Àìsáyà

35 Aginjù àti ilẹ̀ tí kò lómi máa yọ̀,+

Aṣálẹ̀ tó tẹ́jú máa yọ̀ ṣẹ̀ṣẹ̀, ó sì máa yọ ìtànná bíi sáfúrónì.+

 2 Ó dájú pé ó máa yọ ìtànná;+

Ó máa yọ̀ ṣẹ̀ṣẹ̀, ó sì máa kígbe ayọ̀.

A máa fún un ní ògo Lẹ́bánónì,+

Ẹwà Kámẹ́lì+ àti ti Ṣárónì.+

 3 Ẹ fún àwọn ọwọ́ tí kò lágbára lókun,

Ẹ sì mú kí àwọn orúnkún tó ń gbọ̀n dúró gbọn-in.+

Ẹ wò ó! Ọlọ́run yín máa wá gbẹ̀san,

Ọlọ́run máa wá láti fìyà ẹ̀ṣẹ̀ jẹni.+

 5 Ní àkókò yẹn, ojú àwọn afọ́jú máa là,+

Etí àwọn adití sì máa ṣí.+

 6 Ní àkókò yẹn, ẹni tó yarọ máa fò sókè bí àgbọ̀nrín,+

Ahọ́n ẹni tí kò lè sọ̀rọ̀ sì máa kígbe ayọ̀.+

Torí omi máa tú jáde ní aginjù,

Odò sì máa ṣàn ní aṣálẹ̀ tó tẹ́jú.

 7 Ilẹ̀ tí ooru ti mú kó gbẹ táútáú máa di adágún omi tí esùsú* kún inú rẹ̀,

Ilẹ̀ gbígbẹ sì máa di ìsun omi.+

Koríko tútù, esùsú àti òrépèté

Máa wà ní ibùgbé tí àwọn ajáko* ti ń sinmi.+

 8 Ọ̀nà kan sì máa wà níbẹ̀,+

Àní, ọ̀nà tí à ń pè ní Ọ̀nà Ìjẹ́mímọ́.

Àwọn tó ń rìn lójú ọ̀nà ló wà fún;

Òmùgọ̀ kankan ò sì ní rìn gbéregbère lọ síbẹ̀.

 9 Kò ní sí kìnnìún kankan níbẹ̀,

Ẹranko ẹhànnà kankan kò sì ní wá sórí rẹ̀.

A ò ní rí wọn níbẹ̀;+

Àwọn tí a tún rà nìkan ló máa gba ibẹ̀.+

Wọ́n á máa yọ̀ gidigidi, inú wọn á sì máa dùn,

Ẹ̀dùn ọkàn àti ìbànújẹ́ kò ní sí mọ́.+