Liu Fakamanatu he Aoga Fekafekau Fakateokarasi
Liu fakamanatu e tau tohi kua fita he taute he tau kotofaaga he Aoga Fekafekau Fakateokarasi he fahi tapu ha Sepetema 1 ke he Tesemo 22, 1997. Fakaaoga e laupepa kehe ke tohi e tau tali he tau huhu loga kua maeke ia koe ke tohi hifo he magaaho kua fakaata.
[Mailoga: Ke he liu fakamanatu, ko e Tohi Tapu ni kua maeke ke fakaaoga. Ko e tau fakamoliaga talitua mai he tau huhu ko e kumikumi fakatagata hau ni a ia. Ko e tau numera he lau mo e paratafa kua nakai kitia oti ai ke he tau fakamoliaga ke he Kolo Toko.]
Tali e tau talahauaga takitaha i lalo Moli po ke Nakai Moli:
1. Pete ni kua talahau he fakamauaga ne pule e patuiki nakai fakamoli ko Ioramo he kautu a Isaraela he fahi tokelau, nakai iloa e tautolu e tau matua hana po ke kakano ne mate a ia. [it-1 lau 1270 para. 8, 12]
2. Ia Luka 22:30, ko e “tau faoa Isaraela ne hogofulu ma ua” kua tatai e aoga ke he Mataio 19:28, ne kua fakalaulahi atu e fakaaogaaga he tau ekepoa lagomatai moua he fakaagaga a Iesu ke fakalataha oti e falu he tau tagata. [Totouaga he Tohi Tapu fakafahi tapu; kikite w87 3/1 lau 27 para. 10; lau 28 para. 12.]
3. Ko e kakano ne fakakite he tau tutaki a Iesu e ofo lahi he tutalaaga hana mo e fifine Samaria ha kua ha ha ia ia e puhala moui mahani kelea. (Ioane 4:27) [Totouaga he Tohi Tapu fakafahi tapu; kikite w95 7/15 lau 15 para. 1-2.]
4. Kua fakakite he talahauaga “tali mai ni he kamataaga” at Ioane 6:64 kua iloa e Iesu he magaaho ia ne kua fifili a Iuta mo aposetolo ti ko ia haia ka afo a Ia. [Totouaga he Tohi Tapu fakafahi tapu; kikite it-2 lau 129 para. 4-6.]
5. Ne hagaao e tohi fakamoli he Sosaiete he 1884 ko e fakatokatokaaga fakailoa ni hokoia. [jv lau 576 para. 1]
6. Kua lagomatai he Esoto 21:22, 23 a tautolu ke loto fakaaue ha kua taute he Atua e tama nakai la fanau ko e moui uho lahi. [kl lau 128 para. 21]
7. Ko e “galue a Iutaia” ne talahau he Ioane 5:1 kua hagaao ke he Paseka he 31 V.N. [si lau 194 para. 8]
8. Ko e fakapuloa e fekau he Kautu ke he letio mo e televisoni kua lauia lahi ni tuga e falu puhala kua fakaaoga e tautolu. [jv lau 572 para. 3]
9. Ha ko e matua tane a Iehoakima ke he fitu e tama tane, ko e poakiaga faka-Tohi Tapu, “Kia tohi e mutolu e tagata nai kua nakai fai tama,” ke liga hepe. (Iere. 22:30) [it-1 lau 1267 para. 10]
10. Pete ni kua kitia kua mahani hakohako po ke nakai mahani hakohako e matafakatufono he motu, kua lata e tau Kerisiano moli ke fakamau hifo fakamitaki ha lautolu a fakamauaga mo lautolu. [kl lau 122 para. 11]
Tali e tau huhu i lalo:
11. He fakatatai mo e fakafifitakiaga he tau Kerisiano Efeso he senetenari fakamua, ko e heigoa taha lakaaga kua lata ke taute ke totoko ke he tau agaga kelea? (Gahua 19:19) [kl lau 114 para. 14]
12. Agahala fefe falu agelu he vaha a Noa? [kl lau 109 para. 4]
13. Ko e ha kua nakai talia a Iesu ke putoia ke he taufetoko he veveheaga he tau mena he matua? (Luka 12:13, 14) [Totouaga he Tohi Tapu fakafahi tapu; kikite w97-E 4/1 lau 28.]
14. Ko e heigoa kua nakai mailoga he tau tutaki he magaaho ne huhu a lautolu ki a Iesu to liu fakafou nakai e ia e Kautu kia Isaraela, tuga ne fakamau he Gahua 1:6? [Totouaga he Tohi Tapu fakafahi tapu; kikite w90-E 6/1 lau 11 para. 4.]
15. Ko e ha ne nakai maeke ia Adolf Hitler ke taute e fakamatakutakuaga hana ke kelipopo e tau tagata a Iehova? [jv lau 553 para. 2-4]
16. Fakakite fefe e Iairo ne tua a ia ke he malolo a Iesu ke fakamaulu? (Mare. 5:22-24) [it-1 lau 1250 para. 14]
17. Ko e ha ai ne talahau he New World Translation “ko e Kupu ko e atua” ka e nakai “ko e Kupu e Atua,” tuga he talahau he falu liliuaga he Ioane 1:1? [Totouaga he Tohi Tapu fakafahi tapu; kikite rs lau 212 para. 5.]
18. Hagaao ke he tohi a Fakakiteaga to o ki fe “e tau taulatua” kaeke ke nakai tokihala a lautolu mo e hiki e tau puhala ha lautolu? [kl lau 111 para. 8]
19. Ha ko e tagata mitaki katoatoa a Iesu mo e kua fakakite e ia e gahua hana ko e Akoako, ko e ha ne nakai talia e ia ke ui ko e “akoako mitaki”? (Luka 18:18, 19) [Totouaga he Tohi Tapu fakafahi tapu; kikite w95 3/1 lau 15 para. 7.]
20. Ko e heigoa kua fou hagaao ke he poakiaga ne fakakite he Ioane 13:34? [Totouaga he Tohi Tapu fakafahi tapu; kikite w90-E 2/1 lau 21 para. 5-6.]
Tohi e (tau) kupu po ke talahauaga ne lata ke fakaoti aki e tau talahauaga takitaha i lalo:
21. Ko e fakafifitakiaga ha ․․․․․․․․, ko e tagata Kata, ne fakakite e mahani fakamoli ki a ․․․․․․․․, kua lata ke omoi a tautolu ke fakakite e aga pehenei ki a lautolu ne takitaki e fakatokatokaaga a Iehova he vaha nei. (2 Samu. 15:21) [it-1 lau 1237 para. 17]
22. Kua fakakite he “hogofulu e mina” e ․․․․․․․․ ka fakaaoga he tau tutaki moua he agaga ke fua loga mai e ․․․․․․․․ he Kautu he lagi. (Luka 19:13) [Totouaga he Tohi Tapu fakafahi tapu; kikite w89 10/1 lau 8.]
23. Tolu e fatipiko hagaao ki a Iesu ne taute he tau Iutaia ki a Pilato, ko e takitaki Roma a Iutaia, putoia e fakaheheaga he ․․․․․․․․, he totoko e totogi ․․․․․․․․, mo e pehe ko Ia Hokoia e ․․․․․․․․. (Luka 23:2) [Totouaga he Tohi Tapu fakafahi tapu; kikite w90-E 12/1 lau 9 para. 1.]
24. Nakai fakamanatu he tau Kerisiano moli e Kerisimasi po ke ha aho okioki ne fakave ke he tau taofiaga fakalotu fakavai kakano kua foaki e lautolu ki a Iehova e ․․․․․․․․; ti nakai fakamanatu foki e lautolu ha aho okioki ne ․․․․․․․․ he tau tagata agahala po ke motu. [kl lau 126 para. 16]
25. Kua tohia e ․․․․․․․․ e tohi a Gahua he ha ha a ia i ․․․․․․․․. [si lau 199 para. 3]
Fifili e tali hako he tau talahauaga takitaha i lalo:
26. He 1992, molea e (2,500; 4,500; 6,500) he tau tagata fakaako mai he (40; 80; 110) e tau motu ne kua fakamahani i Kiliata mo e he magaaho fakamui kua fekafekau ai ke he molea e (100; 150; 200) he tau motu mo e tau matamotu ikiiki. [jv lau 524 para. 2]
27. He (1877; 1879; 1881), ne lomi e Charles T. Russell e tohi tote The Object and Manner of Our Lord’s Return, mo e he (1877; 1879; 1881) kua kamata lomi e ia e Zion’s Watch Tower and Herald of Christ’s Presence. [jv lau 557 para. 1]
28. Kua fakamoli he nonofo moui mahani Atua ha tautolu (to taute fakamitaki tumau mai he falu a tautolu; to olioli e tautolu e tau koloa tino loga mogonei; to moua e tautolu e mamali he taliaaga mai he Atua ha kua taute e tautolu e mena kua hako). [kl lau 118 para. 2]
29. He magaaho ne huhu a Iesu ke he aposetolo ko Peteru, “Kua mua nakai hau a fakaalofa kia au kia lautolu nei?,” Ne huhu a ia ki a Peteru kua mua nakai hana fakaalofa ki a Ia ke he (fakaalofa hana ke he falu he tutaki nei; ko e falu tutaki nei ne fakaalofa ki Iesu; ne fakaalofa a ia ke he tau mena nei, tuga e tau ika). (Ioane 21:15) [Totouaga he Tohi Tapu fakafahi tapu; kikite w88 11/1 lau 31 para. 9.]
30. Ke he laulahi, ko lautolu ne takitaki he fakapuloa e tala mitaki ko e (tau tagata monuina; tau tagata ne matalahi ke he lalolagi; tau tagata noa). [jv lau 548 para. 3]
Tuku e tau kupu tohi i lao ke he tau talahauaga ne tohi i kelekele:
2 Patu. 10:15, 16; Fakatai 3:9, 10; Luka 9:60, 62; 13:4, 5; Roma 9:10-12
31. Ne totoko a Iesu ke he tau matematekelea pauaki, hagaao ke he mena tupu kua iloa lahi ke he hana tau tagata fanogonogo mo e fakamaama moli e ia ke he magaaho ka nakai amanaki ke he tau mena tutupu. [Totouaga he Tohi Tapu fakafahi tapu; kikite w96-E 9/1 lau 5 para. 5.]
32. Ne fakakite e Iehova e iloilo hana ke iloa tuai e tupuaga he tama ka e nakai Ia fanau mo e ke fakagahua e lotomatala talahau tuai hana mo e tonuhia ke fifili tuai a ia ma e hana finagalo. [it-1 lau 1242 para. 6]
33. Ko e manamanatuaga katoatoa kua lata ke maeke ke hu atu ke he Kautu. [si lau 192 para. 32]
34. To fakamonuina e Iehova a tautolu he fakaaoga e tautolu e magaaho, malolo, mo e falu koloa, fakalataha mo e tau tupe ha tautolu, ke fakatolomaki ki mua e tapuakiaga moli. [kl lau 120 para. 8]
35. Kua lata ke lagomatai fakamoli a lautolu kua takitaki e tapuakiaga a Iehova. [it-1 lau 1269 para. 8]