Iintlanganiso Zenkonzo NgoMatshi
Iveki Eqala NgoMatshi 1
8 imiz: Izaziso zasekuhlaleni. IZaziso Ezikhethiweyo kuBulungiseleli Bethu BoBukumkani. Bakhuthaze bonke ukuba bangenise iingxelo zabo zenkonzo yasentsimi kaFebruwari.
17 imiz: “Ukukhunjulwa Kokufa KukaKristu Ehlabathini Lonke.” Imibuzo neempendulo. Quka amagqabaza akwiMboniselo kaFebruwari 1, 1997, iphepha 11-12, isiqendu 10-14. Gxininisa indlela uthando lukaYehova olubalaseleyo olwamqhuba ngayo ukuba anikele idini lentlawulelo ngenxa yethu.
20 imiz: Izizathu Ezisishukumisela Ukuba Sibe Ngoovulindlela Abangabancedani ngoAprili NangoMeyi. Intetho nengxubusho nabaphulaphuli esingathwa ngumveleli wenkonzo, ebongoza bonke ukuba bacingisise nzulu ngobuvulindlela bobuncedani. Hlola uhlengahlengiso kwisisikelo seeyure zoovulindlela abathe ngxi nabangabancedani, njengokuba luchazwe kuBulungiseleli Bethu BoBukumkani, bukaJanuwari 1999 iphepha 3. Olu hlengahlengiso lufanele lwenze abangakumbi bakwazi ukunandipha ilungelo lenkonzo yexesha elizeleyo. Chaza indlela uxabiso ngedini likaKristu olusishukumisela ngayo ukuba sizibhokoxe kumsebenzi wokushumayela kwabanye. (2 Kor. 5:14, 15) Kulo nyaka iSikhumbuzo siya kuba ngosuku lokuqala kuAprili yaye uSuku olukhethekileyo Lwamaphephancwadi luya kuba ngoAprili 10. Olunjani ukuba luhle ukhuthazo kubo bonke abavakalisi boBukumkani lokuba bachithe inyanga yonke kumsebenzi wenkonzo owandisiweyo! Hlolisisa iimbalasane ezikhethiweyo kwizihlomelo zoBulungiseleli Bethu BoBukumkani bukaFebruwari 1997 nobukaMatshi 1998 ezixubusha ngenkonzo yobuvulindlela bobuncedani. Hlolisisa iindlela onokuzivumelanisa ngazo nocwangciso olungumzekelo olwalulungiselelwe. Hlolisisa amalungiselelo asekuhlaleni enkonzo, amalungiselelo aya kusinika ithuba elingakumbi lokuba sibe nenxaxheba kunye nabanye kubulungiseleli. Khuthaza abavakalisi bazifumanele izicelo zenkonzo yobuvulindlela bobuncedani emva kwentlanganiso.
Ingoma 44 nomthandazo wokuqukumbela.
Iveki Eqala NgoMatshi 8
10 imiz: Izaziso zasekuhlaleni. Ingxelo yemali.
20 imiz: “Bameme Beze.” Imibuzo neempendulo. Bethelela imfuneko yokuba abasandul’ ukuba nomdla balathiselwe ezintlanganisweni zebandla ngalo lonke ixesha. Yiba nomboniso wengxubusho nomntu onomdla, usebenzisa umbandela okwincwadi Ulwazi, iphepha 159, isiqendu 20, nephepha 161-3, isiqendu 5-8. Bakhuthaze bonke ukuba benze unako nako ukuze bancede izifundo zeBhayibhile nabanye abanomdla babekho eSikhumbuzweni ngoAprili 1. Babonise isimemo, uze uchaze indlela esingasetyenziswa ngokuphumelelayo ngayo. Bonke bafanele baqalise ukusasaza izimemo zeSikhumbuzo kule veki.
15 imiz: “Indlela Amalungu Entsapho Asebenzisana Ngayo Ukuze Abe Nenxaxheba Ngokuzeleyo—Kwiintlanganiso Zebandla.” Ingxubusho yeqela lentsapho. Njengokuba begqabaza ngezona ngongoma zingundoqo kwinqaku, baxubusha indlela abangazilungiselela ngayo iintlanganiso njengentsapho. Baxubusha indlela abangancedana ngayo ukuze babe nenxaxheba noko kumele kwenziwe yintsapho ukuze ifike kwangethuba ezintlanganisweni.
Ingoma 62 nomthandazo wokuqukumbela.
Iveki Eqala NgoMatshi 15
10 imiz: Izaziso zasekuhlaleni.
15 imiz: “Izicaka Zolungiselelo Zinikela Inkonzo Exabisekileyo.” Intetho sisicaka solungiselelo esifanelekayo. Hlolisisa iingongoma ezingundoqo ezigutyungelwe kwincwadi Ubulungiseleli Bethu, iphepha 57-9. Chaza indlela izicaka zolungiselelo ezisetyenziswa ngayo ekuhlaleni ukuze zincede ibandla.
20 imiz: Sifanele Sisabele Njani Xa Silulekwa? Intetho ngumdala. Sonke sifanele sithobele isiluleko ngokuphathelele isimo sethu sengqondo, ihambo, unxulumano, okanye inxaxheba esinayo kwimisebenzi yebandla. Maxa wambi sityekela ekusigatyeni isiluleko okanye sikhubeke. Ukukulungela ukusamkela nokusisebenzisa isiluleko kunokuba luncedo kakhulu kwimeko yethu yokomoya. Hlolisisa oothunywashe abafanelekileyo ababethelela izizathu zokuba sifanele sisamkele size sisixabise isiluleko.—Bona IMboniselo, ka-Aprili 1, 1987, iphepha 27-30.
Ingoma 68 nomthandazo wokuqukumbela.
Iveki Eqala NgoMatshi 22
10 imiz: Izaziso zasekuhlaleni. Chaza amagama abo baza kuba ngoovulindlela abangabancedani ngoAprili. Chaza ukuba ixesha lisavuma ukuba ubani afake isicelo. Chaza lonke ucwangciso lweentlanganiso zenkonzo ezicetyelwe uAprili. Khuthaza bonke ukuba balandele ucwangciso lweSikhumbuzo lofundo lweBhayibhile ngoMatshi 27–Aprili 1, njengokuba lwandlalwe kwincwadana ethi Ukuhlolisisa IZibhalo Imihla Ngemihla—Yowe-1999 nakwiKhalenda Yowe-1999.
15 imiz: Lungiselela iSikhumbuzo. Intetho. Bonke bafanele benze unako nako ukuze bancede izifundo zeBhayibhile nabanye abanomdla babekho eSikhumbuzweni. Abo basebatsha bezileyo basenokungaqondi ukuba ngoobani abamele bathabathe kwimifuziselo okanye intsingiselo yesi sikhumbuzo. Hlolisisa oko kuthethwe kwiMboniselo ka-Aprili 1, 1996, iphepha 6-8, uze ubonise indlela esingamnceda ngayo osandul’ ukuba nomdla ukuba ayiqonde intsingiselo nenjongo yesi sikhumbuzo. Qukumbela ngokuhlolisisa umbandela othi “Okumele Kukhunjulwe NgeSikhumbuzo” uze uchaze amalungiselelo asekuhlaleni eSikhumbuzo.
20 imiz: Kwenzeka Ntoni Kuthi Xa Sisifa? Umdala uxubusha ukubaluleka nendlela enokusetyenziswa ngayo le ncwadana inemifanekiso nabavakalisi ababini okanye abathathu abafanelekayo. Siye saqhelana ngakumbi nale ncwadana inemifanekiso xa besiyifunda kwiSifundo Sencwadi Sebandla. Ngaba siyisebenzisa kakuhle kwinkonzo yasentsimini? Ingxubusho yeqela: Kutheni abantu abaninzi benomdla kulo mbandela? Ngokuchasene neemfundiso zonqulo lobuxoki, liliphi ithemba elingabalaseliswa yile ncwadana inemifanekiso? Sinokuyisebenzisa njani imibuzo ekwiphepha elisemva ukuze sivuse umdla? Ngawaphi amathuba akhoyo okuhambisa le ncwadana? Yiba nomboniso wentshumayelo usebenzisa izibhalo ezikwisiqendu 14 kwiphepha 27. Khuthaza bonke ukuba baxhakamfule amathuba okusebenzisa le ncwadana inemifanekiso.
Ingoma 92 nomthandazo wokuqukumbela.
Iveki Eqala NgoMatshi 29
10 imiz: Izaziso zasekuhlaleni. Bakhumbuze bonke bangenise iingxelo zabo zenkonzo yasentsimini kaMatshi. Ebudeni buka-Aprili siza kube sihambisa IMboniselo noVukani! Babonise iinkupho zakutshanje zamaphephancwadi, cebisa amanqaku anokubalaseliswa, uze ukhankanye ezinye zeengongoma ekunokuthethwa ngazo. Bonke bafanele baphathe incwadana enemifanekiso ethi Okufunwa NguThixo baze bayisebenzisele ukuqalisa izifundo zeBhayibhile nabantu abanomdla.
15 imiz: Iimfuno zasekuhlaleni.
20 imiz: Ngenelwa KwiNcwadi Yonyaka Yowe-1999. Ingxubusho phakathi kwendoda nomfazi. Indoda ichaza ukuba iNcwadi Yonyaka yapapashwa iyincwadi okokuqala ngowe-1927 yaye kwiminyaka engaphezu kwengama-70, iye yaquka ingxelo yehlabathi lonke yamaNgqina kaYehova. Bahlolisisa imbalasane ‘Yezimbuku Zowe-1998,’ kwiphepha 31. Emva koku baxubusha “Ileta Evela KwiQumrhu Elilawulayo,” kwiphepha 3-5, baze bagqabaze ngendlela abaya kululandela ngayo ukhuthazo elunikelayo.
Ingoma 118 nomthandazo wokuqukumbela.