Tukomalishe Ufundi Wetu wa Kuhubiri—Kuonyesha Namna Funzo la Biblia Linafanywa kwa Kutumia Kitabu Biblia Inafundisha

Sababu Gani Ni Lazima Kufanya Hivyo: Pengine watu wengi hawataelewa wakati tunawaambia kwamba tunajifunza na watu Biblia bila malipo. Wanaweza kufikiri kwamba watajiunga na kikundi fulani ili kujifunza pamoja ao watajifunza kupitia barua ao Internete. Kuliko kusema tu kwamba tunajifunza na watu Biblia, ni vizuri zaidi kuwaonyesha namna funzo hilo linafanywa. Kwa dakika kidogo tu, hata kwenye mulango, unaweza kumuonyesha mutu namna kujifunza Biblia ni jambo rahisi na linafanya ajue mambo mengi kabisa.

Namna ya Kufanya:

Kisha kujitambulisha, umuulize musikilizaji ikiwa anahangaikia wakati unaokuja.
Umuambie kwamba watu wengi wanahangaikia jambo hilo, na umuonyeshe vichwa vya habari vya kitabu Biblia Inafundisha. Muelezee kwamba kitabu hicho kina habari za kujifunza zilizo rahisi kuelewa, na ambazo zinaonyesha mambo yenye Biblia inafundisha kuhusu wakati unaokuja, na habari zingine. Kisha, umuombe achague sura yenye inamuvutia.
Umupatie kitabu kimoja, na mufungue sura ambayo alichagua. Muelezee kwamba maulizo yaliyo mwanzoni mwa habari hiyo yanajibiwa katika mafungu ya sura hiyo.
Umuombe musikilizaji asome fungu la kwanza ikiwa anapenda. Kisha, soma ulizo la fungu hilo, na mutafute jibu pamoja naye. Musome na kuzungumuzia maandiko yenye yanaunga mukono jibu la ulizo. Muonyeshe namna umetia mistari kwenye jibu katika kitabu chako.
Musome fungu la kufuata, lakini sasa, umuombe musikilizaji ajaribu kujibia kwa kutumia maneno yake mwenyewe.
Umupongeze na ufanye mupango wa kumurudilia ili kuendelesha funzo.
Ikiwa inafaa, umuombe aangalie video iliyo kwenye jw.org yenye kichwa Funzo la Biblia Linafanywa Namna Gani?

Tumikisha Shauri Hili Katika Mwezi:

Muombe Yehova abariki bidii yako ya kujikaza kuanzisha funzo la Biblia.—Flp. 2:13.
Jaribu kuonyesha mutu namna funzo la Biblia linafanywa kwa kutumia kitabu Biblia Inafundisha ao onyesha video yenye kichwa Funzo la Biblia Linafanywa Namna Gani? hata mara moja wakati uko katika mahubiri.