Jeremáyà
8 Jèhófà sọ pé: “Ní àkókò yẹn, wọ́n á kó egungun àwọn ọba Júdà àti egungun àwọn ìjòyè rẹ̀, egungun àwọn àlùfáà àti egungun àwọn wòlíì pẹ̀lú egungun àwọn tó ń gbé Jerúsálẹ́mù jáde kúrò nínú sàréè wọn. 2 A ó dà wọ́n síta lábẹ́ oòrùn, òṣùpá àti lábẹ́ gbogbo ọmọ ogun ọ̀run tí wọ́n nífẹ̀ẹ́, tí wọ́n jọ́sìn, tí wọ́n tẹ̀ lé, tí wọ́n wá, tí wọ́n sì forí balẹ̀ fún.+ A ò ní kó wọn jọ, bẹ́ẹ̀ ni a ò ní sin wọ́n. Wọn á dà bí ajílẹ̀ lórí ilẹ̀.”+
3 “Àwọn tó bá sì ṣẹ́ kù lára ìdílé búburú yìí á yan ikú dípò ìyè ní gbogbo ibi tí mo bá fọ́n wọn ká sí,” ni Jèhófà Ọlọ́run àwọn ọmọ ogun wí.
4 “Kí o sì sọ fún wọn pé, ‘Ohun tí Jèhófà sọ nìyí:
“Tí wọ́n bá ṣubú, ṣé wọn ò ní dìde mọ́ ni?
Tí ẹnì kìíní bá sì yí pa dà, ṣé ẹnì kejì náà kò ní yí pa dà ni?
5 Kí ló dé tí àwọn èèyàn tó ń gbé Jerúsálẹ́mù ò fi jáwọ́ nínú ìwà àìṣòótọ́ tí wọ́n ń hù sí mi?
Wọn ò jáwọ́ nínú ẹ̀tàn;
Wọn ò sì yí pa dà.+
6 Mo fiyè sí wọn, mo sì ń fetí sílẹ̀, àmọ́ bí wọ́n ṣe sọ̀rọ̀ kò dáa.
Kò sí ẹnì kankan tó ronú pìwà dà ìwà burúkú rẹ̀ tàbí kó sọ pé, ‘Kí ni mo ṣe yìí?’+
Kálukú wọn ń pa dà lọ ṣe ohun tí ọ̀pọ̀ èèyàn ń ṣe, bí ẹṣin tó ń já lọ sójú ogun.
7 Kódà ẹyẹ àkọ̀ tó ń fò lójú ọ̀run mọ àkókò rẹ̀;*
Oriri àti ẹyẹ olófèéèré àti ẹ̀gà* kì í yẹ àkókò tí wọ́n máa pa dà.*
Àmọ́ àwọn èèyàn mi ò mọ ìdájọ́ Jèhófà.”’+
8 ‘Báwo ni ẹ ṣe lè sọ pé: “Ọlọ́gbọ́n ni wá, a sì ní òfin* Jèhófà”?
Nígbà tó jẹ́ pé, kìkì irọ́ ni àwọn akọ̀wé òfin* ń fi kálàmù* èké*+ wọn kọ.
9 Ojú ti àwọn ọlọ́gbọ́n.+
Àyà wọn já, a ó sì mú wọn.
Wò ó! Wọ́n ti kọ ọ̀rọ̀ Jèhófà,
Ọgbọ́n wo sì ni wọ́n ní?
10 Torí náà, màá fi ìyàwó wọn fún àwọn ọkùnrin míì,
Màá fi oko wọn fún àwọn tó máa gbà á;+
Látorí ẹni kékeré títí dórí ẹni ńlá, kálukú wọn ń jẹ èrè tí kò tọ́;+
Látorí wòlíì títí dórí àlùfáà, kálukú wọn ń lu jìbìtì.+
Nígbà tí kò sí àlàáfíà.+
12 Ǹjẹ́ ojú tì wọ́n nítorí àwọn ohun ìríra tí wọ́n ṣe?
Ojú kì í tì wọ́n!
Àní wọn ò tiẹ̀ lójútì rárá!+
Torí náà, wọ́n á ṣubú láàárín àwọn tó ti ṣubú.
Nígbà tí mo bá fìyà jẹ wọ́n, wọ́n á kọsẹ̀,’+ ni Jèhófà wí.
13 ‘Nígbà tí mo bá kó wọn jọ, màá pa wọ́n run,’ ni Jèhófà wí.
‘Kò ní sí èso tó máa ṣẹ́ kù lórí igi àjàrà, bẹ́ẹ̀ ni kò ní sí èso kankan lórí igi ọ̀pọ̀tọ́, àwọn ewé rẹ̀ yóò sì rọ.
Wọ́n á pàdánù àwọn ohun tí mo fún wọn.’”
14 “Kí nìdí tí a fi jókòó síbí?
Ẹ jẹ́ ká kóra jọ, ká wọnú àwọn ìlú olódi,+ ká sì ṣègbé síbẹ̀.
15 À ń retí àlàáfíà, àmọ́ ohun rere kan ò dé,
À ń retí àkókò ìwòsàn, àmọ́ ìpayà là ń rí!+
16 À ń gbọ́ bí àwọn ẹṣin wọn ṣe ń fọn imú láti Dánì.
Nígbà tí àwọn akọ ẹṣin rẹ̀ bá yán,
Ìró wọn á mú gbogbo ilẹ̀ náà mì tìtì.
Wọ́n wọlé wá, wọ́n sì jẹ ilẹ̀ náà run àti gbogbo ohun tó wà lórí rẹ̀,
Ìlú náà àti àwọn tó ń gbé inú rẹ̀.”
17 “Wò ó, màá rán àwọn ejò sí àárín yín,
Àwọn ejò olóró tí kò ṣeé tù lójú,
Ó dájú pé wọ́n á bù yín ṣán,” ni Jèhófà wí.
18 Ẹ̀dùn ọkàn mi kò ṣeé wò sàn;
Ọkàn mi ń ṣàárẹ̀.
19 Igbe ìrànlọ́wọ́ wá láti ilẹ̀ tó jìnnà
Látọ̀dọ̀ ọmọbìnrin àwọn èèyàn mi pé:
“Ṣé kò sí Jèhófà ní Síónì ni?
Àbí ọba rẹ̀ kò sí níbẹ̀ ni?”
“Kí ló dé tí wọ́n fi fi ère gbígbẹ́ wọn mú mi bínú,
Pẹ̀lú àwọn ọlọ́run àjèjì wọn tí kò ní láárí?”
20 “Ìkórè ti kọjá, ìgbà ẹ̀ẹ̀rùn ti parí,
Ṣùgbọ́n a kò tíì rí ìgbàlà!”
21 Ẹ̀dùn ọkàn bá mi nítorí àárẹ̀ ọmọbìnrin àwọn èèyàn mi;+
Ìbànújẹ́ sorí mi kodò.
Àyà fò mí torí ìbẹ̀rù.
22 Ṣé kò sí básámù* ní Gílíádì+ ni?
Àbí ṣé kò sí oníwòsàn* níbẹ̀ ni?+
Kí ló wá dé tí ara ọmọbìnrin àwọn èèyàn mi kò fi tíì yá?+