Faarfannaa
Kadhannaa Daawit.
2 Amanamaa waanan taʼeef, lubbuu koo eegi.+
Waaqa koo waan taateef,
Ana tajaajilaa kee isa sitti amanamu oolchi.+
5 Yaa Yihowaa, ati gaarii dha,+ dhiifama gochuufis qophaaʼaa dha;+
Warra si waammatan hundumaatti jaalala amanamaa hedduu ni argisiista.+
6 Yaa Yihowaa, kadhannaa koo dhaggeeffadhu;
Kadhata ani gargaarsa argachuuf dhiheessus xiyyeeffannaadhaan dhagaʼi.+
8 Yaa Yihowaa, waaqolii gidduudhaa kan akka keetii hin jiru,+
Hojiin kan akka hojii keetiis hin jiru.+
9 Yaa Yihowaa, saboonni ati tolchite hundi,
Dhufanii si duratti ni sagadu,+
Maqaa keetiifis ulfina ni kennu.+
10 Sababiin isaas, ati guddaa dha, wantoota dinqisiisoo taʼanis ni raawwatta;+
Ati Waaqa dha, si malee kan biraan hin jiru.+
11 Yaa Yihowaa, waaʼee daandii keetii na barsiisi.+
Anis dhugaa kee keessa nan deddeebiʼa.+
Maqaa kee akkan sodaadhuuf, garaa koo tokko naaf godhi.*+
12 Yaa Waaqa koo Yihowaa, garaa koo guutuudhaan sin jajadha,+
Maqaa keetiifis bara baraaf ulfina nan kenna;
13 Sababiin isaas, jaalalli amanamaan ati natti argisiiste guddaa dha,
14 Yaa Waaqayyo, namoonni of tuulan ana irratti kaʼu;+
Tuutni namoota gara jabeeyyii lubbuu koo balleessuu barbaada,*
15 Ati garuu yaa Yihowaa, Waaqa araara qabeessaa fi gara laafessa* taʼe,
Aariidhaaf suuta kan jettu, jaalalli kee inni amanamaanii fi amanamummaan* kee baayʼee kan taʼe dha.+
16 Gara kootti garagali, gaarummaas natti argisiisi.+
Tajaajilaa keetiif jabina kee kenni,+
Ilma garbittii teetiis oolchi.
17 Warri na jibban isa arganii akka qaanaʼaniif,
Mallattoo* gaarummaa keetii natti argisiisi.
Sababiin isaas, yaa Yihowaa, ati isa na gargaaruu fi na jajjabeessu dha.