Aịzaya
38 N’oge ahụ, Hezekaya rịara ọrịa ruo n’ọnụ ọnwụ.+ Aịzaya+ nwa Emọz onye amụma wee bịakwute ya, sị ya: “Nke a bụ ihe Jehova kwuru, ‘Nye ezinụlọ gị iwu,+ n’ihi na gị onwe gị ga-anwụ, ị gaghị adị ndụ.’”+ 2 Hezekaya wee chee ihu n’ahụ́ ụlọ+ wee malite ikpeku Jehova ekpere,+ 3 sị: “Ana m arịọ gị arịrịọ, Jehova, biko, cheta+ otú m si jiri eziokwu+ na obi zuru ezu+ jee ije+ n’ihu gị, ọ bụkwa ihe dị mma n’anya gị ka m mere.” Hezekaya wee malite ịkwasi ákwá ike.+
4 Okwu+ Jehova wee ruo Aịzaya ntị, sị: 5 “Jee sị Hezekaya, ‘Nke a bụ ihe Jehova bụ́ Chineke Devid bụ́ nna nna gị+ kwuru: “Anụwo m ekpere gị.+ Ahụwo m anya mmiri gị.+ Lee, m ga-atụkwasị afọ iri na ise n’ụbọchị ndụ gị;+ 6 m ga-anapụtakwa gị na obodo a n’ọbụ aka eze Asiria, m ga-echebekwa obodo a.+ 7 Nke a ga-abụrụ gị ihe ịrịba ama si n’aka Jehova na Jehova ga-eme ihe a o kwuru:+ 8 Lee, m ga-eme ka onyinyo nke gbadaworo agbada n’elu ebe e si arịgo n’ụlọ Ehaz, bụ́ nke ìhè anyanwụ+ mere ka e nwee n’elu ihe nrịgo ahụ, laa azụ nzọụkwụ iri.”’”+ Anyanwụ wee laa azụ nzọụkwụ iri n’elu ihe nrịgo ahụ ọ gbadaworo.+
9 Nke a bụ ihe Hezekaya eze Juda dere, mgbe ọ rịara ọrịa+ ma gbakee n’ọrịa ya.+
10 Mụ onwe m sịrị: “N’etiti ụbọchị ndụ m ka m ga-abanye n’ọnụ ụzọ ámá+ Shiol.
A ga-anapụ m afọ ndụ m fọrọ afọ.”+
11 M sịrị: “Agaghị m ahụ Jaa, ee, Jaa, n’ala ndị dị ndụ.+
Agaghị m ahụ ụmụ mmadụ anya ọzọ—mụ na ndị nọ n’ala ili.
12 E fopụwo+ ebe obibi m, wepụkwa ya n’ebe m nọ dị ka ụlọikwuu ndị ọzụzụ atụrụ.
Afụkọtawo m ndụ m dị ka onye na-ekwe ákwà;
E wee gbubipụ m+ n’eri gara uhie uhie ndị e ji kpaa ákwà.
Malite n’ụtụtụ ruo n’abalị, ị na-enyefe m n’ọnọdụ ọjọọ.+
13 Emewo m ka obi dajụọ m ruo n’ụtụtụ.+
Dị ka ọdụm, otú ahụ ka ọ na-agbaji ọkpụkpụ m niile;+
Malite n’ụtụtụ ruo n’abalị, ị na-enyefe m n’aka ihe na-adịghị mma.+
14 Dị ka elekentịọba na nnụnụ bulbul ka m na-ebe ubé.+
M na-ebe ubé dị ka nduru.+
Elekatala m anya n’elu, ike gwụ m,+ m wee sị:
‘Jehova, anọ m ná nsogbu. Biko, kwado m.’+
15 Gịnị ka m ga-ekwu, gịnịkwa ka ọ ga-agwa m?+
Ya onwe ya emewokwa ihe.+
N’afọ niile m dị ndụ, m nọ na-agara onwe m n’ihi ihe na-ewute mkpụrụ obi m.+
16 M wee sị: ‘Jehova, ọ bụ ya mere ndị mmadụ ji nọrọ ndụ; dịkwa ka onye ọ bụla ọzọ, ọ bụ ya mere ka mmụọ m dịrị ndụ.+
Mee ka m gbakee, chebekwa m ndụ.+
17 Lee! Ihe ilu, ee, ihe ilu, bịaara m, kama udo ịbịara m;+
Gị onwe gị hụrụ mkpụrụ obi m n’anya nke ukwuu, i wee mee ka ọ ghara ịbanye n’olulu mbibi.+
N’ihi na ị wụfuru mmehie m niile n’azụ gị.+
18 N’ihi na ọ bụghị Shiol pụrụ ito gị;+ ọnwụ apụghị ịja gị mma.+
Ndị na-agbada n’olulu apụghị iji nchekwube na-ele anya ikwesị ntụkwasị obi gị.+
19 Ọ bụ onye dị ndụ, ee, ọ bụ onye dị ndụ pụrụ ito gị,+
Dị nnọọ ka m pụrụ ito gị taa.+
Nna pụrụ ime ka ụmụ ya mara ikwesị ntụkwasị obi gị.+
20 Jehova, biko, bịa zọpụta m,+ anyị ga-eji ụbọ akwara m kpọọ egwú+
N’ụbọchị niile nke ndụ anyị n’ụlọ Jehova.’”+
21 Aịzaya wee sị: “Ka e were mkpụrụ fig a mịrị amị nke dị mbadamba kechie etuto toro ya,+ ka o wee gbakee.”+ 22 Hezekaya wee sị: “Gịnị bụ ihe ịrịba ama ga-egosi na m ga-agbago n’ụlọ Jehova?”+