ត្រូវចាត់វិធានការភ្លាមៗ
តាំងពីអង្គការយើងបានរៀបចំគេហទំព័រជាថ្មីឡើងវិញ យើងឃើញថាចំនួនអ្នកស្នើសុំរៀនគម្ពីរបានកើនឡើងយ៉ាងច្រើន។ ម្យ៉ាងទៀត បងប្អូនបានទទួលការស្នើសុំថែមទៀតតាមរយៈវិធីថ្មីដើម្បីផ្សព្វផ្សាយជាសាធារណៈ។ ការិយាល័យសាខាខំបំពេញការស្នើសុំទាំងនោះឲ្យបានឆាប់បំផុត។ ជាឧទាហរណ៍ បើយើងបានទទួលការស្នើសុំតាមរយៈjw.org អ្នកចាស់ទុំក្នុងតំបន់របស់បុគ្គលដែលចាប់អារម្មណ៍នោះ នឹងទទួលព័ត៌មានពីការិយាល័យសាខាក្នុងរយៈពេលតែពីរថ្ងៃប៉ុណ្ណោះ។ ក៏ប៉ុន្តែ របាយការណ៍ពីកិច្ចបម្រើផ្សាយបានបង្ហាញថា អ្នកស្នើសុំរៀនគម្ពីរខ្លះមិនបានត្រូវគេទាក់ទងទៅអស់ប៉ុន្មានសប្ដាហ៍ក្រោយពីពួកគេបានស្នើសុំ។ តើយើងត្រូវធ្វើដូចម្ដេច ដើម្បីប្រាកដថាយើងបានទាក់ទងពួកគេ មុនពួកគេលែងចាប់អារម្មណ៍?—ម៉ាក. ៤:១៤, ១៥
បើបុគ្គលម្នាក់ចាប់អារម្មណ៍ តែគាត់មិនរស់នៅតំបន់ផ្សាយរបស់អ្នក សូមបំពេញក្រដាសសូមរកជួប (S-43) ឲ្យបានឆាប់បំផុត រួចយកក្រដាសនោះទៅឲ្យលេខាធិការក្រុមជំនុំ កុំឲ្យហួសពីកិច្ចប្រជុំលើកក្រោយ។ បន្ទាប់មក ក្នុងរយៈពេលតែមួយឬពីរថ្ងៃក្រោយពីនោះ លេខាធិការក្រុមជំនុំនឹងឲ្យព័ត៌មានដល់ក្រុមជំនុំដែលទទួលខុសត្រូវលើតំបន់ផ្សាយរបស់អ្នកចាប់អារម្មណ៍ ឬគាត់នឹងប្រើទំព័រCongregationនៅគេហទំព័រjw.org ដើម្បីជូនព័ត៌មានទៅការិយាល័យសាខា។ អ្នកចាស់ទុំគួរតែបើកមើលគេហទំព័រនោះជារឿយៗ។ បើពួកគេទទួលសំបុត្រដែលឲ្យទៅជួបអ្នកណាម្នាក់ ពួកគេគួរចាត់ចែងឲ្យអ្នកផ្សាយទៅជួបអ្នកនោះឲ្យបានឆាប់រហ័ស។ អ្នកផ្សាយណាម្នាក់ដែលត្រូវសុំឲ្យទៅជួបអ្នកចាប់អារម្មណ៍ គួរតែចាត់ទុកនោះជាអាទិភាព។ បើបុគ្គលនោះមិននៅផ្ទះទេ អ្នកប្រហែលជាអាចទុកសំបុត្រមួយដែលមានព័ត៌មានសម្រាប់ទាក់ទងជាមួយនឹងអ្នក។