របៀបរស់នៅជាគ្រិស្តសាសនិក
មេរៀនពីជីវិតរបស់សាំយូអែល
សាំយូអែលបន្ដស្មោះត្រង់ចំពោះព្រះយេហូវ៉ាពេញមួយជីវិត។ ពេលគាត់នៅក្មេង គាត់មិនព្រមធ្វើតាមគំរូមិនល្អរបស់ហុបនីនិងភីនេហាស ដែលជាកូនប្រុសរបស់អេលីនោះទេ។ (១សាំ. ២:២២-២៦) សាំយូអែលកាន់តែធំឡើង ហើយព្រះយេហូវ៉ានៅជាមួយនឹងគាត់។ (១សាំ. ៣:១៩) ពេលគាត់មានវ័យចាស់ គាត់នៅតែបន្តស្មោះត្រង់ចំពោះព្រះយេហូវ៉ា ទោះជាកូនប្រុសៗរបស់គាត់មិនបានស្មោះត្រង់នឹងលោកក៏ដោយ។—១សាំ. ៨:១-៥
តើយើងអាចរៀនអ្វីពីគំរូរបស់សាំយូអែល? បើសិនអ្នកជាប្អូនៗវ័យក្មេង សូមមានទំនុកចិត្តថាព្រះយេហូវ៉ាយល់ពីអារម្មណ៍និងការពិបាកដែលប្អូនៗជួបប្រទះ។ លោកអាចជួយប្អូនឲ្យមានចិត្តក្លាហាន។ (អេ. ៤១:១០, ១៣) បើអ្នកជាឪពុកម្ដាយដែលមានកូនឈប់បម្រើព្រះយេហូវ៉ា អ្នកអាចទទួលការសម្រាលទុក្ខដោយដឹងថា សូម្បីតែសាំយូអែលក៏មិនអាចបង្ខំកូនៗរបស់គាត់ឲ្យធ្វើតាមខ្នាតតម្រារបស់ព្រះយេហូវ៉ាបានដែរ។ គាត់បានផ្ទេរកង្វល់នេះទៅព្រះយេហូវ៉ា និងនៅតែបន្តរក្សាចិត្តស្មោះឥតងាករេ ហើយនេះនាំឲ្យព្រះយេហូវ៉ាពេញចិត្ត។ គំរូល្អរបស់អ្នកប្រហែលជាអាចនាំឲ្យកូនរបស់អ្នកត្រឡប់មកព្រះយេហូវ៉ាវិញ។
សូមទស្សនាវីដេអូចូររៀនពីគំរូរបស់ពួកគេ សាំយូអែល រួចមកសូមឆ្លើយសំណួរដូចតទៅនេះ៖
ពេលសាំយូអែលនៅក្មេង តើគាត់បានបង្ហាញចិត្តក្លាហានយ៉ាងដូចម្ដេច?
តើតាមរបៀបណាប្អូនដេនីបានបង្ហាញចិត្តក្លាហាន?
ពេលសាំយូអែលមានវ័យចាស់ តើគាត់បានទុកគំរូល្អយ៉ាងដូចម្ដេច?
ព្រះយេហូវ៉ាគាំទ្រអស់អ្នកដែលកាន់ជំហររឹងមាំចំពោះអ្វីដែលត្រឹមត្រូវ
តើឪពុកម្ដាយរបស់ដេនីបានទុកគំរូល្អយ៉ាងដូចម្ដេច?