Ẹ̀DÀ TÓ WÀ FÚN ÌKẸ́KỌ̀Ọ́

Àwọn àpilẹ̀kọ méjì yìí tó dá lórí àwọn iṣẹ́ ìyanu tí Jésù ṣe kọ́ wa láwọn ẹ̀kọ́ pàtàkì lórí bá a ṣe lè jẹ́ ọ̀làwọ́, àti bá a ṣe lè máa ran àwọn èèyàn lọ́wọ́, ó sì tún jẹ́ ká mọ àwọn ànímọ́ tó fani mọ́ra tí Jésù ní. Àwọn àpilẹ̀kọ yìí sọ nípa ọjọ́ iwájú kan tí kò jìnnà mọ́ tá a ti máa rí àwọn iṣẹ́ ìyanu tó kàmàmà tó máa ṣẹlẹ̀ kárí ayé.

Nínú ayé tó kún fún ìwàkiwà yìí, ó lè nira díẹ̀ kéèyàn tó lè jẹ́ oníwà mímọ́. Àpilẹ̀kọ yìí jẹ́ ká mọ bí àjọṣe àwa àti Jèhófà, ìmọ̀ràn tó wà nínú Ọ̀rọ̀ rẹ̀ àti ìrànwọ́ látọ̀dọ̀ àwọn tá a jọ jẹ́ Kristẹni tí òtítọ́ jinlẹ̀ nínú wọn ṣe lè ràn wá lọ́wọ́ láti yẹra fún èròkerò, tí àá sì fọwọ́ pàtàkì mú àwọn ìlànà ìwà rere Jèhófà.

Bó tiẹ̀ jẹ́ pé àwa Kristẹni kì í sọ àsọtúnsọ àdúrà àwòṣe tí Jésù kọ́ wa lójoojúmọ́, àwọn ẹ̀bẹ̀ tó wà nínú àdúrà náà ní ìtumọ̀ fún gbogbo wa. Àwọn àpilẹ̀kọ yìí jẹ́ ká mọ bá a sẹ lè gbé ìgbé ayé wa lọ́nà tó bá àwọn àdúrà bẹ́ẹ̀ mu.