Jinsi ya Kutumia Fomu ya Tafadhali Fuatia Upendezi (S-43)

Unapaswa kujaza fomu hii unapompata mtu anayependezwa lakini haishi katika eneo lenu au anazungumza lugha ya kigeni. Ijapokuwa hapo awali tuliitumia tulipowapata watu wanaozungumza lugha ya kigeni iwe wanapendezwa au la, sasa tutaitumia tu mtu anapoonyesha upendezi. Lakini, mambo ni tofauti tunapompata mtu aliye kiziwi. Tunapaswa kujaza fomu ya S-43 tunapompata kiziwi, iwe anaonyesha upendezi au la.

Tunapaswa kufanya nini baada ya kujaza fomu ya S-43? Tunapaswa kumpa mwandishi wa kutaniko. Ikiwa anajua kutaniko la kuituma, anaweza kuwatumia wazee wa kutaniko hilo ili wafanye mipango inayofaa ya kumsaidia mtu aliyeonyesha upendezi. Ikiwa hajui kutaniko linalohusika, basi ataituma fomu hiyo kwenye ofisi ya tawi.

Iwapo mtu aliyeonyesha upendezi anazungumza lugha ya kigeni na anaishi katika eneo lenu, unaweza kuendelea kumtembelea ili kudumisha upendezi hadi mhubiri aliye katika kutaniko linalozungumza lugha yake atakapomtembelea.—Ona Huduma Yetu ya Ufalme ya Novemba 2009, ukurasa wa 4.