Abụ Ọma

146 Toonụ Jaa!+

Mkpụrụ obi m, too Jehova.+

 2 M ga-eto Jehova ụbọchị ndụ m niile.+

M ga-abụku Chineke m abụ olu ụtọ ruo oge niile m dị ndụ.+

 3 Unu atụkwasịla ndị a ma ama obi,+

Unu atụkwasịkwala nwa nke mmadụ obi, bụ́ onye ọ na-adịghị nzọpụta dị n’aka ya.+

 4 Mmụọ ya na-apụ,+ o wee laghachi n’ala o si pụta;+

N’ụbọchị ahụ, echiche ya na-ala n’iyi.+

 5 Obi ụtọ na-adịrị onye nwere Chineke nke Jekọb dị ka onye na-enyere ya aka,+

Onye olileanya ya dị n’ebe Jehova bụ́ Chineke ya nọ,+

 6 Bụ́ Onye kere eluigwe na ụwa,+

Oké osimiri na ihe niile dị n’ime ha,+

Onye bụ́ onye eziokwu ruo mgbe ebighị ebi,+

 7 Onye na-eme ka ndị a na-erigbu erigbu nweta ikpe ziri ezi,+

Onye na-enye ndị agụụ na-agụ ihe oriri.+

Jehova na-atọhapụ ndị e kere agbụ.+

 8 Jehova na-emeghe anya ndị ìsì;+

Jehova na-ekulite ndị huuru ehuru;+

Jehova hụrụ ndị ezi omume n’anya.+

 9 Jehova na-eche ndị mbịarambịa nche;+

Ọ na-enyere nwa na-enweghị nna na nwaanyị di ya nwụrụ aka,+

Ma ọ na-eme ka ụzọ+ ndị ajọ omume gbagọọ agbagọ.+

10 Jehova ga-abụ eze ruo mgbe ebighị ebi,+

Zayọn, Chineke gị ga-abụkwa eze site n’ọgbọ ruo n’ọgbọ.+

Toonụ Jaa!+