Polokalama ʼo Te Fono Gāue

Vāhaʼa ʼo te ʼaho 9 ʼo ʼAukusito

Katiko 12

10 min: Te ʼu logo pea mo te ʼu Tonu. Kapau ʼe feala ke koutou fakaʼaogaʼi te ʼu manatu ʼo te pasina 4 ʼi tokotou telituale, pea koutou fakaʼaogaʼi moʼo fai he ʼu faʼifaʼitaki ʼo te tufa ʼo Te Tule Leʼo ʼo te ʼaho 15 ʼo ʼAukusito pea mo te Réveillez-vous ! ʼo te ʼaho 22 ʼo ʼAukusito, peʼe kapau ʼe mole heʼeki tau mai, pea fakaʼaogaʼi te ʼu nusipepa fakamuli ʼaē kua maʼu. ʼE feala ke fakaʼaogaʼi he tahi ʼu palalau ʼi te ʼu faʼifaʼitaki ʼaia. Fakahā ʼi te ʼu faʼifaʼitaki ʼaia te fakatuʼutuʼu ʼo ʼuhiga mo te meʼa ʼofa. Fakamanatuʼi ki te nofoʼaki ke nātou ʼaumai te kaupepa Fakamaʼua ʼi te vāhaʼa ʼaenī ka haʼu.

15 min: “ ʼE Fakapale Te Faʼa Kātaki.”a Talanoa fakanounou ki Te Tule Leʼo ʼo te ʼaho 15 ʼo Tesepeli 2000, ʼi te pasina 22 mo te 23, palakalafe 15 ki te 18.

20 min: Koutou Fakaʼaogaʼi Te ʼu Kiʼi Pepa Lotu Moʼo Kamata He ʼu Ako Tohi-Tapu. Ko he akonaki pea mo he fai palalau ʼe fakatafito ki Te Minisitelio ʼo Te Puleʼaga Fakafalani ʼo Novepeli 2001, ʼi te pasina 3 mo te 4. Fakahā lelei tatatou fia mulimuli ki te ʼu ʼaluʼaga ʼo ia ʼe ako, ohage ko tona tuʼu ʼi te palakalafe 5. Fai he faʼifaʼitaki e tahi peʼe lua ʼe fakatafito ki te ʼu palakalafe 8 ki te 10. Kapau ʼe ʼi ai he tahi age faʼahiga fai ʼe fua lelei ʼi tokotou telituale, koutou fakamahino pea mo fai he faʼifaʼitaki. Fakaafe te nofoʼaki ke nātou fakamatala he ʼu meʼa neʼe hoko ʼi tanatou fakaʼaogaʼi te kiʼi pepa lotu ʼE Koutou Fia Mahino Lahi Koa Ki Te Tohi-Tapu?

Katiko 74 pea mo te faikole fakaʼosi.

Vāhaʼa ʼo te ʼaho 16 ʼo ʼAukusito

Katiko 92

10 min: Te ʼu logo.

15 min: Koutou Akoʼi Te Moʼoni Ki Takotou Fānau. Ko he akonaki ʼe fakatafito ki te tohi Te Manuʼia Faka Famili, ʼi te pasina 55 ki te 59. Talanoa ki te ʼu faʼahi e fā ʼaē ʼe feala ai ki te ʼu mātuʼa ke nātou tokoni ki tanatou fānau ke nātou maʼu he ʼu felogoi lelei mo Sehova, ʼo fakahā peʼe feafeaʼi te maʼuliʼi ʼo te ʼu tokoni ʼo te tohi.

20 min: “Tou Fai He ʼu Ako Tohi-Tapu ʼe Tuputupu​—Lua Koga.”b Fai he faʼifaʼitaki e minuta nima. Ko he tēhina peʼe ko he tuagaʼane ʼe ina fehuʼi ki he tagata ʼāfea peʼe tonu ke tokoni feafeaʼi ki he tahi ʼe ako ke tuputupu. ʼE talanoa te tagata ʼāfea ki te faʼahi ʼe tau hoko, ko te fakaʼaogaʼi he temi e lahi ʼi te ako moʼo palalau ki he ʼu manatu mole faʼa maʼuhiga pea ʼe mole ʼalutahi mo te ako. ʼAki te kaupepa lahi Fakamaʼua ʼi te kapite 9, ʼe ina fakahā ki te kaugā fai faka mafola peʼe feafeaʼi (1) hana tokagaʼi tāfito te ʼu puani tāfito ʼo te ako, (2) hana fakaʼaogaʼi lelei te ʼu vaega ʼaē ʼe tuʼu ai, (3) hana fakaʼalutahi te ako pea mo te ʼu meʼa ʼaē ʼe ʼaoga kia ia ʼe ako. ʼE ina fakahā ʼe ʼaoga ke ina teuteuʼi lelei te ako ʼi te ʼu temi fuli ʼaē ka ina fai.

Katiko 85 pea mo te faikole fakaʼosi.

Vāhaʼa ʼo te ʼaho 23 ʼo ʼAukusito

Katiko 33

15 min: Te ʼu logo. Lau ʼo te falā. Fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Sepetepeli pea mo te Réveillez-vous ! ʼo te ʼaho 8 ʼo Sepetepeli peʼe kapau ʼe mole heʼeki tau mai, fakaʼaogaʼi te ʼu nusipepa fakamuli ʼaē kua maʼu. ʼI te faʼifaʼitaki e tahi, fakahā te fai faka mafola ki he fafine peʼe ko he tagata faiako.

10 min: “Te Fakatuʼutuʼu Foʼou ʼo ʼUhiga Mo Te Fakamanatu ʼo Te ʼu Polokalama ʼo Te ʼu Fakatahi.” Ko he akonaki pea mo he fai palalau mo te nofoʼaki ki te alatike ʼi te pasina 4. Kapau kua ʼiloʼi, pea fakahā te ʼu ʼaho ʼaē ka fai ai te fakatahi faka silikosikilipisio pea mo te fakatahi makehe. Ko nātou ʼaē ʼe nātou fia papitema, ʼe tonu ke nātou fakahā fakatomuʼa ki te tagata taupau pelesita.

20 min: Te Tufa ʼo Te Māhina ʼo Sepetepeli, ko te tohi Te tagata ʼaē ʼe lahi tokotahi ʼi te ʼu temi fuli peʼe ko Te Tohi ʼo Te ʼu Hisitolia Faka Tohi-Tapu. Ko he akonaki pea mo he faʼifaʼitaki. Koutou talanoa ki he ʼu palalau neʼe fai ʼo ʼuhiga mo te ʼu tohi ʼaia. (km 2/99 p. 6; kmF 12/86 pp. 1, 7) Koutou talanoa fakanounou ki te ʼu manatu ʼo te ʼu tohi ʼaia, pea mo vakaʼi he ʼu manatu tāfito ʼe lava ʼaoga anai ki te hahaʼi ʼo tokotou telituale. (km 6/98 p. 8) Fai he faʼifaʼitaki ʼe faigafua, ʼaki he ʼu ʼuluaki palalau mai te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu peʼe mai he Minisitelio ʼo Te Puleʼaga, lau age he vaega, pea mo fakahā age he puani peʼe ko he kapite ʼi te ʼu tohi ʼaia. ʼE kole anai ki he tahi ʼe kua māhani ke ina fai te faʼifaʼitaki ʼaia.

Katiko 220 pea mo te faikole fakaʼosi.

Vāhaʼa ʼo te ʼaho 30 ʼo ʼAukusito

Katiko 1

10 min: Te ʼu logo. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo ʼAukusito.

15 min: “Ko Te Ako ʼAē ʼe Ina Teuteuʼi Ki Te Minisitelio​—Ko He Faigamālie Ki Te Gāue.” Ko he akonaki pea mo he fai palalau mo te nofoʼaki. Talanoa ki te ʼu fakamatala ʼo te Annuaire 2004, ʼi te pasina 239 mo te 240. Fakahā ʼe fai anai ʼi te fakatahi faka silikosikilipisio te fono maʼa nātou ʼaē ʼe fia kau ki te Ako ʼAē ʼe Ina Teuteuʼi Ki Te Minisitelio. Fakaloto mālohi nātou ʼaē ʼe nātou maʼu te ʼu fealagia ke nātou kau ki te fono ʼaia.

20 min: Neʼe Fua Lelei Koa Kia Koutou? Ko he fai palalau mo te nofoʼaki. Toe vakaʼi te ʼu manatu ʼaē ʼe hoa mai neʼe hā ʼi te ʼu Minisitelio ʼo Te Puleʼaga ʼi te taʼu ʼaenī kua hili: Koutou tohi takotou ʼu palalau nounou ki he kiʼi moʼi pepa. (km 10/03 p. 8) Tou fai he ʼu fakavikiviki ki te hahaʼi takitokotahi pea mo fakamalotoloto. (km 11/03 p. 1) Tou fai faka mafola ʼi te temi ʼaē ʼe feala ai ke tou maʼu ai te hahaʼi ʼi tonatou ʼapi. (km 12/03 p. 1) Koutou fakatuʼutuʼu he temi moʼo lau te Tohi-Tapu, moʼo teuteuʼi te ʼu fono, pea mo te minisitelio. (km 1/04 p. 4) Koutou fakaʼaogaʼi te kaupepa ‘Voyez le bon pays’ ʼi takotou ako takitokotahi pea mo takotou lau te Tohi-Tapu. (km 3/04 p. 2) Koutou fakatuʼutuʼu ke koutou lau te Tohi-Tapu katoa. (km 4/04 p. 1) Koutou fai faka mafola ʼi te ʼu telituale ʼo te ʼu fale gāue. (km 7/04 p. 6) Koutou fakaʼaogaʼi te ʼu kiʼi pepa lotu moʼo kamata he ʼu ako Tohi-Tapu. (km 8/04 p. 2) Fakaafe te nofoʼaki ke nātou fakahā te ʼu lelei neʼe nātou maʼu ʼi tanatou maʼuliʼi te ʼu tokoni ʼaia.

Katiko 50 pea mo te faikole fakaʼosi.

Vāhaʼa ʼo te ʼaho 6 ʼo Sepetepeli

Katiko 75

5 min: Te ʼu logo.

15 min: Ko he akonaki ʼe ʼaoga ki te kokelekasio.

25 min: “Tou Maʼu Te Manatu Faka Pionie.”c Koutou fakafehuʼi fakanounou he pionie e tahi peʼe lua. Kole age ke nā fakamatala atu te ʼu fakaloto mālohi neʼe fai age e te ʼu mātuʼa, peʼe ko te kau tagata ʼāfea, peʼe ko he tahi atu, ke nā hoko atu tanā selevisi pionie.

Katiko 4 pea mo te faikole fakaʼosi.

[Kiʼi nota]