Tang’ gi Obadho Maluwogi Sama Itayo Puonjruok mar Muma

Wuoyo Ahinya: Kik ipar ni ochuno ni nyaka iler gik moko duto. Yesu ne otiyo gi penjo mondo okonygo jowinjone oti gi pachgi e winjo tiend puonj. (Mat 17:24-27) Tiyo gi penjo miyo puonjruok bedo mamit kendo konyi fwenyo gik ma japuonjre ong’eyo kendo oyiego. (be 253 ¶3-4) Ka isepenjo penjo, hori sama irito mondo japuonjre ochiw dwoko. Ka japuonjre ok ochiwo dwoko ma owinjore, kar nyise dwoko makare, ti gi penjo momedore ma biro konye yudo dwoko. (be 238 ¶1-2) Wuo e yo ma biro miyo japuonjre owinj tiend gik manyien ma ipuonje.—be 230 ¶4.

Gajo Tiend Puonj: Tang’ gi obadho mar lero weche duto ming’eyo e wi wach ma upuonjoruno. (Joh 16:12) Jiw mana puonj maduong’ ma yudore e paragraf. (be 226 ¶4-5) Medo weche ma ok ochuno, kata bed mana ni gimit manade, nyalo umo puonj maduong’. (be 235 ¶3) Ka japuonjre osewinjo tiend puonj maduong’, dhiuru e paragraf machielo.

Tieko Atieka Kama Upuonjoru: Dwarowa maduong’ en chopo e chuny japuonjre, to ok en mana tieko kama wapuonjore. (Luk 24:32) Ti gi Wach Nyasaye kuom somo ndiko madongo ma yudore e sula ma upuonjoruno. (2Ko 10:4; Hib 4:12; be 144 ¶1-3) Ti gi ranyisi ma yot winjo. (be 245 ¶2-4) Par gik ma chando japuonjre kod gik ma oyiego, kae to ket puonjruok obed ma nyalo konye. Penje penjo kaka: “Ineno nade weche ma wapuonjoregi? ” “Wachni puonjowa ang’o e wi Jehova? ” “En ber mane ma inyalo yudo ka itiyo gi puonjni? ”—be 238 ¶3-5; 259 ¶1.