របៀបរស់នៅជាគ្រិស្តសាសនិក
ចូរប្រើសៀវភៅផ្សេងៗដែលមានមូលដ្ឋានលើគម្ពីរដោយឈ្លាសវៃ
លោកយេស៊ូបានបង្រៀនថា៖ «អ្នករាល់គ្នាបានទទួលដោយឥតបង់ថ្លៃ ចូរឲ្យដោយឥតគិតថ្លៃដែរ»។ (ម៉ាថ. ១០:៨) យើងធ្វើតាមការណែនាំដ៏ច្បាស់លាស់នេះដោយស្នើផ្ដល់គម្ពីរឬសៀវភៅផ្សេងៗដែលមានមូលដ្ឋានលើគម្ពីរដល់មនុស្សឯទៀតដោយឥតគិតថ្លៃ។ (២កូ. ២:១៧) ទោះជាយ៉ាងនោះក្ដី សៀវភៅទាំងនោះមានសេចក្ដីពិតដ៏វិសេសពីបណ្ដាំរបស់ព្រះ។ សៀវភៅរបស់យើងបានត្រូវបោះពុម្ពនិងដឹកជញ្ជូនទៅក្រុមជំនុំទូទាំងពិភពលោក ដោយសារមានការខំប្រឹងប្រែងនិងចំណាយយ៉ាងច្រើន។ ហេតុនេះ យើងគួរយកល្មមសម្រាប់តែយើងត្រូវការប៉ុណ្ណោះ។
សូមគិតពិចារណាមុនពេលស្នើផ្ដល់សៀវភៅណាមួយដល់អ្នកឯទៀត ទោះជានៅកន្លែងផ្សព្វផ្សាយសាធារណៈក្ដី។ (ម៉ាថ. ៧:៦) ជាជាងគ្រាន់តែជូនសៀវភៅដល់អ្នកដែលឆ្លងកាត់ សូមព្យាយាមសន្ទនាជាមួយនឹងពួកគេដើម្បីដឹងថាពួកគេចាប់អារម្មណ៍ឬយ៉ាងណា។ សូមពិចារណាសំណួរផ្សេងៗក្នុងប្រអប់ដែលភ្ជាប់នឹងអត្ថបទនេះ តើបុគ្គលនោះមានចំណុចណាមួយក្នុងនោះឬទេ? បើអ្នកមិនអាចដឹងអំពីចំណាប់អារម្មណ៍របស់គាត់ទេ ជាការល្អបំផុតដែលអ្នកគ្រាន់តែជូនគាត់ខិត្តប័ណ្ណមួយ។ ប៉ុន្តែ បើបុគ្គលនោះសុំទស្សនាវដ្ដីឬសៀវភៅឯទៀត យើងរីករាយជូនគាត់។—សុភ. ៣:២៧, ២៨