Faarfannaa
Faarfannaa Asaaf.+
79 Yaa Waaqayyo, saboonni dhaala kee weeraraniiru;+
Mana qulqullummaa kee isa qulqulluu xureessaniiru;+
Yerusaalemiinis gara tuullaa dhagaatti jijjiiraniiru.+
2 Reeffa tajaajiltoota keetii nyaata godhanii simbirroota samiitiif,
Foon warra siif amanamoo taʼaniis bineensota bosonaa lafa irra jiraniif kennaniiru.+
3 Dhiiga isaanii naannoo Yerusaalemitti akka bishaaniitti dhangalaasaniiru,
Isaan awwaaluufis lubbuudhaan kan oole hin turre.+
4 Olloota keenya duratti warra arrabsaman taaneerra;+
Namoonni naannoo keenyaa nutti qoosu, nutti kolfus.
5 Yaa Yihowaa, akka malee kan dheekkamtu hamma yoomiitti? Bara baraafii?+
Aariin kee akka ibiddaatti kan bobaʼu hoo hamma yoomiitti?+
6 Saboota si hin beekne irratti,
Mootummoota maqaa kee hin waammanne irrattis dheekkamsa kee dhangalaasi.+
7 Sababiin isaas, isaan Yaaqoobiin nyaataniiru,
Biyya isaas onsaniiru.+
8 Balleessaa abbootii keenyaatiif akka itti gaafatamnu hin godhin.+
Baayʼee waan gad qabamneef,
Dafiitii gara laafina kee nutti argisiisi.+
9 Yaa Waaqa fayyinaa keenya,+
Maqaa kee isa ulfina qabeessa taʼeef jedhiitii nu gargaari;
Maqaa keetiif jedhiitii nu oolchi, cubbuu keenyas nuuf dhiisi.*+
10 Saboonni, “Waaqni isaanii eessa jira?”+ maaliif jedhu?
Dhiiga tajaajiltoota keetii isa dhangalaʼeef haaloon akka baʼame,+
Ijuma keenya duratti saboota gidduutti haa beekamu.
11 Inni hidhame yommuu aadu dhagaʼi.+
Warra duuti itti murteeffame* lubbuudhaan tursuuf* humna* kee isa guddaatti fayyadami.+