Pagtiripon sa Paglilingkod Para sa Hunyo
Semana nin Hunyo 8-14
10 min: Lokal na mga paisi asin piniling Mga Paisi sa An Satong Ministeryo sa Kahadean. Dagkahon an mga parahayag na lumuwas sa Sabado asin Domingo. Repasohon an mapag-oolayan na mga punto sa pinakabagong luwas kan mga magasin na magagamit sa pagmamagasin sa Hunyo 12.
20 min: “An Pinakadakulang Tawo na Nabuhay Kasuarin Pa Man.” Hapot-simbagan sa artikulo. Kun pinag-oolayan an parapo 3 asin 4, iareglo an halipot na demonstrasyon na ipinaheheling kun paano makapopoon nin pakipag-olay sa kagharong asin dangan ialok an libro. Idoon an kahalagahan kan pagigin pamilyar sa publikasyon.
15 min: “An Pambukas na mga Tataramon Iyo an Puwedeng Magdeterminar kan Mangyayari.” Ipakipag-olay an artikulo sa mga nagdadangog. Prinobaran na daw ninda an mga introduksion na isinuherir sa bagong mga luwas kan An Satong Ministeryo sa Kahadean, na kadaklan kaiyan kinua sa librong Reasoning? Arin na introduksion an naheling nindang pinakaepektibo sa lokal na teritoryo? Noarin an mga parahayag nag-aandam asin nag-iensayo kan saindang mga introduksion para sa paglilingkod sa langtad? Magkaigwa nin duwa o tolong haralipot na demonstrasyon nin mga introduksion na nagin nang epektibo sa lokal.
Kanta 32 asin pantapos na pamibi.
Semana nin Hunyo 15-21
10 min: Lokal na mga paisi, kaiba an report sa kuwenta asin pasasalamat sa mga donasyon. Omawon an kongregasyon para sa pinansial na pagsuporta sa lokal na kongregasyon siring man sa pankinaban na gibohon kan Sosyedad.
20 min: “Gumibo nin Epektibong mga Pagdalaw Liwat.” Ipakipag-olay sa mga nagdadangog an pangenot na mga punto sa artikulo, tibaad iiniiba an dai pa nahahaloy na eksperyensia kun saen an pagdalaw liwat nagresulta na mapukaw an dugang pang interes. Gamiton an huring anom sagkod walong minuto tanganing idemonstrar kun paano an nangengenot sa Pag-adal sa Libro kan Kongregasyon tinatabangan an duwa o tolong parahayag na mag-andam na dumalaw liwat sa interesadong mga tawo na dai pa nahahaloy na nanompongan sa lokal na teritoryo. Kun posible, gamiton an aktuwal na mga pagdalaw liwat na gigibohon sa masunod kan mga parahayag.
15 min: Protehiran an Saindong Sadiri sa Apostasiya. Pag-orolay nin sarong magurang asin sarong parahayag na nakatukaw sa lamesa. Ipaliliwanag kan parahayag na nakanompong sia sa paglilingkod nin saro na nagpaparabasa na nin apostatang mga babasahon. Sasabihon kan parahayag sa magurang na namamatean nia na an kagharong sinsero sa mga hapot na pinalataw nia. Sinayumahan kan parahayag an iinaalok kan kagharong na apostatang publikasyon pero boot na probaran na simbagon an mga hapot kan kagharong. Oomawon kan magurang an parahayag huli sa saiyang marahay na gawe asin mga hiro. Imbes na pag-olayan kun ano an isinurat o isinabi kan mga apostata, madonong na magkonsentrar sa Makakasuratan na punto-de-vista sa mga bagay arog kan nakasurat sa librong Reasoning. Iimbitaran kan magurang an parahayag na buksan an saiyang librong Reasoning, asin magkaibang rerepasohon an pahina 34-7. Kaipuhan na mainit asin nakapakokosog an pag-orolay mantang pinag-oolayan ninda an kahulogan kan apostasiya, an kada subtemang nasusurat sa maitomon na mga letra, asin piniling pangenot na mga kasuratan mantang itinotogot nin panahon. Tapuson an pag-orolay paagi sa positibong mga komento sa gabos na nakapakokosog asin nakadadagkang materyal na makukua niato para sa pag-adal. Ihiras an nakapakokosog na mensahe sa kagharong. Kun sia sinsero, maheheling nia an pagkakalaen kan positibong paagi kan katotoohan asin an negatibo, mapagtatsar na paagi kan mga apostata. Paagi sa satong pagsayuma sa kaisipan asin materyal kan apostata, ipinaheheling niato an satong kaimbodan ki Jehova asin sa saiyang naheheling na organisasyon.
Kanta 65 asin pantapos na pamibi.
Semana nin Hunyo 22-28
5 min: Lokal na mga paisi.
20 min: “Isadol an Paghihingoang Maabot an Espirituwal na mga Pasohan.” Pakipag-olay sa mga nagdadangog na pangengenotan nin sarong magurang. Pakatapos na pag-olayan an parapo 6, interbiohon an arogan na parahayag na bilang hoben naghimate sa pagdagka na pag-aaboton an espirituwal na mga pasohan. Paano sia nadagka? Kun pinag-oolayan an parapo 7, idoon an praktikal na mga pakinabang na ikadudugang kapwa sa mga magurang asin mga hobenes sa pagrepaso kan kapitulo 22, 38, asin 39 kan librong Young People Ask.
20 min: “Building Christian Personalities in Our Children.” Pag-oolay nin duwang tugang na lalaki sa artikulo sa Hulyo 1, 1991 na Watchtower, pahina 24-7. Itampok an pangangaipo para sa konsentradong paghihingoa kan mga magurang. Iaplikar an materyal sa lokal na mga pangangaipo kan kongregasyon.
Kanta 213 asin pantapos na pamibi.
Semana nin Hunyo 29–Hulyo 5
10 min: Lokal na mga paisi asin Teokratikong mga Bareta. Mga eksperyensia sa kampanya kan Greatest Man (kaipuhan ining iareglo nin patienot paagi sa pag-interbio sa mga parahayag asin payunir).
15 min: Itampok an librong Creation sa Hulyo. Pahayag na may demonstrasyon. Pag-olayan an ipakikipag-olay na mga punto sa libro na puwedeng itampok kun iinaalok an librong Creation sa Hulyo. Tibaad makaakit sa mga kagharong an materyal sa kapitulo 16 asin 17 na “Why Would God Permit Suffering?” asin “Can You Trust the Bible?” Ipademonstrar sa kuwalipikadong parahayag an alok, na ginagamit an mga kasuratan arog kan Hebreo 3:4 asin Kapahayagan 4:11 tanganing pahimutikan an teoriya kan ebolusyon asin ikatogdok an pagtubod sa Dios bilang Kaggibo kan tawo. Puwedeng gamiton an materyal sa librong Reasoning sa temang “Creation” kun itinotogot nin panahon.
20 min: “Espirituwal na Pagkakan sa Aroaldaw—Mahalaga Para sa Kristianong Pamilya.” Hapot-simbagan.
Kanta 108 asin pantapos na pamibi.