Sáàmù

127 Bí Jèhófà ò bá kọ́ ilé,

Lásán ni àwọn tó ń kọ́ ọ ṣiṣẹ́ kára lórí rẹ̀.+

Bí Jèhófà ò bá ṣọ́ ìlú,+

Lásán ni ẹ̀ṣọ́ wà lójúfò.

2 Lásán lẹ̀ ń dìde ní kùtùkùtù,

Tí ẹ̀ ń pẹ́ kí ẹ tó sùn,

Tí ẹ sì ń fi gbogbo agbára ṣiṣẹ́ kí ẹ lè rí oúnjẹ,

Torí Ọlọ́run ń pèsè fún àwọn tó fẹ́ràn, ó sì ń jẹ́ kí wọ́n rí oorun sùn.+

3 Wò ó! Àwọn ọmọ* jẹ́ ogún láti ọ̀dọ̀ Jèhófà;+

Èso ikùn* jẹ́ èrè.+

4 Bí ọfà ní ọwọ́ alágbára ọkùnrin,

Bẹ́ẹ̀ ni àwọn ọmọ téèyàn bí nígbà ọ̀dọ́.+

Ojú kò ní tì wọ́n,

Nítorí wọ́n á bá àwọn ọ̀tá sọ̀rọ̀ ní ẹnubodè ìlú.