ចូរបង្កើនភាពប៉ិនប្រសប់ក្នុងកិច្ចបម្រើផ្សាយ ដោយប្រើសៀវភៅព្រះគម្ពីរបង្រៀនដើម្បីចាប់ផ្ដើមបង្រៀនគម្ពីរ
ហេតុអ្វីសំខាន់?: ពេលដែលយើងប្រាប់ម្ចាស់ផ្ទះថា យើងកំពុងស្នើសុំបង្រៀនគម្ពីរដោយឥតគិតថ្លៃ ពួកគេប្រហែលជាមិនយល់ទេ។ ពួកគេប្រហែលជាគិតថា ពួកគេត្រូវតែចូលរួមរៀនជាមួយមនុស្សមួយក្រុម ឬត្រូវរៀនវគ្គសិក្សានៅសាលាណាមួយ។ ជាជាងប្រាប់ថាអ្នកស្នើសុំបង្រៀនគម្ពីរ សូមបង្ហាញរបៀបរៀនគម្ពីរនោះ។ ក្នុងរយៈពេលតែពីរបីនាទី សូម្បីតែនៅមាត់ទ្វារផ្ទះ អ្នកអាចបង្ហាញបុគ្គលនោះថាការរៀនគម្ពីរ គឺស្រួលរៀន និងទទួលចំណេះភ្លាមៗដែលធ្វើឲ្យគាត់ស្កប់ចិត្ត។
របៀបអនុវត្ត:
• ក្រោយពីជម្រាបសួរម្ចាស់ផ្ទះ សូមសួរគាត់ថា តើគាត់ខ្វល់ខ្វាយអំពីអនាគតឬទេ?
• សូមប្រាប់គាត់ថា មនុស្សជាច្រើនកំពុងខ្វល់ខ្វាយអំពីរឿងនេះដែរ ហើយសូមបង្ហាញមាតិកាក្នុងសៀវភៅព្រះគម្ពីរបង្រៀន។ សូមពន្យល់ថាសៀវភៅនេះមានមេរៀនដែលស្រួលយល់ ស្តីអំពីអ្វីដែលគម្ពីរបង្រៀនអំពីអនាគត ហើយមានប្រធានបទផ្សេងទៀត។ រួចមកសួរគាត់ថា តើគាត់ចាប់អារម្មណ៍ជំពូកមួយណា?
• សូមជូនគាត់សៀវភៅព្រះគម្ពីរបង្រៀនមួយក្បាល ហើយបង្ហាញគាត់នូវជំពូកដែលគាត់បានជ្រើសរើស។ សូមពន្យល់ថា ចម្លើយចំពោះសំណួរនៅដើមជំពូក គឺមាននៅក្នុងវគ្គខាងក្រោម។
• សូមឲ្យម្ចាស់ផ្ទះអានវគ្គដំបូងបើគាត់អាចធ្វើបាន។ បន្ទាប់មក សួរសំណួរសម្រាប់វគ្គនោះ ហើយពិគ្រោះចម្លើយជាមួយគាត់។ សូមបើកមើលខគម្ពីរដែលគាំទ្រចម្លើយ។ សូមបង្ហាញគាត់អំពីរបៀបគូសចម្លើយពីសៀវភៅរបស់អ្នក។
• សូមពិគ្រោះវគ្គបន្ទាប់ ប៉ុន្តែម្ដងនេះសូមឲ្យម្ចាស់ផ្ទះឆ្លើយនឹងសំណួរដោយខ្លួនគាត់ផ្ទាល់។
• សូមសរសើរគាត់ ហើយណាត់ពេលទៅជួបគាត់ម្ដងទៀត ដើម្បីបញ្ចប់មេរៀននោះ។
• បើកាលៈទេសៈអនុញ្ញាត សូមបង្ហាញវីដេអូតើកម្មវិធីរៀនគម្ពីរត្រូវធ្វើឡើងតាមរបៀបណា? ក្នុងjw.org/km។
សូមសាកធ្វើដូច្នេះក្នុងអំឡុងខែនេះ:
• សូមអធិដ្ឋានសុំព្រះយេហូវ៉ាឲ្យពរចំពោះការព្យាយាមរបស់អ្នក ដើម្បីចាប់ផ្ដើមបង្រៀនសិស្សគម្ពីរថ្មី។—ភី. ២:១៣
• នៅពេលចូលរួមកិច្ចបម្រើផ្សាយ សូមព្យាយាមចាប់ផ្ដើមបង្រៀនគម្ពីរដោយប្រើសៀវភៅព្រះគម្ពីរបង្រៀន ឬយ៉ាងហោចណាស់បង្ហាញម្ដងអំពីវីដេអូតើកម្មវិធីរៀនគម្ពីរត្រូវធ្វើឡើងតាមរបៀបណា?