Liboka Tsa Tšebeletso Tsa January
Beke e Qalang ka la 5 January
8 mets: Litsebiso tsa phutheho. Litsebiso tse khethiloeng ho Tšebeletso ea Rōna ea ’Muso.
17 mets: “Thabela ho Fana ka Bopaki bo Phethahetseng.” Ho buisanoe ka sehlooho sena le bamameli. Totobatsa bohlokoa ba nehelano e sebetsang: (1) Lumelisa ka botsoalle, (2) hlalosa kapa u botse potso mabapi le taba ea morao-rao e thahasellisang, (3) lebisa tlhokomelo Lengolong le loketseng, ’me (4) u lebise thahasello khatisong eo ho nehelanoang ka eona. E-re mohoeletsi ea nang le phihlelo a etse pontšo ka nehelano eo ho entsoeng tlhahiso ka eona leetong la pele le leetong la ho boela le lumellanang le nehelano.
20 mets: Thuto e Thabisang ea Lelapa. Banyalani ba buisana ka litlhoko tsa moea tsa lelapa la bona. Ba khathatsehile ka litšusumetso tsa lefatše tse amang bana ba bona ka tsela e mpe, ba ikutloa hore ba tlameha ho matlafatsa bomoea ba bana ba bona, empa hape baa lumela hore thuto ea bona ea lelapa e ne e sa tšoaroe kamehla ’me hangata e ne e sa finyelle se hlokahalang. Ba le hammoho ba hlahloba litlhahiso tsa kamoo ho ka tšoaroang thuto ea lelapa e molemo tse ileng tsa fanoa ho Molula-Qhooa oa August 1, 1997, leqepheng la 26-9. Ka bobeli ba ikemiselitse ho nka bohato ka ho sireletsa boiketlo ba moea ba bana ba bona.
Pina 142 le thapelo e koalang.
Beke e Qalang ka la 12 January
10 mets: Litsebiso tsa phutheho. Tlaleho ea lichelete.
15 mets: “Sebelisa Limemo Hamolemo.” Puisano le bamameli. Akarelletsa le phihlelo e tsoang ho Molula-Qhooa oa December 1, 1996, leqepheng la 13, serapeng sa 15.
20 mets: “Jehova o Fana ka Matla a ka Nģ’ane ho a Tloaelehileng.” Lipotso le likarabo. (Bona w90-SU 7/15 19, serapa sa 15-16.) Lokisetsa hore ho be le ba bang ba phetang liphihlelo tse khothatsang tse bontšang kamoo Jehova a ileng a ba matlafatsa kateng.
Pina 81 le thapelo e koalang.
Beke e Qalang ka la 19 January
10 mets: Litsebiso tsa phutheho. Litaba Tsa Puso ea Molimo. Bolela kananelo bakeng sa tšehetso ea chelete.
15 mets: Litlhoko tsa phutheho.
20 mets: Lokisetsa Hona Joale ho Khomarela Molao oa Molimo Tabeng ea Mali. Moholo ea tšoanelehang o bua ka bohlokoa ba ho tlatsa karete ea Advance Medical Directive/Release. Tataiso e bululetsoeng e ho Pesaleme ea 19:7 e bontša hore Liketso 15:28, 29 ke polelo e hlalosang molao o phethahetseng oa Molimo tabeng ea mali. Barapeli ba tšepahalang ba leka ka tieo ho khomarela molao oo. Litokomane tsena li tsebahatsa boikemisetso ba hao ka ho etsa joalo le ho u buella nakong eo u sa khoneng ho ipuella ka eona. (Bapisa le Liproverbia 22:3.) Karete e ncha e bolela boemo ba hao ba hona joale ba ho hana tšelo ea mali. Ka mor’a seboka, Lipaki tse kolobelitsoeng tse batlang ho ba le karete e ncha li tla e fuoa, ’me ba nang le bana ba banyenyane ba sa kolobetsoang ba tla fuoa Identity Card bakeng sa ngoana ka mong. Likarete tsena ha lia lokela ho tlatsoa mantsiboeeng ana. Li lokela ho tlatsoa ka hloko lapeng empa LI SE KE tsa saenoa. Ho saena, ho paka le ho ngola letsatsi likareteng tsohle ho tla etsoa ka mor’a Thuto ea Buka ea Phutheho Bekeng e latelang tlas’a tlhokomelo ea mokhanni oa thuto ea buka. O tla etsa bonnete ba hore bohle ba leng sehlopheng sa hae ba batlang ho tlatsa karete ena ea bongaka ba fumana thuso e hlokahalang. Ba saenang e le lipaki ba lokela hore ba bone mong’a karete a hlile a saena tokomane ena. Leha e le bafe ba tla beng ba le sieo nakong eo ’me ba rata ho tlatsa le ho saena likarete ba tla thusoa ke bakhanni/baholo Sebokeng sa Tšebeletso se latelang ho fihlela ha likarete tsa bahoeletsi bohle ba kolobelitsoeng li tlatsitsoe hantle le ho saenoa. (Hlahlobang lengolo la la 15 October, 1991.) Ka ho lumellanya mantsoe a leng kareteng ena le maemo a bona le seo ba se lumelang, bahoeletsi ba sa kolobetsoang ba ka ingolla likarete tsa bona hammoho le tsa bana ba bona tseo ba tla li sebelisa.
Pina 146 le thapelo e koalang.
Beke e Qalang ka la 26 January
12 mets: Litsebiso tsa phutheho. Hlahloba lingoliloeng tseo ho tla nehelanoa ka tsona ka February. Bolela ntlha e le ’ngoe kapa tse peli tse tsoang bukeng ea Tlhōrō ea Tšenolo tse tla thusa ha ho nehelanoa ka eona.
15 mets: “Bontša Tlhompho Bakeng sa Sebaka sa Borapeli sa Jehova.” Lipotso le likarabo. E fanoe ke moholo eo ka mosa a tla etsa hore boitsebiso bona bo sebetse phuthehong.
18 mets: Ho Tlaleha Karolo ea Rōna Mosebetsing oa Lefatše Lohle oa ho Paka. (E thehiloe bukeng ea Tšebeletso ea Rōna, leqepheng la 100-2, 106-10) Puo le puisano tse fanoang ke mongoli. Ka mor’a ho bontša mohlala oa Mangolo oa ho tlaleha mosebetsi oa rōna kamehla, o mema bahlanka ba sebeletsang ba babeli ho hlahloba sehloohoana se reng “Lebaka la ho Tlaleha Tšebeletso ea Rōna ea Tšimo.” Joale mongoli o hatella bohlokoa ba ho tlisa litlaleho tse nepahetseng kapele-pele ’me o khothatsa bohle hore ba tlise litlaleho tsa bona tsa tšebeletso ea tšimo tsa January bofelong ba khoeli. O fana ka mabaka ao ka ’ona ho leng molemo ho ipehela lipakane, ’me o phethela ka litlhaloso tse khothatsang le litlhohonolofatso tse tlelang ba kopanelang ka botlalo mosebetsing oa ho paka.
Pina 189 le thapelo e koalang.