Repaso di Scol di Ministerio Teocratico

Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 3 di mei te cu 23 di augustus 1999. Usa un blachi separá pa skirbi contesta di mas tantu pregunta posibel den e tempu asigná.

[Nota: Durante e repaso skirbí, por usa solamente Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]

Contestá cada un dje siguiente declaracionnan cu Cierto of Falsu:

1. Mayornan no tin nodi comprometé principionan bíblico pa trata razonablemente cu nan yunan. [fy-PA pág. 108 §14] Cierto. (Pro. 13:24)

2. E tema pa henter e Bijbel ta e vindicacion di Jehova mediante e Reino goberná dor dje “simia” primintí. (Gén. 3:15) [si-S pág. 17 §30] Cierto.

3. Tin masha tiki evidencia arkeológico i otro evidencianan externo cu ta duna testimonio dje exactitud dje eventonan registrá den Exodo. [si-S pág. 20 §4] Falsu. Tin un cantidad sorprendente di evidencia arkeológico i otro evidencianan externo cu ta duna testimonio dje exactitud dje registro.

4. Hende cu ta biba den pobresa extremo no ta den un posicion pa contribuí financieramente pa promové interesnan di Reino. [w97-PA 15/9 pág. 5 §8] Falsu. E relato na Lucas 21:​1-4 ta demostrá cu tur hende por duna segun nan circunstancia pa promové interesnan di Reino.

5. Paga un debido compensacion na mayornan i welonan ta parti di nos adoracion na Jehova. (1 Tim. 5:4) [w97-PA 1/9 pág. 4 §1-2] Cierto.

6. Originalmente, e wardamentu di sabat tabata un señal entre Jehova i tur nacion. [Lesamentu semanal di Bijbel; mira rs-S pág. 334 §1 (rs-E pág. 345 §3).] Falsu. Manera Exodo 31:​16, 17 ta mustra, e tabata un señal entre Jehova i e nacion di Israel.

7. Ora un mucha bira suficiente grandi pa cuminsá tuma su mes decisionnan, e ta carga un midí mas grandi di responsabilidad pa su accionnan, foral pa cu ley divino. (Rom. 14:12) [fy-PA pág. 135 §17] Cierto.

8. Moises a skirbi e buki di Levítico na aña 1513 P.E.C. [si-S pág. 25 §3-4] Falsu. Manera Exodo 40:17 i Númeronan 1:1 ta indicá, el a skirbi Levítico na aña 1512 P.E.C.

9. E palabranan di Jesus registrá na Lucas 21:20, 21 a cumpli na aña 66 E.C., ora cu e ehército romano bou di mando di general Tito a retirá for di Jerusalem. [w97-PA 1/4 pág. 5 §4-5] Falsu. N’e ocasion ei, general Gallo tabata na mando dje ehército romano.

10. E siñansa di Epicuro tabata peligroso pa cristiannan, pasobra e tabata basá riba su punto di bista sin fe, describí na 1 Corintionan 15:32. [w97-PA 1/11 pág. 24 §4] Cierto.

Contestá e siguiente preguntanan:

11. Ki les nos ta siña for dje prohibicion di come vet, declará na Levítico 3:17? [Lesamentu semanal di Bijbel; mira w84-S 15/2 pág. 29 §2.] A considerá vet como lo mihó, e parti mas ricu. E prohibicion a imprimí riba e israelitanan cu lo mihó di nan a pertenecé na Jehova. Cristiannan awe mester dun’é lo mihó di nan continuamente. (Col. 3:​23, 24) (Idea principal ta suficiente)

12. Di con Jehova a permití Satanas e Diabel sigui existí? (Ex. 9:15) [Lesamentu semanal di Bijbel; mira w92-S 15/3 pág. 10 §14.] Debí n’e cuestion cu Satanas a lanta relacioná cu e derecho di Jehova su soberania universal, Jehova a permití Satanas keda existí pa demostrá Su poder i pa Su nomber ser declará den tur e tera. (Idea principal ta suficiente)

13. Ora un miembro di famia ta enfrentá malesa serio, cua ta e promé pasonan cu e famia mester tuma pa establecé prioridadnan? (Pro. 15:22) [fy-PA pág. 122 §14] Miembronan di famia mester bini huntu i considerá e situacion, i a la bes huntu cu oracion acudí n’e Palabra di Dios pa guia. (Sal. 25:⁠4)

14. Den ki sentido e nacion di Israel tabata “un reino di sacerdote”? (Ex. 19:6) [Lesamentu semanal di Bijbel; mira w95-PA 1/7 pág. 16 §8.] Ora a inaugurá e Ley di Moises, a tuma e levitanan masculino a cambio di e primogénito di cada famia no-levita. Asina, tur famia den Israel tabata, den un sentido, representá den e sirbishi di tempel; tambe, e israelitanan a representá Jehova dilanti e nacionnan.

15. Kico ta e diferencia entre un wowo “simpel” i unu “malbado”? (Mat. 6:22, 23) [w97-PA 1/10 pág. 26 §5] Un wowo “simpel” ta unu cu ta enfocá riba cosnan spiritual, fihá riba e Reino di Dios; un wowo “malbado” ta unu cu ta bijziend, cu por enfocá solamente riba deseonan carnal instantáneo, no riba metanan spiritual.

16. Con Jehova por a papia di David como si fuera canando “cu integridad di curason i cu rectitud” ya cu el a cometé erornan? (1 Rey. 9:4) [w97-PA 1/5 pág. 5 §2] Jehova a reconocé cu David tabata básicamente digno di confiansa, como cu David tabata humilde, e kier a haci loke ta corecto, consistentemente el a pidi reprendementu i coreccion i a aceptá nan, i nunca e no a desviá for di adoracion berdadero.

17. E echo cu e israelitanan a haci “precisamente asina” en coneccion cu e tabernáculo, a prefigurá ki privilegionan di nos tempu? (Ex. 39:32) [Lesamentu semanal di Bijbel; mira w95-PA 15/12 pág. 13 §9.] Den nos tempu, e sirbidónan di Dios tin e oportunidad di duna apoyo di henter alma na e trabou di predicá i na programanan di expansion di Reino.

18. Kico e echo cu Jehova a revelá su mes como “lo mi resultá di ta loke lo mi resultá di ta,” ta indicá? (Ex. 3:14) [Lesamentu semanal di Bijbel; mira w95-PA 1/3 pág. 10 §6.] E expresion aki ta indicá cu Jehova ta bira loke ta necesario pa cumpli cu su propósito.

19. Ki les nos ta siña for dje incidente cu a enbolbé Nadab i Abihú, registrá na Levítico 10:1, 2? [Lesamentu semanal di Bijbel; mira w84-S 15/2 pág. 29 §3.] Sirbidónan di Jehova responsabel awe tin cu cumpli cu rekisitonan divino i no mag tuma indebido libertadnan of abusá di nan puesto. (Lev. 10:​8-11) (Idea principal ta suficiente)

20. Di con, bou di Ley di Moises, dunamentu di lus a haci un muher “impuru”? (Lev. 12:2, 5) [Lesamentu semanal di Bijbel; mira w84-S 15/2 pág. 29 §5.] Como cu Jehova a traha e órganonan reproductivo pa transmití bida perfecto, e periodo temporal di ‘impuresa’ asociá cu dunamentu di lus a hala atencion n’e herencia pecaminoso i na e necesidad di un sacrificio di rescate.

Yena e palabra(nan) of frase necesario pa completá cada un dje siguiente declaracionnan:

21. Aunke no tin un cura instantáneo pa soledad, un mayor soltero por soport’é cu fortalesa for di Jehova, cu e por ricibí mediante súplicanan persistente. (1 Tim. 5:5) [fy-PA pág. 112 §21]

22. Un tragedia den un hende su bida por ta e resultado di tempu i suceso imprevisto of debí na nos propio picá heredá. [w97-PA 15/5 pág. 22 §7]

23. E buki di Exodo ta revelá Jehova como e gran Libertador i Organisador i e Cumplidor di su propósitonan magnífico. [si-S pág. 24 §26]

24. Principalmente loke nos ta den privá, i no den público, ta revelá loke nos berdaderamente ta di paden. [w97-PA 15/10 pág. 29 §4]

25. Si fiestanan di cosecha tin coneccion cu paganismo of cu religion falsu, cristiannan berdadero por evitá di desagradá Jehova dor di nenga cualkier participacion den tal tipo di adoracion contaminá. [w97-PA 15/9 pág. 9 §6]

Scoge e contesta corecto den cada un dje siguiente declaracionnan:

26. E ‘cuatershen añanan’ di afliccion pa e simia di Abraham a cuminsá ora Ismael a haci bofon di Isaac na aña (1943; 1919; 1913) P.E.C. i a terminá cu e liberacion for di Egipto na aña (1543; 1519; 1513) P.E.C. (Gén. 15:13) [si-S pág. 17 §31]

27. Si un famia lo enfrentá un malesa serio cu éxito of no, ta dependé hopi dje (siguridad financiero; actitud; pólisanan di seguro) dje miembronan di famia. (Pro. 17:22) [fy-PA pág. 120 §10]

28. Bijbel ta yama esun cu bisa den su curason “No tin Jehova,” “hende bobo,” pasobra e persona ei ta (moralmente deficiente; ineducá; no tin abilidad di razoná). (Sal. 14:1) [w97-PA 1/10 pág. 6 §8]

29. Ora Adam cu Eva a rebelá, e cos mas importante cu nan a perde tabata nan (perfeccion; relacion cu Dios; hogar paradísico), cu tabata e clave pa nan felicidad. [w97-PA 15/10 pág. 6 §2]

30. E buki di (Génesis; Exodo; Levítico) ta mencioná e rekisito di santidad mas tantu biaha cu cualkier otro buki di Bijbel. [si-S pág. 26 §9]

Cuadra e siguiente textonan bíblico cu e declaracionnan aki bou:

Ex. 5:2; Ex. 21:29; Pro. 1:8; Gal. 5:20; Sant. 1:14, 15

31. Ken cu ta afirmá di ta un cristian i cu repetidamente i sin repentí ta sucumbí na atakenan di rabia violento, entre otro abusu físico di miembronan di famia, por ser scomulgá. [Gal. 5:⁠20] [fy-PA pág. 150 §23]

32. E manera cu nos ta actua ta cuminsá cu con nos ta pensa. [Sant. 1:​14, 15] [fy-PA pág. 148 §18]

33. Jehova Dios ta humiyá tur esnan cu na un manera desafiante ta nenga di reconocé su Divinidad. [Ex. 5:2] [Lesamentu semanal di Bijbel; mira w92-S 15/12 pág. 13 §18.]

34. Aunke Bijbel ta asigná na e tata e responsabilidad principal pa instruí e yunan, e mama tambe ta hunga un rol importante. [Pro. 1:8] [fy-PA pág. 133 §12]

35. E Ley no a permití pa usa negligencia como un base pa haña misericordia ora bo mata un hende. [Ex. 21:29] [Lesamentu semanal di Bijbel; mira w95-PA 15/11 pág. 11 §5.]