Faarfannaa
94 Waaqa haaloo baʼu kan taate yaa Yihowaa,+
Ati Waaqni haaloo baatu, ifa kee ibsi!
2 Yaa Abbaa Murtii lafaa, kaʼi.+
Warra of tuulaniif wanta isaaniif malu deebisi.+
3 Yaa Yihowaa, hamoonni hamma yoomiitti,
Hamma yoomiitti gammaduu isaanii itti fufu?+
4 Isaan utuu itti hin yaadin of tuulummaadhaan dubbatu;
Warri balleessaa raawwatan hundi of jaju.
5 Yaa Yihowaa, isaan saba kee ni caccabsu,+
Dhaala kees ni cunqursu.
6 Dubartii abbaan manaa irraa du’ee fi nama biyya ormaa,
Akkasumas mucaa abbaa hin qabne ni ajjeesu.
8 Isin warri hubannaa hin qabne kana hubadhaa;
Isin gowwoonni, hubannaa akka qabdan kan argisiistan yoomi?+
9 Inni gurra tolche* dhagaʼuu hin dandaʼuu?
Inni ija tolche arguu hin dandaʼuu?+
10 Inni sabootaaf sirreeffama kennu, adabuu hin dandaʼuu?+
Sabootaaf beekumsa kan kennu isa dha!+
11 Yihowaan yaada namootaa,
Isaan hafuuruma qofa taʼuu isaanii beeka.+
12 Yaa Yaah, namni ati sirreessitu,+
Namni ati seera kee barsiistu gammadaa dha;+
13 Kunis hamma isa hamaadhaaf boolli qotamutti+
Guyyaa rakkinaatti tasgabbii isaaf kennuuf jecha dha.
15 Murtiin ammas deebiʼee qajeelaa ni taʼa,
Warri garaa qajeelaa qaban hundis isa ni hordofu.
16 Eenyutu hamoota irratti naaf kaʼa?
Eenyutu warra balleessaa raawwatan falmuudhaan naaf dhaabbata?
20 Teessoon* badii utuma maqaa seeraatiin* rakkina qopheessuu,+
Sii wajjin tokkummaa qabaachuu dandaʼaa?
22 Yihowaan garuu, iddoo amansiisaa ani kooluu itti galu* naaf taʼa,
Waaqni koo qarsaa ani kooluu itti galu dha.+
23 Inni gochi hamminaa isaanii isaanuma irratti akka deebiʼu godha.+
Hamminuma isaaniitiin isaan balleessa.*