Isaayyaas
55 Isin warri dheebottan hundi,+ kottaa! Gara bishaaniitti kottaa!+
Isin warri maallaqa hin qabne, kottaa, bitadhaatii nyaadhaa.
Eeyyee, kottaatii maallaqa malee, gatii malees+ daadhii wayinii fi aannan bitadhaa.+
2 Wanta nyaata hin taaneef maaliif maallaqa baastu?
Wanta nama hin quubsineefis maaliif mindaa keessan* baalleessitu?
Xiyyeeffannaadhaan na dhaggeeffadhaa, wanta gaarii taʼe nyaadhaa,+
Nyaata dhugumaan gaarii taʼeenis* gammachuu guddaa ni argattu.+
3 Gurra keessan natti qabaa, gara koos kottaa.+
Dhagaʼaa, lubbuudhaanis ni jiraattu,
Anis jaalala amanamaa hin badne isa Daawititti argisiifamee wajjin haala wal simuun,+
Fedhii kootiin isinii wajjin kakuu bara baraa nan gala.+
5 Kunoo, ati saba hin beekne tokko ni waamta,
Inni ulfina waan sii kennuuf,+
Waaqa kee Yihowaa isa Qulqulluu kan Israaʼeliif jecha,+
Warri saba si hin beekne keessa jiran gara keetti ni fiigu.
6 Yeroo inni argamutti Yihowaa barbaaddadhaa.+
Yeroo inni dhihoo jiruttis isa waammadhaa.+
7 Namni hamaan daandii isaa,
Namni jalʼaanis yaada isaa haa dhiisu;+
Dhiifamni isaa guddaa waan taʼeef,*+
Gara Yihowaa isa gara laafina itti argisiisutti, gara Waaqa keenyaatti haa deebiʼu.+
8 “Sababiin isaas, yaanni koo yaada keessanii wajjin,
Daandiin koos daandii keessanii wajjin tokko miti”+ jedha Yihowaan.
9 “Akkuma samiin lafa irraa ol fagaatu,
Daandiin koo daandii keessan irraa,
Yaanni koos yaada keessan irraa fagoo dha.+
10 Bokkaanii fi cabbiin samii irraa gad buʼee,
Lafa jiisuudhaan oomisha akka argamsiistuu fi akka biqilchitu,
Isa facaasuuf sanyii, isa nyaatuufis nyaata akka kennitu utuu hin godhin akkuma ol hin deebine,
Dhugumaan wantan itti gammadu* ni raawwata,+
Wantan itti isa erges fiixaan ni baasa malee
Akkanumaan gara kootti hin deebiʼu.+
Gaaronnii fi tabbawwan isin duratti gammachuudhaan ni ililchu,+
Mukeetiin dirree hundis harka isaanii walitti ni rukutu.+
13 Bakka harangamaa mukti birbirsaa,+
Bakka doobbiis mukti hadaasii ni biqila.