Mmebusɛm
11 Nsisie nsania yɛ Yehowa akyiwadeɛ,+ na abrammoɔ a ɛwie pɛyɛ na n’ani gye ho.
2 Ahantan aba anaa? Ɛnneɛ animguaseɛ bɛdi akyire;+ na ahobrɛasefoɔ na nyansa ne wɔn teɛ.+
3 Teefoɔ akoma a ɛdi mu na ɛkyerɛ wɔn kwan,+ na nkontompofoɔ nnaadaasɛm na ɛbɛsɛe wɔn.+
4 Ahonyadeɛ so remma mfasoɔ abufuo da,+ na tenenee na ɛbɛgye onipa afiri owuo mu.+
5 Pɛyɛfoɔ tenenee na ɛbɛma ne kwan ayɛ tee,+ na ɔbɔnefoɔ amumuyɔ na ɛbɛma no ahwe aseɛ.+ 6 Teefoɔ tenenee na ɛbɛgye wɔn,+ na amumuyɔfoɔ akɔnnɔdeɛ mu na wɔbɛkye wɔn.+
7 Sɛ ɔbɔnefoɔ wu a, n’anidasoɔ yera;+ na ahoɔden a onipa ani da soɔ no yera.+
8 Ɔteneneeni na wɔyi no firi ahohia mu,+ na ɔbɔnefoɔ si n’ananmu.+
9 Ɔwaefoɔ de n’ano sɛe ne yɔnko,+ na nimdeɛ na wɔde gye ɔteneneeni.+
10 Ateneneefoɔ papayɛ ma ɔman ho sɛpɛ no,+ na abɔnefoɔ yera a, anigyeɛ ba.+
11 Ateneneefoɔ nhyira ma ɔman nya animuonyam,+ na abɔnefoɔ anom asɛm bɔ ɔman.+
12 Onipa a ɔnni tire bu ne yɔnko animtia,+ na deɛ ɔyɛ ɔbadwemma no yɛ dinn.+
13 Deɛ ɔnenam sɛe nkurɔfoɔ din+ no yi atirimusɛm adi,+ na deɛ ɔyɛ ɔnokwafoɔ* no kata asɛm so.+
14 Sɛ akwankyerɛ pa nni hɔ a, ɔman hwe ase,+ na agyinatufoɔ dodoɔ mu na nkwagyeɛ wɔ.+
15 Deɛ ɔdi ɔhɔhoɔ agyinamu+ no, ɛbɛwie no bɔne, na deɛ ɔntene ne nsa nkyea basabasa no asom dwo no.
16 Ɔbaa nimuonyamfoɔ nya anidie;+ na atirimuɔdenfoɔ deɛ, ahonyadeɛ na wɔsɔ mu.
17 Ɔyamyɛfoɔ yɛ ne kra yie,+ na otirimuɔdenfoɔ deɛ mmusuo na ɛba ne honam soɔ.+
18 Ɔbɔnefoɔ nya akatua bɔne,+ na deɛ ɔgu tenenee no, ɔnya akatua pa.+
19 Deɛ ɔgyina tenenee mu pintinn no, ɔbɛnya nkwa,+ na deɛ ɔdi bɔne akyi no, ne wuo na ɔbɛnya.+
20 Akoma mu kɔntɔnkyefoɔ yɛ Yehowa akyiwadeɛ,+ na wɔn a wɔn kwan yɛ pɛ ma n’ani gye.+
21 Sɛ nsa tɔ nsayam mpo a, ɔbɔnefoɔ remfa ne ho nni;+ na ateneneefoɔ asefoɔ deɛ, wɔbɛnya wɔn tiri adidi mu.+
22 Sɛdeɛ sika kawa teɛ wɔ prako hwene mu no, saa ara na ɔbaa hoɔfɛfoɔ a ɔnnim nyansa+ teɛ.
23 Ateneneefoɔ adeɛ a wɔpɛ yɛ papa nko ara;+ na abɔnefoɔ anidasoɔ yɛ abufuo.+
24 Obi wɔ hɔ a ɔpete, nanso ɔkɔ so nya bebree;+ na obi nso kame adeɛ, nanso hia ara na ɛhia no.+
25 Ɔkra yamyɛfoɔ bɛdɔ sradeɛ,+ na deɛ ɔma ebinom mee no, ɔno nso, wɔbɛma no amee.*+
26 Deɛ ɔde aburoo kame nkurɔfoɔ no—ɔmanfoɔ bɛdome no, na deɛ ɔma wɔtɔ no, nhyira bɛbu so n’atifi.+
27 Deɛ ɔhwehwɛ papa no, ɔbɛkɔ so ahwehwɛ adom;+ na deɛ ɔhwehwɛ bɔne no, ɛbɛba ne so.+
28 Deɛ ɔde ne ho to n’ahonyadeɛ soɔ no—ɔno na ɔbɛhwe aseɛ;+ na ateneneefoɔ bɛyɛ frɔmfrɔm te sɛ ahahammono.+
29 Obiara a ɔde mmusuo ba ne fie soɔ+ no bɛdi mframa;+ na ɔkwasea bɛyɛ akoa ama akoma mu nyansafoɔ.
30 Ɔteneneeni aba yɛ nkwa dua,+ na deɛ ɔnya akra no yɛ onyansafoɔ.+
31 Hwɛ! Ɔteneneeni—ɔbɛnya akatua asase so.+ Hwɛ sɛdeɛ ɛbɛwie omumuyɔfoɔ ne ɔbɔnefoɔ!+