Isaayyaas
57 Namni qajeelaan badeera,
Garuu eenyu iyyuu kana hin qalbeeffanne.
Namoonni amanamoon fudhatamaniiru,*+
Garuu eenyu iyyuu namni qajeelaan
Rakkinaan kan kaʼe* fudhatamuu isaa hin hubanne.
2 Inni nagaa ni argata.
Warri qajeelinaan deddeebiʼan hundi siree isaanii irratti* ni boqotu.
3 “Yaa ilmaan ishii falfala raawwattu sanaa,
Yaa ijoollee ejjituu fi sagaagaltuu sanaa,
Isin garuu as dhihaadhaa,
4 Eenyutti qoosaa jirtu?
Afaan keessan balʼistanii kan bantanii fi arraba keessan kan baastan eenyu irratti?
Isin ijoollee yakkaa,
Ijoollee sobaa kan taatan,+
5 Isin warra mukeetii guguddaa gidduutti,
Muka lalisaa hundumaa jalattis kajeellaadhaan gubattan,+
Warra sulula* keessatti,
Baqaqaa kattaa keessattis ijoollee gorraatan mitii?+
6 Gaʼeen kee dhagoota cululuqoo sulula* keessa jirani dha.+
Eeyyee, carraan kee kanneen kana dha.
Ati isaaniif illee aarsaa dhugaatii ni dhangalaasta, kennaawwanis ni dhiheessita.+
Ani wantoota kanatti gammaduun qabaa?*
7 Ati gaara dheeraa fi ol kaʼaa taʼe irratti siree kee ni afatte,+
Aarsaa dhiheessuufis achitti ol ni baate.+
8 Balbalaa fi maqaanii duuba siidaa yaadannoo kee ni dhaabde.
Na dhiiste, uffata kees of irraa baaste;
Ol ni baate, siree kees ni balʼifatte.
Isaanii wajjinis kakuu galte.
Isaanii wajjin siree isaanii irra ciisuu jaallatte,+
Qaama saalaa dhiiraas xiyyeeffannaadhaan ilaalte.*
9 Zayitii qabattee,
Urgooftuu hedduus qabattee gara Meeleekitti* gad ni buute.
Gara Awwaalaatti* gad buʼuuf jettee,
Ergamtoota kee fagootti ni ergite.
10 Daandiiwwan kee hedduu duukaa buʼuuf ni dhamaate,
Garuu, ‘Kun abdii hin qabu!’ hin jenne.
Ati humna haaraa ni argatte.
Abdiis kan hin kutanne* kanaafi.
11 Soba kan jalqabde,+
Eenyuun sodaattee ti? Kan si naasise hoo eenyu?
Ati na hin yaadanne.+
Homaas hin qalbeeffanne.+
Ani calluma hin jennee? Dubbachuu irraa hoo of hin qusannee?*+
Kanaafuu, ati na hin sodaanne.
12 Ani ‘qajeelummaan’+ kee fi hojiiwwan+ kee akka beekaman nan godha,
Isaanis faayidaa siif hin argamsiisan.+
13 Yommuu gargaarsa argachuuf iyyattutti,
Waaqolii tolfamoon walitti qabatte si hin oolchan.+
Bubbeen hunduma isaanii fudhatee sokka,
Hafuurri afaanii baʼus isaan haree sokka,
Namni anatti kooluu galu garuu biyyattii ni dhaala,
Gaara koo isa qulqulluus kan ofii godhata.+
14 ‘Ijaaraa, daandii ijaaraa! Daandii qopheessaa!+
Gufuu kam iyyuu daandii saba kootii irraa balleessaa’ ni jedhama.”
15 Sababiin isaas, inni Ol Kaʼaan,
Inni bara baraaf jiraatuu+ fi maqaan isaa qulqulluu+ taʼe akkana jedha:
“Ani iddoo ol kaʼaa fi iddoo qulqulluu keessan jiraadha,+
Haa taʼu malee, hafuura warra rakkatoo haaressuuf,
Garaa warra caccabaniis haaressuuf,
Warra caccabanii fi warra gaddanii wajjinis nan taʼa.+
16 Sababiin isaas, ani bara baraaf isaan hin mormu
Yookiin yeroo hundumaa hin dheekkamu;+
Anaan kan kaʼe hafuurri namaa ni dadhaba,+
Uumamawwan hafuura baafatan warri ani tolche illee ni dadhabu.
17 Inni cubbamaa taʼuu isaatiin buʼaa sirrii hin taane argachuuf yaalii gochuu isaatti nan aare,+
Kanaafuu, isa nan rukute, fuula koo nan dhokse, nan dheekkames.
Inni garuu daandii garaa isaa hordofuudhaan gantuu taʼuu isaa itti fufe.+
18 Ani daandiiwwan isaa argeera,
Garuu isa nan fayyisa,+ isa nan geggeessa,+
Isaa fi namoota isaa warra gaddanis deebisee nan jajjabeessa.”*+
19 “Ani firii hidhii nan uuma.
Isa fagoo jiruufis, isa dhihoo jiruufis nagaan wal irraa hin cinne ni kennama,+
Anis isa nan fayyisa” jedha Yihowaan.
20 “Hamoonni garuu akkuma galaana gabii hin qabnee fi cal jechuu hin dandeenyee ti,
Bishaanonni isaas biqiltuu galaanaa fi dhoqqee ol ni baasu.
21 Hamoonni nagaa hin qaban”+ jedha Waaqni koo.