Mmebusɛm
15 Mmuaeɛ bɔkɔɔ ma abufuo twa,+ na asɛm a ɛyɛ ya hyɛ abufuo.+
2 Anyansafoɔ kɛtrɛma de nimdeɛ yɛ adepa,+ na nkwaseafoɔ ano woro nkwaseasɛm.+
3 Yehowa ani wɔ baabiara;+ ɛhwɛ abɔnefoɔ ne apapafoɔ+ nyinaa.
4 Ɔdwoɔ kɛtrɛma yɛ nkwa dua,+ na sɛ ɛkyea a, ɛbubu honhom.+
5 Ɔkwasea bu ne papa ntenesoɔ animtia,+ na onipa a ɔbu kasakyerɛ yɛ onitefoɔ.+
6 Ɔteneneeni fie wɔ akoradeɛ pii,+ na ɔbɔnefoɔ aba deɛ, ɛde mmusuo ba.+
7 Anyansafoɔ ano pete nimdeɛ,+ na nkwaseafoɔ akoma deɛ, ɛnte saa.+
8 Abɔnefoɔ afɔrebɔ yɛ Yehowa akyiwadeɛ,+ na teefoɔ mpaebɔ na n’ani gye ho.+
9 Ɔbɔnefoɔ kwan yɛ Yehowa akyiwadeɛ,+ na deɛ ɔyɛ adetenenee na ɔdɔ no.+
10 Ntenesoɔ mu yɛ den ma deɛ ɔpo ɛkwan no;+ obiara a ɔtan kasakyerɛ no bɛwu.+
11 Adamena* ne ɔsɛeɛ amena+ mpo wɔ Yehowa anim,+ na adasamma akoma mu na ɔrenhunu anaa?+
12 Ɔfɛdifoɔ nnɔ deɛ ɔka n’anim.+ Ɔrenkɔ anyansafoɔ nkyɛn.+
13 Anigyeɛ akoma ma onipa anim te,+ na akoma mu yea ma honhom boto.+
14 Nteaseɛ akoma hwehwɛ nimdeɛ,+ na nkwaseafoɔ ano di nkwaseasɛm akyi.+
15 Mmɔborɔni deɛ, da biara nyɛ mma no;+ na deɛ ɔwɔ anigyeɛ akoma no wɔ apontoɔ mu daa.+
16 Yehowa suro mu ade ketewa yɛ+ sene adedodoɔ a ɔhaw bata ho.+
17 Nhahamma aduane a ɔdɔ wom yɛ+ sene nantwie a wadɔ na ɔtan bata ho.+
18 Obufufafoɔ hwanyan ntɔkwa mu,+ na deɛ ne bo kyɛre fuo no ma ɔham gyae.+
19 Ɔkwadwofoɔ kwan te sɛ nkasɛɛ ban,+ na teefoɔ kwan so yɛ tonomtonom.+
20 Ɔba nyansafoɔ ma ne papa ani gye,+ na ɔkwasea bu ne maame animtia.+
21 Deɛ ɔnni tire* ani gye nkwaseasɛm ho,+ na onipa a ɔwɔ nhunumu na ɔnam tee.+
22 Wɔkwati atirimusɛm a tirimbɔ yɛ kwa,+ na agyinatufoɔ dodoɔ mu na ɛbɛgyina.+
23 Onipa anom mmuaeɛ ma no di ahurisie,+ na asɛm a wɔka no berɛ a ɛsɛ mu deɛ, O hwɛ sɛdeɛ ɛyɛ!+
24 Nkwa kwan kɔ soro ma nhunumufoɔ,+ na ɔkwati Adamena a ɛwɔ aseɛ no.+
25 Yehowa bɛdwiri ahantanfoɔ fie,+ na ɔbɛma okunafoɔ hyeɛ atim.+
26 Abɔnefoɔ agyina yɛ Yehowa akyiwadeɛ,+ na nsɛm a ɛyɛ dɛ ho te.+
27 Deɛ ɔpɛ mfaso bɔne no de mmusuo ba ne fie,+ na deɛ ɔtan adanmudeɛ no bɛnyini akyɛ.+
28 Ɔteneneeni akoma dwene ansa na ama mmuaeɛ,+ na amumuyɔfoɔ ano woro nsɛmmɔne.+
29 Yehowa ne amumuyɔfoɔ ntam kwan ware,+ na ateneneefoɔ mpaebɔ deɛ, ɔtie.+
30 Aniwa+ a ɛhyerɛn ma akoma di ahurisie;+ amanneɛbɔ+ pa ma nnompe yɛ akɛseɛ.+
31 Asõ a ɛtie nkwa animka+ no, anyansafoɔ+ mu na ɛtena.
32 Deɛ ɔpo ntenesoɔ no bu ne kra animtia,+ na deɛ ɔtie kasakyerɛ no nya adwempa.+
33 Yehowa suro yɛ ntenesoɔ a ɛma nyansa,+ na ahobrɛaseɛ di animuonyam anim.+