Isiokwu Dị Iche Iche nke Baịbụl Maka Nkwurịta Okwu

1. Ajọ Omume, Nsogbu Ụwa

A. Onye kpatara nsogbu ụwa

Ọchịchị kpatara oge ọjọọ nke dị taa. Ilu 29:2; 28:28

Onye na-achị ụwa bụ onye iro Chineke. 2Kọ 4:4; 1Jn 5:19; Jn 12:31

Ekwensu wetara ahụhụ, oge ya dị mkpirikpi. Mkp 12:9, 12

A ga-eke Ekwensu agbụ, udo dị ebube ga-esochi. Mkp 20:1-3; 21:3, 4

B. Ihe mere e ji kwe ka ajọ omume dịrị

Ekwensu mara aka na ndị e kere eke

agaghị eguzosi ike n’ebe Chineke nọ. Job 1:11, 12

A na-enye ndị kwesịrị ntụkwasị obi ohere igosi na ha

na-eguzosi ike n’ihe. Ro 9:17; Ilu 27:11

E gosiwo na Ekwensu bụ onye ụgha, a ga-ekpebi ihe iseokwu. Jn 12:31

A ga-akwụ ndị kwesịrị ntụkwasị obi

ụgwọ ọrụ bụ́ ndụ ebighị ebi. Ro 2:6, 7; Mkp 21:3-5

CH. Ọ bụ ndokwa obi ebere na e mere ka oge ọgwụgwụ dị ogologo

Dị ka ọ dị n’ụbọchị Noa, ọ na-ewe oge inye ịdọ aka ná ntị. Mt 24:14, 37-39

Chineke adịghị egbu oge, kama ọ na-eme ebere. 2Pi 3:9; Aịz 30:18

Baịbụl na-enyere anyị aka izere ịbụ ndị a

bịakwasịrị na mberede. Lu 21:36; 1Te 5:4

Chọọ ndokwa Chineke ugbu a ka e wee chebe gị. Aịz 2:2-4; Zef 2:3

D. Ihe ga-agwọta nsogbu ụwa agaghị esi n’aka mmadụ

Ndị mmadụ na-atụ oké egwu, ha nọ ná mgbagwoju anya. Lu 21:10, 11; 2Ti 3:1-5

Ọ bụ alaeze Chineke ga-enwe ihe ịga nke ọma,

ọ bụghị ụmụ mmadụ. Da 2:44; Mt 6:10

Iji dị ndụ, gị na Eze ahụ mee udo ugbu a. Ọma 2:9, 11, 12

2. Alaeze

A. Ihe Alaeze Chineke ga-emere ụmụ mmadụ

Ọ ga-eme ka uche Chineke mezuo. Mt 6:9, 10; Ọma 45:6; Mkp 4:11

Ọ bụ ọchịchị nke nwere eze na iwu. Aịz 9:6, 7; 2:3; Ọma 72:1, 8

Ọ ga-ebibi ajọ omume, chịa ụwa dum. Da 2:44; Ọma 72:8

Ọchịchị otu puku afọ ga-eme ka ụmụ mmadụ dịghachi

otú ha dị na mbụ, weghachikwa Paradaịs. Mkp 21:2-4; 20:6

B. Ọ ga-amalite ịrụ ọrụ mgbe ndị iro Kraịst ka na-akpa ike

Mgbe Kraịst bilitesịrị, o cheere ogologo oge. Ọma 110:1; Hib 10:12, 13

Ọ malitere ịchị, buso Setan agha. Ọma 110:2; Mkp 12:7-9; Lu 10:18

E guzobere Alaeze mgbe ahụ, ahụhụ ụwa wee sochie. Mkp 12:10, 12

Nsogbu dị ugbu a na-egosi na ugbu a bụ oge ịkwado Alaeze. Mkp 11:15-18

CH. Ọ dịghị ‘n’obi,’ ọ maliteghị site ná mgbalị ndị mmadụ

Alaeze dị n’eluigwe, ọ bụghị n’ụwa. 2Ti 4:18; 1Kọ 15:50; Ọma 11:4

Ọ dịghị ‘n’obi’; ọ bụ ndị Farisii ka Jizọs na-agwa okwu. Lu 17:20, 21

Ọ bụghị nke ụwa a ma ọlị. Jn 18:36; Lu 4:5-8; Da 2:44

A ga-eji ya dochie ọchịchị ụwa na ụkpụrụ ya. Da 2:44

3. Alụmdi na Nwunye

A. Njikọ alụmdi na nwunye aghaghị ịbụ ihe kwesịrị nsọpụrụ

E ji ya tụnyere Kraịst na nwunye ọhụrụ ya. Efe 5:22, 23

Ihe ndina alụmdi na nwunye aghaghị ịbụ ihe a na-emerụghị emerụ. Hib 13:4

E nyere di na nwunye ndụmọdụ ka ha ghara ikewa. 1Kọ 7:10-16

Naanị por·neiʹa bụ ihe Akwụkwọ Nsọ kwuru pụrụ

ime ka a gbaa alụkwaghịm. Mt 19:9

B. Ndị Kraịst aghaghị ịsọpụrụ ụkpụrụ ịbụisi

Dị ka isi, di aghaghị ịhụ ezinụlọ ya n’anya, na-elekọta ya. Efe 5:23-31

Nwunye ga-anọ n’okpuru di ya, hụ di

ya n’anya, na-erubere ya isi. 1Pi 3:1-7; Efe 5:22

Ụmụntakịrị aghaghị ịdị na-erube isi. Efe 6:1-3; Kọl 3:20

CH. Ọrụ dịịrị nne na nna bụ́ Ndị Kraịst n’ebe ụmụ ha nọ

Ha aghaghị igosi ha ịhụnanya, na-ewepụtara ha oge, na-elebara ha anya. Taị 2:4

Akpasula ha iwe. Kọl 3:21

Na-egbo mkpa ha, tinyere mkpa ime mmụọ. 2Kọ 12:14; 1Ti 5:8

Na-enye ha ọzụzụ ka ha wee dị ndụ. Efe 6:4; Ilu 22:6, 15; 23:13, 14

D. Ndị Kraịst kwesịrị ịlụ naanị Ndị Kraịst

Lụọ naanị “n’ime Onyenwe anyị.” 1Kọ 7:39; Di 7:3, 4; Neh 13:26

E. Akwụkwọ Nsọ akwadoghị ịlụ karịa otu nwaanyị

Na mbụ, a chọrọ ka nwoke nwee naanị otu nwunye. Je 2:18, 22-25

Jizọs weghachiiri Ndị Kraịst ụkpụrụ ahụ. Mt 19:3-9

Ndị Kraịst oge mbụ alụghị karịa otu nwaanyị. 1Kọ 7:2, 12-16; Efe 5:28-31

4. Amagedọn

A. Agha Chineke ga-eji kwụsị ajọ omume

A ga-akpọkọta mba niile maka agha Amagedọn. Mkp 16:14, 16

Chineke ga-eji Ọkpara ya na ndị mmụọ ozi lụọ ọgụ. 2Te 1:6-9; Mkp 19:11-16

Otú anyị pụrụ isi lanahụ. Zef 2:2, 3; Mkp 7:14

B. Ọ gaghị emebi ịhụnanya Chineke

Ụwa rụrụ arụ gabiga ókè. 2Ti 3:1-5

Chineke nwere ndidi, ma ikpe ziri ezi chọrọ ka o mee ihe. 2Pi 3:9, 15; Lu 18:7, 8

A ghaghị ibibi ndị ajọ omume ka ihe wee

gaziere ndị ezi omume. Ilu 21:18; Mkp 11:18

5. Atọ n’Ime Otu

A. Chineke bụ Nna, ọ bụ otu Onye, onye kasị ukwuu n’eluigwe na ụwa

Chineke abụghị ndị atọ. Di 6:4; Mal 2:10; Mk 10:18; Ro 3:29, 30

E kere Ọkpara eke; Chineke nọ naanị

ya tupu mgbe ahụ. Mkp 3:14; Kọl 1:15; Aịz 44:6

Ọ bụ Chineke bụ onye na-achị eluigwe na ụwa n’oge niile. Fil 2:5, 6; Da 4:35

A ga-ebuli Chineke elu karịa ihe niile. Fil 2:10, 11

B. Ọkpara ahaghị ka Nna ya tupu ya abịa n’ụwa, ọ haghịkwa ka ya mgbe ọ bịasịrị

Ọkpara rubere isi n’eluigwe, ọ bụ Nna ya zitere ya. Jn 8:42; 12:49

O rubere isi n’ụwa, Nna ya ka ya ukwuu. Jn 14:28; 5:19; Hib 5:8

E buliri ya elu n’eluigwe, ma ọ ka

nọ n’okpuru Nna ya. Fil 2:9; 1Kọ 15:28; Mt 20:23

Jehova bụ isi Kraịst, bụrụkwa Chineke ya. 1Kọ 11:3; Jn 20:17; Mkp 1:6

CH. Otú Chineke na Kraịst si bụrụ otu

Ha na-emekọ ihe ọnụ mgbe niile. Jn 8:28, 29; 14:10

Ha bụ otu, dị ka di na nwunye si bụrụ otu. Jn 10:30; Mt 19:4-6

Ndị niile kwere ekwe aghaghị ịbụ otu otú a. Jn 17:20-22; 1Kọ 1:10

Otu ofufe nke a na-efe Jehova site na Kraịst

ga-adịru mgbe ebighị ebi. Jn 4:23, 24

D. Mmụọ nsọ Chineke bụ ike ya nke nọ n’ọrụ

Ọ bụ ike, ọ bụghị onye. Mt 3:16; Jn 20:22; Ọrụ 2:4, 17, 33

Ọ bụghị onye ya na Chineke na Kraịst nọ n’eluigwe. Ọrụ 7:55, 56; Mkp 7:10

Chineke na-eji ya emezu nzube ya. Ọma 104:30; 1Kọ 12:4-11

Ndị na-efe Chineke na-anata ya, ọ na-eduzi ha. 1Kọ 2:12, 13; Ga 5:16

6. Baptizim

A. Ọ bụ ihe a chọrọ n’aka Onye Kraịst

Jizọs gosiri ihe nlereanya. Mt 3:13-15; Hib 10:7

Ọ bụ ihe na-egosi mmadụ ịjụ onwe

ya ma ọ bụ ịrara onwe ya nye. Mt 16:24; 1Pi 3:21

Ọ dịịrị naanị ndị toruru ịbụ ndị e ziri ihe. Mt 28:19, 20; Ọrụ 2:41

Imikpu mmadụ n’ime mmiri bụ otú e kwesịrị isi eme ya. Ọrụ 8:38, 39; Jn 3:23

B. Ọ dịghị asachapụ mmehie

E meghị Jizọs baptizim iji sachapụ mmehie ya. 1Pi 2:22; 3:18

Ọ bụ ọbara Jizọs na-asachapụ mmehie. 1Jn 1:7

7. Baịbụl

A. Okwu Chineke si n’ike mmụọ nsọ

Mmụọ Chineke kpaliri ndị mmadụ ide ya. 2Pi 1:20, 21

Amụma dị n’ime ya: Da 8:5, 6, 20-22; Lu 21:5, 6, 20-22; Aịz 45:1-4

Baịbụl dum si n’ike mmụọ nsọ, baakwa uru. 2Ti 3:16, 17; Ro 15:4

B. Ọ bụ ihe nduzi bara uru maka oge anyị

Ileghara ụkpụrụ Baịbụl anya na-eweta ọnwụ. Ro 1:28-32

A pụghị iji amamihe mmadụ dochie ya. 1Kọ 1:21, 25; 1Ti 6:20

Ọ bụ ihe ga-echebe anyị ka onye iro anyị

kasị ike ghara imeri anyị. Efe 6:11, 12, 17

Ọ na-eduzi mmadụ n’ezi ụzọ. Ọma 119:105; 2Pi 1:19; Ilu 3:5, 6

CH. E dere ya maka ndị mba niile na agbụrụ niile

A malitere ide Baịbụl n’Ebe Ọwụwa Anyanwụ. Ọp 17:14; 24:12, 16; 34:27

Ọ bụ Chineke nyere anyị ya, o nyeghị ya naanị ndị Yurop. Ro 10:11-13; Ga 3:28

Chineke na-anabata ụdị mmadụ niile. Ọrụ 10:34, 35; Ro 5:18; Mkp 7:9, 10

8. Chọọchị

A. Chọọchị bụ ihe ime mmụọ, e wuru ya n’elu Kraịst

Chineke adịghị ebi n’ụlọ nsọ mmadụ wuru. Ọrụ 17:24, 25; 7:48

Ezi chọọchị bụ ụlọ nsọ ime mmụọ nke e ji nkume dị ndụ wuo. 1Pi 2:5, 6

Kraịst bụ nkume isi nkuku ya; ndị ozi bụ ntọala nke na-akwado ya. Efe 2:20

A ghaghị ife Chineke n’ime mmụọ na eziokwu. Jn 4:24

B. E wukwasịghị chọọchị n’elu Pita

Jizọs asịghị na e wukwasịrị chọọchị n’elu Pita. Mt 16:18

E kwuru na ọ bụ Jizọs bụ “oké nkume” ahụ. 1Kọ 10:4

Pita kwuru na ọ bụ Jizọs bụ ntọala. 1Pi 2:4, 6-8; Ọrụ 4:8-12

9. Ekpere

A. Ekpere ndị Chineke na-anụ

Chineke na-aṅa ntị n’ekpere ndị mmadụ. Ọma 145:18; 1Pi 3:12

Ọ dịghị anụ ekpere ndị na-emebi iwu ọ gwụla

ma hà gbanwere ụzọ ha. Aịz 1:15-17

A ghaghị ikpe ekpere n’aha Jizọs. Jn 14:13, 14; 2Kọ 1:20

A ghaghị ikpe ekpere dị ka uche Chineke si dị. 1Jn 5:14, 15

Okwukwe dị oké mkpa. Jes 1:6-8

B. Okwu nkwukwasị efu, ikpeku Meri ma ọ bụ “ndị senti” ekpere ekwesịghị ekwesị

A ghaghị ikpeku Chineke ekpere n’aha Jizọs. Jn 14:6, 14; 16:23, 24

Ọ gaghị anụ okwu nkwukwasị. Mt 6:7

10. Ekwensu, Ndị Mmụọ Ọjọọ

A. Ekwensu bụ onye mmụọ

Ọ bụghị ajọ omume nke dị n’ime mmadụ kama ọ bụ onye mmụọ. 2Ti 2:26

Ekwensu bụ onye dị adị, dị ka ndị mmụọ ozi bụ ndị dị adị. Mt 4:1, 11; Job 1:6

O mere onwe ya Ekwensu site n’ọchịchọ ọjọọ. Jes 1:13-15

B. Ekwensu bụ onye a na-adịghị ahụ anya nke na-achị ụwa

Ụwa dị n’aka ya. Ọ bụ chi ya. 2Kọ 4:4; 1Jn 5:19; Mkp 12:9

A hapụrụ ya ka ọ nọrọ ruo mgbe e doziri ihe iseokwu. Ọp 9:16; Jn 12:31

A ga-atụba ya n’abis, e mesịa, e bibie ya. Mkp 20:2, 3, 10

CH. Ndị mmụọ ọjọọ bụ ndị mmụọ ozi nupụrụ isi

Ha sonyeere Setan tupu Iju Mmiri. Je 6:1, 2; 1Pi 3:19, 20

E wedara ha ala, mee ka ha ghara inweta ìhè ọ bụla. 2Pi 2:4; Jud 6

Ha na-alụso Chineke ọgụ, na-emegbu ụmụ mmadụ. Lu 8:27-29; Mkp 16:13, 14

A ga-ebibi ha na Setan. Mt 25:41; Lu 8:31; Mkp 20:2, 3, 10

11. Eluigwe

A. Ọ bụ naanị 144,000 ga-aga eluigwe

A kpaara ọnụ ọgụgụ ha ókè; ha ga-eso Kraịst bụrụ eze. Mkp 5:9, 10; 20:4

Jizọs bụ onye mbụ; a họọrọ ndị ọzọ kemgbe ahụ. Kọl 1:18; 1Pi 2:21

Ọtụtụ ndị ọzọ ga-ebi n’ụwa. Ọma 72:8; Mkp 21:3, 4

144,000 nọ n’ọnọdụ pụrụ iche nke ndị ọzọ na-anọghị. Mkp 14:1, 3; 7:4, 9

12. Ememme Ncheta, Mas

A. Ime Ememme Nri Anyasị nke Onyenwe Anyị

A na-eme ya otu ugboro n’afọ n’ụbọchị

Ememme Ngabiga. Lu 22:1, 17-20; Ọp 12:14

A na-eme ya ka e wee cheta ọnwụ Kraịst

nwụrụ iji chụọ àjà. 1Kọ 11:26; Mt 26:28

Ndị nwere olileanya eluigwe na-eri ya. Lu 22:29, 30; 12:32, 37

Otú mmadụ si amata na ya nwere olileanya ahụ. Ro 8:15-17

B. Mas esighị n’Akwụkwọ Nsọ

A ghaghị ịwụsị ọbara ka e wee gbaghara mmadụ mmehie. Hib 9:22

Ọ bụ naanị Kraịst bụ Onye Ogbugbo

nke ọgbụgba ndụ ọhụrụ. 1Ti 2:5, 6; Jn 14:6

Kraịst nọ n’eluigwe; ụkọchukwu adịghị akpọdata ya. Ọrụ 3:20, 21

Ọ dịghị mkpa ịchụghachi àjà Kraịst chụworo. Hib 9:24-26; 10:11-14

13. Hel (Hedis, Sheol)

A. Ọ bụghị ebe nkịtị e ji ọkụ emekpa mmadụ ahụ́

Job bụ́ onye nọ n’ahụhụ kpere ekpere ka ya jee ebe ahụ. Job 14:13

A dịghị arụ ọrụ na ya. Ọma 6:5; Ek 9:10; Aịz 38:18, 19

E si n’ili, ya bụ, hel, kpọlite Jizọs. Ọrụ 2:27, 31, 32; Ọma 16:10

Hel ga-ewepụta ndị ọzọ nwụrụ anwụ, a ga-ebibi ya. Mkp 20:13, 14

B. Ọkụ na-anọchi anya ịla n’iyi

Ọkụ nọchiri anya ọnwụ. Mt 25:41, 46; 13:30

Ndị ajọ omume na-echegharịghị, a ga-ebibi ha ruo

mgbe ebighị ebi dị ka à ga-asị na e ji ọkụ. Hib 10:26, 27

‘Imekpa Setan ahụ́’ n’ọkụ bụ ọnwụ ebighị ebi. Mkp 20:10, 14, 15

CH. Akụkọ ọgaranya na Lazarọs adịghị egosi na a na-emekpa mmadụ ahụ́ ruo mgbe ebighị ebi

Ọkụ a abụghị ọkụ nkịtị dị ka obi Ebreham na-abụghị obi nkịtị. Lu 16:22-24

Inwe ihu ọma Ebreham dị iche n’ịnọ n’ọchịchịrị. Mt 8:11, 12

A kpọrọ mbibi a ga-ebibi Babịlọn imekpa ya ahụ́ n’ọkụ. Mkp 18:8-10, 21

14. Ife Meri

A. Meri bụ nne Jizọs, ọ bụghị “nne nke Chukwu”

Chineke enweghị mmalite. Ọma 90:2; 1Ti 1:17

Meri bụ nne Ọkpara Chineke, mgbe Ọ nọ n’ụwa. Lu 1:35

B. Meri abụghị ‘nwa agbọghọ na-amaghị nwoke ruo mgbe ebighị ebi’

Ọ lụrụ Josef. Mt 1:19, 20, 24, 25

Ọ mụrụ ụmụ ndị ọzọ ma e wezụga Jizọs. Mt 13:55, 56; Lu 8:19-21

N’oge ahụ, ha abụghị “ụmụnna ya n’ụzọ ime mmụọ.” Jn 7:3, 5

15. Ife Ndị Nna Ochie Ofufe

A. Ife ndị nna ochie ofufe bụ ihe efu

Ndị nna ochie anwụwo, ha amaghị ihe ọ bụla. Ek 9:5, 10

Ndị nna ochie mbụ anyị erughị eru ka e fee ha ofufe. Ro 5:12, 14; 1Ti 2:14

Chineke kwuru ka a ghara ife ụdị ofufe ahụ. Ọp 34:14; Mt 4:10

B. A pụrụ ịsọpụrụ mmadụ, ma naanị Chineke ka a ga-efe ofufe

Ndị ntorobịa kwesịrị ịsọpụrụ ndị tọrọ ha. 1Ti 5:1, 2, 17; Efe 6:1-3

Ma ọ bụ naanị Chineke ka a ga-efe ofufe. Ọrụ 10:25, 26; Mkp 22:8, 9

16. Ihe Mgbapụta

A. E ji ndụ Jizọs dịrị dị ka mmadụ kwụọ ụgwọ ka ọ bụrụ ‘ihe mgbapụta maka mmadụ niile’

Jizọs nyere ndụ ya ka ọ bụrụ ihe mgbapụta. Mt 20:28

Uru nke ọbara ọ wụsịrị na-eme ka a gbaghara ndị mmadụ mmehie. Hib 9:14, 22

Otu àjà ezuwo maka mgbe niile. Ro 6:10; Hib 9:26

Abamuru ya adịghị abịara onwe ya; a ghaghị ịnabata ya anabata. Jn 3:16

B. Ya na ụgwọ e ji ya kwụọ hà

Adam zuru okè mgbe e kere ya. Di 32:4; Ek 7:29; Je 1:31

Ọ tụfuru izu okè ya na nke ụmụ ya site n’ime mmehie. Ro 5:12, 18

Ụmụ ya apụghị ịgbapụta onwe ha;

a chọrọ onye ya na Adam hà. Ọma 49:7; Di 19:21

Ndụ zuru okè Jizọs dịrị dị ka mmadụ bụ ihe mgbapụta. 1Ti 2:5, 6; 1Pi 1:18, 19

17. Ihe Oyiyi

A. Iji ihe oyiyi na ihe a kpụrụ akpụ efe ofufe bụ ịkọcha Chineke

A pụghị ime ihe oyiyi nke Chineke. 1Jn 4:12; Aịz 40:18; 46:5; Ọrụ 17:29

A dọrọ Ndị Kraịst aka ná ntị banyere ihe oyiyi. 1Kọ 10:14; 1Jn 5:21

Ha aghaghị ife Chineke n’ime mmụọ na eziokwu. Jn 4:24

B. Ife ihe oyiyi ofufe wetaara mba Izrel ọnwụ

A gwara ndị Juu ka ha ghara ife ihe oyiyi ofufe. Ọp 20:4, 5

Ihe oyiyi apụghị ịnụ ihe ma ọ bụ ikwu okwu;

ndị na-eme ha ga-adị ka ha. Ọma 115:4-8

O wetara ọnyà na mbibi. Ọma 106:36, 40-42; Jer 22:8, 9

CH. ‘Iji ihe oyiyi efe Chineke ofufe’ ekwesịghị ekwesị

Chineke ekweghị ka ‘e jiri ihe oyiyi’ fee ya ofufe. Aịz 42:8

Ọ bụ naanị Chineke bụ “Onye na-anụ ekpere.” Ọma 65:1, 2

18. Ịgba Àmà

A. Ndị Kraịst niile aghaghị ịgba àmà, kwusaa ozi ọma

Ha aghaghị ikwupụta Jizọs n’ihu ụmụ mmadụ

ka ihe ha wee masị Chineke. Mt 10:32

Ha aghaghị ịbụ ndị na-eme okwu ya, ndị na-egosi okwukwe. Jes 1:22-24; 2:24

Ndị ọhụrụ kwesịkwara ịghọ ndị ozizi. Mt 28:19, 20

Nkwupụta ihu ọha na-eweta nzọpụta. Ro 10:10

B. Ọ dị mkpa ije ugboro ugboro, ịnọgide na-agba àmà

A ghaghị ịdọ ndị mmadụ aka ná ntị banyere ọgwụgwụ. Mt 24:14

Jeremaya mara ọkwa ruo ọtụtụ afọ na a ga-ebibi Jeruselem. Jer 25:3

Dị ka Ndị Kraịst oge mbụ, ha apụghị ịkwụsị. Ọrụ 4:18-20; 5:28, 29

CH. Ha aghaghị ịgba àmà ka ikpe ọbara ghara ịma ha

A ghaghị ịdọ ndị mmadụ aka ná ntị maka

ọgwụgwụ nke na-abịa. Ezi 33:7; Mt 24:14

Adọghị ndị mmadụ aka ná ntị na-eweta ikpe ọmụma ọbara. Ezi 33:8, 9; 3:18, 19

Ikpe ọbara amaghị Pọl; ihe niile o kwuru bụ eziokwu. Ọrụ 20:26, 27; 1Kọ 9:16

Ọ na-azọpụta ma onye àmà ma onye na-aṅa ntị. 1Ti 4:16; 1Kọ 9:22

19. Ịgwọ Ọrịa, Ịsụ Asụsụ Dị Iche Iche

A. Uru ọgwụgwọ ime mmụọ bara na-adịgide adịgide

Ọrịa ime mmụọ na-eweta mbibi. Aịz 1:4-6; 6:10; Ho 4:6

Ọgwụgwọ ime mmụọ bụ ọrụ bụ́ isi. Jn 6:63; Lu 4:18

Ọ na-ewepụ mmehie; ọ na-enye obi ụtọ na ndụ. Jes 5:19, 20; Mkp 7:14-17

B. Alaeze Chineke ga-eweta ọgwụgwọ anụ ahụ́ na-adịgide adịgide

Jizọs gwọrọ ọrịa, kwusaa ngọzi Alaeze. Mt 4:23

E kwere nkwa Alaeze ịbụ ihe ngwọta na-adịgide adịgide. Mt 6:10; Aịz 9:7

A ga-ewepụ ọbụna ọnwụ. 1Kọ 15:25, 26; Mkp 21:4; 20:14

CH. E nweghị ihe na-egosi na iji okwukwe agwọ ọrịa n’oge a masịrị Chineke

Ndị na-eso ụzọ Kraịst ejighị ọrụ ebube gwọọ onwe ha. 2Kọ 12:7-9; 1Ti 5:23

Onyinye ịrụ ọrụ ebube kwụsịrị mgbe oge ndị ozi gasịrị. 1Kọ 13:8-11

Ịgwọ ọrịa abụghị ihe na-egosi kpọmkwem na

mmadụ nwere ihu ọma Chineke. Mt 7:22, 23; 2Te 2:9-11

D. Ịsụ asụsụ dị iche iche bụ ndokwa dịrị naanị nwa oge

Ọ bụ ihe ịrịba ama; e kwesịrị ịchọ onyinye ndị ka ukwuu. 1Kọ 14:22; 12:30, 31

E buru amụma na onyinye ọrụ ebube nke mmụọ nsọ ga-agabiga. 1Kọ 13:8-10

Ọrụ ebube abụghị ihe na-egosi kpọmkwem na

mmadụ nwere ihu ọma Chineke. Mt 7:22, 23; 24:24

20. Jehova, Chineke

A. Aha Chineke

“Chineke” bụ utu aha; Onyenwe anyị nwere aha nke onwe ya. 1Kọ 8:5, 6

Anyị na-ekpe ekpere ka e doo aha ya nsọ. Mt 6:9, 10

Jehova bụ aha Chineke. Ọma 83:18; Ọp 6:2, 3; 3:15; Aịz 42:8

Aha ya dị ná nsụgharị KJ. Ọp 6:3 (Ihe e dere n’ala ala

peeji nke nsụgharị Dy). Ọma 83:18; Aịz 12:2; 26:4

Jizọs mere ka a mara aha ahụ. Jn 17:6, 26; 5:43; 12:12, 13, 28

B. Ịdị adị Chineke

A pụghị ịhụ Chineke anya ma dị ndụ. Ọp 33:20; Jn 1:18; 1Jn 4:12

Ọ dịghị mkpa ịhụ Chineke iji kwere. Hib 11:1; Ro 8:24, 25; 10:17

A na-amata Chineke site n’ọrụ ya ndị a na-ahụ anya. Ro 1:20; Ọma 19:1, 2

Mmezu amụma na-egosi na Chineke dị adị. Aịz 46:8-11

CH. Àgwà Chineke

Chineke bụ ịhụnanya. 1Jn 4:8, 16; Ọp 34:6; 2Kọ 13:11; Maị 7:18

Amamihe ya kasị ukwuu. Job 12:13; Ro 11:33; 1Kọ 2:7

Ọ bụ onye ezi omume, ọ na-ekpe ikpe ziri ezi. Di 32:4; Ọma 37:28

Ọ bụ onye pụrụ ime ihe niile, o nwere ike niile. Job 37:23; Mkp 7:12; 4:11

D. Ọ bụghị mmadụ niile na-ejere otu Chineke ahụ ozi

Ụzọ yiri nke dị mma adịghị ezi ezi mgbe niile. Ilu 16:25; Mt 7:21

E nwere ụzọ abụọ, naanị otu na-eduba ná ndụ. Mt 7:13, 14; Di 30:19

E nwere ọtụtụ chi, ma ọ bụ naanị otu ezi Chineke dị. 1Kọ 8:5, 6; Ọma 82:1

Ịmata ezi Chineke dị oké mkpa iji nweta ndụ. Jn 17:3; 1Jn 5:20

21. Jizọs

A. Jizọs bụ Ọkpara Chineke na Eze ọ họpụtara

Onye Chineke bu ụzọ mụọ, e si n’aka ya kee ihe niile ọzọ. Mkp 3:14; Kọl 1:15-17

E mere ka ọ ghọọ mmadụ nke nwaanyị mụrụ,

nke dị ala karịa ndị mmụọ ozi. Ga 4:4; Hib 2:9

E ji mmụọ Chineke mụọ ya, o wee nwee olileanya ibi n’eluigwe. Mt 3:16, 17

E buliri ya elu karịa otú ọ dị tupu ọ ghọọ mmadụ. Fil 2:9, 10

B. Ikwere na Jizọs Kraịst dị oké mkpa iji nweta nzọpụta

Kraịst bụ Mkpụrụ Ebreham nke e kwere ná nkwa. Je 22:18; Ga 3:16

Naanị Jizọs bụ Nnukwu Onye

Nchụàjà na ihe mgbapụta. 1Jn 2:1, 2; Hib 7:25, 26; Mt 20:28

A ga-enweta ndụ site n’ịmara Chineke na Kraịst,

site n’irube isi. Jn 17:3; Ọrụ 4:12

CH. A chọrọ ihe karịrị ikwere na Jizọs

A ghaghị ikwere na ya, rụọkwa ọrụ. Jes 2:17-26; 1:22-25

A ghaghị irube isi n’iwu ya, rụọ ọrụ ọ rụrụ. Jn 14:12, 15; 1Jn 2:3

Ọ bụghị ndị niile na-akpọ aha Onyenwe anyị ga-aba n’Alaeze. Mt 7:21-23

22. Mbilite n’Ọnwụ

A. Ọ bụ olileanya dịịrị ndị nwụrụ anwụ

A ga-akpọlite ndị niile nọ n’ili. Jn 5:28, 29

Mbilite n’ọnwụ Jizọs bụ ihe na-emesi anyị obi ike. 1Kọ 15:20-22; Ọrụ 17:31

Ndị mehiere mmụọ nsọ agaghị ebili. Mt 12:31, 32

E mere ka obi sie ndị na-egosi okwukwe ike na ha ga-enweta ya. Jn 11:25

B. Ibilite n’ọnwụ wee dịrị ndụ n’eluigwe ma ọ bụ n’ụwa

Mmadụ niile na-anwụ n’ime Adam;

ha na-enweta ndụ n’ime Jizọs. 1Kọ 15:20-22; Ro 5:19

E nwere ọdịiche n’otú ndị a ga-akpọlite ga-adị. 1Kọ 15:40, 42, 44

Ndị ga-eso Jizọs ga-adị ka ya. 1Kọ 15:49; Fil 3:20, 21

Ndị na-agaghị eso chịa ga-anọ n’ụwa. Mkp 20:4b, 5, 13; 21:3, 4

23. Oge Ikpeazụ

A. Ihe “ọgwụgwụ ụwa” pụtara

Ọ bụ ọgwụgwụ usoro ihe a. Mt 24:3; 2Pi 3:5-7; Mk 13:4

Ọ bụghị ọgwụgwụ ụwa nkịtị, kama nke ajọ usoro a. 1Jn 2:17

A ga-enwe oge ọgwụgwụ tupu mbibi abịa. Mt 24:14

Ndị ezi omume ga-alanahụ; ụwa ọhụrụ ga-esochi. 2Pi 2:9; Mkp 7:14-17

B. Ọ dị mkpa ịmụrụ anya iji mata ihe ịrịba ama nke oge ikpeazụ

Chineke nyere ihe ịrịba ama iji duzie anyị. 2Ti 3:1-5; 1Te 5:1-4

Ụwa aghọtaghị na ọ dị mkpa. 2Pi 3:3, 4, 7; Mt 24:39

Chineke adịghị egbu oge, kama ọ na-adọ ndị mmadụ aka ná ntị. 2Pi 3:9

A ga-enweta ụgwọ ọrụ n’ihi ịmụrụ anya, n’ihi iji ya kpọrọ ihe. Lu 21:34-36

24. Mkpụrụ Obi

A. Ihe mkpụrụ obi bụ

Mmadụ bụ mkpụrụ obi. Je 2:7; 1Kọ 15:45; Jọs 11:11; Ọrụ 27:37

A kpọkwara ụmụ anụmanụ mkpụrụ obi. Ọg 31:28; Mkp 16:3; Le 24:18

Mkpụrụ obi nwere ọbara, ọ na-eri ihe,

ọ pụrụ ịnwụ anwụ. Jer 2:34; Le 7:18; Ezi 18:4

E kwuru na mmadụ nke dị ndụ nwere mkpụrụ obi. Mk 8:36; Jn 10:15

B. Ihe dị iche n’etiti mkpụrụ obi na mmụọ

Ndụ nke mmadụ ma ọ bụ ihe e kere eke dị bụ mkpụrụ obi. Jn 10:15; Le 17:11

Ike ndụ nke na-eme ka mkpụrụ obi rụwa

ọrụ ka a na-akpọ “mmụọ.” Ọma 146:4; 104:29

Mgbe mmadụ nwụrụ, ike ndụ na-alaghachikwuru Chineke. Ek 12:7

Ọ bụ naanị Chineke pụrụ ime ka ike ndụ rụwa ọrụ. Ezi 37:12-14

25. Mmegide, Mkpagbu

A. Ihe mere e ji emegide Ndị Kraịst

A kpọrọ Jizọs asị, o buru amụma na a ga-emegide ha. Jn 15:18-20; Mt 10:22

Ịgbaso ụkpụrụ ziri ezi na-ama ụwa ikpe. 1Pi 4:1, 4, 12, 13

Setan, bụ́ chi nke usoro ihe a, na-emegide Alaeze. 2Kọ 4:4; 1Pi 5:8

Onye Kraịst adịghị atụ egwu, Chineke na-akwado ya. Ro 8:38, 39; Jes 4:8

B. Nwunye ekwesịghị ikwe ka di kewapụ ya n’ebe Chineke nọ

E buwo ụzọ dọọ aka ná ntị; ndị ọzọ pụrụ iduhie di ya. Mt 10:34-38; Ọrụ 28:22

Ọ ghaghị ilekwasị Chineke na Kraịst anya. Jn 6:68; 17:3

Ọ pụrụ ịzọpụtakwa di ya site n’ikwesị ntụkwasị obi. 1Kọ 7:16; 1Pi 3:1-6

Di bụ isi, ma ọ bụghị ya ga-ekpebi otú a ga-esi fee ofufe. 1Kọ 11:3; Ọrụ 5:29

CH. Di ekwesịghị ikwe ka nwunye gbochie ya ijere Chineke ozi

Ọ ghaghị ịhụ nwunye ya na ezinụlọ ya n’anya,

ọ ga-achọ ka ha nweta ndụ. 1Kọ 7:16

Ọ bụ ọrụ ya ime mkpebi, igbo mkpa ha. 1Kọ 11:3; 1Ti 5:8

Chineke na-ahụ nwoke nke na-akwado eziokwu n’anya. Jes 1:12; 5:10, 11

Ikwenyere ihe ọjọọ ka udo wee dị na-eweta iwe Chineke. Hib 10:38

Na-edu ezinụlọ gị ruo mgbe ha ga-enweta obi ụtọ n’ime ụwa ọhụrụ. Mkp 21:3, 4

26. Mmehie

A. Ihe mmehie bụ

Ọ bụ imebi iwu Chineke na ụkpụrụ ya zuru okè. 1Jn 3:4; 5:17

Mmadụ ga-aza Chineke ajụjụ, ebe ọ bụ Ya kere ya. Ro 14:12; 2:12-15

Iwu kọwara ihe mmehie bụ́, mee ka ndị mmadụ mara na ọ dị. Ga 3:19; Ro 3:20

Mmadụ niile nọ ná mmehie, ha erughị ihe ọ̀tụ̀tụ̀

zuru okè nke Chineke. Ro 3:23; Ọma 51:5

B. Ihe mere mmadụ niile ji na-ata ahụhụ n’ihi mmehie Adam

Adam bufere mmadụ niile ezughị okè na ọnwụ. Ro 5:12, 18

Ọ bụ ebere Chineke mere o ji na-edi

ihe ụmụ mmadụ na-eme. Ọma 103:8, 10, 14, 17

Àjà Jizọs na-ekpuchi mmehie anyị. 1Jn 2:2

A ga-ewepụ mmehie na ọrụ niile ọzọ nke Ekwensu. 1Jn 3:8

CH. Mkpụrụ osisi ahụ a machibidoro iwu bụ nnupụisi, ọ bụghị mmekọahụ

E nyere iwu ka a ghara iri osisi ahụ mgbe a na-ekebeghị Iv. Je 2:17, 18

A gwara Adam na Iv ka ha mụọ ụmụ. Je 1:28

Ọ bụghị mmehie wetara ụmụ, kama ọ bụ ngọzi Chineke. Ọma 127:3-5

Iv mehiere mgbe di ya na-anọghị; o chereghị di ya. Je 3:6; 1Ti 2:11-14

Adam, onye bụ́ isi, nupụrụ isi n’iwu Chineke. Ro 5:12, 19

D. Ihe imehie mmụọ nsọ bụ (Mt 12:32; Mk 3:28, 29)

Ọ bụghị mmehie e ketara eketa. Ro 5:8, 12, 18; 1Jn 5:17

Mmadụ pụrụ ime ka mmụọ nsọ nwee mwute,

ma onye ahụ pụrụ ịgbanwe. Efe 4:30; Jes 5:19, 20

Ilezi anya nọrọ na-eme mmehie na-eduba n’ọnwụ. 1Jn 3:6-9

Chineke na-ekpe ndị dị otú ahụ ikpe, ọ na-ewepụ mmụọ ya. Hib 6:4-8

Anyị ekwesịghị ikpere ndị ahụ na-enweghị nchegharị ekpere. 1Jn 5:16, 17

27. Mmụọ, Ime Mgbaasị

A. Ihe mmụọ nsọ bụ

Ọ bụ ike Chineke nke nọ n’ọrụ, ọ bụghị onye. Ọrụ 2:2, 3, 33; Jn 14:17

E ji ya kee ihe, dee Baịbụl, meekwa ihe ndị ọzọ. Je 1:2; Ezi 11:5

E ji ya amụ ndị so n’ahụ́ Kraịst, e ji ya ete ha mmanụ. Jn 3:5-8; 2Kọ 1:21, 22

Ọ na-enye ike, na-edu ndị Chineke taa. Ga 5:16, 18

B. A na-akpọ ike ndụ mmụọ

Ọ bụ ihe na-eme ka a dị ndụ, iku ume na-eme ka ọ dịgide. Jes 2:26; Job 27:3

Ike ndụ dị n’aka Chineke. Zek 12:1; Ek 8:8

Ọ bụ Chineke nwe ike ndụ, ma nke mmadụ ma nke anụmanụ. Ek 3:19-21

A na-enyefe mmụọ n’aka Chineke, nwee

olileanya mbilite n’ọnwụ. Lu 23:46

CH. A ghaghị ịjụ mgbaasị dị ka ọrụ ndị mmụọ ọjọọ

Okwu Chineke machibidoro ya iwu. Aịz 8:19, 20; Le 19:31; 20:6, 27

Ịkọ ọdịnihu bụ ife ndị mmụọ ọjọọ; a kagburu ya. Ọrụ 16:16-18

Ọ na-eduga ná mbibi. Ga 5:19-21; Mkp 21:8; 22:15

A machibidoro ịgụ kpakpando iwu. Di 18:10-12; Jer 10:2

28. Ndịàmà Jehova

A. Mgbe Ndịàmà Jehova malitere

Jehova na-eme ka a mata ndịàmà ya. Aịz 43:10-12; Jer 15:16

Ndịàmà ya kwesịrị ntụkwasị obi malitere n’Ebel. Hib 11:4, 39; 12:1

Jizọs bụ ezi onye àmà nke kwesịrị ntụkwasị obi. Jn 18:37; Mkp 1:5; 3:14

29. Ndị Amụma Ụgha

A. E buru amụma na a ga-enwe ndị amụma ụgha; ha dịrị n’oge ndịozi

Ụkpụrụ e ji amata ndị amụma ụgha. Di 18:20-22; Lu 6:26

E buru amụma na a ga-enwe ha;

a ga-amata ha site ná mkpụrụ ha. Mt 24:23-26; 7:15-23

30. Ndụ

A. Ụmụ mmadụ ndị na-erube isi aghaghị inweta ndụ ebighị ebi

Chineke, onye na-apụghị ịgha ụgha, kwere nkwa ndụ. Taị 1:2; Jn 10:27, 28

E kwere ndị nwere okwukwe nkwa ndụ ebighị ebi. Jn 11:25, 26

A ga-ebibi ọnwụ. 1Kọ 15:26; Mkp 21:4; 20:14; Aịz 25:8

B. Ọ bụ naanị ndị so n’ahụ́ Kraịst ga-eketa ndụ n’eluigwe

Chineke na-ahọrọ ndị ahụ dị ka o si masị ya. Mt 20:23; 1Kọ 12:18

Naanị 144,000 ka e si n’ụwa kpọrọ. Mkp 14:1, 4; 7:2-4; 5:9, 10

Ọbụna Jọn Onye Na-eme Baptizim agaghị anọ n’Alaeze eluigwe. Mt 11:11

CH. E kwere ọnụ ọgụgụ a na-akparaghị ókè, bụ́ “atụrụ ọzọ,” nkwa ịdị ndụ n’ụwa

Ọnụ ọgụgụ a kpaara ókè ga-eso Jizọs nọrọ n’eluigwe. Mkp 14:1, 4; 7:2-4

“Atụrụ ọzọ” abụghị ụmụnna Kraịst. Jn 10:16; Mt 25:32, 40

A na-achịkọta ọtụtụ ndị ugbu a ka ha lanahụ n’ụwa. Mkp 7:9, 15-17

A ga-akpọlite ndị ọzọ ka ha dịrị ndụ n’ụwa. Mkp 20:12; 21:4

31. Ngwakọta Okwukwe

A. Isonyere okpukpe ndị ọzọ abụghị ụzọ Chineke

E nwere naanị otu ụzọ, ọ dị warara,

mmadụ ole na ole na-achọta ya. Efe 4:4-6; Mt 7:13, 14

A dọrọ aka ná ntị na ozizi ụgha na-emerụ emerụ. Mt 16:6, 12; Ga 5:9

E nyere iwu ka a nọpụ iche. 2Ti 3:5; 2Kọ 6:14-17; Mkp 18:4

B. “Okpukpe niile dị mma” abụghị eziokwu

Ụfọdụ na-anụ ọkụ n’obi ma ọ bụghị dị ka Chineke si chọọ. Ro 10:2, 3

Ihe ọjọọ na-emebi ihe ọ bụla ọzọ nke pụrụ ịdị mma. 1Kọ 5:6; Mt 7:15-17

Ndị ozizi ụgha na-eweta mbibi. 2Pi 2:1; Mt 12:30; 15:14

Ofufe dị ọcha chọrọ ofufe a na-ekewaghị ekewa. Di 6:5, 14, 15

32. Nlọghachi Kraịst

A. Ụmụ mmadụ agaghị eji anya nkịtị hụ nlọghachi ya

Ọ gwara ndị na-eso ụzọ ya na ụwa agaghị ahụ ya ọzọ. Jn 14:19

Ọ bụ naanị ndị na-eso ụzọ ya hụrụ mgbe ọ rịgooro;

otú ahụ ka nlọghachi ya ga-adị. Ọrụ 1:6, 10, 11

Ọ nọ n’eluigwe, ọ bụ mmụọ a na-adịghị ahụ anya. 1Ti 6:14-16; Hib 1:3

Nlọghachi ya bụ inweta ike Alaeze n’eluigwe. Da 7:13, 14

B. A ga-amata nke a site n’ihe na-eme eme a na-ahụ anya

Ndị na-eso ụzọ ya rịọrọ ya ka ọ gwa ha ihe ịrịba ama nke ọnụnọ ya. Mt 24:3

Ndị Kraịst “ga-ahụ” ọnụnọ ya site ná nghọta. Efe 1:18

Ihe na-egosi ọnụnọ ya dị ọtụtụ. Lu 21:10, 11

Ndị iro “ga-ahụ” ya mgbe mbibi bịakwasịrị ha. Mkp 1:7

33. Nzọpụta

A. Nzọpụta si n’aka Chineke site n’àjà mgbapụta Jizọs

Ndụ bụ onyinye Chineke na-enye site n’aka Ọkpara ya. 1Jn 4:9, 14; Ro 6:23

Nzọpụta ga-abịa naanị site n’àjà Jizọs. Ọrụ 4:12

Mmadụ apụghị ịrụ ọrụ ma ọ bụrụ na o

“chegharịrị n’ọnụ ọnwụ.” Jes 2:14, 26

Mmadụ aghaghị ịrụsi ọrụ ike iji nweta ya. Lu 13:23, 24; 1Ti 4:10

B. “Onye a zọpụtara, a zọpụtachaala ya” esighị n’Akwụkwọ Nsọ

Ndị so keta mmụọ nsọ pụrụ ịdapụ. Hib 6:4, 6; 1Kọ 9:27

E bibiri ọtụtụ ndị Izrel ọ bụ ezie na a zọpụtara ha n’Ijipt. Jud 5

A dịghị azọpụta mmadụ n’otu ntabi anya. Fil 2:12; 3:12-14; Mt 10:22

Ndị laghachiri azụ na-adị njọ karịa otú ha dị mbụ. 2Pi 2:20, 21

CH. “Ịzọpụta mmadụ niile” esighị n’Akwụkwọ Nsọ

Ụfọdụ ndị apụghị ichegharị. Hib 6:4-6

Ọnwụ ndị ajọ omume adịghị atọ Chineke ụtọ. Ezi 33:11; 18:32

Ma ịhụnanya apụghị ịgba ajọ omume nkịtị. Hib 1:9

A ga-ebibi ndị ajọ omume. Hib 10:26-29; Mkp 20:7-15

34. Obe

A. A kwụwara Jizọs n’osisi e ji egbu mmadụ ka ọ bụrụ ihe nkọcha

A kwụwara Jizọs n’osisi e ji egbu mmadụ. Ọrụ 5:30; 10:39; Ga 3:13

Ndị Kraịst aghaghị iburu osisi dị ka ihe nkọcha. Mt 10:38; Lu 9:23

B. E kwesịghị ife ya ofufe

Ibugharị osisi Jizọs bụ ihe nkọcha. Hib 6:6; Mt 27:41, 42

Iji obe na-efe ofufe bụ ikpere arụsị. Ọp 20:4, 5; Jer 10:3-5

Jizọs bụ mmụọ, ọ nọkwaghị n’osisi. 1Ti 3:16; 1Pi 3:18

35. Okike

A. Ya na sayensị nke ziri ezi kwekọrọ; ọ na-egosi na evolushọn bụ ụgha

Sayensị na usoro e ji kee ihe kwekọrọ. Je 1:11, 12, 21, 24, 25

Iwu Chineke nyere ka ihe dịrị “n’ụdị ya dị

iche iche” bụ eziokwu. Je 1:11, 12; Jes 3:12

B. Ụbọchị ndị e ji kee ihe abụghị ụbọchị nke awa iri abụọ na anọ

“Ụbọchị” nwere ike ịpụta naanị oge. Je 2:4

N’anya Chineke, ụbọchị nwere ike ịbụ ogologo oge. Ọma 90:4; 2Pi 3:8

36. Okpukpe

A. Ọ bụ naanị otu ezi okpukpe ka e nwere

Otu olileanya, otu okwukwe, otu baptizim. Efe 4:5, 13

E nyere ya ọrụ ime ndị na-eso ụzọ. Mt 28:19; Ọrụ 8:12; 14:21

A ga-amata ya site ná mkpụrụ ya. Mt 7:19, 20; Lu 6:43, 44; Jn 15:8

Ịhụnanya na nkwekọrịta ga-adị n’etiti ndị òtù ya. Jn 13:35; 1Kọ 1:10; 1Jn 4:20

B. Ọ bụ ihe ziri ezi na a kagburu ozizi ụgha

Jizọs kagburu ozizi ụgha. Mt 23:15, 23, 24; 15:4-9

O mere nke a iji chebe ndị kpuru ìsì. Mt 15:14

Eziokwu mere ka ha nwere onwe ha

ịbụ ndị na-eso ụzọ Jizọs. Jn 8:31, 32

CH. Mmadụ ịgbanwe okpukpe ya dị oké mkpa ma ọ bụrụ na e gosi na o zighị ezi

Eziokwu na-eme ka mmadụ nwere onwe ya;

ọ na-egosi na ọtụtụ ndị ezighị ezi. Jn 8:31, 32

Ndị Izrel na ndị ọzọ hapụrụ ofufe mbụ ha. Jọs 24:15; 2Ez 5:17

Ndị Kraịst oge mbụ gbanwere echiche ha. Ga 1:13, 14; Ọrụ 3:17, 19

Pọl gbanwere okpukpe ya. Ọrụ 26:4-6

A na-eduhie ụwa dum; mmadụ aghaghị

ime ka uche ya dị ọhụrụ. Mkp 12:9; Ro 12:2

D. Ihe yiri ‘ihe ọma n’okpukpe niile’ adịghị egosi ihu ọma Chineke

Ọ bụ Chineke mere ụkpụrụ a ga-agbaso n’ife ofufe. Jn 4:23, 24; Jes 1:27

Okpukpe adịghị mma ma ọ bụrụ na ọ dịghị eme uche Chineke. Ro 10:2, 3

A pụrụ ịjụ “ọrụ ọma.” Mt 7:21-23

A ga-amata ya site ná mkpụrụ ya. Mt 7:20

37. Onye Ozi

A. Ndị Kraịst niile aghaghị ịbụ ndị ozi

Jizọs bụ onye ozi Chineke. Ro 15:8, 9; Mt 20:28

Ndị Kraịst na-eso ihe nlereanya ya. 1Pi 2:21; 1Kọ 11:1

Ha aghaghị ime nkwusa iji jezuo ozi ahụ. 2Ti 4:2, 5; 1Kọ 9:16

B. Ihe ga-eme ka mmadụ ruo eru ije ozi ahụ

Mmụọ Chineke na ihe ọmụma nke Okwu ya. 2Ti 2:15; Aịz 61:1-3

Soro ihe nlereanya Kraịst n’ikwusa ozi ọma. 1Pi 2:21; 2Ti 4:2, 5

Chineke na-eji mmụọ ya na nzukọ ya enye ọzụzụ. Jn 14:26; 2Kọ 3:1-3

38. Ọbara

A. Mmịnye ọbara na-emebi ịdị nsọ nke ọbara

A gwara Noa na ọbara bụ ihe dị nsọ, bụrụkwa ndụ. Je 9:4, 16

Ọgbụgba ndụ Iwu machibidoro iri ọbara iwu. Le 17:14; 7:26, 27

A gwakwara Ndị Kraịst na a machibidoro ya iwu. Ọrụ 15:28, 29; 21:25

B. Ịchọ ịzọpụta ndụ adịghị eme ka imebi iwu Chineke zie ezi

Irube isi dị mma karịa àjà. 1Sa 15:22; Mk 12:33

Mmadụ iji ndụ ya kpọrọ ihe karịa idebe iwu Chineke na-eweta ọnwụ. Mk 8:35, 36

39. Ọdịnihu A Kara Aka

A. A kaghị ọdịnihu mmadụ aka

E ji nzube Chineke n’aka. Aịz 55:11; Je 1:28

E nyere ndị mmadụ ohere ịhọrọ ma hà ga-ejere Chineke ozi. Jn 3:16; Fil 2:12

40. Ọgụgụ Oge

A. Oge Ndị Jentaịl gwụrụ na 1914 (O.A.)

A kwụsịtụrụ inwe ndị ọchịchị alaeze na 607 T.O.A. Ezi 21:25-27

“Oge asaa” ga-agafe tupu e weghachi ọchịchị ahụ. Da 4:32, 16, 17

Asaa = 2 × 3 1/2 oge, ma ọ bụ 2 × 1,260 ụbọchị. Mkp 12:6, 14; 11:2, 3

Otu ụbọchị maka otu afọ. [Ya abụrụ 2,520 afọ] Ezi 4:6; Ọg 14:34

Ọ ga-aga n’ihu ruo mgbe e guzobere Alaeze. Lu 21:24; Da 7:13, 14

41. Ọnwụ

A. Ihe wetara ọnwụ

Mmadụ zuru okè ná mmalite, o nwere olileanya

ndụ na-enweghị ọgwụgwụ. Je 1:28, 31

Nnupụisi mere ka a ma ya ikpe ọnwụ. Je 2:16, 17; 3:17, 19

Ụmụ Adam niile butere mmehie na ọnwụ. Ro 5:12

B. Ọnọdụ ndị nwụrụ anwụ

E kere Adam ịbụ mkpụrụ obi, e nyeghị ya mkpụrụ obi. Je 2:7; 1Kọ 15:45

Ọ bụ mmadụ, ya bụ, mkpụrụ obi, na-anwụ. Ezi 18:4; Aịz 53:12; Job 11:20

Ndị nwụrụ anwụ amaghị ihe ọ bụla. Ek 9:5, 10; Ọma 146:3, 4

Ndị nwụrụ anwụ nọ n’ụra, na-echere

mbilite n’ọnwụ. Jn 11:11-14, 23-26; Ọrụ 7:60

CH. Mmadụ na ndị nwụrụ anwụ apụghị ikwurịta okwu

Ndị nwụrụ anwụ adịghị ndụ dị ka mmụọ

wee binyere Chineke. Ọma 115:17; Aịz 38:18

A dọrọ aka ná ntị ka mmadụ ghara ịnwa ka ya

na ndị nwụrụ anwụ kwurịta okwu. Aịz 8:19; Le 19:31

A mara ndị na-agba afa na ndị na-akọ ọdịnihu ikpe. Di 18:10-12; Ga 5:19-21

42. Ụbọchị Izu Ike

A. Ụbọchị izu ike adịrịghị Ndị Kraịst

Ọnwụ Jizọs wepụrụ Iwu ahụ. Efe 2:15

Ụbọchị Izu Ike adịrịghị Ndị Kraịst. Kọl 2:16, 17; Ro 14:5, 10

A baara ha mba n’ihi idebe Ụbọchị Izu Ike, na ihe ndị ọzọ. Ga 4:9-11; Ro 10:2-4

A na-abanye n’izu ike nke Chineke site n’inwe

okwukwe na irube isi. Hib 4:9-11

B. Ọ bụ naanị ndị Izrel oge ochie ka a chọrọ ka ha na-edebe Ụbọchị Izu Ike

Ha debere Ụbọchị Izu Ike mbụ mgbe ha pụtasịrị n’Ijipt. Ọp 16:26, 27, 29, 30

A gwara naanị ndị Izrel anụ ahụ́ ka ha

debe ya dị ka ihe ịrịba ama. Ọp 31:16, 17; Ọma 147:19, 20

Iwu ahụ kwukwara ka ha na-edebe afọ Izu Ike. Ọp 23:10, 11; Le 25:3, 4

Ọ dịghị mkpa ka Ndị Kraịst debe Ụbọchị Izu Ike. Ro 14:5, 10; Ga 4:9-11

CH. Ụbọchị Izu Ike nke Chineke (ụbọchị nke asaa ‘n’izu’ e kere ihe)

Ọ malitere mgbe e kechara ihe n’ụwa. Je 2:2, 3; Hib 4:3-5

Ọ dịgidere gafee mgbe Jizọs nọ n’ụwa. Hib 4:6-8; Ọma 95:7-9, 11

Ndị Kraịst na-ezu ike n’ọrụ ịchọ ọdịmma onwe onye. Hib 4:9, 10

Ọ ga-agwụ mgbe Alaeze rụchara ọrụ ọ ga-arụ n’ụwa. 1Kọ 15:24, 28

43. Ụbọchị Ọmụmụ, Ememme

A. Ndị Kraịst oge mbụ emeghị ememme icheta ụbọchị ọmụmụ na Krismas

Ọ bụ ndị na-anọghị n’ezi ofufe mere ya. Je 40:20; Mt 14:6

A ga na-eme ememme icheta ụbọchị Jizọs nwụrụ. Lu 22:19, 20; 1Kọ 11:25, 26

Ememme oké mkpọtụ ekwesịghị ekwesị. Ro 13:13; Ga 5:21; 1Pi 4:3

44. Ụwa

A. Ihe Chineke zubere maka ụwa

A rụrụ Paradaịs n’ụwa maka ụmụ mmadụ zuru okè. Je 1:28; 2:8-15

Nzube Chineke aghaghị imezu. Aịz 55:11; 46:10, 11

Ụwa ga-ejupụta ná ndị zuru okè,

bụ́ ndị nọ n’udo. Aịz 45:18; Ọma 72:7; Aịz 9:6, 7

Alaeze ga-eme ka e nweghachi Paradaịs. Mt 6:9, 10; Mkp 21:3-5

B. Ọ dịghị mgbe a ga-ebibi ya ma ọ bụ kpochapụ ndị bi na ya

Ụwa nkịtị ga-adịgide. Ek 1:4; Ọma 104:5

E bibiri ụmụ mmadụ n’oge Noa, ọ bụghị ụwa. 2Pi 3:5-7; Je 7:23

Ihe atụ a mere ka e nwee olileanya nlanahụ n’oge anyị. Mt 24:37-39

A ga-ebibi ndị ajọ omume;

“oké ìgwè mmadụ” ga-alanahụ. 2Te 1:6-9; Mkp 7:9, 14