Faarfannaa
Geggeessaa muuziqaatiif. Faarfannaa.
66 Guutummaan lafaa miira injifannootiin Waaqayyoof ililchi.+
2 Maqaa isaa isa ulfina qabeessa taʼeef faarfannaa galataa faarfadhu.*
Jajannaadhaanis ulfina isaaf kenni.+
3 Waaqayyoon akkana jedhi: “Hojiiwwan kee hammam sodaachisoo dha!+
Humna kee isa guddaadhaan kan kaʼe,
Diinonni kee si duratti ni hollatu.+
4 Namoonni lafa irra jiraatan hundi si duratti ni sagadu;+
Faarfannaa galataa siif ni faarfatu;
Maqaa keetiifis faarfannaa galataa ni faarfatu.”+ (Seelaa)
5 Kottaatii hojiiwwan Waaqayyoo ilaalaa.
Gochawwan inni ilmaan namootaatiif raawwate sodaachisoo dha.+
Nutis achitti isatti gammanne.+
7 Inni jabina isaatiin bara baraaf ni bulcha.+
Ijji isaa saboota hordofuu isaa hin dhiisu.+
Warri didaa taʼan of tuuluu hin qaban.+ (Seelaa)
8 Yaa namootaa, Waaqa keenya jajadhaa,+
Sagaleen inni ittiin jajamus haa dhagaʼamu.
10 Yaa Waaqayyo, ati nu qorteetta;+
Akkuma meetiin qulqulleeffamutti nu qulqulleessiteetta.
11 Saaphana keessa nu galchiteetta;
Baʼaa ulfaataa gad nu qabus nu* irra keesseetta.
12 Namni duʼu akka nu* irra gulufu heyyamteetta;
Nuti ibiddaa fi bishaan keessa darbine;
Achiis gara iddoo boqonnaatti nu fidde.
13 Aarsaawwan guutummaatti gubaman qabadhee gara mana kee nan dhufa;+
Wareegawwan koos siif nan raawwadha,+
14 Wareegawwan kunis warra yeroon dhiphina keessa turetti hidhii kootiin waadaa gale,+
Afaan kootiinis dubbadhe dha.
15 Horiiwwan coccoomoo aarsaa gubamu godhee
Aara korbeeyyii hoolaa aarsaa taʼanii dhihaatanii wajjin siif nan dhiheessa.
Qotiyyoowwan korbeeyyii reʼee wajjin aarsaa godhee siif nan dhiheessa. (Seelaa)
17 Afaan kootiin isa nan waammadha,
Arraba kootiinis ulfina isaaf nan kenna.
18 Garaa kootti wanta nama miidhu akkamii iyyuu yaadeera utuun taʼee,
Silaa Yihowaan na hin dhagaʼu ture.+
20 Waaqni inni kadhannaa koo hin tuffanne,
Inni jaalala isaa isa amanamaa natti argisiisuu irraa duubatti hin jenne haa jajamu.