• Faarfannaa 89:33-37
    Kitaaba Qulqulluu Hiika Addunyaa Haaraa

    • 33 Taʼus, jaalala amanamaa ani isaaf qabu matumaa hin dhiisu,+

      Waadaa koos utuun hin raawwatin hin dhiisu.*

      34 Kakuu koo hin cabsu+

      Yookiin wanta afaan koo dubbate hin jijjiiru.+

      35 Siʼa tokkicha yeroo hundumaatiif, qulqullummaa kootiin kakadheera;

      Daawititti soba hin dubbadhu.+

      36 Sanyiin isaa bara baraaf jabaatee dhaabbata;+

      Teessoon isaas akkuma aduu na duratti jabaatee dhaabbata.+

      37 Akkuma addeessa ishii samii keessatti ragaa baatuu amanamtuu taate sanaatti,

      Teessoon isaas bara baraaf jabaatee dhaabbata.” (Seelaa)

  • Ermiyaas 33:20, 21
    Kitaaba Qulqulluu Hiika Addunyaa Haaraa

    • 20 “Yihowaan akkana jedha: ‘Guyyaanii fi halkan yeroo isaaniitti akka hin dhufne dhowwuuf kakuu koo isan guyyaa ilaalchisee galee fi kakuu koo isan halkan ilaalchisee gale cabsuu yoo dandeessan,+ 21 yeroo sanatti kakuun koo inni ani tajaajilaa koo Daawitii wajjin gale cabuu dandaʼa;+ innis ilma teessoo isaa irra taaʼee mootii taʼee bulchu hin qabaatu;+ kakuun koo inni ani tajaajiltoota koo luboota warra Leewwota+ taʼanii wajjin gales cabuu dandaʼa.