មានការរៀបចំពិសេសពីថ្ងៃទី១៦ ខែតុលា ដល់ថ្ងៃទី១២ ខែវិច្ឆិកា!
១ «សាសនាមិនពិតជិតត្រូវបំផ្លាញហើយ!»។ នេះជាចំណងជើងសន្លឹកដំណឹងព្រះរាជាណាចក្រលេខ៣៧ ដែលនឹងត្រូវចែកចាយទូទាំងផែនដីចាប់ផ្ដើមនៅខែក្រោយ។ នៅខែតុលា ក្នុងកំលុងពីរសប្ដាហ៍ដំបូង យើងនឹងចែកទស្សនាវដ្ដីប៉មយាម។ ចាប់ផ្ដើមថ្ងៃច័ន្ទ ទី១៦ ខែតុលា រហូតដល់ថ្ងៃអាទិត្យ ទី១២ ខែវិច្ឆិកា យើងនឹងចូលរួមក្នុងការចែកចាយសន្លឹកដំណឹងព្រះរាជាណាចក្រលេខ៣៧ នៅទីជិតឆ្ងាយ។ នៅថ្ងៃសៅរ៍និងថ្ងៃអាទិត្យក្នុងកំលុងការរៀបចំពិសេសនេះ យើងនឹងចែកសន្លឹកនោះជាមួយទស្សនាវដ្ដីប៉មយាម។
២ តើអ្នកណាអាចចូលរួមបាន?: បងប្អូនទាំងអស់ដែលនៅមានសកម្មភាពជាអ្នកផ្សាយដំណឹងល្អ គួរចូលរួមឲ្យអស់ពីលទ្ធភាព។ អ្នកផ្សាយខ្លះនឹងអាចធ្វើជាអ្នកត្រួសត្រាយជំនួយបាន។ តើកូនឬសិស្សព្រះគម្ពីររបស់អ្នកកំពុងតែរីកចម្រើនយ៉ាងល្អខាងវិញ្ញាណឬទេ? ចូរលើកទឹកចិត្តពួកគាត់ឲ្យទៅនិយាយជាមួយអ្នកចាស់ទុំដើម្បីដឹងថា តើពួកគាត់មានលក្ខណៈគ្រប់គ្រាន់ដើម្បីធ្វើជាអ្នកផ្សាយមិនទាន់ទទួលបុណ្យជ្រមុជទឹកឬមិនមាន។ អ្នកចាស់ទុំគួរតែចាត់វិធានការទៅនិយាយជាមួយអ្នកផ្សាយដែលអសកម្មដើម្បីលើកទឹកចិត្តពួកគាត់ឲ្យចូលរួម ប្រហែលជាឲ្យគាត់ទៅជាមួយនឹងអ្នកផ្សាយដែលមានបទពិសោធន៍។
៣ សន្លឹកដំណឹងព្រះរាជាណាចក្រ លេខ៣៧នឹងត្រូវផ្ញើទៅក្រុមជំនុំទាំងឡាយ ដើម្បីឲ្យអ្នកផ្សាយនិងអ្នកត្រួសត្រាយអាចទទួលម្នាក់៥០សន្លឹក។ អ្នកចាប់អារម្មណ៍ដែលមិនទាន់ជាអ្នកផ្សព្វផ្សាយអាចទទួលបានម្នាក់ប្រាំសន្លឹក ដើម្បីចែកសមាជិកក្រុមគ្រួសារនិងមិត្តភក្ដិ។ អ្នកផ្សាយម្នាក់ៗគួរកត់ចំនួនសន្លឹកដែលគាត់បានចែកហើយ រួចសរសេរលើខ្នងក្រដាសសម្រាប់រាយការណ៍ពីកិច្ចផ្សព្វផ្សាយនៅចុងខែតុលានិងខែវិច្ឆិកា។ លេខាក្រុមជំនុំនឹងសរុបចំនួនសម្រាប់សន្លឹកដែលក្រុមជំនុំបានចែកចាយ ហើយរាយការណ៍ប្រាប់ការិយាល័យសាខានៅចុងខែតុលានិងចុងខែវិច្ឆិកា។ សន្លឹកដំណឹងព្រះរាជាណាចក្រណាដែលនៅសល់ពេលការរៀបចំពិសេសចប់ហើយ អាចប្រើធម្មតាក្នុងកិច្ចផ្សព្វផ្សាយបាន។
៤ អ្វីដែលអ្នកអាចនិយាយ: ចូរប្រើពាក្យផ្សាយដ៏ខ្លី ពីព្រោះនេះនឹងធ្វើឲ្យមានលទ្ធភាពចែកដល់មនុស្សបានច្រើនជាង។ អ្នកអាចនិយាយថា «ខ្ញុំកំពុងតែចូលរួមសកម្មភាពចែកចាយសារដ៏សំខាន់នេះ ដល់មនុស្សទូទាំងផែនដីជាកិច្ចការស្ម័គ្រចិត្ត។ ខ្ញុំសូមជូនលោកអ្នកមួយសន្លឹកដោយមិនគិតថ្លៃ។ សូមទុកអាន»។ ជាការល្អប្រសិនបើមិនយកកាតាបផ្សព្វផ្សាយទៅជាមួយ។ ចូរយកចិត្តទុកដាក់ធ្វើកំណត់អំពីអ្នកដែលចាប់អារម្មណ៍។
៥ ចូរខំប្រឹងចែកក្នុងគ្រប់តំបន់ផ្សាយ: ក្រៅពីការចែកដំណឹងព្រះរាជាណាចក្រពេលផ្សព្វផ្សាយតាមផ្លូវ ចូរផ្ដោតអារម្មណ៍ទៅលើការចែកពីផ្ទះមួយទៅផ្ទះមួយនិងពីហាងមួយទៅហាងមួយក្នុងតំបន់ឲ្យបានច្រើនបំផុត។
៦ គ្រាដែល«បាប៊ីឡូនដ៏ធំ»នឹងត្រូវបំផ្លាញកំពុងតែឆ្ពោះមកយ៉ាងលឿន។ មនុស្សត្រូវចេញពីវាមុនដែលវាត្រូវបំផ្លាញចោលទាំងស្រុង។ (វិវរ. ១៨:៨) ចូរត្រៀមលក្ខណៈជាស្រេច ដើម្បីចូលរួមឲ្យបានច្រើនបំផុតក្នុងការរៀបចំពិសេសនេះ ដែលនឹងធ្វើឡើងទូទាំងពិភពលោក ប្រយោជន៍ឲ្យមនុស្សគ្រប់គ្នាដឹងថាសាសនាមិនពិតជិតត្រូវបំផ្លាញហើយ!