Pagtiripon sa Paglilingkod Para sa Marso
Semana nin Marso 8-14
10 min: Lokal na mga paisi asin Mga Paisi sa An Satong Ministeryo sa Kahadean. Ipaheling an pag-alok kan bagong mga isyu nin magasin.
15 min: “Kapahayagan—Mga Misteryong Nahayag.” Hapot-simbagan sa artikulo.
20 min: “Pag-alok kan Librong Revelation.” Ipakipag-olay an enot na parapo sa mga nagdadangog, dangan iareglo an tolong pag-aatubang na ididemonstrar basado sa mga suhestion sa parapo 2 sagkod 4.
Kanta 215 asin pantapos na pamibi.
Semana nin Marso 15-21
10 min: Lokal na mga paisi. Ipakipag-olay an mapag-oolayan na mga punto sa bagong mga magasin. Dagkahon an gabos na makikabtang sa paglilingkod sa langtad ngonyan na Sabado asin Domingo.
20 min: “Pakikokooperar sa Konduktor kan Satong Pag-adal sa Libro kan Kongregasyon.” Hapot-simbagan.
15 min: “Not Peddlers of God’s Word.” Pahayag kan nangengenot na paraataman o nin saro pang magurang basado sa pahina 26-9 kan Disyembre 1, 1992 na Watchtower. Mainit na komendaran an mga tugang sa saindang pagsuportar sa pankinaban na gibohon kan Sosyedad asin sa lokal na kongregasyon. Puwede man na sambiton an naginibo kan kongregasyon sa pagsuportar sa Kingdom Hall Fund kan Sosyedad asin iba pang lokal na proyekto nin pagtotogdok na ginigibo sa presente.
Kanta 53 asin pantapos na pamibi.
Semana nin Marso 22-28
10 min: Lokal na mga paisi. Report sa kuwenta. Sambiton an mga pasasalamat kan Sosyedad sa ipinadarang donasyon, asin komendaran an kongregasyon para sa maimbod na pagsuportar sa lokal na mga pangangaipo kan kongregasyon. Pagirumdomon an gabos kan espesyal na pahayag-publiko ngonyan na Domingo sa kadaklan na kongregasyon sa bilog na kinaban.
20 min: ‘Pagtokdo . . . kan mga Bagay na Ipinagboot Ko sa Saindo.’ Hapot-simbagan kaiba kan mga nagdadangog. Kun ipinakikipag-olay an parapo 4 asin 5, magtao nin iba pang halimbawa nin mga teksto asin publikasyon na angay sa lokal na mga kamugtakan. Magkaigwa nin inandam na gayong demonstrasyon na ipinaheheling kun paano gigibohon an pagbalyo hale sa introduksion kan orolay pasiring sa saro sa mga tract. Pag-olayan an saro o duwang parapo kan tract sagkod na itinotogot kan oras.
15 min: “Blood,” librong Reasoning, pahina 72-4. Gumamit nin eksenang pagdalaw liwat na kun saen an kagharong naghahapot kan mga hapot sa libro na nakasurat sa darakulang letra. An mga simbag kan parahayag maninigong basado sa mga komento sa librong Reasoning.
Kanta 181 asin pantapos na pamibi.
Semana nin Mar. 29–Abr. 4
10 min: Lokal na mga paisi. Dagkahon an gabos na magkaigwa nin marahay na pagpopoon sa Abril paagi sa pakikakabtang sa paglilingkod ngonyan na Sabado asin Domingo. Teokratikong mga Bareta.
20 min: “An Saindong Pag-apresyar sa Kagadanan ni Cristo.” Pahayag na igwang demonstrasyon. Pakatapos pag-olayan an parapo 6, idemonstrar kun paano puwedeng imbitaran kan parahayag an inaadalan sa Biblia sa Memorial. Ipaisi an ultimong lokal na mga areglo sa Memorial.
15 min: “Pilion an Angay na mga Puntong Ipakikipag-olay.” Hapot-simbagan. An nagkakapot kan kabtang na ini maninigong tumao nin mga halimbawa kun paano pipilion an angay na mga artikulo sa magasin para sa laen-laen na klase nin tawo, na ginagamit an pinakabagong mga isyu na Marso asin Abril na makukua sa kongregasyon.
Kanta 211 asin pantapos na pamibi.