ASƐMMISA 6
Ɛdeɛn na Bible ka faa Mesia no ho?
NKƆMHYƐ
“Wo, Betlehem Efrata, . . . wo mu na mɛma obi afiri abɛyɛ Israel sodifoɔ.”
SƐDEƐ ƐBAA MU
“Berɛ a wɔwoo Yesu wɔ Betlehem a ɛwɔ Yudea, Ɔhene Herode nna no mu no, hwɛ! nsoromma mu ahwɛfoɔ firi apueeɛ fam baa Yerusalem.”
NKƆMHYƐ
“Wɔkyekyɛ me ngugusoɔ mu fa, na m’atadeɛ nso, wɔbɔ so ntonto.”
SƐDEƐ ƐBAA MU
“Afei berɛ a asraafoɔ no bɔɔ Yesu asɛndua mu no, wɔfaa n’atadeɛ ngugusoɔ kyɛɛ mu nnan . . . Nanso na atadeɛ nhyɛaseɛ no nni mpameeɛ, na na wɔanwene firi soro abɛsi fam. Enti wɔkeka kyerɛɛ wɔn ho sɛ: ‘Mommma yɛnnsunsuane mu, mmom momma yɛmmɔ so ntonto nhwɛ deɛ ɛbɛyɛ ne dea.’”
NKƆMHYƐ
“Ɔhwɛ ne nnompe nyinaa so; emu baako mpo mmu.”
SƐDEƐ ƐBAA MU
“Wɔduruu Yesu nkyɛn a wɔhunuu sɛ wawu dada no, wɔammubu ne nan mu.”
NKƆMHYƐ
“Yɛn mmarato nti na wɔpiraa no..”
SƐDEƐ ƐBAA MU
“Asraafoɔ no baako de pea wɔɔ ne mfe na ntɛm ara mogya ne nsuo firi baeɛ.”
NKƆMHYƐ
“Wɔde nnwetɛbena aduasa tuaa me ka.”
SƐDEƐ ƐBAA MU
“Ɛnna dumienu no mu baako a wɔfrɛ no Yuda Iskariot no kɔɔ asɔfoɔ mpanimfoɔ no nkyɛn kɔkaa sɛ: ‘Ɛdeɛn na mobɛma me na mayi no ama mo?’ Na wɔyɛɛ sɛ wɔbɛma no nnwetɛbena aduasa.”