Sáàmù

 2 Ẹ bẹ̀rẹ̀ orin, ẹ gbé ìlù tanboríìnì,

Háàpù tó ń dún dáadáa àti ohun ìkọrin olókùn tín-ín-rín.

 3 Ẹ fun ìwo nígbà òṣùpá tuntun,+

Nígbà òṣùpá àrànmọ́jú, nítorí ọjọ́ àjọyọ̀ wa.+

 4 Nítorí pé òfin ló jẹ́ fún Ísírẹ́lì,

Àṣẹ Ọlọ́run Jékọ́bù.+

 5 Ó fi í ṣe ìrántí fún Jósẹ́fù+

Nígbà tí Ó jáde lọ láti dojú kọ ilẹ̀ Íjíbítì.+

Mo gbọ́ ohùn* kan tí mi ò mọ̀, tó sọ pé:

 6 “Mo gbé ẹrù kúrò ní èjìká rẹ̀;+

Mo gba apẹ̀rẹ̀ kúrò lọ́wọ́ rẹ̀.

 7 O pè mí nínú wàhálà tó bá ọ, mo sì gbà ọ́ sílẹ̀;+

Mo dá ọ lóhùn láti ojú ọ̀run tó ń sán ààrá.*+

 9 Kò ní sí ọlọ́run àjèjì láàárín rẹ,

O kò sì ní forí balẹ̀ fún ọlọ́run ilẹ̀ òkèèrè.+

10 Èmi, Jèhófà, ni Ọlọ́run rẹ,

Ẹni tó mú ọ jáde kúrò ní ilẹ̀ Íjíbítì.+

11 Àmọ́ àwọn èèyàn mi ò fetí sí ohùn mi;

Ísírẹ́lì kò ṣègbọràn sí mi.+

12 Torí náà, mo jẹ́ kí wọ́n máa ṣe ohun tí agídí ọkàn wọn sọ;

Wọ́n ń ṣe ohun tí wọ́n rò pé ó tọ́.*+

13 Ká ní àwọn èèyàn mi lè fetí sí mi,+

Ká ní Ísírẹ́lì lè rìn ní àwọn ọ̀nà mi!+

14 Kíákíá ni mi ò bá ṣẹ́gun àwọn ọ̀tá wọn;

Mi ò bá yí ọwọ́ mi pa dà sí àwọn elénìní wọn.+

15 Àwọn tó kórìíra Jèhófà yóò ba búrúbúrú níwájú rẹ̀,

Ohun tó máa ṣẹlẹ̀ sí wọn* yóò sì wà títí láé.

16 Àmọ́ yóò fi àlìkámà* tó dára jù lọ* bọ́ ọ,*+

Yóò sì fi oyin inú àpáta tẹ́ ọ lọ́rùn.”+