Ngaahi Fakataha Ngāue

FAKATOKANGA: Kamata ʻi he ʻīsiu ko ʻeni ʻo ʻEtau Ngāue Fakafaifekau ʻo e Puleʻanga, ʻe fakakau ʻi he Taimi-Tēpile Fakataha Ngāué ha fakamatala ki he ʻuluaki Fakataha Ngāue ʻo e māhina hoko maí. ʻOku fakahoko ʻa e liliu ko ʻení ke fetongiʻaki ha ala tuai ʻa hono ʻomai ʻo ʻEtau Ngāue Fakafaifekau ʻo e Puleʻanga.

Uike Kamata Tīsema 6

Hiva 207

10 min: Ngaahi fanongonongo fakalotofonuá. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

20 min: “Faʻifaʻitaki ki he Taʻefilifilimānako ʻa Sihová.” Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali. Fakamatalaʻi ʻa e ʻuhinga ʻo e taʻefilifilimānakó, founga ʻoku fakahāhā ai ia ʻe Sihová, pea mo e founga te tau lava ke fakahāhā ai ʻeni ʻi heʻetau ngāue fakafaifekaú.​—Sio ki he Insight, Voliume 1, peesi 1192, palakalafi 4-7.

15 min: “Foaki Loto-Lelei Atu Kitautolu ki he Ngāue Lelei Kotoa Pē.” Malanga fakalotomāfana ke fai ʻe ha tokotaha mātuʻa ʻi he palakalafi 1-9.

Hiva 222 mo e lotu tuku.

Uike Kamata Tīsema 13

Hiva 168

10 min: Ngaahi fanongonongo fakalotofonuá. Fakamatala paʻangá. ʻOatu ha ngaahi fokotuʻu ki he anga ʻo e tali fakapotopoto ki he ngaahi fakafeʻiloaki ki he ʻaho mālōloó. Kapau ʻoku maʻu ʻe he fakatahaʻangá ha ngaahi tatau ʻo e tohi Moʻungaʻi Tangata Lahi Taha pe Great Teacher ʻi he sitoká, fakahā ʻa e founga ke nau ngāueleleiʻaki aí ʻi he ngāue fakafaifekaú he lolotonga ʻo e ngaahi ʻaho mālōlō Kilisimasí.

15 min: “Ko e Ako Fakafaifekau Fakateokalati ki he 2000.” Ko ha malanga ke fai ʻe he ʻovasia ʻo e Ako Fakafaifekau Fakateokalatí. Fakamanatu ʻa e ngaahi liliu hoko hake ʻi he fakahokohoko ki he taʻu foʻoú. Ko e Konga Fika 3 ʻe fakatuʻunga ia ʻi he Ngaahi Tuʻunga Lea Faka-Tohitapu ke Fetalanoaʻaki Ai. Ko e Konga Fika 4 te ne kāpui ʻa e ngaahi hingoa faka-Tohitapu mei he Insight on the Scriptures pea ʻi he lolotonga ʻo e ngaahi māhina ʻe tolu fakamuimui ʻo e taʻú ʻe fakatuʻunga ia ʻi he Ngaahi Tuʻunga Lea Faka-Tohitapu ke Fetalanoaʻaki Ai. ʻI he hā ʻa e fakaʻilonga fika (#) hoko atu ki he konga ko ʻení, ʻoku ʻuhinga ia ko ha tokoua ke ne fai ia. Fakalototoʻaʻi ʻa e tokotaha kotoa pē ke tauhi ʻenau lau Tohitapu fakauiké pea ke tōtōivi ʻi hono fakahoko ʻa e ngaahi konga ʻi he akó.

20 min: “Foaki Loto-Lelei Atu Kitautolu ki he Ngāue Lelei Kotoa Pē.” Fehuʻi mo e tali ʻo e palakalafi 10-15. Lave ki he ngaahi fiemaʻu mo e ngaahi founga fakalotofonuá ʻa ia ʻe lava ai ʻa e tokotaha kotoa pē ʻo fai ha tokoni.

Hiva 220 mo e lotu tuku.

Uike Kamata Tīsema 20

Hiva 84

10 min: Ngaahi fanongonongo fakalotofonua. Fanongonongo fakamanatu ʻo fakamanatu ki he fanga tokouá ke līpooti ʻenau ngāue fakamalanga ki Tīsemá. ʻAi ha kau malanga ke nau lave nounou ki he ngaahi meʻa naʻa nau hokosia naʻa nau fiefia ai ki muí ni ʻi he ngāue fakamalangá.

15 min: Tali ki he Ngaahi Taʻofiʻanga ʻo e Fetalanoaʻakí. Fetalanoaʻaki mo e kau fanongó pea mo e ngaahi fakahāhā. Lau ʻa e “Fakamatala” ʻi he peesi 7-8 ʻo e kiʻi tohi ko e Kamata mo Hoko Atu ʻa e Fetalanoaʻaki. Toʻo ha “taʻofiʻanga ʻo e fetalanoaʻakí” ʻe ua pe tolu mei he peesi 8-12, pe ngāueʻaki ha niʻihi ʻoku tau faʻa fetaulaki mo ia ʻi hotau feituʻú. Fakamanatu ʻa e niʻihi ʻo e ngaahi tali kuo ʻosi fokotuʻu mai, pea sivisiviʻi ʻa e ʻuhinga ʻoku ola lelei nai ai kinautolu ʻi he feituʻú. Fakahāhaaʻi nounou ha niʻihi ʻo kinautolu. Fakaafeʻi ʻa e kau fanongó ke nau lave ki ha ngaahi tali naʻa nau ngāueʻaki naʻe ola lelei.

20 min: ʻOku Totonu Ke U Tali ha Ngāue ʻOku Fekauʻaki mo ha Kautaha Fakalotu? Ko e malanga ke fai ʻe ha tokotaha mātuʻa, ʻo makatuʻunga ʻi he Taua Leʻo ʻo ʻEpeleli 15, 1999, peesi 28-30. Kuo tali ʻe he faʻahinga ʻe niʻihi ʻa e ngāue pehē pea toki fakatokangaʻi ki mui ai ko e meʻa ʻoku nau faí naʻe ʻikai ke fehoanaki mo e ngaahi tefitoʻi moʻoni ʻo e Tohitapú. Ko e fakamanatu ʻo e ngaahi fehuʻí ʻoku fiemaʻu ke tau fakakaukauʻi ʻi he taimi ʻoku tau fai ai ha fili fekauʻaki mo hono fai ha ngāue fakamāmani ʻoku ʻi ai nai hono ngaahi fehokotaki fakalotú. Fakalototoʻaʻi ʻa e tokotaha kotoa pē ke ne tulimui ki ha ʻalunga ʻe fakapapauʻi ai ha tuʻunga lelei ʻi he ʻao ʻo Sihová.​—2 Kol. 6:​3, 4, 14-18.

Hiva 220 mo e lotu tuku.

Uike Kamata Tīsema 27

Hiva 56

8 min: Ngaahi fanongonongo fakalotofonuá. Kapau ʻe liliu ʻe hoʻo fakatahaʻangá ʻa e taimi fakatahá ki he taʻu foʻoú, fai ha fakalototoʻa anga-ʻofa ʻo fakaʻaiʻai ʻa e tokotaha kotoa pē ke tauhi maʻu ʻa e maʻu maʻu pē ʻo e fakatahá ʻi he ngaahi taimi foʻoú. Fakahā ki he kau ako Tohitapú pea mo e faʻahinga mahuʻingaʻia kehé fekauʻaki mo ha liliu pē, pea kamata ke ngāueʻaki ʻa e ngaahi tohi fakaafe ko ia ʻoku hā ai ʻa e taimi-tēpile foʻoú. Fakamanatu ki he tokotaha kotoa pē ke ʻomai ʻa e ngaahi līpooti ngāue fakamalanga ki Tīsemá.

17 min: “ʻIkai Kuo Tau ʻOsi Fanongo Ai ki Muʻa?” Malanga mo e fetalanoaʻaki mo e kau fanongó. Fakaafeʻi ʻa e kau fanongó ke nau fakamatalaʻi ʻa e founga kuo tokoniʻi ai kinautolu ʻe he toutou ʻaí ke nau mahinoʻi pea nau houngaʻia kakato ange ʻi he moʻoní.​—Sio ki he The Watchtower ʻo Siulai 15, 1995, peesi 21-22, mo e Taua Leʻo ʻo Tīsema 1, 1993, peesi 22-23, palakalafi 10-12.

10 min: Ngaahi fiemaʻu fakalotofonuá.

10 min: Ko Hono Tuʻuaki ʻa e Ko ʻEku Tohi ʻo e Ngaahi Talanoa Faka-Tohitapú he Lolotonga ʻo Sanualí. Malanga mo e ngaahi fakahāhā. Fakamatalaʻi ʻa e ʻuhinga ʻoku kei ola lelei ai ʻa e tohi ko ʻení ki hono fakatupulekina ʻa e mahuʻingaʻia ʻi he Tohitapú, ʻo ʻikai ki he faʻahinga pē ʻoku ʻi ai ʻenau fānau īkí, kae toe pehē pē ki he faʻahinga taʻumotuʻá. Fakaeʻa ʻa e ngaahi poini fakatupunga talanoa mo e ngaahi fakatātā ʻa ia ʻe ngāueleleiʻaki ʻi hono kamata ha ngaahi fetalanoaʻakí. Fakahāhaaʻi ha tuʻuaki ʻe taha pe ua. ʻI hono maʻu ha mahuʻingaʻia, ʻe lava ke ngāueʻaki ʻa e polosiua Fiemaʻu ke kamata ha ako.

Hiva 168 mo e lotu tuku.

Uike Kamata Sanuali 3

Hiva 27

8 min: Ngaahi fanongonongo fakalotofonua.

17 min: ʻIlo ki he Founga ke Fai Ai ha Tali. (Kol. 4:6) Malanga mo e fetalanoaʻaki mo e kau fanongó. Ko e tohi Reasoning ko ha tokoni fakaofo ia ki hono tofa ʻa e hala ke vahevahe atu ai ʻa e moʻoni faka-Tohitapú ki he niʻihi kehé. ʻI he taimi ʻoku langaʻi hake ai ʻe ha tokotaha-ʻapi ha fakafepaki ki ha taha ʻo ʻetau ngaahi tuí, mahalo te tau lava ʻo ngāueʻaki ʻa e founga “Kapau ʻOku Pehē ʻe ha Tokotaha​—” ʻi he ngataʻanga ʻo e konga ʻoku lave ki he tui ko iá. Fetalanoaʻaki ʻi he fakamatala fekauʻaki mo e Tohitapú ʻa ia ʻoku hiki ʻi he peesi 64-68, pea lāulea ki he ʻuhinga ʻoku fakamoʻoniʻi ai ʻoku ola lelei ʻa e ngaahi tali ʻoku fokotuʻu maí.

20 min: “Ko e Hā Te Ke Leaʻaki ki ha Tokotaha Fakaʻikaiʻi-ʻOtua?” Fehuʻi mo e tali. Fakamanatu ʻa e ngaahi ʻuhinga kehekehe ʻoku mole ai ʻa e tui ʻa e tokolahi ki he ʻOtuá. Fokotuʻu atu ha ngaahi founga ʻe niʻihi te tau leaʻaki nai kiate kinautolu ke tokoniʻi kinautolu ke nau sio ki he fakakaukau totonu ʻo hono ʻiloʻi ʻa e ʻi ai ʻa e ʻOtuá. ʻAi ha fakahāhā nounou ʻe taha pe ua. Ki ha fakamatala lahi ange, sio ki he tohi Reasoning, peesi 145-151, mo e Mankind’s Search for God, vahe 14.

Hiva 56 mo e lotu tuku.