Aịzaya
8 Jehova wee sị m: “Were mbadamba ihe buru ibu,+ jiri mkpịsị nke mmadụ efu ji ede ihe dee ‘Meha-shalal-hash-baz’ n’elu ya. 2 Ka ndị àmà kwesịrị ntụkwasị obi,+ bụ́ Yuraya onye nchụàjà+ na Zekaraya nwa Jeberekaya, gbaara m akaebe.”+
3 M wee garuo onye amụma nwaanyị ahụ nso, o wee tụrụ ime, ka oge na-aga, ọ mụrụ nwa nwoke.+ Jehova wee sị m: “Gụọ ya Meha-shalal-hash-baz, 4 n’ihi na tupu nwata ahụ amata otú e si akpọ,+ ‘Papa!’ na ‘Mama!’ a ga-ebuga akụ̀ Damaskọs na ihe a kwatara na Sameria n’ihu eze Asiria.”+
5 Jehova wee gwa m okwu ọzọ, sị: 6 “Ebe ọ bụ na ndị a ajụwo+ mmiri Shaịloa+ nke na-asọ nwayọọ nwayọọ, ha na-aṅụrịkwa ọṅụ+ n’ihi Rizin na nwa Remalaya;+ 7 ya mere, lee! Jehova ga-eme ka ọtụtụ mmiri dị ike nke Osimiri Yufretis,+ bụ́ eze Asiria+ na ebube ya dum,+ gbagote buso ha agha.+ Ọ ga-etokwa wee tochie ọwa mmiri ya niile, sọrọkwa gafee akụkụ ya niile, 8 sọrọkwa gafee Juda. Ọ ga-etojubiga ókè wee sọfere.+ Ọ ga-etoru n’olu.+ Ọ ga-agbasapụkwa nku ya+ jupụta ala gị dum, gị Ịmanuel!”+
9 Jọọnụ njọ, unu ndị dị iche iche, ka e tipịa unu; ṅaanụ ntị, unu ndị niile nọ n’ebe ndị dị anya nke ụwa!+ Keenụ ájị̀ n’ume,+ ka e tipịakwa unu!+ Keenụ ájị̀ n’ume, ka e tipịakwa unu! 10 Meenụ atụmatụ, a ga-akụghasị ya!+ Kwuonụ ihe ọ bụla, ọ gaghịkwa enwe isi, n’ihi na Chineke nọnyeere anyị!+ 11 N’ihi na nke a bụ ihe Jehova ji aka ya dị ike gwa m, ka o wee mee ka m ghara ije ije n’ụzọ ndị nke a na-ejeso, sị: 12 “Unu asịla, ‘Gbaanụ izu ọjọọ!’ mgbe ndị a na-asị, ‘Ka anyị gbaa izu ọjọọ!’+ unu atụkwala egwu ihe ha na-atụ egwu, unu amakwala jijiji n’ihi ya.+ 13 Ọ bụ Jehova nke ụsụụ ndị agha ka unu ga-emeso dị ka onye dị nsọ,+ ọ bụkwa ya ka unu ga na-atụ egwu,+ ọ bụ ya bụ Onye kwesịrị ime ka unu na-ama jijiji.”+
14 Ọ ga-aghọkwa ebe dị nsọ;+ ma ọ ga-aghọrọ ụlọ abụọ nke Izrel nkume ịkpọbi ụkwụ na oké nkume ịsụ ngọngọ,+ ghọọkwara ndị bi na Jeruselem+ igbudu na ọnyà. 15 Ọtụtụ n’ime ha ga-asụ ngọngọ daa, gbajiekwa, e wee mata ha n’ọnyà wee nwụde ha.+
16 Pịachie ihe akaebe ahụ,+ kaakwa iwu ahụ akara n’etiti ndị na-eso ụzọ m!+ 17 M ga na-atụ anya Jehova,+ bụ́ onye wepụrụ ihu ya n’ebe ụlọ Jekọb nọ,+ m ga-enwe olileanya n’ebe ọ nọ.+
18 Lee! Mụ na ụmụ Jehova nyere m+ bụ ihe ịrịba ama+ na ọrụ ebube n’Izrel site n’aka Jehova nke ụsụụ ndị agha, bụ́ onye bi n’Ugwu Zayọn.+
19 Ọ bụrụkwa na ha asị unu: “Jụọnụ ndị na-agba afa ase+ ma ọ bụ ndị nwere mmụọ ịkọ ọdịnihu, bụ́ ndị na-ebe ubé,+ na-ekwukwa okwu n’olu dị ala,” ọ́ bụghị Chi ha ka ndị ọ bụla kwesịrị ịjụ ase?+ È kwesịrị ịjụ ndị nwụrụ anwụ ase maka ndị dị ndụ?+ 20 Chọpụtanụ ihe e kwuru n’iwu nakwa n’ihe akaebe!+
N’ezie, ha ga na-ekwu okwu yiri nke a+ nke na-agaghị enwe ìhè chi ọbụbọ.+ 21 Onye nke ọ bụla ga-anọ n’ihe isi ike, kwụrụkwa agụụ+ mgbe o si n’ala a na-agafe; ọ ga-erukwa na, n’ihi na agụụ na-agụ ya nakwa n’ihi na iwe ji ya, ọ ga-akọcha eze ya, kọchaakwa Chineke ya,+ ọ ga-elelikwa anya elu. 22 Ọ ga-ele anya n’ụwa, ma, lee! ọ bụ ahụhụ na ọchịchịrị,+ oké mgbachi na oge ihe isi ike na itiri nke na-enweghị ìhè+ ka ọ ga-ahụ.