Deuteronomium

31 Afei Mose de asɛm yi kɔtoo Israelfoɔ nyinaa anim, 2 na ɔka kyerɛɛ wɔn sɛ: “Ɛnnɛ madi mfeɛ ɔha aduonu.+ Merentumi nni akɔneaba bio,+ ɛfiri sɛ Yehowa aka akyerɛ me sɛ, ‘Worentwa Yordan yi.’+ 3 Yehowa wo Nyankopɔn bɛdi w’anim atwa akɔ.+ Na ɔbɛtɔre aman yi nyinaa ase afiri w’anim na woatu wɔn.+ Yosua na ɔbɛdi w’anim atwa,+ sɛdeɛ Yehowa aka no. 4 Yehowa bɛsɛe+ wɔn sɛdeɛ ɔsɛee Amorifoɔ ahemfo Sihon+ ne Og+ ne wɔn nsase no. 5 Yehowa de wɔn ahyɛ mo nsa,+ enti monyɛ wɔn sɛdeɛ mmara a mede maa mo no teɛ.+ 6 Momma mo bo nyɛ duru na mo ho nyɛ den.+ Nsuro wɔn na mma wɔn ho nnyɛ wo hu,+ ɛfiri sɛ Yehowa wo Nyankopɔn ka wo ho. Ɔrempo wo na ɔrennya wo.”+

7 Afei Mose frɛɛ Yosua baa Israelfoɔ nyinaa anim ka kyerɛɛ no sɛ: “Ma wo bo nyɛ duru na wo ho nyɛ den,+ ɛfiri sɛ wo na wode ɔman yi bɛkɔ asase a Yehowa kaa wɔn agyanom ntam sɛ ɔde bɛma wɔn no so, na wo na wobɛkyɛ ama wɔn.+ 8 Yehowa di w’anim. Ɔka wo ho,+ ɔrempo wo, na ɔrennya wo. Enti nsuro na mmɔ hu.”+

9 Afei Mose twerɛɛ mmara yi,+ na ɔde maa Lewi mma asɔfoɔ+ a wɔsoa Yehowa apam adaka+ no ne Israel mpanimfoɔ nyinaa. 10 Mose toaa so ka kyerɛɛ wɔn sɛ: “Sɛ ɛduru mfeɛ nson biara awieeɛ, berɛ a wɔde ka kyɛ+ ne berɛ a wɔdi asese afahyɛ no a,+ 11 Israel nyinaa bɛba Yehowa mo Nyankopɔn anim+ wɔ baabi a ɔbɛkyerɛ no,+ na monkan mmara yi Israelfoɔ nyinaa anim mma wɔnte.+ 12 Mommoaboa ɔman no nyinaa ano,+ mmarima ne mmaa ne mmɔfra ne ahɔhoɔ a wɔwɔ mo kurom nyinaa, na wɔntie na wɔnsua+ na wɔnsuro Yehowa mo Nyankopɔn,+ na wɔnni mmara yi mu nsɛm nyinaa so. 13 Na wɔn mma a wɔnnim hwee no ntie+ na wɔnsuro Yehowa mo Nyankopɔn, nna a mode bɛtena asase a moretwa Yordan akɔfa no soɔ nyinaa.”+

14 Afei Yehowa ka kyerɛɛ Mose sɛ: “Aka kakraa bi ama woawu.+ Enti frɛ Yosua na mommɛgyina m’anim ahyiaeɛ ntomadan no mu na menyɛ no ɔkannifoɔ.”+ Na Mose ne Yosua kɔgyinaa ahyiaeɛ ntomadan no mu.+ 15 Afei Yehowa nam mununkum dum mu baa ntomadan no mu, na mununkum dum no bɛgyinaa ntomadan no ano.+

16 Ɛnna Yehowa ka kyerɛɛ Mose sɛ: “Hwɛ, wo ne w’agyanom rekɔda;+ na ɔman yi duru asase a wɔrekɔ soɔ+ no so a, wɔbɛsɔre+ ne ananafoɔ anyame abɔ adwaman wɔn mfimfini pɛɛ. Wɔbɛfiri m’akyi+ na wɔabu m’apam a me ne wɔn yɛeɛ no so.+ 17 Saa da no, m’abufuo bɛdɛre atia wɔn,+ na mɛpo wɔn+ adane m’ani afiri wɔn so,+ na mɛyi wɔn asi hɔ ama ɔsɛeɛ. Na wɔbɛhyia ɔhaw ne abɛbrɛsɛ nyinaa bi.+ Afei wɔbɛka sɛ, ‘Ɛnyɛ yɛn Nyankopɔn a ɔnni yɛn mfimfini nti na ɔhaw yi nyinaa aba yɛn soɔ yi?’+ 18 Ɛsiane sɛ wɔayɛ bɔne na wɔakɔdi anyame foforɔ akyi nti, saa da no mɛyi m’ani afiri wɔn so koraa.+

19 “Afei montwerɛ dwom yi+ na monkyerɛ Israelfoɔ no.+ Momma dwom yi nna wɔn ano na ɛnni me adanseɛ wɔ Israelfoɔ anim.+ 20 Na mede wɔn bɛba asase a nufosuo ne ɛwoɔ sene soɔ+ a mekaa ho ntam kyerɛɛ wɔn agyanom no so,+ na wɔbɛdidi+ amee ayeyɛ akɛse.+ Afei wɔbɛkɔ akɔdi anyame foforɔ akyi+ akɔsom wɔn, na me deɛ, wɔbɛtiatia m’anim abu m’apam so.+ 21 Afei sɛ ɔhaw ne ahokyerɛ ba wɔn so a,+ dwom yi bɛdi adanseɛ wɔn anim, ɛfiri sɛ ɛremfiri wɔn asefoɔ anom. Na ansa na mede wɔn bɛduru asase a maka ho ntam no so mpo no, menim deɛ ɛwɔ wɔn akomam+ nnɛ.”

22 Enti saa da no Mose twerɛɛ dwom yi sɛdeɛ ɔde bɛkyerɛ Israelfoɔ no.+

23 Na Onyankopɔn yɛɛ Nun ba Yosua ɔkannifoɔ,+ na ɔka kyerɛɛ no sɛ: “Ma wo bo nyɛ duru na wo ho nyɛ den,+ ɛfiri sɛ wo na wode Israelfoɔ bɛkɔ asase a mekaa wɔn ntam sɛ mede bɛma wɔn no soɔ,+ na mɛdi w’akyi.”

24 Afei berɛ a Mose twerɛɛ mmara yi mu nsɛm hyɛɛ nwoma mu wieeɛ no,+ 25 Mose ka kyerɛɛ Lewifoɔ a wɔsoa Yehowa apam adaka+ no sɛ: 26 “Momfa mmara nwoma yi+ nto Yehowa mo Nyankopɔn apam adaka no ho+ na ɛnni mo adanseɛ.+ 27 Menim sɛ moyɛ atuatefoɔ+ na mo kɔn asene.+ Ɛnnɛ a mete aseɛ mpo na mote Yehowa so atua yi,+ ɛnneɛ mewu a mennim deɛ ɛbɛsie! 28 Momfrɛ mo mmusua mu mpanimfoɔ ne atitire+ no nyinaa mma me na memfa asɛm yi nto wɔn anim, na memfrɛ ɔsoro ne asase nni wɔn ho adanseɛ.+ 29 Menim sɛ me wuo akyi no mobɛyɛ abusudeɛ pii,+ na mobɛmane afiri kwan a maka sɛ momfa soɔ no so. Yei de ɔhaw+ bɛba mo so awieeɛ berɛ no mu, ɛfiri sɛ mobɛyɛ Yehowa ani so bɔne, na mode mo nsa ano adwuma bɛhuru ne bo.”+

30 Afei Mose kaa dwom no mu nsɛm nyinaa maa Israel asafo no nyinaa teeɛ kɔsii sɛ ɔwieeɛ:+