Abụ ọma Devid.
103 Mkpụrụ obi m, gọzie Jehova,+
Ihe niile nke dị n’ime m, gọzienụ aha nsọ ya.+
2 Mkpụrụ obi m, gọzie Jehova,
Echefukwala ihe niile o mere,+
3 Onye na-agbaghara gị njehie gị dum,+
Onye na-agwọ gị ọrịa gị niile,+
4 Onye napụtara ndụ gị n’olulu,+
Onye kpuwere gị obiọma na ebere dị ka okpueze,+
5 Onye na-eme ka oge ndụ gị niile jupụta n’ihe ọma;+
Oge ntorobịa gị na-adịkwa ọhụrụ dị ka nke ugo.+
6 Jehova na-arụ ọrụ ezi omume,+
Na-ekpechitekwara ndị niile a na-erigbu erigbu ikpe.+
7 O mere ka Mozis mara ụzọ ya,+
Meekwa ka ụmụ Izrel mara ihe ọ na-eme.+
8 Jehova dị ebere, na-emekwa amara,+
Ọ naghị ewe iwe ọsọ ọsọ, o nwere obiọma dị ukwuu.+
9 Ọ gaghị na-ahụta mmejọ mgbe niile,+
Ọ gaghịkwa anọgide na-ewe iwe ruo mgbe ebighị ebi.+
10 Ọ dịghị emeso anyị dị ka mmehie anyị si dị;+
Ọ dịghịkwa enye anyị ntaramahụhụ dị ka njehie anyị si dị.+
11 N’ihi na dị ka eluigwe si dị elu karịa ụwa,+
Otú ahụ ka obiọma o nwere n’ebe ndị na-atụ egwu ya nọ si dị elu.+
12 Dị ka ọwụwa anyanwụ si dị anya site n’ọdịda anyanwụ,+
Otú ahụ ka o mere ka njehie anyị dị anya n’ebe anyị nọ.+
13 Jehova emeworo ndị na-atụ egwu ya ebere+
Dị ka nna si emere ụmụ ya ebere.+
14 N’ihi na ya onwe ya maara nnọọ otú e si kpụọ anyị,+
Ọ na-echeta na anyị bụ ájá.+
15 Ma ụbọchị ndụ nke mmadụ efu yiri nke ahịhịa ndụ;+
Ọ na-awa okooko dị ka okooko osisi dị n’ọhịa.+
16 N’ihi na ifufe efu fesa ya, ya akpọnwụọ;+
Ebe ọ dị agakwaghị amata ya.+
17 Ma obiọma Jehova na-adị site na mgbe ebighị ebi ọbụna ruo mgbe ebighị ebi+
N’ebe ndị na-atụ egwu ya nọ,+
Ezi omume ya na-adịkwara ụmụ ụmụ ha,+
18 N’ebe ndị na-edebe ọgbụgba ndụ ya nọ,+
Nakwa n’ebe ndị na-echeta iwu ya iji debe ya nọ.+
19 Jehova emewo ka ocheeze ya guzosie ike n’eluigwe;+
Alaeze ya na-achịkwa ihe niile.+
20 Gọzienụ Jehova, unu ndị mmụọ ozi+ ya, ndị dị ike nke ukwuu, ndị na-eme ihe o kwuru,+
Site n’irube isi n’iwu ya.+
21 Gọzienụ Jehova, unu ụsụụ ndị agha ya niile,+
Unu ndị ozi ya, ndị na-eme uche ya.+
22 Gọzienụ Jehova, unu ọrụ ya niile,+
N’ebe niile ọ na-achị.+
Gọzie Jehova, mkpụrụ obi m.+