ជួយប្ដីឬប្រពន្ធដែលមិនជឿ
១ គឺជាមូលហេតុដ៏មានអំណរណាស់ ពេលដែលប្ដីឬប្រពន្ធបានរួបរួមគ្នាក្នុងការថ្វាយបង្គំសេចក្ដីពិត។ ប៉ុន្តែ ក្នុងគ្រួសារជាច្រើនមានតែគូម្ខាងទេ ដែលបានទទួលផ្លូវនៃសេចក្ដីពិត។ តើយើងអាចជួយប្ដីឬប្រពន្ធដែលមិនជឿ ហើយលើកទឹកចិត្តគេឲ្យថ្វាយបង្គំព្រះយេហូវ៉ាជាមួយនឹងយើងយ៉ាងដូចម្ដេច?—ធីម៉ូថេទី១ ២:១-៤
២ យល់គំនិតរបស់គេ: ថ្វីបើប្ដីឬប្រពន្ធដែលមិនជឿខ្លះប្រហែលជាប្រឆាំងក៏ដោយ ជាច្រើនដង បញ្ហានោះគឺការព្រងើយកន្តើយឬការយល់ខុស។ បុគ្គលនោះអាចមានអារម្មណ៍ថា គ្មានអ្នកណាយកចិត្តទុកដាក់ ឬក៏ច្រណែននឹងជំនឿថ្មីរបស់ប្ដីឬប្រពន្ធខ្លួន។ ប្ដីម្នាក់នឹកចាំថា «នៅផ្ទះម្នាក់ឯង ខ្ញុំមានអារម្មណ៍ដូចប្រពន្ធរត់ចោល»។ ម្នាក់ទៀតនិយាយថា «ខ្ញុំមានអារម្មណ៍ដូចជាប្រពន្ធនិងកូនរបស់ខ្ញុំបានបោះបង់ខ្ញុំចោលអញ្ចឹង»។ មនុស្សប្រុសខ្លះប្រហែលគិតថា ពួកគេបាត់បង់គ្រួសារដោយសារសាសនា។ (សូមមើលប៉មយាម ១៥ សីហា ១៩៩០ ទំព័រ ២០-៣ ភាសាអង់គ្លេស) ដូច្នេះ ជាការល្អប្រសិនបើអាចធ្វើបាន ដោយរួមបញ្ចូលប្ដីជាមួយប្រពន្ធរបស់គាត់ក្នុងការសិក្សាព្រះគម្ពីរពីដំបូង។
៣ ធ្វើការជាក្រុម: ស្មរបន្ទាល់ប្ដីប្រពន្ធមួយគូធ្វើការយ៉ាងប្រសិទ្ធិភាពជាមួយគ្នា ក្នុងការជួយប្ដីប្រពន្ធឲ្យមានសេចក្ដីពិត។ ក្រោយពីបងស្រីនោះបានចាប់ផ្ដើមការសិក្សាជាមួយប្រពន្ធហើយ បងប្រុសទៅលេងជាមួយនឹងប្ដី។ ជាញឹកញាប់គាត់តែងចាប់ផ្ដើមការសិក្សាជាមួយនឹងប្ដី។
៤ ចូរមានចិត្តរាក់ទាក់ហើយទទួលស្វាគមន៍: គ្រួសារទាំងឡាយក្នុងក្រុមជំនុំអាចជួយ ដោយយកចិត្តទុកដាក់នឹងគ្រួសារដែលមិនទាន់ជុំគ្នាក្នុងការថ្វាយបង្គំពិត។ កាលណាទៅលេងដោយរាក់ទាក់ពីរបីដង នោះអាចជួយប្ដីដែលមិនជឿឲ្យឃើញថា ស្មរបន្ទាល់ព្រះយេហូវ៉ាមានការកក់ក្ដៅ គឺគ្រីស្ទានដ៏យកចិត្តទុកដាក់ ដែលតែងខ្វល់ខ្វាយដល់សុខុមាលភាពគ្នាទៅវិញទៅមក។
៥ ពីពេលមួយទៅពេលមួយ អ្នកចាស់ទុំអាចមើលសាឡើងវិញនូវការខំប្រឹងថ្មីៗ ដើម្បីជួយប្ដីឬប្រពន្ធដែលមិនជឿ ហើយអ្វីទៀតដែលអាចជួយ ដែលសង្ឃឹមនឹងជួយពួកគេឲ្យបំរើព្រះយេហូវ៉ា។—ពេត្រុសទី១ ៣:១