Zakkaariyaas

Duumessa bokkaa cimaa qabu kan uumu,

Bokkaa kan isaaniif roobsu,+

Hundumaatiif biqiltoota dirree keessa jiran kan kennu Yihowaa dha.

 2 Siidaawwan taraafiim* gowwoomsaa* dubbataniiru;

Warri hooda dubbatanis mulʼata sobaa arganiiru.

Isaan waaʼee abjuuwwan gatii hin qabnee dubbatu,

Yaaliin isaan jajjabina kennuuf godhan gatii hin qabu.

 3 Dheekkamsi koo tiksitoota irratti ni bobaʼa,

Geggeessitoonni cunqursitoota taʼan* akka itti gaafataman nan godha;

Sababiin isaas, Yihowaan Gooftaan Raayyaa xiyyeeffannaa isaa gara hoolota isaatti, gara mana Yihudaatti deebiseera,+

Akkuma fardi waraanaa isaa ulfina qabeessa taʼe, isaaniinis ulfina qabeeyyii godheera.

 4 Namni iddoo guddaa qabu* isa keessaa ni baʼa,

Bulchaan isa deggeru* isa keessaa ni baʼa,

Iddaan waraanaa isa keessaa ni baʼa;

Tokkoon tokkoon ilaaltuu ol aanaa* isa keessaa ni baʼa, hundi isaanii walumaan ni baʼu.

 5 Isaan akkuma loltoota

Waraana irratti dhoqqee daandii irra jiru dhidhiitanii ni taʼu.

Yihowaan isaanii wajjin waan jiruuf, isaan waraana ni banu;+

Warri fardeen gulufanis ni qaaneffamu.+

 6 Ani manni Yihudaa hundumaa irra akka caalu nan godha,

Mana Yoseefis nan fayyisa.+

Ani gara laafina waanan isaanitti argisiisuuf,+

Iddootti isaan nan deebisa;

Isaan akkuma waan ani kanaan dura isaan hin gannee ni taʼu;+

Sababiin isaas, ani Waaqa isaanii Yihowaa dha; deebiis isaaniif nan kenna.

 7 Namoonni Efreem akkuma loltuu jabaa ni taʼu,

Garaan isaaniis akkuma waan daadhii wayinii dhuganiitti ni gammada.+

Ilmaan isaaniis kana arganii ni gammadu;

Garaan isaanii Yihowaatti ni gammada.+

 8 ‘Ani siiqsuudhaan walitti isaan nan qaba;

Isaan nan fura,+ isaanis hedduu ni taʼu,

Baayʼachuu isaaniis ittuma fufu.

 9 Ani akka sanyiitti saboota gidduutti kanan isaan bittinneesse taʼu illee,

Isaan iddoowwan fagootti na yaadatu;

Ilmaan isaanii wajjin bayyanatanii ni deebiʼu.

10 Ani biyya Gibxii keessaa isaan nan deebisa,

Asoor keessaas walitti isaan nan qaba;+

Gara biyya Giiliyaadii+ fi Libaanonitti isaan nan fida,

Iddoo gaʼaan isaaniif hin argamu.+

11 Inni galaanicha jeequudhaan isa gidduu ni darba;

Galaanicha keessattis dambaliiwwan ni rukuta;+

Bishaanonni Abbayyaa gad fagoo taʼan hundis ni gogu.

Of tuulummaan Asoor gad ni qabama,

Uleen mootummaa Gibxiis ni bada.+

12 Ani Yihowaan isaan hundumaa irra akka caalan nan godha,+

Isaanis maqaa kootiin ni deddeebiʼu’+ jedha Yihowaan.