ជួយពួកអ្នកដែលឥតមានការពិសោធឲ្យយល់
១ តាមរយៈកិច្ចការបញ្ចុះបញ្ចូលឲ្យមានសិស្ស យើងអាចបង្រៀនពួកអ្នកដទៃអំពីអ្វីដែលព្រះតម្រូវពីគេ។ (ម៉ាថាយ ២៨:១៩, ២០) ការខំប្រឹងបញ្ចុះបញ្ចូលឲ្យមានសិស្ស កំពុងតែកើតមានឡើងពាសពេញពិភពលោក ដោយស្មរបន្ទាល់ជាងប្រាំលាននាក់។ ការជោគជ័យមិនមែនស្រេចទៅលើម៉ោងដែលបានចំណាយ ចំនួនប្រកាសនវត្ថុ ឬចំនួនសិស្សព្រះគម្ពីរនោះទេ។ យើងសម្រេចគោលបំណងរបស់យើង ពេលដែលមនុស្សយល់ ហើយប្រព្រឹត្តតាមអ្វីដែលគេបានរៀន។
២ ជួយអ្នកដទៃខាងវិញ្ញាណទាក់ទងនឹងការធ្វើឲ្យ‹មនុស្សដែលឥតមានការពិសោធឲ្យយល់›។ (ទំនុកដំកើង ១១៩:១៣០) គេនឹងមានចិត្តចាប់អារម្មណ៍ឡើង ហើយនឹងបានជំរុញឲ្យធ្វើអ្វីមួយ បើសិនជាគេ‹យល់នូវអ្វីដែលគេរៀន›។ (ម៉ាថាយ ១៥:១០) កាលដែលកិច្ចការយើងលូតលាស់ទៅមុខហើយកើនឡើងកាន់តែច្រើនឡើងៗ យើងនឹងឃើញនូវសេចក្ដីតម្រូវឲ្យនិយាយនិងបង្រៀនឲ្យស្រួលយល់ថែមទៀត។ ហេតុនោះហើយបានជាសមាគមបានបោះពុម្ពសៀវភៅស្តើង តើព្រះតម្រូវអ្វីពីយើង? សៀវភៅស្តើងនេះមានមុខវិជ្ជារៀនសូត្រដ៏ទូលំទូលាយ ដែលមានសេចក្ដីបង្រៀនដ៏សំខាន់ៗពីព្រះគម្ពីរ។ មេរៀនគឺខ្លី ពាក្យដែលប្រើគឺឥតស្មុគស្មាញ ហើយដំបូន្មានក៏ងាយយល់ ដែលធ្វើឲ្យមនុស្សជាច្រើនពេញចិត្តនឹងសៀវភៅស្តើងនេះ។
៣ សៀវភៅស្តើងនេះនឹងយកមកប្រើជាមួយទស្សនាវដ្ដីក្នុងខែមេសា និងខែឧសភា។ ពេលដែលអ្នកគ្រោងការណ៍កិច្ចបំរើផ្សាយប្រចាំអាទិត្យ គឺត្រូវបានណែនាំថា អ្នកត្រូវរៀបចំប្រើទស្សនាវដ្ដីរៀងរាល់ថ្ងៃសៅរ៍តាមធម្មតា ប៉ុន្តែប្រើសៀវភៅស្តើងនេះក្នុងការផ្សាយរបស់អ្នកក្នុងថ្ងៃទាំងឡាយនៃសប្ដាហ៍។ សូមយកសៀវភៅស្តើង ទៅឲ្យអ្នកណាដែលធ្លាប់យកប្រកាសនវត្ថុនៅពេលមុនៗ។ សូមចាំថា នេះជាការពិសេសមួយសំរាប់បង្រៀនកូនក្មេង មនុស្សនិយាយភាសាបរទេស ហើយនិងជាមួយអ្នកណាដែលមិនសូវមានសមត្ថភាពខាងអានអក្សរ។
៤ ប្រើពាក្យផ្ដើមដែលស្រួលយល់៖ ពេលប្រគល់ឲ្យសៀវភៅស្តើងតម្រូវ សូមបើកទៅទំព័រ២ ដែលពន្យល់ថា «សៀវភៅស្តើងនេះបានត្រូវរៀបចំឡើងជាសៀវភៅសិក្សាព្រះគម្ពីរ»។ សូមមើលវគ្គទី៣ក្នុងទំព័រ ៣ ដើម្បីបង្ហាញនូវមូលហេតុដែលបុគ្គលម្នាក់គួររៀនសូត្រព្រះគម្ពីរ។ ចូរធ្វើឲ្យគាត់ចាប់អារម្មណ៍ដោយបង្ហាញអំពីចំណងជើងមេរៀនខ្លះៗ ដែលលាតត្រដាងនូវសេចក្ដីពិតព្រះគម្ពីរដ៏ស្រួលយល់។ ចូរបង្ហាញនូវរបៀបដែលសៀវភៅស្តើងនេះ ធ្វើឲ្យការរៀនសូត្រជាអ្វីដ៏កំសាន្តមួយ ហើយសូមផ្ដល់នូវការជួយផ្ទាល់ខ្លួនចំពោះបុគ្គលនោះផង។
៥ ដឹកនាំការបង្រៀនដ៏លូតលាស់៖ គោលបំណងរបស់យើង មិនគ្រាន់តែដឹកនាំការបង្រៀនទេ—យើងចង់បញ្ចុះបញ្ចូលឲ្យមានសិស្ស ជាមួយអ្នកណាដែលនឹងក្លាយទៅជាអ្នកគាំទ្រម៉ឺងម៉ាត់ចំពោះការថ្វាយបង្គំពិត។ សៀវភៅស្តើងនេះអាចបង្រៀនក្នុងរវាងបីបួនអាទិត្យ ហើយនេះជាការដឹកនាំចូលទៅរៀនសៀវភៅចំណេះ។ (សូមមើលកំណត់ចំណាំនៅទំព័រ៣១) មុនដំបូង យើងត្រូវជួយសិស្សឲ្យកត់សម្គាល់អង្គការរបស់ព្រះយេហូវ៉ា។ (សូមមើលសៀវភៅReasoningនៅទំព័រ២៨៣-៤) ចូរបញ្ជាក់ពីសារៈសំខាន់នៃកិច្ចប្រជុំសំរាប់ក្រុមជំនុំ ហើយពន្យល់ថា ការមកប្រជុំនឹងជួយគេឲ្យយល់បានច្បាស់នូវរបៀបអនុវត្តន៍ការថ្វាយបង្គំពិត។—ហេព្រើរ ១០:២៤, ២៥
៦ ការចូលរួមឲ្យបានពេញលេញក្នុងការផ្សាយដ៏ពិសេសនេះ ក្នុងខែមេសានិងឧសភា គឺប្រាកដជាធ្វើឲ្យយើងមានអំណរពីការជួយបុគ្គលស្មោះត្រង់ទាំងឡាយឲ្យ‹ទទួលការយល់ដឹង›ដែលនាំឲ្យមានជីវិត។—សុភាសិត ៤:៥