu ʼi te Malaʼe ʼo Te Kau Leʼo.+ Neʼe natou fakahifo ai ia Selemia ʼaki ni maea. Neʼe mole ʼi ai he vai ʼi te foʼi tane kae neʼe ko te pela ʼatea pea neʼe kamata mou leva ia Selemia ʼi te pela.

7 Neʼe iloʼi leva e Epeti-meleke,+ te Etiopea, ko he tagata enuke* ʼo te fale hau, neʼe natou ʼai ia Selemia ki te foʼi tane vai. Neʼe heka te hau ʼi te Matapa ʼo Pesamino.+ 8 Pea neʼe hu mai ki tuʼa ia Epeti-meleke ʼi te fale hau ʼo alu ʼo ui ki te hau: 9 “Siʼoku ʼaliki hau, ʼe kovi te meʼa ʼae neʼe fai e te ʼu tagata ʼaia ki te polofeta ko Selemia. Neʼe natou li ki te foʼi tane vai pea ʼe mate pakupaku anai ’i ai he ʼe mole kei ʼi ai he foʼi pane ʼi te kolo.”+

10 Neʼe fakatotonu ai leva e te hau kia Epeti-meleke, te tagata Etiopea: “Toʼo ʼi heni he ʼu tagata ʼe toko 30 pea kotou olo ʼo toho ake te polofeta ko Selemia mai te foʼi tane vai naʼa mate.” 11 Neʼe ʼave leva e Epeti-meleke ia te ʼu tagata ʼo natou fehufi ki te fale hau, ki he koga meʼa ʼe tuʼu ʼi te lalo tanakiʼaga koloa.+ Neʼe natou toʼo ai ni moʼi penuʼi kie pea neʼe natou fakahifo kia Selemia ʼaki ni maea ʼi te foʼi tane vai. 12 Neʼe ui e Epeti-meleke, te tagata Etiopea kia Selemia: “Fakalelei siʼou loto, ʼai te ʼu moʼi penuʼi kie ki ʼou lalo ʼafiga naʼa lavea ʼi te ʼu maea.” Neʼe fai leva ki ai ia Selemia. 13 Pea ʼi te toho ake ʼo te ʼu maea, neʼe natou fakahake ake ai ia ia mai te foʼi tane vai. Pea neʼe nofo aipe ia Selemia ʼi te Malaʼe ʼo Te Kau Leʼo.+

14 Neʼe fekauʼi e te Hau ko Setesiasi ke ʼaumai te polofeta ko Selemia ki te tolu huʼaga ʼo te fale lotu ʼo Sehova. Neʼe ui e te hau kia Selemia: “ ʼE au fai atu taku fehuʼi. Pea ke tali mai, ʼaua naʼa ke fufu he meʼa.” 15 Neʼe ui age e Selemia kia Setesiasi: “Kapau ʼe au tali atu, ʼe mahino ia ʼe ke matehi anai au. Pea kapau ʼe au fai atu he tokoni, ʼe mole ke fakalogo mai anai.” 16 Neʼe fai leva te fakapapau fakafufu e te Hau ko Setesiasi kia Selemia: “ ʼE au fakapapau atu ʼi te huafa ʼo Sehova, te ʼAtua maʼuli ʼae ʼe ina foaki mai te maʼuli ʼaeni, ʼe mole au matehi anai koe. Pea ʼe mole au tuku anai koe ki te ʼu nima ʼo natou ʼae ʼe natou fia matehi ia koe.”

17 Neʼe ui leva e Selemia kia Setesiasi: “Koʼeni te folafola ʼa Sehova, te ʼAtua ʼo te ʼatu kautau, te ʼAtua ʼo Iselaele: ‘Kapau ʼe ke alu ki te ʼu tama ʼaliki ʼa te hau ʼo Papiloni, ʼe haofaki anai koe. ʼE mole tutu anai te kolo ʼaeni, pea ʼe ke maʼuli anai mo tou famili.+ 18 Kae kapau ʼe mole ke alu ki te ʼu tama ʼaliki ʼa te hau ʼo Papiloni, ʼe maʼu anai te kolo ʼaeni e te kau Kaletea ʼo natou tutu.+ Pea ʼe natou puke anai ia koe.’ ”+

Neʼe natou fakaulu tou vaʼe ki te pela.

Pea neinei kua natou feholaki.’

23 ʼE ʼave anai ʼou ʼohoana fuli mo ʼou foha ki te kau Kaletea. ʼE mole ke hao anai ʼi te kau Kaletea. ʼE puke anai koe e te hau ʼo Papiloni+ pea ʼuhi ko koe ʼe tutu anai te kolo ʼaeni.”+

24 Neʼe ui leva e Setesiasi kia Selemia: “Kapau ʼe ke fia maʼuli, ʼaua naʼa ke fakaha te ʼu meʼa ʼaia ki he tahi. 25 Pea kapau ʼe iloʼi e te ʼu tama ʼaliki neʼe au palalau mo koe pea kapau ʼe natou ʼomai ʼo fehuʼi atu: ‘Fakamatala mai te ʼu meʼa ʼae neʼe ke ui ki te hau. Fakamatala fuli mai kia matou, pea ʼe mole matou matehi anai ia koe.+ Kotea ʼae neʼe ui atu e te hau?’ 26 ʼe tonu anai ke ke tali age kia natou: ‘Neʼe au kole ki te hau ke tuku toku ʼave ki te fale ʼo Seonatane naʼa au mate ai.’ ”+

27 Neʼe ʼomai leva te ʼu tama ʼaliki fuli ʼo vakaʼi ia Selemia pea mo fakafehuʼi. Neʼe tali age e Selemia te ʼu meʼa pe ʼae neʼe fakatotonu age e te hau. Neʼe mole natou toe fakafehuʼi he neʼe mole logoʼi e he tahi tanā faipalalau. 28 Neʼe nofo ai ia Selemia ʼi te Malaʼe ʼo Te Kau Leʼo ʼo kaku ki te ʼaho ʼae neʼe maʼu ai ia Selusalemi e te kau Kaletea.+ Neʼe kei nofo ai pe ʼi te temi ʼae neʼe to ai ia Selusalemi.+

39 ʼI te hogofulu mahina ʼo te hiva taʼu ʼo te pule ʼa te Hau ʼo Suta ko Setesiasi, neʼe haʼu ia Nepukanesa, te Hau ʼo Papiloni mo tana foʼi kautau katoa ʼo ʼa takai ia Selusalemi.+

2 ʼI te 11 taʼu ʼo te pule ʼa Setesiasi, ʼi te ʼaho hiva ʼo te fa mahina, neʼe natou fai ai te ava ʼi te kaupa ʼo te kolo.+ 3 Neʼe fehufi ai te kau tama ʼaliki fuli ʼa te hau ʼo Papiloni ki te kolo ʼo nonofo ʼi te Matapa ʼo Te Lotomalie.+ Neʼe kau ai ia Nekale-saletesele, te Samekale, mo Nepo-salesekime, te Lapesalise* pea mo Nekale-saletesele, te Lapemake* pea mo te kau tama ʼaliki fuli ʼa te hau ʼo Papiloni.

4 Neʼe sio kia natou te Hau ʼo Suta ko Setesiasi mo tana kau solia fuli pea neʼe natou feholaki ai+ ʼi te poʼuli. Neʼe natou mavae ʼi te kolo ʼo fakalaka ʼi te ʼoloto ʼa te hau, ʼo feulufi ʼi te matapa ʼae ʼe tuʼu ʼi te vaha ʼo te ʼu kaupa ʼe lua. Pea neʼe hoko atu tanatou feholaki ʼi te ala ʼo te Alapa.+ 5 Kae neʼe tuli natou e te foʼi kautau ʼa te kau Kaletea ʼo natou maʼu ia Setesiasi ʼi te ʼu kele toafa ʼae ʼe natou ʼa takai ia Seliko.+ Neʼe natou puke ia ia ʼo ʼave ki te Hau ʼo Papiloni ko Nepukanesa ʼi Lipila,+ ʼi te potu fenua ʼo Hamate.+ Neʼe fakamauʼi ai ia ia e te hau. 6 Neʼe fakatotonu e te hau ʼo Papiloni ke matehi te ʼu foha ʼo Setesiasi ʼi ʼona muʼa ʼi Lipila. Neʼe toe fakatotonu e te hau ʼo Papiloni ke matehi te kau ʼaliki fuli ʼo Suta.+ 7 Neʼe ina fakakiviʼi leva ia Setesiasi pea ina haʼi ʼaki ni kauʼi kapa ʼo ʼave ki Papiloni.+

8 Neʼe tutu ai e te kau Kaletea ia te fale hau mo te ʼu ʼapi ʼo te hahaʼi,+ pea neʼe natou maumauʼi leva te ʼu kaupa ʼo Selusalemi.+ 9 Neʼe ʼave popula ki Papiloni e Nepusalatane,+ te pule ʼo te kau leʼo, ia te hahaʼi ʼae neʼe kei nonofo ʼi te kolo, mo natou ʼae neʼe feholaki kia ia pea mo te toe ʼo te hahaʼi.

10 Kae neʼe tuku e Nepusalatane, te pule ʼo te kau leʼo ʼi te fenua ʼo Suta ʼihi hahaʼi ʼae neʼe masisiva ʼaupito, ia natou ʼae neʼe mole hanatou meʼa. Neʼe ina foaki age kia natou ni gaueʼaga vite pea mo ni gaueʼaga ke natou to.*+

11 Pea neʼe fai age e te Hau ʼo Papiloni ko Nepukanesa kia Nepusalatane, te pule ʼo te kau leʼo te fakatotonu ʼaeni ʼo ʼuhiga mo Selemia: 12 “Alu ʼo kumi mai ia ia pea ke tokaga ki ai. ʼAua naʼa ke fai kia ia he meʼa ʼe kovi pea ke foaki kia ia te ʼu meʼa fuli ʼae ʼe ina kole atu.”+

13 Pea neʼe fekauʼi e Nepusalatane, te pule ʼo te kau leʼo, mo Nepusasepane te Lapesalise,* mo Nekale-saletesele te Lapemake* mo te ʼu hahaʼi maʼuhiga fuli ʼae neʼe gaue ki te hau ʼo Papiloni he ʼu tagata ke olo 14 ʼo fakamavae ia Selemia ʼi te Malaʼe ʼo Te Kau Leʼo.+ Neʼe natou tuku ia ia kia Ketalia,+ foha ʼo Asikame,+ foha ʼo Safani+ ʼae neʼe ina ʼave ki tona ʼapi. Pea neʼe maʼuli leva mo te hahaʼi.

15 Neʼe palalau ia Sehova kia Selemia ʼi te temi ʼae neʼe kei pilisoniʼi ai ʼi te Malaʼe ʼo Te Kau Leʼo,+ ʼo ina ui age: 16 “Alu ʼo ui age kia Epeti-meleke,+ te Etiopea: ‘Koʼeni te folafola ʼa Sehova ʼo te ʼatu kautau, te ʼAtua ʼo Iselaele: “ ʼE au fakahoko anai te meʼa ʼae neʼe au fakaha ʼo ʼuhiga mo te kolo ʼaeni: ʼe mole fakahoko anai he meʼa ʼe lelei kae ko te malaʼia. Pea ʼi te ʼaho ʼaia ʼe ke sio tonu anai ki ai.’ ”

17 “ ‘Kae ʼi te ʼaho ʼaia, ʼe au haofaki anai koe, ʼe mole tuku anai ia koe ki te ʼu tagata ʼae ʼe ke mataku ki ai,’ ko te ui ʼaia ʼa Sehova.

18 “ ‘Ke ke tui papau ʼe au puipui anai koe mai te tuʼutamaki pea ʼe mole matehi anai koe ʼaki te heleta. ʼE ke maʼu anai te fakapale ʼae ko te maʼuli+ he neʼe ke falala kia au,’+ ko te ui ʼaia ʼa Sehova.”

40 Neʼe palalau leva ia Sehova kia Selemia hili tona fakaʼateainaʼi ʼi Lama+ e Nepusalatane,+ te pule ʼo te kau leʼo. Neʼe ʼaumai seiniʼi ia Selemia e Nepusalatane ki te kolo ʼaia, pea neʼe nofo ai ia Selemia mo te hahaʼi katoa ʼo Selusalemi mo Suta ʼae ka ʼave popula ki Papiloni. 2 Pea neʼe ina toʼo tokotahi ia Selemia ʼo ui ki ai: “Neʼe fakaha e Sehova tou ʼAtua ia te malaʼia ʼae neʼe hoko ki te koga meʼa ʼaeni. 3 Pea neʼe fakahoko e Sehova ohage pe ko tana ui koteʼuhi neʼe kotou agahala kia Sehova pea neʼe mole kotou fakalogo kia te ia. Koia la ʼae neʼe hoko ai kia koutou te aluʼaga ʼaia.+ 4 ʼI te ʼaho nei, ʼe au veteki ʼou seini mai ʼou nima. Kapau ʼe ke loto ki ai, ʼe feala hau alu mo au ki Papiloni, pea ʼe au tokaga anai kia koe. Kae kapau ʼe mole ke fia alu mo au ki Papiloni, pea nofo koe. Sio ki te fenua, pea ke fili te koga meʼa ʼae ʼe ke fia nofo ai.”+

5 ʼI te tuai ʼo te tali ʼa Selemia, neʼe ui age e Nepusalatane: “Toe liliu kia Ketalia,+ foha ʼo Asikame,+ mokopuna ʼo Safani,+ ʼae neʼe fakanofo e te hau ʼo Papiloni ke pule ki te ʼu kolo ʼo Suta. Nofo mo ia pea mo te hahaʼi peʼe ke alu ki te koga meʼa ʼae ʼe ke loto ki ai.”

Neʼe foaki age leva e te pule ʼo te kau leʼo tana meʼa kai mo tana meʼa ʼofa, pea ina tuku ai ke alu. 6 Neʼe alu ai ia Selemia kia Ketalia, foha ʼo Asikame ʼi Misipa+ ʼo nofo mo ia pea mo te hahaʼi ʼae neʼe tuku ʼi te fenua.

7 Neʼe logo leva ia te kau pule solia fuli ʼae neʼe nonofo ʼi te fenua pea mo ʼanatou kau solia, neʼe fakanofo e te hau ʼo Papiloni ia Ketalia, foha ʼo Asikame ke pule ki te fenua pea mo tokaga ki te hahaʼi masisiva ʼo te fenua ʼae neʼe mole ʼave popula ki Papiloni: te hahaʼi tagata, mo te hahaʼi fafine pea mo te ʼu fanau.+ 8 Neʼe natou olo ai kia Ketalia ʼi Misipa.+ Neʼe ko Isemaele+ te foha ʼo Netania, mo Seonane+ pea mo Sonatane, te ʼu foha ʼo Kalease, mo Selasa te foha ʼo Tanumete, mo te ʼu foha ʼo Efai te tagata Netofa, pea mo Sesania+ te foha ʼo te tagata Maakate pea mo ʼanatou kau solia. 9 Neʼe fakapapau leva e Ketalia, foha ʼo Asikame, foha ʼo Safani ki te ʼu pule solia ʼaia mo ʼanatou kau solia: “ ʼAua naʼa kotou matataku ʼi te tauhi ki te kau Kaletea. Kotou nonofo ʼi te fenua mo tauhi te hau ʼo Papiloni. Pea ʼe fua lelei pe anai kia koutou.+ 10 ʼE au nofo anai au ʼi Misipa moʼo fakafofoga ʼo koutou ia muʼa ʼo te kau Kaletea ʼae ka ʼomai kia tatou. Kae ʼe kotou fai anai he vino mo he lolo pea ʼe kotou tanaki anai mo ni fuaʼi ʼakau ʼo te temi vela* ʼo kotou tanaki ki ʼakotou ʼaiʼaga vai. ʼE kotou nonofo anai ʼi te ʼu kolo ʼae kua kotou maʼu.”+

11 Neʼe toe logo mo te kau Sutea fuli ʼae neʼe nonofo ʼi Moape, mo Amone pea mo Etome, ʼo feia mo natou ʼae neʼe nonofo ʼi te ʼu fenua fuli ʼae, neʼe tuku ʼihi hahaʼi e te hau ʼo Papiloni ʼi Suta pea neʼe ina fakanofo ia Ketalia, foha ʼo Asikame, foha ʼo Safani ke pule kia natou. 12 Neʼe toe liliu mai leva te kau Sutea katoa mai te ʼu koga meʼa ʼae neʼe natou mavetevete ai. Neʼe natou kaku mai ki te fenua ʼo Suta, kia Ketalia ʼi Misipa. Pea neʼe lahi te vino ʼae neʼe natou fai pea mo te ʼu fuaʼi ʼakau ʼo te temi vela ʼae neʼe natou tanaki.

13 Pea neʼe olo ai ia Seonane, foha ʼo Kalease pea mo te ʼu pule solia fuli ʼae neʼe nonofo ʼi te fenua kia Ketalia ʼi Misipa. 14 Neʼe natou ui ki ai: “ ʼE ke iloʼi koa neʼe fekauʼi e Paalise, te hau ʼo te kau Amone+ ia Isemaele, foha ʼo Netania ke haʼu ʼo matehi koe?”+ Kae neʼe mole tui kia natou ia Ketalia, foha ʼo Asikame.

15 Pea neʼe fakaha fakafufu e Seonane, foha ʼo Kalease kia Ketalia ʼi Misipa: “Fakagafua mai ke au alu ʼo matehi ia Isemaele, foha ʼo Netania. ʼE mole iloʼi anai e he tahi. He koʼe ʼe matehi anai ia koe? Pea he koʼe ʼe mavetevete anai te hahaʼi fuli ʼo Suta ʼae kua natou fakatahi mai kia koe? He koʼe ʼe mamate anai te hahaʼi ʼae neʼe nonofo ʼi Suta?” 16 Kae neʼe tali leva e Ketalia,+ foha ʼo Asikame kia Seonane, foha ʼo Kalease: “ ʼAua naʼa ke fai te meʼa ʼaia. ʼE mole moʼoni ʼau palalau ʼo ʼuhiga mo Isemaele.”

41 ʼI te fitu mahina leva neʼe alu ai ia Isemaele+ ki Misipa mo tagata ʼe toko hogofulu kia Ketalia, foha ʼo Asikame. Ko Isemaele neʼe ko te foha ʼo Netania, foha ʼo Elisama pea neʼe kau ʼi te famili hau pea mo te kau gaue maʼuhiga ʼo te hau.+ Pea lolotoga tanatou kaitahi ʼi Misipa, 2 neʼe tuʼu ake leva ia Isemaele, foha ʼo Netania pea mo te ʼu tagata ʼe toko hogofulu ʼo matehi ʼaki ʼanatou heleta ia Ketalia, foha ʼo Asikame, foha ʼo Safani. Neʼe ina matehi te tagata ʼae neʼe fakanofo e te hau ʼo Papiloni ke pule ki te fenua. 3 Neʼe toe matehi e Isemaele te kau Sutea fuli ʼae neʼe nonofo mo Ketalia ʼi Misipa, ʼo toe feia pe mo te kau solia Kaletea ʼae neʼe nonofo ai.

4 ʼI te hili ʼo te matehi ʼo Ketalia, ʼi te ʼaho ake, neʼe heʼeki iloʼi e he tahi, 5 pea neʼe tau mai leva ni tagata mai Sekemi,+ mo Silo+ pea mo Samalia.+ Neʼe natou toko 80. Neʼe tele ʼonatou kava, mo makahaehae ʼonatou mutuʼi meʼa, pea neʼe natou hifi ʼonatou sino.+ Neʼe natou ʼomai mo ni molaga meʼa kai pea mo te iseso hina+ ke natou ʼave ki te fale lotu ʼo Sehova. 6 Neʼe mavae ai ia Isemaele, foha ʼo Netania ʼi Misipa ʼo alu kia natou. Neʼe haʼele tagi. Pea ʼi tanatou felaveʼi, neʼe ina ui age kia natou: “ ʼOmai kia Ketalia, foha ʼo Asikame.” 7 Kae ʼi tanatou hu ki te kolo, neʼe matematehi natou e Isemaele, foha ʼo Netania mo ʼana tagata ʼo laku natou ki he foʼi tane vai.

8 Kae neʼe ui e te toko hogofulu ʼo te ʼu tagata ʼaia kia Isemaele: “ ʼAua naʼa ke matehi matou. Neʼe matou fufu ʼi te vao he fulumeto, mo he olose, mo he lolo pea mo he meli.” Neʼe fakatotonu ai e Isemaele ke mole matehi ia natou mo ʼonatou kaugā fagona. 9 Neʼe laku leva e Isemaele ia te ʼu tagata fuli ʼae neʼe ina matehi ki te foʼi tane vai lahi ʼae neʼe faʼu e te Hau ko Asa ʼi te temi ʼae neʼe ina tauʼi ai te Hau ʼo Iselaele ko Paesa.+ Ko te foʼi tane vai ʼaia neʼe fakafonu ʼaki te ʼu sino mate e Isemaele, foha ʼo Netania.

10 Neʼe pilisoniʼi leva e Isemaele ia natou fuli ʼae neʼe toe ʼi Misipa,+ ʼo kau ai te ʼu ʼofafine ʼo te hau pea mo te hahaʼi katoa ʼae neʼe nonofo ʼi Misipa, ʼae neʼe tuku e Nepusalatane, te pule ʼo te kau leʼo kia Ketalia,+ foha ʼo Asikame. Neʼe pilisoniʼi natou e Isemaele, foha ʼo Netania pea neʼe alu leva ki te kau Amone.+

11 ʼI te iloʼi ʼae e Seonane,+ foha ʼo Kalease pea mo te ʼu pule solia fuli ʼae neʼe nonofo mo ia, ia te agakovi fuli ʼae neʼe fakahoko e Isemaele, foha ʼo Netania, 12 neʼe natou olo ai mo ʼanatou tagata solia fuli ʼo tauʼi ia Isemaele, foha ʼo Netania. Neʼe natou maʼu atu ia ia ʼo ovi ki te ʼu vai lalahi* ʼi Kipeone.

13 Neʼe fiafia ia natou fuli ʼae neʼe pilisoniʼi e Isemaele ʼi tanatou sisio kia Seonane, foha ʼo Kalease pea mo te ʼu pule solia fuli. 14 Neʼe toe liliu ai leva te hahaʼi fuli ʼae neʼe pilisoniʼi e Isemaele ʼi Misipa,+ ʼo olo mo Seonane, foha ʼo Kalease. 15 Kae neʼe feholaki ia Isemaele, foha ʼo Netania mo te toko valu ʼo ʼana tagata mai ia Seonane, ʼo olo ki te kau Amone.

16 Neʼe ʼave leva e Seonane, foha ʼo Kalease mo te ʼu pule solia fuli ʼae neʼe faifagona mo ia te hahaʼi ʼo Misipa ʼae neʼe toe. Neʼe ko te hahaʼi ʼae neʼe natou haofaki mai ia Isemaele, foha ʼo Netania ʼi te hili ʼo tana matehi ia Ketalia,+ foha ʼo Asikame. Neʼe natou toe liliu ai mai Kipeone mo te hahaʼi tagata, mo te kau solia, mo te hahaʼi fafine, mo te ʼu fanau pea mo te kau faifekau ʼo te fale hau. 17 ʼI tanatou olo ʼaia, neʼe natou tutuʼu leva ʼi te nofoʼaga ʼo Kimame ʼe ovi ki Petelehemi+ he neʼe natou fakatotonu ke natou olo ki Esipito+ 18 ʼuhi ko te kau Kaletea. Neʼe natou matataku ia natou koteʼuhi neʼe matehi e Isemaele, foha ʼo Netania ia Ketalia, foha ʼo Asikame, ʼae neʼe fakanofo e te hau ʼo Papiloni ke pule ki te fenua.+

42 Neʼe ʼomai leva te ʼu pule solia fuli, mo Seonane+ foha ʼo Kalease, mo Sesania foha ʼo Hosaia pea mo te hahaʼi katoa, mai ia ia ʼae ʼe malalo kia ia ʼae ʼe maʼuhiga, 2 ʼo ui ki te polofeta ko Selemia: “Fakalelei siʼou loto, fakalogo mai ki tamatou tagi mo ke faikole kia Sehova tou ʼAtua ke tokoni mai, kia natou fuli ʼae neʼe hao koteʼuhi ʼe ke sio pe kua matou tokosiʼi, ʼe mole kei matou kaugamalie.+ 3 Kole kia Sehova, tou ʼAtua ke ina fakaha mai te ala ʼae ʼe tonu ke matou olo ai mo te meʼa ʼae ʼe tonu ke matou fai.”

4 Neʼe tali age e te polofeta ko Selemia kia natou: “Fai ki ai. ʼE au faikole anai kia Sehova, tokotou ʼAtua ohage pe ko takotou kole mai. Pea ʼe au fakaha katoa atu anai ia te tali ʼa Sehova. ʼE mole au fufu anai he meʼa kia koutou.”

5 Neʼe natou tali leva kia Selemia: “Ke liliu ia Sehova ko he fakamoʼoni agatonu mo moʼoni pea ke ina tauteaʼi matou mo kapau ʼe mole matou fakahoko katoa te fakatotonu ʼa Sehova tou ʼAtua, ʼae ka ke fakaha mai. 6 Pe ʼe matou leleiʼia tana tali peʼe kailoa, kae ʼe matou fakalogo anai kia Sehova, tomatou ʼAtua, ʼae ʼe matou kole atu ke ke fakafehuʼi. Pea ʼe fua lelei pe anai kia matou koteʼuhi ʼe matou fakalogo anai kia Sehova tomatou ʼAtua.”

7 ʼI te hili ki ai ʼaho ʼe hogofulu, neʼe palalau leva ia Sehova kia Selemia. 8 Koia neʼe pauʼi ai e Selemia ia Seonane, foha ʼo Kalease mo te ʼu pule solia fuli ʼae neʼe nonofo mo ia, ʼo feia mo te hahaʼi katoa, mai ia ia ʼae ʼe malalo kia ia ʼae ʼe maʼuhiga.+ 9 Neʼe ina ui kia natou: “Koʼeni te folafola ʼa Sehova, te ʼAtua ʼo Iselaele ʼae neʼe kotou loto ke au tagi mamahi ki ai ke tokoni atu: 10 ‘Kapau ʼe kotou fakatotonu ke kotou nonofo ʼi te fenua ʼaeni, ʼe au faʼu anai koutou kae ʼe mole au maumauʼi anai koutou, ʼei, ʼe au to anai koutou kae ʼe mole au taʼaki anai koutou. ʼE au fakahemala* anai ʼo ʼuhiga mo te malaʼia ʼae neʼe au fakahoko kia koutou.+ 11 ʼAua takotou matataku ki te hau ʼo Papiloni ʼae ʼe kotou tuʼania ki ai.’+

“ ‘ ʼAua takotou matataku ki ai he ʼe au nofo mo koutou moʼo haofaki pea mo fakaʼateainaʼi koutou mai tona nima,’ ko te ui ʼaia ʼa Sehova. 12 ‘Pea ʼe au manavaʼofa anai kia koutou,+ pea ʼe toe manavaʼofa anai kia koutou, ʼo ina fakaliliu mai koutou ki tokotou fenua.

13 “ ‘Kae kapau ʼe kotou ui: “Kailoa, ʼe mole matou nonofo anai ʼi te fenua ʼaeni,” pea kapau ʼe mole kotou fakalogo kia Sehova, tokotou ʼAtua, 14 ʼo kotou ui: “Kailoa ia, ʼe matou olo anai matou ki Esipito.+ ʼE mole matou sisio ai anai ki he tau, mo logo ki te pupuhi ʼo te fakatagi pupuhi pea ʼe mole matou hala anai mo moʼi pane, pea ʼe matou nonofo ai anai,” 15 koʼeni leva te folafola ʼa Sehova kia koutou, hahaʼi ʼae neʼe nonofo ʼi Suta. Koʼeni te folafola ʼa Sehova ʼo te ʼatu kautau, te ʼAtua ʼo Iselaele: “Kapau ʼe kotou fakatotonu pe ke kotou olo ki Esipito ʼo maʼuʼuli* ai, 16 ʼe kaku atu pe anai kia koutou te tau ʼi Esipito ʼae neʼe kotou matataku ki ai pea ʼe toe to pe anai kia koutou te hoge ʼi Esipito ʼae neʼe kotou tuʼania ki ai, ʼei, ʼe kotou mamate ai anai.+ 17 Ko te hahaʼi tagata fuli pe ʼae ʼe natou fakatotonu ke olo ʼo maʼuʼuli ʼi Esipito, ʼe natou mamate anai ʼi te tau, ʼi te hoge peʼe ʼi te ʼu taʼi mahaki.* ʼE mole maʼuli anai he tahi ia natou peʼe hao mai te malaʼia ʼae ka au fakahoko kia natou.” ’

18 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘Ohage pe ko te to ʼo toku hauhau ki te hahaʼi ʼo Selusalemi,+ ʼe toe to feia pe anai toku hauhau kia koutou mo kapau ʼe kotou olo ki Esipito. ʼE talanoaʼi anai koutou e te hahaʼi ʼi ʼanatou faitutuku pea ʼe kotou liliu anai ko he meʼa fakalialia. ʼE fakamalaʼia anai koutou mo fakalainoaʼi+ pea ʼe mole kotou toe sisio anai ʼi he temi ki te koga meʼa ʼaeni.’

19 “Neʼe fakatonutonuʼi koutou e Sehova, hahaʼi ʼae neʼe nonofo ʼi Suta. ʼAua naʼa kotou olo ki Esipito. Ke kotou mahino lelei ki te faʼahi ʼaeni: neʼe au fakatokaga atu kia koutou ʼi te ʼaho nei, 20 ʼe kotou mamate anai mo kapau ʼe kotou toʼo he tonu ʼe kovi. Neʼe kotou kole mai ke au fakafehuʼi ia Sehova tokotou ʼAtua. Neʼe kotou ui mai: ‘Faikole kia Sehova, tomatou ʼAtua ke tokoni mai. Pea ke fakaha katoa mai ia te tali ʼa Sehova, tomatou ʼAtua pea ʼe matou fakahoko anai.’+ 21 Pea neʼe au haʼu mo te tali kia koutou ʼi te ʼaho nei. Kae ʼe mole kotou fakalogo anai kia Sehova, tokotou ʼAtua pea ʼe mole kotou fai anai te meʼa ʼae neʼe ina ui mai ke au fakaha atu.+ 22 Koia ke kotou mahino lelei: ʼi te fenua ʼae ʼe kotou fia olo ʼo maʼuʼuli ai ʼe kotou mamate anai ʼi te tau, ʼi te hoge peʼe ʼi te ʼu taʼi mahaki.”+

43 Neʼe fakaha e Selemia ki te hahaʼi katoa ia meʼa fuli ʼae neʼe ui e Sehova tonatou ʼAtua, te ʼu folafola fuli ʼae neʼe fekau e Sehova tonatou ʼAtua ke alu ʼo ui age kia natou. ʼI tana ʼosi palalau, 2 neʼe ui e Asalia foha ʼo Hosaia, mo Seonane+ foha ʼo Kalease pea mo te ʼu tagata fiameʼalahi fuli kia Selemia: “Ko tau loi! Neʼe mole fekauʼi koe e Sehova tomatou ʼAtua ke ke haʼu ʼo ui mai: ‘ ʼAua naʼa kotou olo ʼo nonofo ʼi Esipito.’ 3 Ko Paluke,+ foha ʼo Nelisa ʼae ʼe ina uga koe ke ke haʼu ʼo ui mai te meʼa ʼaia ke puke matou e te kau Kaletea. ʼE ina loto ke natou matehi matou peʼe ke natou ʼave popula matou ki Papiloni.”+

4 Neʼe mole fakalogo kia Sehova ia Seonane foha ʼo Kalease, mo te ʼu pule solia fuli pea mo te hahaʼi katoa: neʼe mole natou fia nonofo ʼi te fenua ʼo Suta. 5 Koia neʼe ʼave e Seonane foha ʼo Kalease pea mo te ʼu pule solia fuli ia natou fuli ʼae neʼe toe ʼi Suta, natou fuli ʼae neʼe toe liliu mai te ʼu puleʼaga fuli ʼae neʼe mavetevete ai ʼo maʼuʼuli ʼi te fenua ʼo Suta.+ 6 Neʼe natou ʼave ai te hahaʼi tagata mo fafine, mo te ʼu fanau, mo te ʼu ʼofafine ʼo te hau pea mo natou fuli ʼae neʼe tuku e Nepusalatane,+ te pule ʼo te kau leʼo kia Ketalia,+ foha ʼo Asikame,+ foha ʼo Safani.+ Neʼe natou ʼave mo te polofeta ko Selemia pea mo Paluke, foha ʼo Nelisa. 7 Neʼe natou hu leva ki Esipito he neʼe mole natou fakalogo kia Sehova ʼo natou olo ai ki Takepanese.+

8 Neʼe palalau leva ia Sehova kia Selemia ʼi Takepanese, ʼo ina ui: 9 “Toʼo ʼaki ʼou nima ni foʼi maka lalahi, ʼo ke fufu ʼaki he moʼi sima ʼi te fakaheke piliki ʼae ʼe tuʼu ʼi te huʼaga ʼo te fale hau ʼo Falaone ʼi Takepanese, kae sisio ki ai te hahaʼi tagata Sutea. 10 Pea ke ui kia natou: ‘Koʼeni te folafola ʼa Sehova ʼo te ʼatu kautau, te ʼAtua ʼo Iselaele: “ ʼE au pauʼi anai ia te hau ʼo Papiloni ko Nepukanesa, taku tagata faifekau.+ ʼE au fakatuʼu anai tona hekaʼaga fakahau ʼi te ʼu fuga maka ʼaia neʼe au fufu pea ʼe ina folahi ai anai tona fale la fakahau.+ 11 Pea ka haʼu ʼe ina taʼi anai ia Esipito.+ Ko natou ʼae ʼe tonu ke mamate ʼi te taʼi mahaki ʼe mamate anai ʼi te taʼi mahaki, ko natou ʼae ʼe tonu ke mamate popula ʼe ʼave popula anai, ko natou ʼae ʼe tonu ke mamate ʼi te heleta ʼe mamate anai ʼi te heleta.+ 12 ʼE au tutu anai te ʼu fale ʼo te ʼu ʼatua ʼo Esipito+ pea ʼe tutu anai e Nepukanesa ia te ʼu fale ʼaia pea ʼe ina ʼave popula anai ʼanatou fakatata. ʼE ina pulupuluʼi anai ia Esipito ohage pe ko te ʼai e he tagata tauhi ovi tona pulupulu, pea ʼe mavae ai anai ʼi te tokalelei.* 13 ʼE ina laliki anai te ʼu pou ʼo Pete-semesi* ʼi Esipito, pea ʼe ina tutu anai te ʼu fale ʼo te ʼu ʼatua ʼo Esipito.” ’ ”

44 Neʼe fekauʼi e te ʼAtua ia Selemia ke alu ʼo tala age ki te kau Sutea fuli ʼae neʼe nonofo ʼi Esipito,+ ia natou ʼae neʼe nonofo ʼi Miketoli,+ mo Takepanese,+ mo Nofi*+ pea mo te potu fenua ʼo Patolosi:+ 2 “Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘Neʼe kotou sisio ki te malaʼia ʼae neʼe au fakahoko ki Selusalemi+ pea mo te ʼu kolo fuli ʼo Suta. ʼI te ʼaho nei, kua maumau mo tuʼu lavaki.+ 3 Neʼe hoko te ʼu aluʼaga ʼaia ʼuhi ko te ʼu meʼa kovi ʼae neʼe kotou fai moʼoku fakamamahiʼi: neʼe kotou momoli ni sakilifisio+ mo tauhi ki ni ʼatua neʼe mole pe la kotou iloʼi ʼo feia mo ʼakotou kui.+ 4 Neʼe au fekauʼi liuliuga atu ʼaku tagata faifekau, ia te kau polofeta fuli ke natou ui atu: “Fakalelei siʼokotou ʼu loto, ʼaua takotou fai te meʼa fakalialia ʼae ʼe au fehiʼa ki ai.”+ 5 Neʼe mole pe la kotou fakalogo peʼe kotou tokaga mai, neʼe mole kotou liʼaki takotou agakovi. Neʼe hoko atu pe takotou momoli ni sakilifisio ki ʼihi ʼatua.+ 6 Neʼe to ai toku hauhau ohage ko he afi ki te ʼu kolo ʼo Suta pea mo te ʼu ala ʼo Selusalemi ʼo vela ai. Pea ʼi te ʼaho nei kua liliu ko ni koga meʼa maumau mo tuʼu lavaki.’+

7 “Pea koʼeni leva te folafola ʼa Sehova, te ʼAtua ʼo te ʼatu kautau, te ʼAtua ʼo Iselaele: ‘He koʼe ʼe kotou fakatupu he toe malaʼia feia kia koutou? ʼE mamate fuli anai te hahaʼi tagata mo fafine, mo te ʼu fanau pea mo te ʼu kiʼi toe ʼae ʼe kei meamea ʼo Suta, ʼo mole hao he tahi. 8 He koʼe ʼe kotou fakamamahiʼi au ʼaki ʼakotou aga, ʼo kotou momoli ni sakilifisio ki ʼihi ʼatua ʼi Esipito, te fenua ʼae neʼe kotou olo ʼo maʼuʼuli ai? ʼE kotou pupuli anai pea ʼe talanoaʼi anai koutou e te hahaʼi ʼo te ʼu puleʼaga fuli ʼo te kele, ʼi ʼanatou faitutuku mo ʼanatou laukovi.+ 9 Kua galo koa kia koutou te ʼu gaue kovi ʼo ʼakotou kui, mo te ʼu gaue kovi ʼo te ʼu hau ʼo Suta+ pea mo ʼae ʼo ʼonatou ʼohoana,+ ʼo feia mo ʼakotou gaue kovi pea mo ʼae ʼo ʼokotou ʼohoana,+ ʼae neʼe kotou fakahoko ʼi te fenua ʼo Suta pea mo te ʼu ala ʼo Selusalemi? 10 ʼO kaku mai ki te ʼaho nei, neʼe mole kotou fakamalaloʼi ia koutou, neʼe mole kotou manavasiʼi kia te au,+ pea neʼe mole kotou fakaʼapaʼapa ki te lao mo te ʼu fakatotonu ʼae neʼe au foaki atu kia koutou mo ʼakotou kui.’+

11 “Koia, koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘Kua au fakatotonu ke au fakahoko kia koutou ia te malaʼia moʼo molehi ia Suta katoa. 12 ʼE au pulihi anai ʼi Esipito ia natou fuli ʼae neʼe nonofo ʼi Suta, ʼae neʼe natou fakatotonu ke natou olo ʼo maʼuʼuli ʼi Esipito.+ ʼE natou mamate anai ʼi te tau pea ʼi te hoge. ʼEi, ʼe natou mamate anai ʼi te tau pea ʼi te hoge, mai ia ia ʼae ʼe malalo kia ia ʼae ʼe maʼuhiga. ʼE fakamalaʼia anai ia natou mo fakalainoaʼi. Pea ʼe talanoaʼi anai natou e te hahaʼi ʼi ʼanatou faitutuku, pea ʼe natou liliu anai ko he meʼa fakalialia ʼuhi ko te meʼa ʼae ka hoko kia natou.+ 13 ʼE au tauteaʼi anai ia natou ʼae ʼe nonofo ʼi Esipito ohage pe ko taku tauteaʼi ia te hahaʼi ʼo Selusalemi ʼaki te tau, mo te hoge pea mo te ʼu taʼi mahaki.*+ 14 ʼE mole hao anai peʼe maʼuli he tahi ia natou ʼae neʼe nonofo ʼi Suta, ʼae neʼe olo ʼo maʼuʼuli ʼi Esipito. ʼE mole natou toe liliu anai ki Suta. ʼE natou fakaʼamu anai ke natou toe liliu ʼo maʼuʼuli ai, kae ʼe toe liliu pe anai ki ai he tokosiʼi.’ ”

15 Neʼe tali leva kia Selemia e te ʼu tagata fuli ʼae neʼe natou iloʼi neʼe momoli e ʼonatou ʼohoana ni sakilifisio ki ʼihi ʼatua, pea mo te ʼu fafine kaugamalie fuli ʼae neʼe fakatahitahi ai, ʼo feia mo natou fuli ʼae neʼe nonofo ʼi Esipito+ ʼi Patolosi:+ 16 “ ʼE mole matou fai anai te meʼa ʼae neʼe ke ui mai kia matou ʼi te huafa ʼo Sehova. 17 Kae kua matou fakapapau ke matou fai te ʼu meʼa fuli ʼae neʼe matou fakatotonu. ʼE matou momoli anai ni sakilifisio ki te Fineʼaliki ʼo Te Lagi* pea ʼe matou liligi anai ni molaga meʼa inu kia ia.+ Neʼe matou fai te faʼahi ʼaia talu mai mo ʼamatou kui, mo ʼomatou hau pea mo ʼamatou tama ʼaliki ʼi te ʼu kolo ʼo Suta pea mo te ʼu ala ʼo Selusalemi. ʼI te temi ʼaia, neʼe mahu tamatou pane, neʼe lelei ʼosi ʼomatou maʼuli, pea neʼe mole hoko he malaʼia kia matou. 18 Kae ʼi te temi pe ʼae neʼe matou fakagata ai tamatou momoli ni sakilifisio ki te Fineʼaliki ʼo Te Lagi* pea mo liligi ni molaga meʼa inu ki ai, neʼe mole kei matou maʼu he meʼa pea neʼe matou mamate ʼi te tau mo te hoge.”

19 Neʼe toe ui e te ʼu fafine: “ ʼI te temi ʼae neʼe matou momoli ai ni sakilifisio ki te Fineʼaliki ʼo Te Lagi* pea mo liligi ni molaga meʼa inu ki ai, neʼe mole koa la fakagafua mai e ʼomatou ʼohoana ke matou fai ni foʼi keke ki tona pāki ko he ʼu sakilifisio ke momoli ki ai? Neʼe mole fakagafua mai koa la e ʼomatou ʼohoana ke matou liligi ni molaga meʼa inu ki ai?”

20 Neʼe ui leva e Selemia ki te hahaʼi katoa, te ʼu tagata mo ʼonatou ʼohoana, pea mo natou fuli ʼae neʼe faipalalau mo ia: 21 “Neʼe manatuʼi e Sehova, ʼei, neʼe mole galo kia te ia, te ʼu sakilifisio ʼae neʼe kotou momoli ʼi te ʼu kolo ʼo Suta mo te ʼu ala ʼo Selusalemi, ʼo feia mo ʼakotou kui, mo ʼokotou hau, mo ʼakotou tama ʼaliki pea mo te hahaʼi fuli ʼo te fenua.+ 22 Koia neʼe mole kei lava katakiʼi e Sehova ʼakotou aga ʼae ʼe kovi pea mo te ʼu meʼa fakalialia ʼae neʼe kotou fai. Kua liliu ai tokotou fenua ʼi te ʼaho nei ko he koga meʼa kua maumau, mo tuʼu lavaki, mo fakalialia, he koga meʼa ʼe talanoaʼi e te hahaʼi ʼi ʼanatou faitutuku.+ 23 Kapau ʼe hoko te malaʼia kia koutou ʼi te ʼaho nei, ʼe tupu ko takotou momoli te ʼu sakilifisio ʼaia pea mo takotou agahala ʼae kia Sehova. Neʼe mole kotou fakalogo kia Sehova pea neʼe mole kotou fakaʼapaʼapa ki tana lao, mo ʼana fakatotonu pea mo ʼana fakamanatu.”+

24 Pea neʼe ui e Selemia ki te hahaʼi fuli mo te ʼu fafine fuli: “Kotou fakalogo ki te meʼa ʼae ʼe ui e Sehova, ia koutou fuli hahaʼi ʼo Suta ʼae ʼe nonofo ʼi Esipito! 25 Koʼeni te folafola ʼa Sehova ʼo te ʼatu kautau, te ʼAtua ʼo Iselaele: ‘Ko te meʼa ʼae neʼe kotou fakaha mo ʼokotou ʼohoana ʼi ʼokotou gutu, neʼe kotou fakahoko ʼaki ʼokotou nima he neʼe kotou ui: “Kua matou fakatotonu ke matou fakahoko ʼamatou fakapapau he neʼe matou fakapapau ʼe matou momoli anai ni sakilifisio ki te Fineʼaliki ʼo Te Lagi* pea mo momoli ni molaga meʼa inu ki ai.”+ ʼU fafine, ʼe au iloʼi lelei pe, ʼe kotou fakahoko anai ʼakotou fakapapau, ʼei, ʼe kotou fakahoko anai.’

26 “Koia kotou fakalogo ki te folafola ʼa Sehova, ia koutou fuli hahaʼi ʼo Suta ʼae ʼe nonofo ʼi Esipito. ‘ “Koʼeni ʼe au fakapapau ʼi toku huafa lahi,” ko te ui ʼaia ʼa Sehova, “ ʼe mole toe toʼo anai toku huafa e he tagata ʼo Suta+ ʼe maʼuli ʼi Esipito ʼo ui: ‘ ʼE au fakapapau ia muʼa ʼo te Tuʼi ʼAliki ko Sehova, te ʼAtua maʼuli!’+ 27 ʼI te temi nei, ʼe au tokagaʼi natou ke au fakahoko te malaʼia kia natou kae mole ko te lelei.+ ʼE mamate fuli anai ia te ʼu tagata ʼo Suta ʼae ʼe nonofo ʼi Esipito ʼi te tau mo te hoge, ʼo kaku ki tanatou pupuli fuli.+ 28 ʼE hao pe anai he tokosiʼi ʼi te tau pea ʼe natou mavae anai mai Esipito ʼo toe liliu ki Suta.+ Pea ʼe iloʼi ai leva e natou fuli ʼae neʼe nonofo ʼi Suta pea mo natou olo ʼo maʼuʼuli ʼi Esipito pe ʼe ko te folafola fea ʼae neʼe hoko: pe ko taku folafola peʼe ko tanatou folafola.” ’ ”

29 “ ‘Pea koʼeni te fakailoga ʼae ka kotou mahino ai, ʼe au tauteaʼi anai koutou ʼi te koga meʼa ʼaeni,’ ko te ui ʼaia ʼa Sehova, ‘ke kotou iloʼi ai ʼe hoko moʼoni anai ʼaku folafola ʼo ʼuhiga mo tokotou malaʼia. 30 Koʼeni te folafola ʼa Sehova: “ ʼE au tuku anai te Falaone ko Hofala, te hau ʼo Esipito ki te nima ʼo ʼona fili pea mo natou ʼae ʼe natou fia matehi ia ia, ohage pe ko taku tuku te Hau ʼo Suta ko Setesiasi ki te nima ʼo te Hau ʼo Papiloni ko Nepukanesa, ia tona fili ʼae neʼe ina fia matehi ia ia.” ’ ”+

45 Koʼeni te meʼa ʼae neʼe ui e te polofeta ko Selemia kia Paluke,+ foha ʼo Nelisa ʼi te temi ʼae neʼe tohi ai e Paluke ki he takaiga tohi ia te ʼu palalau ʼaia ʼae neʼe fakaha age e Selemia.+ Neʼe ko te fa taʼu ʼaia ʼo te temi pule ʼo te Hau ʼo Suta ko Soakimi,+ foha ʼo Sosiasi:

2 “Paluke, koʼeni te folafola ʼa Sehova, te ʼAtua ʼo Iselaele ʼo ʼuhiga mo koe: 3 ‘Neʼe ke ui: “Malaʼia kia au he neʼe kua au mamahi kae neʼe toe hilifaki mai e Sehova ʼihi mamahi. Kua au fiu ʼi te lauga kae ʼe mole au lava maʼu hoku fimalie.” ’

4 “ ʼE ke ui age anai ki ai: ‘Koʼeni te folafola ʼa Sehova: “Sio, ko te meʼa ʼae neʼe kua au laga ʼe au maumauʼi, pea ko te meʼa ʼae neʼe kua au to ʼe au taʼaki. Pea ʼe au fai anai te faʼahi ʼaia ki te fenua katoa.+ 5 Kae ʼe ke kumi pe maʼa koe* ni meʼa lalahi. Tuku tau kumi te ʼu faʼahiga meʼa ʼaia.” ’

“ ‘Kua au vave fakahoko pe he malaʼia ki te tagata fuli.+ Kae ko koe ʼe ke maʼu anai tou fakapale ʼae ko te maʼuli, ʼi te ʼu koga meʼa fuli pe ʼae ka ke alu ki ai,’+ ko te ui ʼaia ʼa Sehova.”

46 Koʼeni te meʼa ʼae neʼe ui e Sehova ki te polofeta ko Selemia ʼo ʼuhiga mo te ʼu puleʼaga:+ 2 Ko te logo ki Esipito+ ʼo ʼuhiga mo te foʼi kautau ʼo te hau ʼo Esipito, te Falaone ko Neko,+ ʼae neʼe nofo ovi ki te Efalate pea neʼe malo ai te Hau ʼo Papiloni ko Nepukanesa ʼi Kalekemisi, ʼi te fa taʼu ʼo te temi pule ʼo te hau ʼo Suta ko Soakimi,+ foha ʼo Sosiasi:

 4 Kau solia, kotou fakagutu te ʼu hosi mo heheka ki ai.

Kotou fakaʼatu ki te tau mo ʼai ʼokotou puloga.

Kotou fakamasila te ʼu tao mo tui ʼokotou kofu tau.

 5 ‘ ʼE au tokagaʼi ʼe natou tekelili. Kotea ʼae ʼe hoko?

ʼE natou holomuli pea kua to ʼanatou tagata malolohi ʼi te tau.

Neʼe natou feholaki ʼi te mataku pea neʼe mole pe la he tahi neʼe sio ki muli ʼi ʼanatou tagata malolohi.

ʼE maʼu te mataku ʼi te potu fuli,’ ko te ui ʼaia ʼa Sehova.

 6 ‘ ʼE mole feala ke feholaki te ʼu tagata ʼae ʼe lele vave, ʼo feia mo te ʼu tagata malolohi.

ʼE au maumauʼi anai te kolo mo ʼona hahaʼi.’

 9 ʼU hosi, kotou hahake ake!

ʼU saliote, kotou gaholo!

10 “Ko te ʼaho ʼaia ʼo te Tuʼi ʼAliki ko Sehova ʼo te ʼatu kautau, ko he ʼaho ʼo te lagavaka, te ʼaho ʼae ʼe lagavaka ai ki ʼona fili. ʼE matehi anai natou e te heleta ʼo makona ai, pea ʼe malie anai ʼi tana inu tonatou toto, koteʼuhi ʼe teuteuʼi e te Tuʼi ʼAliki ko Sehova ʼo te ʼatu kautau he sakilifisio* ʼi te fenua ʼo te potu noleto, ’o ovi ki te Efalate.+

13 Koʼeni te folafola ʼa Sehova ki te polofeta ko Selemia ʼo ʼuhiga mo te haʼu ʼa te Hau ʼo Papiloni ko Nepukanesa ʼo tauʼi ia Esipito:+

14 “Kotou fakaha ki Esipito, kotou tala ki Miketoli.+

Kotou tala ki Nofi* pea mo Takepanese.+

15 He koʼe kua pulihi ʼakotou tagata toʼa?

16 ʼE kaugamalie ia natou ʼae ʼe tukia mo fetokaʼi.

ʼE natou feuiʼaki:

23 ʼE natou tuʼusi anai tona vao matuʼa,’ ko te ui ʼaia ʼa Sehova, ‘logo la ʼe hage ʼe mole feala he ulu ki loto,

He ʼe natou kaugamalie ohage ni heʼe, ʼe mole feala honatou lau.

24 ʼE ufiufi anai te taʼahine ʼo Esipito.

ʼE tuku anai ia ia ki te nima ʼo te hahaʼi ʼo te potu noleto.’+

25 “ ʼE ui e Sehova ʼo te ʼatu kautau, te ʼAtua ʼo Iselaele: ‘Koʼeni, ʼe au tauteaʼi anai ia Amone,+ te ʼatua ʼo No,*+ mo Falaone, mo Esipito, mo ʼona ʼatua+ pea mo ʼona hau, ʼei, ia Falaone pea mo natou fuli ʼae ʼe falala ki ai.’+

26 “ ʼE ui e Sehova: ‘ ʼE au tuku anai ia natou ki te nima ʼo natou ʼae ʼe natou fia matehi natou, te Hau ʼo Papiloni ko Nepukanesa+ pea mo tana kau solia. Hili ia, ʼe toe nofoʼi anai ohage ko te temi muʼa.’+

28 ʼAua naʼa ke mataku, taku tagata faifekau ko Sakopo, he ʼe au nofo mo koe,’ ko te ui ʼaia ʼa Sehova.

47 Koʼeni te folafola ʼa Sehova ki te polofeta ko Selemia ʼo ʼuhiga mo te kau Filisitini,+ ʼi muʼa ʼo te maʼu e Falaone ia Kasa. 2 Koʼeni te logo ʼa Sehova:

“Kotou fagono! ʼE tatafe mai ni vai mai te potu noleto.

ʼE natou liliu anai ko he vai tafe ʼe hake.

 5 Kua ʼulu tula* ia Kasa.

Kua fakalogologo ia Asekaloni.+

 6 Ia koe te heleta ʼa Sehova,+

ʼE ke malolo anai koa ʼafea?

Toe liliu ki tou ʼaiʼaga!

Malolo ai mo fakalogologo.

48 Koʼeni te folafola ʼa Sehova ʼo te ʼatu kautau, te ʼAtua ʼo Iselaele ʼo ʼuhiga mo Moape:+

“Malaʼia ki Nepo+ he ʼe kua maumauʼi!

Kua fakalainoaʼi ia Kiliataimi+ he ʼe kua maʼu.

Kua fakalainoaʼi mo maumauʼi te nonoʼaga moʼoni.+

 2 ʼE mole kei fakavikiviki he tahi ʼo ʼuhiga mo Moape.

ʼI Heseponi+ neʼe fai ai he fakatuʼutuʼu ʼo ʼuhiga mo tana to:

‘Kotou ʼomai, ke tou pulihi te puleʼaga ʼaeni!’

 4 Kua maumau ia Moape.

ʼE faifetagihi logoaʼa ʼana fanau.

 5 ʼI te mahake ʼo Lukite, ʼe hahake faifetagihi ai te hahaʼi.

ʼI te mahifo ʼo Kolonaimi, ʼe logoʼi te tagi mamahi ʼa te hahaʼi ʼuhi ko te tuʼutamaki.+

 6 Kotou feholaki ke kotou maʼuʼuli!

Kotou hage ko te fuʼu senelie ʼae ʼe maʼuli ʼi te toafa!

10 Ke malaʼia ia ia ʼae ʼe mole ina fakahoko fakaleleiʼi te gaue ʼa Sehova.

Ke malaʼia ia ia ʼae ʼe mole ina liligi te toto ʼaki tana heleta.

12 “ ‘Koia,’ ʼe ui e Sehova, ‘kotou fakalogo mai! ʼE hoko mai anai te ʼaho ʼae ʼe au fekauʼi ai ni tagata ke olo ʼo huaʼi natou ohage ko te huaʼi ʼo te vino. Pea ʼe natou huaʼi anai ʼo kaku ki te ʼago ʼo ʼanatou ʼaiʼaga vino. ʼE natou foaʼi anai ʼanatou ʼaiʼaga vino lalahi. 13 ʼE ufiufi anai te kau Moape kia Kemosi ohage ko te ufiufi ʼa te hahaʼi ʼo Iselaele ki Petele ʼae neʼe natou falala ki ai.+

14 ʼE feafeaʼi hakotou ui: “Ko matou ko ni tagata tau malolohi kua tokalelei ki te tau”?’+

Ko te ui ʼaia ʼa te Hau ʼae ko tona huafa ko Sehova ʼo te ʼatu kautau.+

Kotou ui age kia natou: ‘Oiaue, kua fasiʼi te tokotoko malohi, te tokotoko matalelei!’

19 Ia koe ʼae ʼe nofo ʼi Aloele,+ tuʼu ovi ki te ala pea ke sio!

Fehuʼi ki te tagata mo te fafine ʼae ʼe feholaki: ‘Kotea ʼae neʼe hoko?’

20 Kua fakalainoaʼi ia Moape, neʼe fakamatakuʼi.

Kotou lauga mo kalaga!

Kotou fakaovi ki te Alenone+ ʼo kotou tala kua maumauʼi ia Moape.

21 “Kua hoko mai te temi ʼae ʼe fakamauʼi ai te fenua laulelei+ ʼae ko Oloni, mo Saatesi,+ mo Mefaati,+ 22 mo Tiponi,+ mo Nepo,+ mo Pete-tipelataimi, 23 mo Kiliataimi,+ mo Pete-kamuli, mo Pete-meoni,+ 24 mo Keliosi,+ mo Potisela, mo te ʼu kolo fuli ʼo te fenua ʼo Moape, te ʼu kolo mamaʼo mo te ʼu kolo ovi.

26 ‘Fakainu ia ia+ ke konahia he neʼe ina ui ʼe malo anai ia Sehova.+

27 ʼE mole koa la ko koe ʼae neʼe ke vaʼi ia Iselaele?+

ʼE mole ina fai anai te ʼu meʼa ʼae ʼe ina ui.

Kua fakalaka ʼi te tai ʼou vaʼa ʼakau ʼae kua failau.

Kua kaku ki te tai, ki Saesele.+

Neʼe au fakaʼago te vino ʼi te ʼu lomiʼaga vite.

ʼE mole toe malamalaki fakafiafia anai e he tahi te vite.

ʼE ʼi ai anai ni kalaga kae ʼe mole kei tatau ia.’ ”+

34 “ ‘ ʼE logo te tagi ʼa Heseponi+ ʼo kaku ki Eleale.+

Maʼia mo te ʼu vai ʼo Nimelimi ʼe moamoa katoa anai.+

Koteʼuhi ʼe pulihi anai te ʼu koloa ʼae neʼe ina tanaki.

39 ‘Koʼeni kua mataku ʼosi! Kotou tagilaulau!

Kua lituʼa ia Moape ʼi tona ufiufi!

40 “Koʼeni te folafola ʼa Sehova:

‘ ʼE hoko mai anai te taʼu ʼae ʼe au fakatuʼā ai ia Moape,’ ko te ui ʼaia ʼa Sehova.

45 ‘ ʼE fenonoʼi ʼi Heseponi ia natou ʼae neʼe feholaki kae kua gaʼegagaʼe.

46 ‘Malaʼia kia koe, Moape!

Kua puli te hahaʼi ʼa Kemosi.+

47 Kae ʼe au fakatahiʼi anai te kau popula ʼo Moape ʼi te ʼu ʼaho fakamuli,’ ko te ui ʼaia ʼa Sehova.

‘Ko te fakaʼosi ʼaeni ʼo te tautea ʼae neʼe tala ʼo ʼuhiga mo Moape.’ ”+

49 Koʼeni te folafola ʼa Sehova ʼo ʼuhiga mo te kau Amone:+

“ ʼE mole koa la he foha ʼo Iselaele?

ʼE mole koa la ʼi ai hona hakoga?

He koʼe neʼe maʼu e Malekame*+ ia Kate?+

He koʼe ʼe nofo tana hahaʼi ʼi te ʼu kolo ʼo Iselaele?”

‘ ʼE toʼo anai e Iselaele te fenua ʼo natou ʼae neʼe natou toʼo tona fenua mai ia ia,’+ ko te ui ʼaia ʼa Sehova.

 3 ‘Heseponi, lauga he ʼe kua maumauʼi te kolo ko Ai!

Kotou kalaga, ʼu kolo liliki ʼae ʼi te ʼu tafaʼaki ʼo Lapa!

Kotou tui ni taga.*

 6 “ ‘Kae hili ia ʼe au fakatahiʼi anai te kau popula ʼo Amone,’ ko te ui ʼaia ʼa Sehova.”

7 Koʼeni te folafola ʼa Sehova ʼo te ʼatu kautau ʼo ʼuhiga mo Etome:

“Kua puli koa te poto ʼi Temane?+

ʼE mole kei foaki koa la e te ʼu tagata popoto ni tokoni ʼe lelei?

Kua kovi koa tonatou poto?

 8 Kotou feholaki! Kotou toe liliu!

Hahaʼi ʼo Tetane,+ kotou olo ʼo fenonoʼi ʼi te ʼu potu loloto!

10 Kae ʼe au fakamasivaʼi anai ia Esau.

12 Koʼeni te folafola ʼa Sehova: “Fakalogo! Ko natou ʼae neʼe mole tauteaʼi ke natou inu te ipu, ʼe maʼua ke natou inu. Kae ʼe ke ui koa koe ʼe ke hao anai ’i te tuʼā? Kailoa! ʼE fakatuʼā anai koe, ʼe maʼua anai ke ke inu te ipu.”+

13 ʼE ui e Sehova: “Neʼe au fakapapau totonu ʼe liliu anai ia Potisela ko he meʼa fakalialia,+ ko he koga meʼa fakaufiufi, ko he koga meʼa maumau ʼe talanoaʼi e te hahaʼi ʼi ʼanatou faitutuku. Pea ko te ʼu kolo fuli ʼae ʼi ʼona tafaʼaki ʼe tuʼu maumau anai ʼo heʼe gata.”+

17 “ ʼE liliu anai ia Etome ko he meʼa fakalialia.+ Pea ko natou fuli ʼae ka fakalaka ʼo ovi ki ai, ʼe natou sisio anai ʼaki he fakalialia pea ʼe natou vaʼi anai ʼuhi ko te ʼu malaʼia fuli ʼae neʼe hoko ki ai. 18 ʼE hage anai ko te maumauʼi ʼo Sotoma mo Komola pea mo te ʼu kolo ʼae ʼi ʼonā tafaʼaki.+ ʼE mole toe maʼuli ai anai he tahi, ʼei, ʼe mole toe nofoʼi anai,”+ ko te ui ʼaia ʼa Sehova.

19 “Koʼeni, ʼe haʼu anai he tahi ʼo tauʼi te ʼu koga meʼa lunaʼia ʼae ʼe maʼuli fimalie ai te faga ovi ohage ko he laione+ ʼe haʼu mai te vao ʼakau ʼae ʼe maʼuli ʼi te vaʼe Solotane. Kae ʼi he kiʼi temi pe, ʼe au kapu anai ia natou* ʼi tonatou fenua. ʼE au fakanofo anai ia ia ʼae neʼe filifili ke pule ki Etome. Ko ai ʼae ʼe hage ko au? Ko ai ʼae ʼe lava fakafeagai mai kia au? Ko ai te tauhi ovi ʼae ʼe ina lava tauʼi au?+ 20 Koia, kotou fakalogo ki te tonu ʼae neʼe toʼo e Sehova ʼo ʼuhiga mo Etome pea mo te fakatuʼutuʼu ʼae neʼe ina fakakaukauʼi ʼo ʼuhiga mo te hahaʼi ʼo Temane:+

ʼE taki anai ki mamaʼo te ʼu ʼuhi ʼo te faga ovi.

ʼE maumauʼi anai ʼonatou koga meʼa lunaʼia ʼuhi ko tanatou aga.+

21 Neʼe galulu te kele ʼi te logoaʼa ʼo tanatou fetoki.

Neʼe logoʼi te kalaga.

Pea neʼe logo ʼo kaku ki te Tai Kula.+

23 Koʼeni te logo ʼo ʼuhiga mo Tamaso:+

Neʼe nā matataku pea neʼe nā lotovaivai ai.

ʼE hou te tai ʼo mole feala hona fakatokaleleiʼi.

24 Kua lotovaivai ia Tamaso.

Neʼe maliu ko te hola kae neʼe mataku.

28 Koʼeni te folafola ʼa Sehova ʼo ʼuhiga mo Keta+ mo te ʼu puleʼaga ʼo Atesoli ʼae neʼe maʼu e te Hau ʼo Papiloni ko Nepukanesa:

30 “Kotou feholaki mamaʼo!

Hahaʼi ʼo Atesoli, kotou olo ʼo fenonoʼi ʼi te ʼu potu loloto,” ko te ui ʼaia ʼa Sehova,

“ ʼE mole ni ʼona matapa mo ni ʼakau fakalava. ʼE natou maʼuli kehe.

34 Koʼeni te folafola ʼa Sehova ʼo ʼuhiga mo Elame ʼae neʼe ina fakaha ki te polofeta ko Selemia,+ ʼi te kamata pule ʼa te Hau ʼo Suta ko Setesiasi:+ 35 “Koʼeni te folafola ʼa Sehova ʼo te ʼatu kautau: ‘ ʼE au fasiʼi anai te nahau ʼa Elame+ ʼae ʼe ina maʼu ai tona malohi. 36 ʼE au fakato anai ki Elame te ʼu matagi ʼe fa ʼo te ʼu potu taupotu ʼe fa ʼo te lagi pea ʼe au fakamavetevete anai tana hahaʼi ʼi te ʼu potu fuli. ʼEi, ʼe mavetevete anai te hahaʼi ʼo Elame ʼi te ʼu puleʼaga fuli.’ ”

37 “ ʼE au fakamatakuʼi anai te kau Elame ia muʼa ʼo ʼonatou fili pea ia muʼa ʼo natou ʼae ʼe natou fia matehi natou. ʼE au fakato anai he malaʼia, ʼei, ʼe au fakato anai toku hauhau,” ko te ui ʼaia ʼa Sehova. “ ʼE au tauteaʼi anai natou ʼaki te heleta ʼo kaku ki taku pulihi ia natou.”

38 “ ʼE au fakatuʼu anai toku hekaʼaga fakahau ʼi Elame+ pea ʼe au maumauʼi anai te hau mo te ʼu tama ʼaliki ʼo Elame,” ko te ui ʼaia ʼa Sehova.

39 “Kae ʼi te ʼu ʼaho fakamuli, ʼe au fakatahiʼi anai te kau popula ʼo Elame,” ko te ui ʼaia ʼa Sehova.

50 Koʼeni te folafola ʼa Sehova ki te polofeta ko Selemia ʼo ʼuhiga mo Papiloni,+ te fenua ʼo te kau Kaletea:

 2 “Kotou fakaha te logo ʼi te ʼu puleʼaga, ʼei, kotou tala.

Kotou fakatuʼu he pou fakailoga mo tala te logo.

ʼAua naʼa kotou fufu he meʼa.

Kotou ui: ‘Kua maʼu ia Papiloni.+

Kua fakalainoaʼi ia Pele.+

Kua fakamatakuʼi ia Melotake.

Kua fakalainoaʼi te ʼu fakatata ʼo Papiloni.

Kua fakamatakuʼi ʼana fakatata fakalialia.’*

 3 ʼE haʼu he puleʼaga mai te potu noleto moʼona tauʼi.+

4 ʼE ui e Sehova: “ ʼI te temi ʼaia, ʼe ʼomai fakatahi anai te hahaʼi ʼo Iselaele mo te hahaʼi ʼo Suta.+ ʼE natou haʼele faifetagihi anai,+ pea ʼe natou kumi fakatahi anai ia Sehova, tonatou ʼAtua.+ 5 ʼE natou fehuʼi anai pe kofea te ala ʼae ki Sione. ʼE haga anai ʼonatou mata ki te potu ʼaia,+ pea ʼe natou ui anai: ‘Kotou ʼomai ke tou fakatahi kia Sehova ʼo tou fai mo ia he fuakava heʼe gata ʼe mole galoʼi anai ʼi he temi.’+ 6 Kua liliu taku hahaʼi ko he faga ovi ʼe kua hehe.+ Neʼe fakaheʼi natou e ʼonatou tauhi ovi.+ Neʼe natou ʼave natou ki te ʼu moʼuga pea mo feʼaveʼaki ʼi te ʼu moʼuga mo te ʼu kiʼi moʼuga. Neʼe natou galoʼi tonatou maloloʼaga. 7 Neʼe kai natou e natou fuli ʼae neʼe natou maʼu+ pea neʼe ui e ʼonatou fili: ‘ ʼE mole matou lakahala koteʼuhi neʼe natou agahala kia Sehova, ia te matapuna ʼo te faitotonu, ʼei, ia Sehova, te ʼamanakiʼaga ʼo ʼanatou kui.’ ”

10 ʼE liliu anai te fenua ko Kaletea ko he koloa ʼe maʼu ʼi te tau,+

Pea ʼe fiafia anai ia natou fuli ʼae ka natou kaihaʼa ia ia,”+ ko te ui ʼaia ʼa Sehova.

12 Neʼe lahi te ufiufi ʼo takotou faʼe.+

Neʼe lotovaivai ia ia ʼae neʼe ina fanauʼi koutou.

15 Kotou fai he kalaga tau kia ia ʼi te ʼu faʼahi fuli.

Kua to ia ia.

Kotou lagavaka kia ia.

Kotou fai kia ia ohage pe ko te meʼa ʼae neʼe ina fai.+

17 “Ko te kau Iselaele ʼe ko ni ovi kua mavetevete.+ Neʼe fakamavetevete natou e ni laione.+ Neʼe kai muʼa natou e te hau ʼo Asilia.+ Pea neʼe gugu leva ʼonatou hui e te Hau ʼo Papiloni ko Nepukanesa.+ 18 Koʼeni leva te meʼa ʼae ʼe ui e Sehova ʼo te ʼatu kautau, te ʼAtua ʼo Iselaele: ‘ ʼE au tauteaʼi anai te hau ʼo Papiloni pea mo tona fenua ohage pe ko taku tauteaʼi ia te hau ʼo Asilia.+ 19 Pea ʼe au toe ʼaumai anai ia Iselaele ki tona koga meʼa lunaʼia.+ ʼE kai anai ʼi Kalemelo mo Pasani,+ pea ʼe makona anai ʼi te ʼu moʼuga ʼo Efalaimi+ mo Kileate.’ ”+

21 “Alu ʼo tauʼi te fenua ʼo Melataime pea mo te hahaʼi ʼo Pikoti.+

Matematehi ia natou pea mo ke pulihi katoa ia natou!” ko te ui ʼaia ʼa Sehova.

“Fai ia meʼa fuli ʼae neʼe au fakatotonu atu.

23 Koʼeni, kua fasi, kua maumau ia te hamale ʼae neʼe ina laliki ia te ʼu puleʼaga fuli ʼo te kele!+

Kua liliu ia Papiloni ko he meʼa fakalialia ʼi te ʼu puleʼaga!+

26 Kotou ʼomai mai te ʼu potu mamaʼo ʼo tauʼi ia ia!+

Kotou avahi ʼona fale tanakiʼaga fulumeto.+

Kotou tanaki ʼona koloa ohage ko ni tuʼuga fulumeto.

Pea kotou maumauʼi katoa.+

Ke mole hao he tahi.

Ke natou ʼohofi ia Papiloni.

Kotou ʼa takai ia ia. Ke mole hao he tahi.

Kotou tauteaʼi ia ia ʼo mulimuli ki ʼana gaue.+

Te Maʼoniʼoni ʼo Iselaele.+

33 Koʼeni te folafola ʼa Sehova ʼo te ʼatu kautau:

ʼE mole natou fia tuku age ia natou ke olo.+

34 Kae ʼe malohi ia Ia ʼae neʼe ina totogi natou.+

Ko tona huafa ko Sehova ʼo te ʼatu kautau.+

36 ʼE tauteaʼi anai te ʼu polofeta loi pea ʼe natou agavale anai.

ʼE tauteaʼi anai ʼana tagata tau ʼaki te heleta pea ʼe natou matataku anai.+

ʼE hiki anai te heleta ki ʼona koloa pea ʼe kaihaʼa anai.+

38 Malaʼia ki ʼona vai, ʼe mamaha anai.+

40 “ ʼE hage anai ko te maumauʼi e te ʼAtua ia Sotoma mo Komola+ pea mo te ʼu kolo ʼae ʼi ʼonā tafaʼaki.+ ʼE mole toe maʼuli ai anai he tahi, ʼei, ʼe mole toe nofoʼi anai,”+ ko te ui ʼaia ʼa Sehova.

42 ʼE natou toʼo nahau pea mo te savelo.+

ʼE natou agafekai pea ʼe mole natou ʼoʼofa tuʼa tahi anai.+

ʼE natou fakaʼatu ki te tau ohage ko he foʼi tokotahi moʼo tauʼi ʼo koe, taʼahine ʼo Papiloni.+

44 “Koʼeni, ʼe haʼu anai he tahi ʼo tauʼi te ʼu koga meʼa lunaʼia ʼae ʼe maʼuli fimalie ai te faga ovi ohage ko he laione ʼe haʼu mai te vao ʼakau ʼae ʼe maʼuli ʼi te vaʼe Solotane. Kae ʼi he kiʼi temi pe, ʼe au kapu anai ia natou* ʼi tonatou fenua. ʼE au fakanofo anai ia ia ʼae neʼe filifili ke pule kia natou.+ Ko ai ʼae ʼe hage ko au? Ko ai ʼae ʼe lava fakafeagai mai kia au? Ko ai te tauhi ovi ʼae ʼe ina lava tauʼi au?+ 45 Koia, kotou fakalogo ki te tonu ʼae neʼe toʼo e Sehova ʼo ʼuhiga mo Papiloni+ pea mo te fakatuʼutuʼu ʼae neʼe ina fakakaukauʼi ʼo ʼuhiga mo te fenua ʼo te kau Kaletea:

ʼE taki anai ki mamaʼo te ʼu ʼuhi ʼo te faga ovi.

ʼE maumauʼi anai ʼonatou koga meʼa lunaʼia ʼuhi ko tanatou aga.+

51 Koʼeni te folafola ʼa Sehova!

 3 Ke mole faoʼi e te tagata fainahau ia tana nahau.

Pea ke mole tuʼu ake he tagata ʼe ina tui hona kofu tau.

ʼAua naʼa kotou fakaʼofaʼofa ki ʼona kau tupulaga.+

Kotou pulihi katoa tana kautau.

 5 Neʼe mole liʼaki e Sehova ʼo te ʼatu kautau ia Iselaele pea mo Suta. Pea neʼe mole nā liliu ohage ko ni vitua.+

Kia mata ʼo te Maʼoniʼoni ʼo Iselaele, kua fonu te fenua ʼo te kau Kaletea ko ʼanatou hala.

ʼAua naʼa kotou mamate ʼuhi ko tana hala.

Kua hoko mai te temi ʼae ka lagavaka ai ia Sehova.

ʼE ina tauteaʼi ia ia ʼo mulimuli ki ʼana gaue.+

 8 Fokifa pe kua to ia Papiloni pea mo maumau.+

Kotou tagilaulau ʼo ʼuhiga mo ia.+

Kotou olo ʼo kumi he lolo magoni ki tona mamahi, ʼe lagi toe lelei anai.”

 9 “Neʼe matou faigaʼi ke matou fakamalolo ia Papiloni kae neʼe mole ʼi ai hona faitoʼo.

Kotou tukunoaʼi ia ia, kae tou tahi olo ki tona fenua.+

10 Neʼe fakahoko e Sehova ia te faitotonu ʼo ʼuhiga mo matou.+

Kotou ʼomai kae tou olo ʼo fakamatala ʼi Sione te gaue ʼa Sehova, totatou ʼAtua.”+

11 “Kotou fakamasila te ʼu kauʼi nahau,+ kotou puke te ʼu meʼa tali tau takafuafua.*

ʼE lagavaka anai ia Sehova, ʼe lagavaka anai ia ʼo ʼuhiga mo tona fale lotu.

12 Kotou fakatuʼu he pou fakailoga+ ke kotou olo ʼo tauʼi te ʼu kaupa ʼo Papiloni.

Kotou nonofo tokaga, kotou fakatuʼu ni kau leʼo.

Kotou fakanono ni kau solia ke natou lamalama.

17 ʼE agavale mo hala ʼatamai te tagata fuli pe.

18 Ko ni gaue ʼe vaʼi anai, ʼe mole honatou ʼuhiga.+

ʼE pupuli anai ʼi te ʼaho ʼae ka fakamauʼi ai natou.

Ko tona huafa ko Sehova ʼo te ʼatu kautau.”+

Pea mo au pulihi ni puleʼaga hau.

21 ʼE au laliki anai te hosi pea mo te tagata heka hosi ʼaki ia koe,

Pea mo au laliki te saliote tau mo te tagata taki saliote.

22 ʼE au laliki anai te tagata mo te fafine ʼaki ia koe,

Mo au laliki te matuʼa mo te tama,

Pea mo au laliki te tama tupulaga mo te taʼahine.

23 ʼE au laliki anai te tauhi ovi mo tana faga ovi ʼaki ia koe,

Mo au laliki te tagata gaue kele mo ʼana manu,

Pea mo au laliki te ʼu kovana mo te ʼu pule.

27 “Kotou fakatuʼu he pou fakailoga ʼi te fenua.+

Kotou pupuhi te fakatagi pupuhi ʼi te ʼu puleʼaga.

Kotou fakanofo ni puleʼaga ke natou tauʼi ia Papiloni.

Kotou pauʼi te ʼu puleʼaga ʼo Alalate,+ mo Mine pea mo Asekenase+ ke natou tauʼi ia ia.

Kotou hinoʼi ki ai he tagata ke ina fakahu he kau solia.

Kotou fakahake te ʼu hosi ohage ko ni heʼe.

30 ʼE mole kei tau te ʼu tagata tau ʼo Papiloni.

ʼE natou heheka ʼi ʼonatou kolo tau.

Kua puli tonatou malohi.+

Kua natou liliu ohage ko ni fafine.+

Kua tutu te ʼu nofoʼaga ʼi te kolo.

Kua maumauʼi te ʼu ʼakau fakalava ʼo ʼona matapa.+

33 Koʼeni te folafola ʼa Sehova ʼo te ʼatu kautau, te ʼAtua ʼo Iselaele:

“ ʼE hage te taʼahine ʼo Papiloni ko he hahaʼaga fulumeto.

Kua hoko mai te temi ʼae ke malamalaki ai.

ʼE kei toe pe te kiʼi temi siʼi pea kamata te taʼukai.”

Neʼe ina hili au ohage ko te hili ʼo he ipu ʼe ʼago.

Neʼe ina kapu au ʼaki te vai ʼi te koga meʼa ʼae neʼe au nofo ai.

35 ‘Ke fakatuʼā ia Papiloni ʼuhi ko te ʼu lavea ʼae neʼe ina fai mai ki toku sino!’ ko te ui ʼaia ʼa te taʼahine ʼo Sione.+

‘Pea ke fakatuʼā te hahaʼi ʼo Kaletea ʼuhi ko toku toto ʼae neʼe liligi!’ ko te ui ʼaia ʼa Selusalemi.”

36 Koia koʼeni te folafola ʼa Sehova:

ʼE au fakamamaha anai te tai ʼo Papiloni mo ʼona vai keli.+

38 ʼE natou gugulu fakatahi anai ohage ko ni laione kei mui.

ʼE natou gugulu anai ohage ko ni ʼuhiʼi laione.”

Koʼeni, kua liliu ia Papiloni ko he meʼa fakalialia ʼi te ʼu puleʼaga!

42 Kua hake te tai ki Papiloni

Pea neʼe ʼaofi e ni peau lalahi.

43 Kua liliu ʼona kolo ko he meʼa fakalialia, he fenua magemage, he toafa,

He fenua ʼe mole toe nofoʼi anai pea ʼe mole toe fakalaka ai anai he tahi.+

45 Kotou mavae mai ai, taku hahaʼi!+

Kapau ʼe kotou fia maʼuʼuli,+ kotou feholaki mai te hauhau ʼo Sehova.+

46 ʼAua naʼa kotou lotovaivai mo matataku ʼi te logo ʼae ka mafola ʼi te fenua.

50 Ia koutou ʼae neʼe hao mai te heleta, ʼaua naʼa kotou tutuʼu, kotou haga olo!+

51 “Neʼe fakalainoaʼi matou he neʼe matou logo ki ni vava.

Pea ʼe logoʼi anai tonatou leʼo.

ʼE ina fakamauʼi anai te takitokotahi ʼo mulimuli ki tana aga.+

58 Koʼeni te folafola ʼa Sehova ʼo te ʼatu kautau:

59 Koʼeni te fakatotonu ʼa te polofeta ko Selemia kia Selasa, foha ʼo Nelisa,+ foha ʼo Makesesa ʼi te temi ʼae neʼe alu ai ia Selasa ki Papiloni mo te Hau ʼo Suta ko Setesiasi ʼi te fa taʼu ʼo tona temi pule. Ko Selasa ʼae neʼe tokaga ki te ʼu meʼa ʼa te hau. 60 Neʼe hiki e Selemia ki te tohi ʼe tahi ia te ʼu malaʼia fuli ʼae neʼe tonu ke hoko ki Papiloni, te ʼu tautea fuli ʼae neʼe tala ʼo ʼuhiga mo Papiloni. 61 Pea neʼe ui e Selemia kia Selasa: “Ka ke tau atu ki Papiloni, ʼe tonu anai ke ke lau leʼo lahi ia te ʼu folafola fuli ʼaeni. 62 Pea ʼe ke ui anai: ‘Sehova e, neʼe ke tala ʼe maumauʼi anai te koga meʼa ʼaeni ʼo mole toe maʼu ai he tahi peʼe ko ni manu, pea ʼe tuʼu lavaki anai ʼo talu ai.’+ 63 Pea ka ʼosi anai tau lau ia te tohi ʼaeni, ʼe ke haʼi anai ki ai he foʼi maka pea ke li ki te loto Efalate. 64 Pea ʼe ke ui leva anai: ‘ ʼE feia anai te mou ʼo Papiloni pea ʼe mole toe tuʼu ake anai ia+ ʼuhi ko te malaʼia ʼae ka au fakato ki ai. Pea ʼe gaʼegagaʼe anai tana hahaʼi.’ ”+

ʼE fakaʼosi ʼi heni ia te ʼu folafola ʼa Selemia.

52 Neʼe hau ia Setesiasi+ ʼi tona taʼu 21, pea neʼe pule lolotoga taʼu ʼe 11 ʼi Selusalemi. Neʼe higoa tana faʼe ko Amutale,+ ko te ʼofafine ʼo Selemia mai Lipina. 2 Neʼe haga fai pe e Setesiasi te meʼa ʼae ʼe kovi kia mata ʼo Sehova, ohage pe ko te ʼu meʼa fuli ʼae neʼe fai e Soakimi.+ 3 Neʼe hoko te ʼu faʼahi ʼaia ʼi Selusalemi pea mo Suta ʼuhi ko te ita ʼo Sehova, ʼo kaku ki tana fakamamaʼo natou mai ia te ia.+ Pea neʼe agatuʼu leva ia Setesiasi ki te hau ʼo Papiloni.+ 4 ʼI te hiva taʼu ʼo te pule ʼa Setesiasi, ʼi te ʼaho hogofulu ʼo te hogofulu mahina, neʼe haʼu ia Nepukanesa, te Hau ʼo Papiloni mo tana foʼi kautau katoa ʼo tauʼi ia Selusalemi. Neʼe natou fakatuʼu leva tonatou nofoʼaga solia ʼo ovi ki Selusalemi pea neʼe natou laga he kaupa moʼo ʼa takai te kolo.+ 5 Pea neʼe ʼa takai te kolo ʼo kaku ki te 11 taʼu ʼo te pule ʼa te Hau ko Setesiasi.

6 ʼI te ʼaho hiva ʼo te fa mahina,+ ʼi te kua kovi ʼosi ʼo te hoge ʼi te kolo, pea mo te mole kei ʼi ai ʼo he meʼa kai maʼa te hahaʼi ʼo te fenua,+ 7 neʼe fai leva he ava ʼi te kaupa ʼo te kolo. ʼI te lolotoga ʼa takai e te kau Kaletea ia te kolo, neʼe feholaki ai te kau solia fuli ʼi te poʼuli. Neʼe natou feulufi ʼi te matapa ʼae ʼe tuʼu ʼi te vaha ʼo te ʼu kaupa ʼe lua, ʼae neʼe ovi ki te ʼoloto ʼo te hau. Pea neʼe hoko atu tanatou feholaki ʼi te ala ʼo te Alapa.+ 8 Kae neʼe tuli e te foʼi kautau Kaletea ia te Hau ko Setesiasi,+ pea neʼe natou maʼu ia ia ʼi te toafa ʼo Seliko. Neʼe mavetevete ai tana kau solia fuli. 9 Neʼe natou puke leva te hau ʼo ʼave ki te hau ʼo Papiloni ʼi Lipila, ʼi te potu fenua ʼo Hamate pea neʼe ina fakamauʼi ai ia ia. 10 Neʼe matehi e te hau ʼo Papiloni te ʼu foha ʼo Setesiasi ʼi ʼona muʼa, pea ʼi Lipila neʼe ina toe matehi ai te ʼu tama ʼaliki fuli ʼo Suta. 11 Neʼe fakatotonu e te hau ʼo Papiloni ke kapeʼi te ʼu mata ʼo Setesiasi+ pea ke haʼi ʼona nima mo ʼona vaʼe ʼaki he ʼu seini kapa, pea ke ʼave leva ki Papiloni. Neʼe ina tuku leva ia ia ʼi te pilisoni ʼo kaku ki tana mate.

12 ʼI te ʼaho hogofulu ʼo te nima mahina, ʼi te 19 taʼu ʼo te pule ʼa te Hau ʼo Papiloni ko Nepukanesa, neʼe haʼu ki Selusalemi ia Nepusalatane, te pule ʼo te kau leʼo pea neʼe ko te tagata faifekau ʼa te hau ʼo Papiloni.+ 13 Neʼe ina tutu te fale ʼo Sehova,+ mo te fale hau pea mo te ʼu fale fuli ʼo Selusalemi. Neʼe ina toe tutu foki mo te ʼu fale lalahi fuli. 14 Pea neʼe holoʼi te ʼu kaupa ʼo Selusalemi e te foʼi kautau katoa ʼa te kau Kaletea ʼae neʼe takitaki e te pule ʼo te kau leʼo.+

15 Pea neʼe ʼave popula e Nepusalatane, te pule ʼo te kau leʼo, he koga ʼo te hahaʼi ʼae neʼe mole ako, mo te hahaʼi ʼae neʼe kei maʼuʼuli ʼi te kolo. Neʼe ina toe ʼave mo te hahaʼi ʼae neʼe feholaki ki te hau ʼo Papiloni ʼo feia ki te toe ʼo te kau tufuga faiva.+ 16 Kae neʼe tuku e Nepusalatane, te pule ʼo te kau leʼo, ʼihi hahaʼi ʼo te fenua ʼae neʼe masisiva ʼaupito, ke natou gaue ʼi te ʼu gaueʼaga vite pea mo te tahi ʼu gaueʼaga.+

17 Pea neʼe laliki leva e te kau Kaletea te ʼu meʼa ʼaeni neʼe tuku ʼi te fale ʼo Sehova: te ʼu pou kapa+ ʼo te fale ʼo Sehova, mo te ʼu saliote,+ pea mo te foʼi tane vai neʼe higoa ko te Tai ʼae neʼe fai ʼaki te kapa.+ Neʼe natou ʼave leva te kapa fuli ki Papiloni.+ 18 Neʼe natou toe ʼave foki mo te ʼu tanakiʼaga lefulefu, mo te ʼu huo takele, mo te ʼu faʼahiga pipi, mo te ʼu pa loloto,+ mo te ʼu ipu+ pea mo te ʼu faʼahiga meʼa kehekehe neʼe fai ʼaki te kapa, ʼae neʼe fakaʼaogaʼi ki te tauhi ʼi te fale lotu. 19 Neʼe toe ʼave e te pule ʼo te kau leʼo te ʼu foʼi topu,+ mo te ʼu ʼaiʼaga afi, mo te ʼu pa loloto, mo te ʼu tanakiʼaga lefulefu, mo te ʼu tuʼulaga malama,+ mo te ʼu ipu, pea mo te ʼu pa loloto ʼae neʼe fai ʼaki te siliva pea mo te aulo maʼa.+ 20 Neʼe mole feala ia ke fua te kapa ʼo te ʼu meʼa fuli ʼaeni: te ʼu pou ʼe lua, mo te foʼi tane vai neʼe higoa ko te Tai, mo te ʼu vitulo kapa ʼe 12+ ʼae neʼe hili ki ai te Tai, pea mo te ʼu saliote ʼae neʼe faʼu e te Hau ko Salomone maʼa te fale ʼo Sehova.

21 Neʼe fasiga nima* 18 te maʼoluga ʼo te ʼu pou takitahi, pea neʼe ʼaoga he maea ʼe fasiga nima 12 tona loa moʼo fuafua te takafuafua ʼo te ʼu pou ʼaia ʼe lua.+ Neʼe teitei satimeta 7 tona matolu* pea neʼe gaʼasi ʼi loto. 22 Pea neʼe fai te ʼu ʼuluʼi pou ʼaki te kapa. Pea ko te maʼoluga ʼo te ʼu ʼuluʼi pou neʼe fasiga nima nima,+ pea ko te meʼa vagavaga mo te ʼu kelenate ʼae neʼe ʼa takai ʼaki te ʼu ʼuluʼi pou, neʼe fai ʼaki te kapa. Neʼe tatau te ʼu pou ʼaia ʼe lua ʼo feia mo tonā fakamataleleiʼi ʼaki te ʼu kelenate. 23 Neʼe ʼi ai kelenate ʼe 96 ʼi te takafoli, pea fakatahiʼi age neʼe ko kelenate ʼe 100 ʼi te meʼa vagavaga.+

24 Neʼe toe ʼave foki e te pule ʼo te kau leʼo ia te pelepitelo pule ko Selasa,+ mo Sofoni,+ te pelepitelo ʼae neʼe tokoni kia ia, pea mo te ʼu tagata leʼo matapa ʼe toko tolu.+ 25 Pea neʼe ina toʼo ʼi te kolo he tagata neʼe gaue ʼi te fale hau mo pule ki te kau solia, mo te ʼu tagata ʼe toko fitu neʼe kaugā gaue mo te hau. Neʼe ina toe toʼo mo te sikalaipe ʼo te pule ʼo te foʼi kautau ʼae neʼe ina pauʼi te kau solia, ʼo toe feia pe mo te ʼu tagata ʼo te fenua ʼe toko 60 ʼae neʼe kei nonofo ʼi te kolo. 26 Neʼe pilisoniʼi natou e Nepusalatane, te pule ʼo te kau leʼo ʼo ina ʼave ki te hau ʼo Papiloni, ʼi Lipila. 27 Pea neʼe matehi leva natou e te hau ʼo Papiloni ʼi Lipila,+ ʼi te potu fenua ʼo Hamate. Neʼe ʼave popula ai te hahaʼi ʼo Suta mai tonatou fenua.+

28 Koʼeni te hahaʼi ʼae neʼe ʼave popula e Nepukanesa: neʼe ko te toko 3 023 kau Sutea ʼi te fitu taʼu ʼo tona temi pule.+

29 ʼI te 18 taʼu ʼo te temi pule ʼo Nepukanesa,+ neʼe ko te toko 832 hahaʼi ʼae neʼe ʼave mai Selusalemi.

30 ʼI te 23 taʼu ʼo te temi pule ʼo Nepukanesa, neʼe ʼave popula e Nepusalatane, te pule ʼo te kau leʼo ia he kau Sutea: neʼe ko te toko 745.+

Neʼe fakatahiʼi ai neʼe ko te toko 4 600 ʼae neʼe ʼave popula.

31 Ki muli age, ʼi te taʼu ʼae neʼe hau ai ia Evile-melotake, te Hau ʼo Papiloni, neʼe ina fakaʼateainaʼi ia Seoakini,+ te Hau ʼo Suta mai te fale pilisoni. Neʼe hoko te faʼahi ʼaia ʼi te 37 taʼu ʼae neʼe maʼuli popula ai ia Seoakini, te Hau ʼo Suta, ʼi te ʼaho 25 ʼo te 12 mahina.+ 32 Neʼe palalau lelei leva te hau ʼo Papiloni kia ia pea neʼe ina hiki tona tuʼulaga ke maʼoluga age ʼi te tahi ʼu hau ʼae neʼe nonofo mo ia ʼi Papiloni. 33 Pea neʼe huʼi e Seoakini te ʼu mutuʼi meʼa ʼae neʼe ina tui ʼi te fale pilisoni pea neʼe kai tuʼumaʼu pe ʼi te laupapa ʼo te hau ʼo kaku ki tana mate. 34 Neʼe foaki tuʼumaʼu pe kia ia he vaega meʼa kai mai te hau ʼo Papiloni, ʼi te ʼaho fuli pe, ʼo kaku ki tana mate.