តើអ្នកកំពុងតែប្រើសៀវភៅស្តើងតម្រូវ ដើម្បីចាប់ផ្ដើមការសិក្សាទេ?
១ តើអ្នកដឹងទេ? បើយើងពិគ្រោះគ្នាជាទៀងទាត់និងតាមលំដាប់លំដោយអំពីព្រះគម្ពីរជាមួយអ្នកចាប់អារម្មណ៍ម្នាក់ ដោយមើលពត៌មានក្នុងប្រកាសនវត្ថុមួយដែលបានកំណត់ឲ្យយើងប្រើនោះ ថ្វីបើចំណាយពេលខ្លីក៏ដោយ នោះជាការសិក្សាព្រះគម្ពីរ។ ទោះជាត្រូវធ្វើឡើងនៅមុខទ្វារ ឬតាមទូរស័ព្ទក្ដី នេះក៏ជាការសិក្សាព្រះគម្ពីរដែរ។ យើងសូមលើកទឹកចិត្តបងប្អូនឲ្យព្យាយាមចាប់ផ្ដើមការសិក្សាបែបនេះក្នុងកំឡុងខែឧសភានិងមិថុនា ដោយប្រើសៀវភៅស្តើងតម្រូវ។
២ ចូររៀបចំដើម្បីឲ្យបានជោគជ័យ: ពេលអ្នកផ្ដល់ឲ្យសៀវភៅស្តើងតម្រូវ ចូរដឹងច្បាស់ថា អ្នកចង់ពិភាក្សាអំពីចំណុចណា។ បើអ្នកត្រឡប់ទៅជួបគេវិញ សូមគិតសិនអំពីការពិគ្រោះលើកមុនជាមួយគេ។ សូមដណ្ដឹងសួរខ្លួនថា: ‹តើខ្ញុំអាចបង្ហាញវគ្គណាខ្លះ ដើម្បីបញ្ជាក់បន្ថែមទៅលើការពិគ្រោះលើកមុនរបស់យើង ហើយចាប់ផ្ដើមជាការសិក្សាព្រះគម្ពីរ?›។ បើអ្នកផ្សព្វផ្សាយពីផ្ទះមួយទៅផ្ទះមួយ សូមគិតពិចារណាអំពីប្រធានណាខ្លះដែលនឹងជាទីចាប់អារម្មណ៍របស់ក្មេងជំទង់ អ្នកវ័យចាស់ បុរស ឬស្ត្រីជាដើម។ សូមមើលត្រួសៗឡើងវិញនូវគោលចំណុចនិមួយៗក្នុងសៀវភៅស្តើងនោះ និងជ្រើសរើសប្រធានមួយដែលគួរឲ្យចាប់អារម្មណ៍។ ក្រោយពីសម្រេចចិត្តចង់និយាយយ៉ាងណាហើយ ចូរសមសំដីនោះឲ្យបានច្រើនដង។ ធ្វើដូចនេះជាមាគ៌ាឆ្ពោះទៅរកភាពជោគជ័យមែន។ អ្នកប្រហែលជាអាចនិយាយដូចតទៅនេះថា:
◼ «ដោយសារមានបញ្ហាច្រើនក្នុងក្រុមគ្រួសារសព្វថ្ងៃនេះ តើអ្នកធ្លាប់ឆ្ងល់ទេថា តើអ្វីទៅជាគន្លឹះនៃសុភមង្គលគ្រួសារ?»។ ក្រោយពីគាត់ឆ្លើយតបវិញ សូមពន្យល់ថា ក្នុងព្រះគម្ពីរ ព្រះបើកឲ្យយើងស្គាល់នូវគន្លឹះនៃសុភមង្គលគ្រួសារ។ សូមអាន អេសាយ ៤៨:១៧។ រួចមកសូមបើកទៅមេរៀនទី៨ក្នុងសៀវភៅស្តើងតម្រូវ ហើយបង្ហាញខគម្ពីរខ្លះដែលបានស្រង់ចេញនោះ ដែលជូនពាក្យណែនាំដ៏គួរឲ្យជឿមែន សំរាប់សមាជិកម្នាក់ៗក្នុងក្រុមគ្រួសារ។ សូមអានសំនួរទាំងប៉ុន្មាននៅដើមមេរៀន។ សួរអ្នកស្ដាប់ ថាតើគាត់ចង់ដឹងចម្លើយទេ?
៣ ចូរព្យាយាមជានិច្ចចុះ!: ចូរឆ្លៀតគ្រប់ឱកាសដែលហុចឲ្យ ដើម្បីបង្ហាញនូវរបៀបសិក្សាព្រះគម្ពីរតាមរយៈសៀវភៅស្តើងតម្រូវ។ ចូរសុំឲ្យព្រះយេហូវ៉ាប្រទានពរដល់យើង! (ម៉ាថ. ២១:២២) បើអ្នកខំព្យាយាមជានិច្ច អ្នកក៏អាចទទួលបាននូវអំណរដែលមកពីការជួយមនុស្សម្នាក់ឲ្យធ្វើតាមដំណឹងល្អ!