Evitá e Erornan Akí ora di Dirigí Estudio di Beibel

Papia Hopi: No pensa ku ta abo tin ku splika tur kos. Hesus a usa pregunta pa yuda hende yega na e konklushon korekto. (Mat 17:24-27) Ora bo ta hasi pregunta, e estudio ta bira mas interesante. Ademas, pregunta ta yuda bo saka afó si e studiante ta komprondé loke e ta siñando i si e ta di akuerdo ku esei. (be 253 §3-4) Despues di hasi un pregunta, tene pasenshi i warda pa e studiante kontestá. Si e no kontestá bon, no bis’é e kontesta; hasi mas pregunta pa yud’é yega na e kontesta korekto. (be 238 §1-2) Papia na un ritmo ku e studiante por kapta ideanan nobo.—be 230 §4.

Duna Splikashon Kompliká: Evitá di bisa tur loke bo sa di un tópiko. (Hua 16:12) Enfoká riba e punto prinsipal di e paragraf. (be 226 §4-227 §1) Si bo ta duna demasiado detaye, aunke kisas interesante, esei por stroba e studiante di kapta e puntonan prinsipal. (be 235 §3) Si e studiante a kapta e punto, bai na e siguiente paragraf.

Djis Pasa den e Informashon: Nos meta ta pa yega na kurason di e studiante, i no djis pa pasa den e informashon. (Luk 24:32) E Palabra di Dios tin poder. P’esei, resaltá e tekstonan klave den e lès. (2Ko 10:4; Heb 4:12; be 144 §1-3) Usa ilustrashon simpel. (be 245 §2-4) Tene kuenta ku e desafionan i kreensianan di e studiante i adaptá e lès na su sirkunstansianan. Hasi pregunta manera: “Kiko bo ta pensa di loke bo a kaba di siña akí? Kiko e informashon akí ta siña nos di Yehova? Kon abo ta kere ku e konseho akí lo benefisiá bo?” —be 238 §3-5; 259 §2.