JOB

 3 “Kunürutï naskayäta uka urun chhaqtañapwa nayajj munirista,+

‘¡mä yoqall wawaw nasi!’ sasin maynejj siskäna uka aruman chhaqtañapwa munirista.

Uka arumajj maran utjki uka urunak taypin janikiy kusispanti,

janirak phajjsinak taypins jakhutäpanti.

 7 Cheqpachans uka arumajj saparstʼat uñjaspan,

janirak uka aruman kusisiñat arnaqasitanakas istʼaspanti.

 8 Urur maldisipki ukanakay uka arumarojj maldisipjjarakpan,

jupanakaw Leviatán*+ sat animalarojj kunjam sartayañsa yatipjje.

Qhanan utjañapsa inamayak suypan,

qhantatin kʼajtaniñapsa janirak uñjpanti.

10 Kuna laykutejj janiw mamajan matrizap jistʼantkänti,+

janirakiw nayranakajat jan waltʼäwinaks imantkänti.

12 ¿Kunatsa mamajajj jarphipar ichjjarusisajj

nayar ñuñtʼaypachïtu?

13 Nayasti jan kuna llakiniw jichhajj samartʼaskiriskayäta,+

jan kuna llakinirakiw iktʼasiskiriskayäta,+

14 akapachan reyinakapampi jupanakan amuytʼayirinakapampi.

15 Jan ukajja qorinïpkäna uka principenakampi,

jupanakan utanakapajj qollqempi phoqantatänwa.

17 Jan wali jaqenakas janiw sepulturan llakisjjapjjeti,

qaritanakas ukanwa samartʼapjjaraki.+

19 Ukansti jiskʼas jachʼas igualakiwa,+

esclavos patronapat librëjjarakiwa.

20 ¿Kunatsa Diosajj tʼaqesipki ukanakarojj qhan churpacha,

llakimp sinti aynachtʼatäpki ukanakarus jakañ churpacha?+

22 Jupanakajj walpun kusisipjje,

sepultura katupjjatap laykojj jupanakajj wal kusisipjje.

24 Llaktʼatakiw nayajj sarnaqta,+

ayqotanakajajj umar uñtataw jalaraki.+

25 Kuntï nayajj wal ajjsarkayäta ukaw nayar pasitu,

kunatï nayarojj ajjsaraykitäna ukaw pasarakitu.

26 Janiw nayatakejj sumankañasa, jan kuna llakin jakañasa, ni samartʼañas utjkiti,

jan waltʼäwinakajj utjaskakiwa”.

 3 Cheqpachans jumajj waljaniruw cheqañchayätajja,

jan chʼamanïpki ukanakarus chʼamañcharakiyätawa.

 4 Lanktʼaski ukarus arunakamampiw waytirïtajja,

khitinakantï qonqorinakapajj khatatiski ukanakarus chʼamañcharakiyätawa.

 8 Kuntï nayajj uñjkta ukarjamajja, khitinakatï jan walinak yapuchapki* ukanakasa

khitinakatï jan waltʼäwinak phawapki ukanakasa uka pachparak apthapipjje.

 9 Jupanakajj Diosan phustʼataw jiwapjje,

jupan wal colerasitapatwa chhaqtapjjaraki.

10 Leonajj warariwa, wayna leonajj warartʼarakiwa,

ukampis chʼamani leonanakan laka chʼakhanakapas qʼala tʼunaratawa.

11 Mä leonajj jan kuna manqʼañanïsaw jiwi,

león qallunakajj anarpayatarakiwa.

12 Mayniw jamasat jutasin parlitu,

mayniw jiñchu jakʼat jiskʼat parlitu.

13 Arumarusti kunapachatï nayajj iktʼaskta ukhajja,

jan waltʼayir kunayman amuyunakaw samkanakan jutitu.

14 Wali ajjsarañaw nayarojj khatatiyitu,

taqe chʼakhanakajar wali ajjsarañampi phoqantañkama.

15 Mä espirituw ajanuj patjja pasitu,

ñikʼutajas sayarjjarakiwa.

16 Ukatsti uka espiritojj ukjaruw saytʼi,

ukampis janiw nayajj kunätaps amuykti.

18 Jupajj janiw servirinakapar confiykiti,

angelanakapan* pantjasitanakaps thaqarakiwa.

Cimientonakapas laqʼa patjjankiwa,+

¡jupanakajj raphaylitonakjamaw tʼalpjat uñjasipjje!

 2 Chuyma ustʼat sarnaqañasti, jan amuytʼasiri jaqerojj jiwayaniwa,

envidiasiñasti taqe kun creyir jaqerojj jiwayaniwa.

 3 Jan amuytʼasir jaqen suma saphintatap uñjta,

ukampis jupajj jakki uka lugarajj mä akatjamat maldisitaw uñjasi.

 4 Jupan wawanakapajj jan khiti jarkʼaqeriniw uñjasipjje,

jan khitin salvataw jupanakajj markan punkupan taksut uñjasipjje.+

 5 Jupan cosechapsti manqʼat jiwat jaqew manqʼanti,

chʼapinak taypitpachwa apsuraki,

kunanakatï jakañapatak wakiski ukanakajj sipitaruw jaltʼaraki.

 6 Ukampis kunanakatï maynir jan waltʼayki ukanakajj janiw laqʼat jilskiti,

jan waltʼäwinakajj janirakiw oraqet mistkiti.

 7 Kunjamtï ninajj altorupun aqkejja,

ukhamarakiw jaqejj cheqpachans jan walinakan uñjasiñatak nasi.

 8 Ukampis nayatï jumïristjja, Diosaruw nayajj jakʼachasirista,

Diosaruw quejasirista,

 9 khititejj kunayman musparkañanakampi jan amuykañanakampi lurki,

suma luratanakapas jan jaktʼkañäkaraki ukaru.

10 Jupaw oraqpacharojj jall churi,

juparakiw oraqenakarojj umanak apayani.

11 Jupaw humilde jaqerojj jachʼar apti,

juparakiw llakitarojj salvi.

12 Jupaw engañjir jaqen amtanakap jan phoqasiykiti,

ukhamat amparanakapan luratanakapajj jan sumar sarañapataki.

13 Diosaw yatiñan jaqenakarojj jupanakan wakichat pachpa trampapar jaltʼayi,+

ukhamat engañjir jaqenakan amtanakap pantjayañataki.

14 Urunsti jupanakajj wali chʼamakanwa uñjasipjje,

chika urunsti arumäkaspas ukhamaw payinaqapjje.

15 Diosaw jupanakarojj lakapan mä espadanïpki ukanakat salvi,

pobre jaqerusti chʼamanin amparapatwa salvaraki,

16 ukhamat jan khiti yanapirini jaqetakejj mä suytʼäwi utjañapataki,

ukampis jan cheqapar sarnaqer jaqenakan lakanakapajj jistʼantatawa.

18 Diosasti maynirojj ustʼayaspawa, ukampis heridarojj chʼoqtʼarakiwa,

jupasti maynirojj tukjiwa, ukampis pachpa amparanakapampiw qollaraki.

19 Jupajj sojjta jan waltʼäwinakatwa jumarojj salvätam,

paqallqöri jan waltʼäwis janirakiw kunsa kamachkätamti.

20 Manqʼañ jan utjkani uka tiempon jupaw jiwañat salvätam,

guerran nuwasiñ tiemponsa juparakiw mä espadan chʼamapat salvätam.

21 Diosaw usuchjir arunakats jarkʼaqätam,+

kunapachatï tukjäwejj jutkani ukhas janiw ajjsarkätati.

22 Tʼunjäwitsa manqʼat jiwañatsa janiw llakiskätati,

salvaje animalanakarus janirakiw ajjsarkätati.

23 Oraqenkir qalanakas janiw kamachapkätamti,

salvaje animalanakas jumampejj sumankapjjaniwa.

24 Juman carpamajj segurötap* yatïta,

pastom uñjasinkäta ukhas janirakiw kunas ukan faltkaniti.

25 Jumajj walja wawanakanïyätawa,

jumat jutir wawanakajj oraqenkir walja pastonakjamäniwa.

26 Juman jiwañamkamajj chʼamanïskakïtawa,

tiempopar apthapiski uka marq marqa granonakjama.

 2 “¡Taqe llakinakajajj+ pestʼatakïspa,

jan waltʼäwijamp chik balanza patjjar uchasispa!

 4 Taqe Chʼamani Diosaw flechanakapamp flechtʼitu,

uka flechanakan venenop jichhajj umaskarakta.+

 8 ¡Kuntï nayajj maykta ukajj phoqasikispa,

kuntï munkta uk Diosajj churakitaspa!

 9 ¡Diosajj nayar tukjakitaspa,

amparap loqatatasajj nayar tukjakitaspa!+

Wal usuyaskasas kusisiñatwa thoqtirista,

kuna laykutejj Santo Diosan+ arunakap janiw nayajj ukhamak apanukkti.

13 ¿Kunjamatsa naya pachpajj yanaptʼasirïsta,

jan khiti yanaptʼiri utjipansti?

14 Kawkïritejj jaqe masipar munasiñat jan jaytjasiñamp jan uñjki ukajja,+

Taqe Chʼamani Diosar ajjsarañ apanukjjarakiwa.+

15 Pachpa amigonakajas* janiw confiykañäjjeti,+ juyphipachan jalir umanakaruw tukupjje,

kunjamtï juyphipachan jalir umanakajj wañantki ukhama.

16 Uka jalir umanakajj chhullunkayampiw qoñchupti,

uka manqhanwa khunus chullurjjaraki.

18 Thakipajj maysaruw saranukjje,

chʼusa pampar purisajj ina chʼusarukiw tukusjje.

19 Temá+ lugarat walja gruponak viajirinakaw uka umanak thaqapjje,

Saba+ markankir viajirinakajj* uka umanaks thaqapjjarakiwa.

20 Jupanakasti jan payachasis um thaqasajj phenqʼachataw uñjasipjje,

uka cheqakam purisajj chuymas pʼakintataw uñjasipjje.

28 Jichhajj kutikipstanipjjam, uñkatapjjarakita,

janiw nayajj pachpa ajanunakaman kʼariskiristti.

 2 Mä esclavor uñtataw jupajj chʼiwirtʼasiñ wal muni,

mä contratat trabajadorar uñtataw pagop suyaraki.+

 3 Jakañ vidajan phajjsinakapajj inamayakiwa,

walja arumanakarakiw wal tʼaqesta.+

 6 Urunakajajj sawurin telarapjamaw jukʼamp ratuk saraski,+

urunakajajj jan kuna suytʼañaniw tukusjjaraki.+

 7 Amtapunim, vidajajj thayar uñtatawa,+

nayranakajas janipuniw mayampis kusisiñ uñj-jjaniti.*

 9 Kunjamtï mä qenayajj chhaqtaski, ratuk chhaqtjjaraki,

ukhamaw Sepulturar* sarki ukajj jan kuttʼanjjeti.+

10 Janiw jupajj utapar mayamp kuttʼkaniti,

janirakiw lugarapankir jaqenakas jupat amtasjjapjjaniti.+

12 ¿Nayajj lamar qotätti, jan ukajj lamar qotankir mä jachʼa animalätcha,

ukhamat nayatak mä guardia uchañamataki?

13 Kunapachatï nayajj ‘ikiñajaw chuymachtʼitani,

ikiñajaw tʼaqesiñajan yanaptʼarakitani’ sasin sista ukhajja,

14 jumajj samkanakampiw wal ajjsarayistajja,

visionanakampiw wal sustjarakistajja.

15 Ukatwa nayajj saman llupjatäsin jiwañ munirista,

jïsa, aka cuerpojat* sipans jiwjjañak munirista.+

 4 Yoqanakamaw jupa contra juch lurapjjpacha,

ukatwa kutkatasirïpjjatapat jupanakar castigaraki.

 5 Ukampis jumatï Diosar jakʼachasisma,+

ukatsti Taqe Chʼamani Diosan sinttʼasiñap ruwtʼasirakisma,

 6 jumatï cheqpachapun qʼoma ukhamarak cheqap jaqësmajja,+

jupajj jaysiristamwa,*

kunjamtï nayrajj jakaskayäta ukaruw kuttʼayjjeristam.

 7 Qalltan jumajj jukʼa utjirinikïchiyätasa,

jutïrin wali utjirinëjjätawa.+

 8 Mirä amp suma, nayra jaqenakaruy jisktʼasim,

kunanaktï jupanakan awkinakapajj jikjjatapkäna ukanaksa sum amuytʼarakim.+

 9 Jiwasajj masürukiw nastanjja, janirakiw kuns yatktanti,

kuna laykutejj vidanakasajj aka oraqen mä chʼiwikiwa.

12 Kunapachatï papiro* alimpi cañampejj niya panqarañampïski, janïra khuchuratäkaraki ukhajja,

yaqha alinakat sipans jukʼamp nayraw wañsjjani.

13 Taqe khitinakatï Diosat armasipki ukanakampejj uka pachparakiwa,*

kuntï jan wali* jaqejj suyki ukajj janipuniw phoqaskaniti.

14 Jupan confiyatapajj inamayakiwa,

jupan confiyatapajj mä kusikusin simpapar* uñtasitakiwa.

16 Jupasti lupinjj mä chʼojjña alikiwa,

ramanakapajj jardín taypiruw saratati.+

17 Mä qala montonanjja saphinakapajj kʼanantasiwa,

qalanak taypinsti mä uta thaqaraki.*

18 Ukampis lugarapat apsutäjjani ukhajja,

uka lugarajj janiw mayampis jupar katoqañ munjjaniti, ‘janiw nayajj jumar uñtʼksmati’+ sasaw sarakini.

20 Cheqpachansa Diosajj taqpach chuymamp servir* jaqenakarojj janiw apanukkaniti,

jan walinak lurir jaqenakarusti janiw yanaptʼkaniti.*

21 Diosasti wasitat jumarojj lartʼayätam,

wasitatarak wali kusisiñampi arnaqasiyätam.

22 Uñisirinakamajj phenqʼachatäñamp isthapiyatäniwa,

jan wali jaqenakan carpapajj wiñayatakiw chhaqtarakini”.

 3 Maynitï Diosamp juicionkañ munchejja,+

janiw jupajj Diosan 1.000 jisktʼanakapat ni mä jisktʼaparus jaysañ puedkaspati.

 5 Jupajj qollunakwa onjjtayi, janirakiw khitis uk yatkiti,

jupajj colerasiñapanwa qollunak jaqokipstayi.

 6 Jupajj oraq khatatiyasaw lugarapat onjjtayi,

ukatwa columnanakapajj khatatiraki.+

 7 Jupaw intirojj jan qhanañapatak ordeni,

jupaw warawaranakan qhanaps imanti.+

 8 Jupaw alajjpachanak mä telar uñtasit janatati,+

jupaw lamar qotan jachʼa oladanakap patjjan sarnaqe.+

 9 Jupaw Ash,* Kesil,* Kimá* sat warawaranak* luri,+

juparakiw aynach toqenkir* warawaranak luri.*

10 Jupaw kunanakatï jachʼäki jan yatjjatkañäki ukanak luri,+

juparakiw jan jaktʼañjamäki uka musparkañanak luri.+

Janjakiw jupajj arojj istʼkaspati,

17 kuna laykutejj jupaw nayar mä jachʼa thayampi tʼaqesiyitu,

jan razonanirakiw tʼaqesiñanakaj jiljjattayi.+

21 Taqpach chuymampis jupar sirvkäjja,* kunas nayarojj pasitani uk janiw yatiskti,

nayajj janiw jakañ munjjti.

23 Mä akatjamat chhaqtayir umanakatï maynirojj mä akatjamat jiwayaspajja,

jupajj jan juchan jaqen tʼaqesitapat burlasispawa.

26 Urunakajajj soqos lawat lurat botenakar uñtasitaw ratuk sarjje,

kunjamtï pakanakajj mä animalar katjañatak ratuk jaljjatki ukhama.

27 Nayatï sirista: ‘Llakinakaj armasjjäwa,

ajanujajj janiw llakitäjjaniti’ sasinjja,

28 nayan taqe llakinakaj laykojj ajjsaraskakiristwa,+

janirakiw nayarojj jan juchanirjam uñjkitasmati.

30 Nayatï khunu umampi jareqasirista,

amparanakajsa lejiampi* qʼomachasirista ukhajja,+

31 jumajj ñeqʼerar mä pʼiyaruw chhaqantayitasma,

ukhamatwa pachpa isinakajas nayat ajjtasipjjetaspa.

32 Jupajj janiw nayjam jaqëkiti, ukhamat jupar jaysañajataki,

ukhamat panpachani mä juicior sarapjjañajataki.+

33 Nanak panin lanti mä amtar puriñapatakejj janiw khitis utjkiti,

nanakatak mä juezjam saytʼañapataki.

34 Jupatï nayar jan jukʼamp castigjjetaspa,*

janirak kuna ajjsarkañanakampis jukʼamp sustjkitaspa ukhajja,+

35 nayajj jan ajjsarasaw parlirista,

cheqas ajjsarañamp parlañajj janiw nayan utjkiti.

 6 Ukhamat ¿nayan pantjasitaj yatjjatañamataki

ukhamarak juchaj thaqaskakiñamataki?+

 7 Jumajj yatisktawa, janiw nayajj juchanïkti,+

janirakiw khitis amparamat salvkitaspati.+

 8 Pachpa amparanakamaw nayarojj lurasitu,+

ukampis jichhajj qʼal tukjañ munistajja.

 9 Mirä amp suma, amtasimaya. Jumaw ñeqʼet luristajja,+

ukampis jichhajj laqʼaruw kuttʼayañ munistajja.+

10 ¿Janit lecher uñtat warjjatasajj

mä quesor uñtat cuajtʼaykista?

11 Jumajj jañchi lipʼichimpi jañchimpi isthapiyistajja,

maypacharojj chʼakhanakampi ankunakampi luristajja.+

12 Jumaw jakañ churistajja, munasiñat janiw jaytjkistati,

nayan vidaj* wali amuyumpiw imtajja.+

14 Nayatï juch luriristjja, jumajj uñjitasmawa,+

ukatsti janirakiw pantjasitanakaj perdonkitasmati.

Ukampis nayatï jan juchanïkiristjja, janiw pʼeq waytkiristti,+

kuna laykutejj nayajj wal phenqʼasta, wal tʼaqesirakta.+

16 Nayatï pʼeq waytiristjja, jumajj mä leonar uñtataw manqʼantañatak katuntitasma,+

ukatsti nayarojj wasitat chʼamamamp usuchjitasma.

17 Jumajj machaq testigonak naya contrajj uñstaytajja,

naya contrajj jukʼampiw colerastajja,

nayasti kutin kutiniw jan waltʼäwinakan uñjasirakta.

Nayajj janïr khitin uñjkataw jiwjjañ muniriskayäta. 

19 Janis kunapachas utjkiriskayäta ukhamäspänwa.

21 Nayajj jan kuttʼankä uka lugararuw sarjjä,+

wali chʼamakapunïki* uka oraqeru,+

22 uka oraqejj wali chʼamakampi phoqantatawa.

Uka oraqensti chʼamak chʼiwimpi pantjasiñampiw jilanki,

qhanas chʼamakar uñtasitawa”.

 4 Jumajj akham sistawa: ‘Yatichäwinakajajj qʼomawa,+

Diosajj qʼoma jaqetwa nayar uñjitu’+ sasa.

 5 ¡Ukampis Diosajj parlakispa,

jumatakejj lakap jistʼarakispa!+

 6 Jupasti kunanakatï yatiñanïñat imantatäki ukanakwa qhanañchiristam,

yatiñanïñajj kunayman toqetwa uñjasispa.

 9 Yatiñanïñajj oraqet sipans jukʼamp jachʼawa,

lamar qotat sipans jukʼamp anchorakiwa.

10 Diosatï pasakipasin maynir katuntaspa, ukatsti mä juicior aparakispa,

¿khitirak jupar jarkʼaspasti?

12 Kunapachatï mä salvaje asnojj mä jaqe wawachasispa,*

ukhakiw mä jan amuytʼasir jaqejj amuytʼasispa.

13 ¡Jumatï chuymam wakichtʼasma,

Diosarus oración lurarakisma!*

14 Juman amparamatï jan wal luraskchi ukhajja, jumat jayarstʼayam,

janirak carpanakamans kunatï jan cheqapäki ukanak utjayamti.

15 Ukapachaw jumajj jan phenqʼasis pʼeqem waytasma,

jan kun ajjsarasaw sum saytʼasirakisma.

16 Ukapachaw juman llakimat armasjjäta,

kunjamtï aynachar sarir umajj pasawayjje ukhamwa llakimat armasjjäta.

17 Juman vidamajj chika urut sipansa jukʼamp qhanäniwa,

chʼamakapas alwa qhanar uñtatäniwa.

18 Suytʼäwi utjatap laykojj janiw kunats llakisjjätati,

taqe toqer uñatatasisajj jan kun ajjsarasaw ikintjjarakïta.

19 Jan khitin ajjsarayataw jumajj ikintjjäta,

waljanirakiw jumamp khuyaptʼayatäñ thaqapjjani.

20 Ukampis jan wali jaqenakan nayranakapajj juyktʼaniwa,

janiw kawkir escapañs puedipkaniti,

jupanakajj jiwañak suyjjapjjani”.+

 2 “¡Cheqas jumanakaw yatipjjtajja,*

jiwjjapjjäta ukhajj janiw ni mä yatiñan jaqes utj-jjaniti!

 4 Amigonakajas nayat larusipjjewa,+

kuna laykutejj Diosaruw nayajj artʼasta, nayar jaysaniñap suyarakta.+

 6 Lunthatanakajj sumakiw utanakapan jakasipjje,+

Diosar colerayirinakas jan kuna llakiniw jakasipjjaraki.+

 7 Jichhasti mirä amp suma, animalanakar jisktʼasim, jupanakaw yatichapjjätam,

jamachʼinakarus jisktʼasirakim, jupanakaw yatiyapjjätam.

 9 ¿Khitirak taqe uka luratanakat jan yatkisti,

Jehová Diosan amparapamp luratätapsti?

10 Jupan amparapankiwa taqe jakirinakan vidapasa,

taqe jaqenakan samanapasa.*+

11 ¿Janit jiñchojj arunak amuytʼki,

kunjamtï lajjrajj manqʼanak malltʼki ukhamjja?+

13 Jupansti yatiñanïñampi chʼamanïñampiw utji,+

jupajj amuytʼasiriwa, kuntï jupajj amtki uks phoqarakiniwa.+

14 Kunapachatï jupajj mä kuns tinkuyi ukhajj janiw mayampis ukajj saytʼayatäkaspati,+

kuntï llawintki uksa janirakiw khiti jaqes llawirkaspati.

17 Jupaw amuytʼayirinakarojj qʼara kayu sarnaqayi,*

juparakiw juezanakarojj jan amuytʼasir jaqenakar tukuyi.+

18 Jupaw reyinakan uchat cadenanak jarari,+

jupaw reyinakan cinturanakapar mä cinturonamp chinuntaraki.

19 Jupaw sacerdotenakarojj qʼara kayu sarnaqayi,*+

apnaqañan suma saytʼatäpki ukanakarus lugaranakapat apaqaraki.+

20 Confiykañ amuytʼayirinakan arunakapsa amuktʼayiwa,

jilïr jaqenakarus* jan amuytʼasirinakaruw tukuyi.

21 Jupaw marka apnaqerinakarus jiskʼachi,+

wali chʼamaninakarus jan chʼamanir tukuyi.*

22 Juparakiw chʼamakan imantatäki ukanaksa qhanstayi,+

wali manqhankiri chʼamaka lugaranakarus qhanampiw qhantʼayaraki.

23 Jupaw markanakarojj tʼunjañatak wali chʼamanir tukuyi,

yaqha markanakar preso apatäpjjañapatakis jachʼa markanakar tukuyi.

24 Jupaw marka pʼeqtʼirinakarojj amuytʼasirïñ* apaqe,

jan thakini wasaranakanwa jupanakarojj mä cheqat yaqha cheqan sarnaqayaraki.+

25 Jupanakasti chʼamakanwa payinaqapjje,+ kawkjantï qhanajj jan utjki uka cheqana,

jupanakarojj umat jaqenakar uñtasitaw uks aks sarnaqayi.+

13 ”Ukhamäskapuniwa, nayranakajajj taqe akanakwa uñji,

jiñchunakajas istʼiwa, ukatsti amuyaraktwa.

 2 Kuntï jumanakajj yatipkta ukanaksa yatiraktwa,

janirakiw jumanakat minusäkti.

 3 Ukampis nayajj Taqe Chʼamani Diosampiw parlañ munirista,

Dios nayraqatanwa naya pachpa arjjatasiñ munirista.+

 4 Ukampis jumanakajj kʼarinakampiw qʼañuchapjjestajja,

taqe jumanakajj jan kunatak serviri qollirinakäpjjtawa.+

 5 Jumanakatï jan kun arsus amukïpjjasmajja,

yatiñanïpjjatam uñachtʼayapjjasma.+

 6 Mirä amp suma, kunanaktï nayajj arskä ukanak istʼapjjeta,

ruwtʼasitanakajs istʼapjjakitaya.

 7 ¿Jumanakajj Diosan sutipjjarut jan cheqapäki uka juchañchir arunak parlapjjäta,

jupan sutipjjaruch kʼarinak parlapjjäta?

10 Jumanakatï engañonakampi Dios toqet saytʼapjjäta, uk imtʼañs munapjjarakïta ukhajja,+

jupajj toqenoqapjjätamwa.

12 Jumanakan yatiñani arunakamajj* qhellar uñtat säwi arunakakiwa,

arsutanakamajj ñeqʼet lurat fácil pʼakisir escudonakar uñtasitakiwa.

15 Diosajj jiwaykchitaspasa, nayajj jupar confiyaskakiristwa,+

jupa nayraqatanwa jan juchanïtaj uñachtʼayirista.

16 Jupasti nayan salvirijaruw tukurakispa,+

kuna laykutejj janiw khiti jan wali jaqes* jupa nayraqatankkaspati.+

20 Diosajay, nayajj pä toqetwa jisktʼasiñ munirisma,*

ukhamat jan mayampis jumat imantasjjañajataki:

21 jathi amparam nayat apaqtʼasikitaya,

jumar ajjsarañas janirak nayar sint ajjsarayitpanti.+

22 Jum nayraqat arsum, nayasti jaysarakïmawa,

jan ukajj nayar parlayita, jumasti nayaruw jaysarakitäta.

26 Jumajj naya contra arsutanak qellqaskaktawa,

wayna tiempojan juchanak luratajatwa tʼaqesiyistajja.

27 Jumaw kayunakaj cepor* katuntayistajja,

taqe thakinakajwa uñakiptajja,

kayu taktʼatanakajsa mayat maya arktaraktajja.

28 Ukhamasti jaqejj* ñusantiwa, kunjamtï mä kunas ñusantki ukhama,

thuthan tukjat isir uñtata.

14 ”Warmit nasiri jaqejja,

jukʼa tiempokiw jaki,+ vidapajj jan waltʼäwinakamp phoqantatarakiwa.*+

 3 Ukhampachas jumajj juparuw uñtantajja,

ukatsti mä juicioruw jupar aparaktajja.*+

 5 Jaqen urunakapatï amtatäjjchejja,

phajjsinakapajj juman amparamankarakispawa.

 6 Juparojj jan jukʼamp uñtjjamti, ukhamat samartʼañapataki,

pago katoqeri mä trabajadorar uñtata jurnäl trabajop sumak tuktʼayjjani ukhakama.+

Khuchoqatäkani ukhas wasitat jilsunini,

jiskʼa ramanakapas jilaskakiniwa.

 8 Saphinakapatï oraqen achachiptjjaspa,

khuchoqat qoqan* jiltʼir jiskʼa troncopas oraqen wañsjjarakispa ukhajja,

 9 mä jukʼa uma muktʼasakiw jilsuni,

mä machaq alir uñtataw ramanakapas wal jilantarakini.

11 Umanakajj lamar qotat chhaqtjjewa,

mä jawiran umanakapas chʼumantjjasajj wañsjjarakiwa.

Alajjpachajj utjkani ukhakamajj janiw jupajj sartkaniti,

janirakiw khitis juparojj ikit sartaykaniti.+

Kunapachkamatï nayajj esclavökä ukhakamaw suyäjja,*

nayar salvapkitani ukhakama.+

15 Jumajj jawsitätawa, nayasti jaysarakïmawa.+

Jumaw pachpa amparanakamamp luristajja, ukatwa wasitat wal uñjañ munitäta.

16 Ukampis jichhajj taqe kuntï nayajj luraskta ukakwa uñchʼuktajja,

jucha luratajak uñchʼukisktajja.

17 Jan wal luratajajj mä bolsar wali suma chinuntatawa,

nayan pantjasitanakajsti mä colamp lipʼthapiyasaw imaraktajja.

18 Kunjamtï mä qollojj allitattasajj qʼal tukuski,

mä qarqajj* lugarapat jaqoqtjjaraki,

19 kunjamtï umanakajj qalanakar merqʼeptayki,

wali chʼamampi jalir umanakapas oraqen laqʼanakap apasjjaraki,

uka pachparakwa jumajj jiwir jaqen suytʼañap tukjaraktajja.

20 Juparojj jiwañapkamaw apnaqtajja,+

jupan uñnaqapsa cambiaraktawa, sepulturkamaw khitjjaraktajja.

22 Jupajj jakaski ukhakiw tʼaqesi,

jupajj jakaski ukhakiw jacharaki”.

 3 Aleq arunakamp cheqañchañajj inamayakiwa,

aleq parlañajj janiw kunans yanaptʼkarakiti.

 4 Diosar ajjsarañajj janis wali valoranïkaspa ukhamwa jumajj uñjtajja,

mayninakan Diosat lupʼipjjañapsa* jarkʼaraktawa.

 5 Juman arunakamajj juchanïtamwa uñachtʼayi,*

jumajj engañjir arunakamp parlañ ajlliraktajja.

10 Janqʼo ñikʼutaninakasa jilïr jaqenakasa nanak taypinkaskiwa,+

jupanakajj tatamat sipans jukʼamp jilïr jaqenakäpjjewa.

13 Juman chuymamajj Dios contrawa,

ukatwa jumajj ukham arunak lakamat mistuytajja.

15 Diosajj janiw angelanakapar* confiykiti,

alajjpachanakas janiw nayranakapatakejj qʼomäkiti.+

Kuntï nayajj uñjkta uk yatiyäma,

18 kuntï yatiñani jaqenakajj cuentapki, janirak imantapki ukanaka,

jupanakajj tatanakapatwa ukanak katoqapjjaraki.+

19 Jupanakarukiw oraqejj churasïna,

janirakiw mä extranjeros jupanak taypi paskänti.

20 Jan wali jaqejj taqe urunakapanwa jan walinakamp tʼaqesi,

jakañ vidapan taqe maranakapanwa llakinakan uñjasi.

21 Jiñchunakapan ajjsarkañ suynatapaw istʼasi,+

sumankañ tiemponsti lunthatanakaw jupar jaljjatapjje.

22 Kunjamsa jupajj chʼamakat escapani uk janiw creykiti,+

jupasti mä espadampi jiwayatäñatak imatawa.

24 Tʼaqesiñasa llakisiñasa wal jupar ajjsarayi,

kunjamtï mä reyejj ratuk katuntañatak jutki ukhamaw jupa contrajj jutapjjaraki.

25 Niyakejjay jupajj Dios contra amparap aytchejja,

Taqe Chʼamani Diosaruw qallasiñ yantʼaraki.*

26 Jupajj jan istʼasisaw jupa contra tʼiju,

chʼamani thuru* escudopampi.*

27 Jupan ajanupajj likʼintatawa,

purakapas jachʼarakiwa.

28 Jupajj tʼunthapitäkani uka markanakanwa jaki,

jan khitis jakjjani uka utanakana,

ukampis ukanakajj qala montonanakar tukuyatäniwa.

29 Janiw jupajj qamirir tukkaniti, janirakiw walja utjirinakapsa imkataskaniti,

ni utjirinakapas oraqpachar saratatkaniti.

Jupasti kunjamatï mä qoqan* jiskʼa ramapajj ninamp nakhantatäki ukar uñtasitäniwa,

Diosan lakapan phustʼataw jupajj chhaqtjjarakini.+

31 Jan jupa pachpajj engañaspanti, janirak kunatï jan servirïki ukar confiyaspanti,

kuna laykutejj jan servirïki ukarakwa jupajj katoqani. 

32 Ukasti janïra urupäkipanwa pasani,

ramanakapas janipuniw panqarkaniti.+

33 Jupajj kunjamtï mä uvas alejj janïr poqorkipan uvasanakap jalaqtayki ukhamäniwa,

kunjamtï mä olivo qoqan* panqaranakapajj willirtki ukhama.

34 Jan wali jaqenakan* tantachtʼasitapajj jan kunatak serviriwa,+

ninaw qollqe chilltayasirinakan carpanakap nakhantarakini.

35 Jupanakajj jan walinakwa pʼeqenakapan amuyapjje, kunatï mayninakar jan waltʼayki ukanakwa lurapjjaraki,

chuymanakapansti kunatï jan walïki ukanakwa amtapjjaraki”.

Jumanakatï nayjam tʼaqesipjjasmajja,

nayajj kunaymaninak jumanak contrajj parlirista,

pʼeqejsa jumanakatakejj khiwisiristwa.+

 5 Ukampis janiw uk lurkiristti, antisas lakajampiw jumanakarojj chʼamañchtʼapjjerisma,

nayan suma arunakajajj chuymachtʼapjjeristamwa.+

 9 Jupan colerasiñapajj jiskʼa jiskʼaw tukjitu, jupajj nayatak wali chuyma ustʼatawa,+

naya contraw laka chʼakhanakap tʼurusi.

10 Jaqenakajj naya contraw lakanakap wali jachʼa ansatatapjje,+

uñisiñampiw ajanut tʼajjllintapjjetu.

11 Diosajj waynitunakan amparaparuw katuyitu,

jan wali jaqenakan amparanakaparuw nuktʼitu.+

Jupajj kunka qhepäjjat katuntasaw usuchjitu,

jupajj nayampiw katjasiraki.

15 Nayasti jañchejj imtʼasiñatakejj llakisiñ isi* chʼuktʼasta,+

nayajj sinti jan walinkapuntwa, janirakiw chʼamanïkti, ukatwa laqʼan qontʼatäskta.+

16 Jachkäwejj ajanujas wila colorakëjjewa,+

wali llakitätaj laykojj nayranakajajj tʼojjoranttatawa,*

17 ukampis janiw amparanakajajj khitirus usuchkiti,

oración luratajas taqe chuymarakiwa.

19 Ukampis jichhajja, nayan testigojajj alajjpachanakankaskiwa,

khititejj naya toqet qhanañchkaspa ukajj wali alto lugaranakankiwa.

20 Amigonakajajj phenqʼachapjjetuwa,+

ukañkamasti nayranakajajj Dios nayraqatanwa jacharaki.*+

21 Mä jaqempitaki Diosampitakejj cheqaparjam amtañaw utjañapa,

kunjamtï mä chachampitaki jaqe masipampitakejj mä amtajj utjki ukhama.+

22 Mä qhawqha maranakakiw nayan utj-jjetu,

ukatsti nayajj sarjjäwa, janirakiw kuttʼanjjäti.+

 2 Burlasirinakaw muyuntapjjetu,+

nayranakajasti kunjamsa jupanakajj kutkatasipjje ukwa uñjañaparaki.*

 4 Jumaw uka jaqenakan chuymapat amuytʼasirïñ imanttajja,+

ukatwa jupanakarojj jan jachʼañchktati.

 5 Inas jupanakajj mä kunsa amigonakapar churapjjchispa,

ukañkamasti manqʼat pistʼañaw pachpa wawanakapan nayranakap chʼamaktʼayaski.

 6 Jupajj* markanak taypin jiskʼachatäñatakiw* jaytitu,+

ukatwa jichhajj ajanut thuskatapjjetu.+

 7 Nayranakajajj llakimpiw chʼamaktʼaski,+

cuerpojan taqe partenakapas wali tʼukhakëjjewa.*

 8 Uk uñjasasti cheqap jaqenakajj wali musparataw uñchʼukipjje,

jan juchani jaqesti jan wali jaqe* kawsajj wali mayjtʼataw uñjasiraki.

 9 Cheqap jaqejj kunatï cheqapäki ukanakwa luraski,+

jan juchani jaqejj jukʼamp chʼamaniruw tukuski.+

10 Ukampis taqe jumanakajj jutapjjam, ukanak mayamp arsusipkakim,

janiw nayajj ni mä yatiñan jaqerus jumanak taypin uñjkti.+

11 Nayan urunakajajj tukusjjewa,+

kunanaktï chuymajajj munki uka amtanakajas tukusjjarakiwa.+

12 Jupanakasti arumarojj ururuw tukuyasipki,

‘chʼamakawa, qhanajj jakʼankañapawa’ sasaw sapjjaraki.

16 Suytʼäwijajj Sepulturan* barranakani punkuparuw saraqani,

kunapachatï taqeni juntuki laqʼar saraqkañäni ukapachana”.+

 4 Jumajj jiskʼa jiskʼas colerasiñaman tukjasiskstajja,

¿juma kawsat oraqejj jaytanukutäni?

 5 Cheqpachansa jan wali jaqen qhanapajj chhaqtayatäniwa,

ninapas janiw jukʼamp nakjjaniti.+

 6 Carpapan qhanapajj cheqpachapuniw chʼamaktʼayatäni,

lamparapas jiwtʼjjaniwa.

 7 Sarnaqañatakejj janiw chʼamanëjjaniti,

amtanakapas jan waltʼañaruw puriyi.+

 8 Kuna laykutejj pachpa kayunakapaw qänar* puriyani,

muyunaqaniwa, qänaruw jaltʼarakini.

10 Jupatakejj mä pitaw* oraqen imantatäski,

thakipansti mä trampaw utjaraki.

11 Wali ajjsarkañanakaw juparojj taqe toqet wal ajjsarayaraki,+

kayu wintut niya takjjatirjamaw jupar arktaraki.

12 Jupajj janiw chʼamanëjjeti,

jan waltʼäwiw+ juparojj niya liwisiyañampïski.*

13 Jañchipajj tukusiskiwa,

amparanakaparusa charanakaparus mä jiwayir usuw* tukuntaski.

14 Juparojj carpapan jan ajjsaras jakañatwa apsupjje,+

ukatsti wali ajjsarkañanakan reyipäki ukhakamaw sarayapjje.*

16 Mä qoqar* uñtataw jupan saphinakapajj wañsjjani,

ramanakapas suwartjjarakini.

17 Aka oraqensti janiw jupat amtasjjapjjaniti,

janirakiw sutipajj callenakan uñtʼatäkaniti.*

18 Juparojj qhanat chʼamakaruw apapjjani,

juparojj jayaruw oraqet alisnukupjjani.

19 Jupasti markap taypin janiw wawanakanïkaniti, janirakiw jupat jutir wawanakas utjkaniti,

kawkjantï jupajj jakki* uka cheqanjja, janiw ni mä jakiris jupatak utjkaniti.

20 Kunapachatï jupan jan waltʼäwi urupajj purinkani ukhajja, inti jalanta toqenkir jaqenakajj wal sustjasipjjani,

inti jalsu toqenkir jaqenakasti, wali ajjsarañampi katuntatäpjjarakiniwa.

21 Ukhamaw jan wal luriri jaqen carpaparojj pasi,

ukhamaw Diosar jan uñtʼki uka jaqerojj pasaraki”.

 4 Nayatï cheqpachapun pantjastjja,

pantjasitajajj nayampïskiwa.

 5 Jumanakatï nayat sipans jukʼamp sumäpkasmas ukhampun uñjayasiñ munapjjsta,

nayar toqeñajj walikïkaspas ukham sapjjaraksta ukhajja,

 6 jumanakajj yatipjjam, Diosaw nayarojj engañjitu,

jupaw nayarojj katjañatak qänapamp* katuntitu.

 7 ‘¡Usuchjatätwa!’ sasaw nayajj arnaqasiskta, ukampis janiw khitis jayskituti,+

yanaptʼayasiñatakejj arnaqasiskaktwa, ukampis janiw cheqapar uñjañajj utjkiti.+

 9 Jupajj nayan jachʼañchäwij apaqetu,

pʼeqejankir coronsa apaqarakituwa.

10 Jupajj chhaqtañajkamaw qʼal tukjitu,

mä qoqar* uñtataw suytʼäwij saphitpach jikʼsuraki.

11 Jupajj walpun naya contrajj colerasi,

enemigoparjamaw uñjarakitu.+

12 Jupan tropanakapajj mä juntuk jutasaw nayar muyuntapjjetu,

carpajar muytataw campamentop saytʼayasipjjaraki.

13 Nayan pachpa jilanakajaruw jupajj nayat jayarstʼayi,

khitinakatï uñtʼapkitu ukanakas nayat jitheqtjjapjjetuwa.+

16 Nayajj servirijaruw jawsta, ukampis jupajj janiw jayskituti,

nayat sinttʼasiñapatakiw juparojj lakajamp wal ruwtʼasta.

17 Warmijatakejj samanajajj wali ajjtaskañawa,+

nayan pachpa jilanakajatakis wali ajjtaskañaw thujsarakta.

18 Wawanakas jiskʼachapjjetuwa,

ukhaw nayajj sartaskta, jupanakasti nayat sawkasiñ qalltapjje.

19 Wali suma amigonakajas taqeniw nayat ajjtasipjjetu,+

khitinakarutï nayajj munaskayäta ukanakajj naya conträjjapjjewa.+

20 Nayan cuerpojajj jañchi lipʼichimpi chʼakhampikëjjewa,+

pinapuniw nayajj jiwañat escapaskta.

21 Amigonakaja, nayat sinttʼasipjjakitaya, nayat khuyaptʼayasipjjakitaya,

Diosan pachpa amparapaw nayarojj llamktʼitu.+

24 Jan ukajj ¡arunakajajj wiñayatak mä qarqar* leqʼsutakïspa,

hierrot lurat cincelampi plomo sat metalampi!

25 Nayasti mä salvirijan*+ utjatap yattwa,

jupasti qhepatwa jutasin oraqpachjjar* saytʼasini.

26 Jañchi lipʼichijajj akham qʼala tukjatäjjani uka qhepatsti,

jañchinïkasajj Diosaruw uñjäjja.

27 Naya pachpaw juparojj uñjäjja,

nayan nayranakajaw uñjani, janiw yaqhan nayranakapajja.+

28 ‘¿Kunjamarak jumar arknaqapjjsmasti?’+ sasaw sapjjtajja,

nayas taqe kunat juchanïkirista ukhama.

29 Jumanakaw espadarojj ajjsarapjjañama,+

kuna laykutejj pantjasipki ukanakaruw espadajj castigui.

 2 “Ukatwa nayan llaki amuyunakajajj jaysañatak obliguitu,

kuna laykutejj wali llakitätwa.

 4 Cheqpachans jumajj aka toqet yatipunpachäyätawa,

jaqejj* luratäjjäna ukhatpachaw ukhamäjjäna,+

 5 jan wali jaqen kusisiñat arnaqasitapajj mä jukʼatakikiwa,

jan wali jaqen* kusisitapajj mä ratutakikiwa.+

 6 Jupan jachʼañchasitapajj alajjpachkamas makatkchi,

pʼeqepajj qenayanakkamarak purchi ukhajja,

 7 jupajj pachpa wanupjamaw wiñayatak chhaqtani.

 8 Jupajj kunjamtï mä samkajj chaqtki ukhamaw chhaqtani, janirakiw jukʼamp uñj-jjapjjaniti,

jupajj aruman uñstiri visionar uñtataw chhaqtjjarakini.

 9 Jupar uñjapkäna uka nayranakajj janiw jukʼamp uñj-jjapjjaniti,

janirakiw juparojj mayampis utapan uñj-jjapjjaniti.+

10 Pachpa wawanakapaw pobrenakarojj yanaptʼa mayipjjani,

pachpa amparanakapaw walja utjirinakap kuttʼayjjani.+

11 Jupajj* mä waynan chʼamapampi phoqtʼatänwa,

ukampis taqpach chʼamapamp chikaw jiwjjani.

12 Jupatakisti, jan walïki uk lurañajj lakapankir mojjsa manqʼañampi sasiwa,

lajjrap manqhanwa umatatayaraki.

13 Jupajj lakaparuw katjjäsi,

mosqʼartʼasisajj janirakiw antutkiti.

17 Jupajj janipuniw miskʼimpit lechempit disfrutkaniti,

ukanakajj jalir umar uñtasitawa.

18 Jupajj jan apaqasaw* utjirinakap kuttʼayjjani,

janirakiw negocionakapajj utjayki uka wali valoraninakat disfrutkaniti.+

20 Ukampis jupajj janiw chuymas chuymäkaniti,

utjiripas janiw juparojj jan waltʼäwit escapañ yanaptʼkaniti.

21 Jupan manqʼantañapatakejj janiw kunas jiltʼkiti,

ukatwa jupan nayrar sartatapajj jan jaya tiempotakïkaniti.

23 Kunapachatï jan wali jaqejj purakap phoqtʼaykani ukhajja,

Diosajj* wali colerasiñapwa jupatakejj apayanini.

24 Kunapachatï hierrot lurat armanakat escapkani ukhajja,

cobret lurat mä arcon flechanakapaw juparojj junuranttani.

25 Jupajj jikhanipankki uka flecha apsusi,

higadopat* jupajj mä kʼajkir flech apsusi.

27 Alajjpachajj jupan pantjasitapwa qhanstayani,

oraqejj jupa contraw saytʼarakini.

28 Uman wal sartatapaw utap qʼal apasjjani,

Diosan* colerasiñap urunsti chʼamamp jalir umäjjarakiniwa.

29 Jan wali jaqerojj ukampiw Diosajj pagui,

Diosajj jupatak arski uka herenciarakiwa”.

 2 “Kuntï sapksma uk wali amuyump istʼapjjam,

ukampiw nayar chuymachtʼapjjetäta.

 6 Kunapachatï nayajj ukanakat amuytʼasta ukhajja, nayajj wal mayjtʼasta,

taqpach cuerpojaw khatatiraki.

 8 Wawanakapajj jupanakan nayraqatapankapjjapuniwa,

wawanakapat jutir wawanakapar uñjañkamaw jakapjjaraki.

 9 Utanakapan sumankañaw utji, janirakiw kuna ajjsarañas utjkiti,+

Diosajj janiw varapampi jupanakar castigkiti.

10 Toronakapajj walja vaca qallunak utjayapjjaraki,

vacanakapasti wawachapjjewa, janirakiw sullsupkiti.

11 Yoqall wawanakapajj mä tamar uñtasitaw anqar tʼijupjjaraki,

wawanakapasti altor thoqtas thoqtasaw sarapjjaraki.

12 Jupanakajj panderetanakampi arpanakampiw cantapjje,

flautan* tuktʼasitap istʼasajj wal kusisipjjaraki.+

13 Taqe urunakapanwa jupanakajj wali sum jakasipjje,

sumakiw* Sepulturar* saraqapjjaraki.

20 Pachpa nayranakapay jupan jan walir purtʼasitap uñjpan,

jupajj Taqe Chʼamani Diosan wali colerasiñapat umtʼarakpan.+

21 Jupan phajjsinakapatï jukʼaptayatächejja,*+

jiwjjani uka qhepat kunas wawanakapar pasani ukat janiw llakisjjaniti.

22 Diosatï wali importante jaqenakar juzgchejja,+

¿khitis Diosarojj yatiñanïñ toqet yatichaspa?*+

23 Mä jaqejj wali chʼamanïkasaw jiwjje,+

jan kuna llakini, tranquilo,+

24 lankhu charanakapas wali likʼini,

chʼakhanakapas wali chʼollqheraki.*

25 Ukampis yaqha jaqesti wali llakitapuniw jiwaraki,

jan kunapachas sumanak malltʼasa.

26 Jupanakajj panpachaniw laqʼar kuttʼapjjani,+

panpachaniruw laqʼonakajj manqʼantani.+

27 Kuntï jumanakajj amuyasipkta uk nayajj sum yatta,

nayar jan waltʼayañatak amtapkta uks yatiraktwa.+

¿Janit jupanakan señalanakap* wali amuyump yatjjatapkta,

30 ni mä jan wali jaqen tʼunjäwi urun perdonatätapsa,

Diosan wali colerasiñ urupan salvatätapsa?

32 Jupajj cementerior apatäjjani ukhajja,

sepulturap patjjanwa mä vigilia lurapjjani.

33 Jupar imjjatapkani uka laqʼajj jupatak mosqʼäniwa,+

taqe jaqenakarakiw jupan qhepap sarapjjani,*+

kunjamtï jupa nayra saririnakarojj paskäna ukhama.

 4 ¿Jupar respetatam laykut jupajj castigätam,

juiciorus aparakïtamjja?

 6 Kuna laykutejj jan kuna razonaniw jilanakamat garantía maytajja,

pobre jaqenakarojj isinakap aparasaw qʼalalak jaytaraktajja.*+

 7 Janiw qaritarojj ni mä jukʼa umsa wajjtʼktati,

manqʼat awtjatarojj janirakiw manqʼsa churañ munktati.+

 8 Wali chʼamani chachanakankiw jachʼa oraqejja,+

jachʼañchat jaqenakakiw ukan jakapjjaraki.

 9 Ukampis jumajj chʼusa amparak viuda warminakar khitanuktajja,

jan awkin wajcha wawanakan* amparapsa usuchjtawa.

10 Ukatwa jumajj trampanakamp* muyuntatätajja,+

ukatarakwa mä akatjamat wal ajjsarayastajja.

11 Ukatwa wali chʼamakätap laykojj jan uñjktati,

walja umanakarakiw chhaqtaytamjja.

14 Juparojj qenayanakaw jan uñjañapatakejj imanti,

alajjpachansti wali alto lugaranwa sarnaqaraki’ sasa.

15 ¿Jumajj nayra thakti saräta,

kawki thaktï jan wali jaqenakajj sarnaqapkäna uka thaki?

16 Janïra horasapäkipanwa jiwañajj jupanakar apasjje,

kunjamtï mä utan cimientopajj jawiran apatäki ukhama.+

17 Jupanakajj ‘¡sapak jaytapjjeta!’ sasaw cheqpach Diosar sapjjäna,

‘¿Taqe Chʼamani Diosajj kunarak lurapjjetaspasti?’ sasaw sapjjarakïna.

19 Cheqap jaqew kunjamsa jupanakajj tukjatäni uk uñjani, kusisirakiniwa,

jan juchanisti jupanakat sawkasirakiniwa, akham sasa:

20 ‘Jiwas contra saytʼirinakajj tukjatäjjapjjewa,

kunatï jupanakat jiltʼkani ukanak ninaw qʼal nakhantarakini’ sasa.

21 Diosar sum uñtʼam, sumankañaw jumatak utjani,

kunatï sumäki ukanakaw thakiman utjarakini.

22 Lakapat mistur yatichäwinak katoqasim,

arunakapsa chuymamar imarakim.+

Jumatejj kunatï jan cheqapäki uk carpamat apanuküta,

24 qorimsa laqʼar jaqtäta,

Ofir+ lugarankir qorimsa qalarar barranconakar jaqtarakïta ukhajja,

25 Taqe Chʼamani Diosaw juman qorimäjjani,

juparakiw juman suma qollqe metalamäni.

26 Cheqpachansa Taqe Chʼamani Diosaw juman kusisiñamäjjarakini,

Dios toqeruw ajanum uñtarakïta.

28 Kuntï jumajj lurañ amtkäta ukajj sumaruw sarani,

thakimansti mä qhanaw qhantʼarakini.

29 Kuna laykutejj jachʼa jachʼa tukusin parlatamat humillatäyätawa,

ukampis humilde chuymanirojj* salvaniwa.

30 Jan juchanïki ukanakarojj salvaniwa,

ukhamajj amparanakamatï qʼomäskchejja, cheqpachans salvatäyätawa”.

 4 Jupa nayraqatanwa mä juicion quejasirista,

nayat arsusiñatakejj taqpach pruebanak uñachtʼayirista.

 5 Kuntï jupajj jayskitaspa uk istʼirista,

kuntï jupajj siskitaspa uk sum amuytʼirista.

11 Kayunakajajj wali jakʼatwa jupan taktʼatanakap arkaraki,

jan saranukusaw thakip saraskta.+

14 Kuntï jupajj nayatak amtki uk taqpach phoqani,

jupasti walja ukhamanak amtaraki.

15 Ukatwa nayajj jupa kawsajj llakitäta,

jupjjat lupʼisasti,* ajjsarañajajj jukʼampiw jiljjattaraki.

16 Diosaw nayarojj ajjsaririr tukuyitu,

Taqe Chʼamani Diosaw nayar ajjsarayitu.

 3 Jupanakajj jan awkin wajcha wawanakan* asnonakap aparapjje,

viuda warmin toropsa maytʼasitatwa garantiat* apasjjapjje.+

 4 Pobrenakarojj thakit mistupjjañapatakiw obligapjje,

aka oraqen jan khiti yanapirinïpki ukanakajj jupanakat imantasipjjañapawa.+

 5 Pobrenakajj chʼusa pampankir salvaje asnonakjamaw+ manqʼa thaqapjje,

chʼusa pampanwa wawanakapatakejj manqʼa thaqapjje.

 6 Yaqha jaqen oraqepanwa manqʼañanak cosechapjjañapa,*

jan wali jaqen uvas yapupatwa jiltʼanak apthapisipjjaraki.

 8 Jupanakasti qollunakar purintir jallump chʼaranjataw uñjasipjje,

jan kawkir imantasiñ utjatapat qarqanak* jakʼanwa quedasipjje.

11 Wali juntʼu urunjja, uvas yapunakan perqanakap taypinwa wal trabajipjje,*

uvas chʼirwañ lugaranakan uvasanak takipjje, ukhampachas umat pharjatäsipkakiwa.*+

12 Niya jiwirjamäpki uka jaqenakajj markan ayqosipkakiwa,

niya jiwirjam usuchjatäpki ukanakajj wali jachʼatwa yanaptʼayasiñatak arnaqasipjje,+

ukampis ukanakajj janiw Diosar llakisiykiti.*

13 Yaqhepanakasti qhanarojj uñisipjjewa,+

janiw thakinakapsa uñtʼapkiti,

janirakiw thakinakapsa arkapkiti.

14 Jaqe jiwayirejj qhanjtanki ukhaw sartasi,

jan khiti yanapirini jaqerus pobre jaqerus jiwayiwa,+

arumarusti lunthatasirakiwa.

15 Adulterio jucha lurir jaqen nayranakapajj chʼamakthapiñap suyaski,+

‘¡janiw khitis uñjkitaniti!’+ sarakiwa,

ajanups imtʼasirakiwa.

16 Lunthatanakajj chʼamakanwa utanakar mantapjje,*

urusti llawintasinipjjarakiwa.

17 Kunjamtï yaqhep jaqenakajj chʼamakar ajjsarapki ukhamaw jupanakajj alwarojj ajjsarapjje,

kunanakatï wali chʼamakan ajjsarayki ukanakampejj yatitäpjjewa.

19 Kunjamtï sequiasa juntʼusa khunun umap apasjjejja,

¡ukhamarakiw Sepulturajj* juchachasirinakar apasjje!+

21 Jupanakasti jan wawachasir warmit aprovechasipjjewa,

viuda warmirus tʼaqesiyapjjarakiwa.

22 Diosajj* chʼamapampiw chʼamani jaqenakar tukjani,

jupanakajj sartapkchinisa, jiwapjjaniti jakapjjanicha uk janiw yatisipkiti.

23 Diosasti* jupanakan confiyasipjjatapsa jan kun ajjsarapjjatapsa ukhamak jayti,+

ukampis nayranakapajj kunanaktï jupanakajj lurapki ukanak uñjaskiwa.+

25 Janitï ukhamäkchejja, ¿khitis kʼarïtaj uñachtʼayaspa,

jan ukajj arunakaj conträspa?”.

 5 Jupatakejj janiw phajjsis qhantʼkiti,

janirakiw nayranakapatakejj warawaranakas qʼomäpkiti.

 5 Khitinakatï jiwañan jan kamachtʼirjamäpki ukanakajj khatatipjjewa,

lamar qotatsa ukan jakirinakatsa jukʼamp manqhankapjjewa.

 7 Jupajj chʼusa lugararuw* alajjpach* janatati,+

oraqsa jan kunjjaruw warktʼaraki.

 8 Jupaw qenayanakaparojj umanakamp phoqanti,+

ukatwa qenayanakajj wali jathïkasas jan phallapkiti.

 9 Jupajj janiw tronop uñjaykiti,

qenayapampiw tronopjjarojj imjjati.+

10 Jupaw alajjpachampin lamar qotampin qorpap uchi,+

juparakiw qhanampin chʼamakampin qorpap uchi.

11 Alajjpachan columnanakapas khatatipjjewa,

Diosan toqenoqataw wal sustjasipjje.

12 Jupajj chʼamapampiw lamar qotar onoqeyi,+

yatiñapampiw lamar qotankir ajjsarkañ animalarus* jiskʼa jiskʼa tukji.+

13 Jupajj samanapampiw* alajjpach qʼomachi,

amparapampiw ratuk sarir asirurus* jiwayi.

 2 “¡Kunjamtï Diosajj cheqpachapun jakkir Diosäkejja, jupajj janiw nayarojj cheqaparjam uñjkituti,+

kunjamtï Taqe Chʼamani Diosajj cheqpachapun jakkir Diosäkejja, jupaw nayarojj llakisiyitu.+

 3 Nayan samsuñajkamasa,

Diosan samanapajj naya manqhankañapkamasa,+

 4 lakajajj janiw kunatï jan cheqapäki ukanak arskaniti,

lajjrajas janirakiw engañonak parlkaniti!

 7 Enemigojajj jan wali jaqjam tukuspan,

naya contra saytʼirinakas jan cheqapar sarnaqerinakjam tukusirakpan.

 8 Tukjatäki ukhajj ¿kuna suytʼañarak jan wali* jaqetakejj utji,+

Diosajj vidap apaqki ukapachasti?

 9 Kunapachatï wali llakisiñankkani ukhajja,

¿Diosajj jupan wal arnaqasitap istʼaniti?+

12 Taqe jumanakatï visionanak uñjapjjstajja,

¿kunatsa arsutanakamajj jan kunatak servir arunakakejja?

13 Diosajj akwa jan wali jaqetakejj wakichi,+

tʼaqesiyir jaqenakaw Taqe Chʼamani Diosat uka herencia katoqapjje.

14 Wawanakapajj waljäpkchinisa, espadampi jiwayatäpjjaniwa,+

jupat jutir wawanakapajj jukʼa manqʼanikïpjjaniwa.

15 Jiltʼir wawanakaparojj mä jiwayir usuw imtʼjjani,

viudanakapas janirakiw jupanakatjam jachapkaniti.

16 Jupajj walja qollqe metalanaksa laqʼa montonanakjam montontʼaskpan,

ñeqʼëkaspas ukhamsa suma isinak imkataskpan,

17 jupas uk apthapiskpan,

cheqap jaqew uk isisini,+

jan juchani jaqenakaw taqpach qollqe metalanakap jaljasipjjani.

18 Jupan lurat utasti, thuthan tapapjam tukusirikiwa,

mä vigilirejj saytʼayki uka carpar+ uñtasitakiwa.

21 Inti jalsu toqet jutir mä thayaw juparojj apasjjani, jupajj janiw utj-jjaniti,

kawkjantï jupajj jakki uka lugarapatwa pichanukuni.+

22 Jan sinttʼasisaw jupjjar jutani,+

ukañkamasti jupajj jan kamachirjamaw chʼamapat escapañ munaski.+

23 Jupar jiskʼachañatakejj amparanakap tʼajjllirtʼarapi,

pachpa lugarapatwa juparojj khuytʼaraki.*+

28 ”Mä lugaraw qollqe metal apsuñatakejj utji,

qʼomachapki uka qori apsuñatakejj yaqha lugaraw utjaraki.+

 2 Hierrojj laqʼat apsutawa,

cobrejj qarqanakat* umatatayatawa.+

 3 Jaqejj mä chʼamak lugararuw puri,

kawkjantï wali chʼamakäki uka lugararuw sari,

ukhamat wali valorani metalanak apsuñataki.

 4 Jupajj kawkjantï jaqenakajj jakapki uka lugarat jayanwa oraq manqha allsu,*

armat lugaranakana, jaqenakajj sarnaqapki uka lugarat wali jayana.

 5 Manqʼañajj oraq patjjanwa achoqe,

ukampis oraq manqhajj ninampi mayjtʼayatäkaspas ukhamawa.*

 6 Qalanakansti zafiro* qalaw utji,

laqʼajj qorinirakiwa.

 7 Aycha manqʼani jamachʼinakajj janiw uka cheqar apir thaki uñtʼapkiti,

milano negro sat jamachʼin nayrapas janirakiw uka thak uñjkiti.

 8 Janiw mä ajjsarkañ animalas uka cheq taktʼkiti,

chʼamani leonas janiw uka cheq muyupaykiti.

10 Jupajj qarqa* taypinwa uma canalanak luri,+

nayrapajj wali valorani qalanak sum amuyi.

11 Jawiranakan qalltap jarkʼanti,

kunatï imantatäkäna ukanak qhanstayi.

13 Janiw khiti jaqes qhawqha valoranis uk amuykiti,+

janirakiw jakaskir jaqenak taypin katutäkaspati.

15 Janiw ukajj suma qorimpi alaskaspati,

janirakiw uk turkañatakejj qollqe metalas pestʼaskaspati.+

16 Janiw ukajj Ofir lugarankir qorimpis alaskaspati,+

janirakiw wali valorani ónice* qalampisa ni zafiro qalampisa.

17 Janiw ukajj qorimpis ni vidriompis igualaskaspati,

janirakiw kuna suma qorit luratampis turkaskaspati.+

18 Yamas coralatsa* cristalatsa janiw kamsksnasa,+

yatiñampi phoqtʼat mä bolsajj perlanakani phoqtʼat bolsat sipans jukʼamp valoraniwa.

19 Janiw yatiñajj Cus oraqenkir topacio*+ qalamp igualaskaspati,

janiw suma qorimpis alaskaspati.

21 Ukajj taqe jakirinakan nayranakapat imantatawa,+

alajjpachankir jamachʼinakats imantatarakiwa.

23 Diosakiw ukar purir thak uñtʼi,

jupa sapakiw kawkjankis uk yati,+

24 kuna laykutejj oraqen thiyanakaps* jupajj uñjiwa,

kunanakatï alajjpachanakat aynachankki ukanaks taq uñjaraki.+

25 Kunapachatï jupajj thayar chʼam churäna,*+

umanaks jaljäna,+

26 jallupach uttʼayäna,+

qʼejjo qʼejjotakisa chʼiyar qenayatakis thakinakap uttʼayäna,+

27 ukapachaw jupajj yatiñar uñjäna, qhanañchtʼäna,

sum uttʼayäna, qhawqha valoranis uk amuykiptʼarakïna.

‘Yatiñanïñajja Jehová Diosar ajjsarañawa,+

amuytʼirïñajj jan walit jitheqtañarakiwa’+ sasa”.

 2 “Paski uka phajjsinakaruk kuttʼirista,

Diosajj nayar jarkʼaqkitäna uka urunakaru,

 3 kunapachatï jupajj pʼeqej-jjar lamparapamp qhantʼayankitäna,

jupan qhanapamp wali chʼamakan sarnaqkayäta,+

 4 kunapachatï nayajj waynäkayäta chʼamanïkarakiyäta,

Diosajj wali suma amigojäkäna carpajankaskarakïna,+

 5 kunapachatï Taqe Chʼamani Diosajj nayampïskäna,

wawanakajas* taqeni naya jakʼankasipkäna,

 6 kunapachatï kayunakaj suma lechemp jareqtʼaskayäta,

qarqanakas* walja aceite nayatak jalayarapitäna.+

 7 Kunapachatï markan punkupar mistkayäta,+

plazansa qonuñajan qontʼaskayäta ukhajja,+

 8 waynanakajj nayar uñjasajj paso churapjjetäna,*

jilïr jaqenakas nayatak sartasaw saytʼat quedasipjjäna.+

 9 Principenakas janiw kamsapkänsa,

lakanakapsa amparampiw lluptʼasipjjäna.

10 Wali importante jaqenakajj janiw kamsapkänsa,

janipuniw ni mä arus lakanakapat mistkänti.

11 Taqe khitinakatï nayar istʼapkitäna ukanakajj wali sum nayat parlapjjäna,

uñjapkitäna ukanakas jachʼañchapjjetänwa.

12 Kuna laykutejj yanaptʼayasiñatak artʼasiri pobre jaqerojj nayaw salvirïta,+

jan awkin wajcha wawanakarusa* jan khiti yanapirinïpki ukanakarusa.+

13 Khititï jiwañampïkäna ukasti nayarojj bendisitänwa,+

nayajj yanaptʼasaw viudanakan chuymap kusisiñamp phoqtʼayäta.+

14 Kunatï cheqapäki ukjja, isir uñtatwa nayajj uchasiyäta,

cheqapar uñjañsti, mä sawut isïkaspasa* mä turbantëkaspas ukham uchasiyäta.

15 Nayajj juykhu jaqen nayrapäyätwa,

cojo jaqen kayuparakïyätwa.

16 Nayajj pobre jaqen awkipäyätwa,+

jan uñtʼkayäta uka jaqenakarus cheqaparjam juzgatäpjjañapatakiw yanaptʼayäta.+

17 Jan wal lurkäna ukarojj quijadap pʼakjayäta,+

kuntï katuntkäna uksa laka chʼakhanakap taypitwa aparayäta.

18 Nayajj akham sirïtwa: ‘Nayajj utajanwa* jiwäjja,+

urunakajajj chʼallar uñtat waljapunïniwa.

19 Saphinakajajj umanak toqeruw saphitatani,

sullanakasti arum paqaraw ramanakaj patjjankapjjani.

20 Jachʼañchäwijajj janipuniw chhaqtkaniti,

amparajankir flechtʼañ arcojj flechtʼaskakiniwa’ sasa.

21 Jaqenakajj wal istʼañ munasaw suyapjjetäna,

amukirakiw nayan ewjjtʼanakaj suyapjjäna.+

23 Kunjamtï jallurojj suyaski ukhamwa jupanakajj suyapjjetäna,

kunjamtï maynejj qhepa jallun puriniñap wal suykejj ukhamaw arunakaj istʼañ wal suyapjjäna.+

24 Kunapachatï nayajj jupanakatak lartʼaskayäta ukhajja, jupanakatakejj janiw cheqaw sañjamäkänti,

kusisit ajanuj uñjasajj tranquilokëjjapjjänwa.*

25 Jupanakan pʼeqtʼiripjamajj nayaw amuytʼayirïta,

tropanakap taypinsti nayajj mä reyjamaw jakayäta,+

llakin uñjasipki ukanakar chuymachtʼiripjama.+

30 ”Jichhasti jupanakajj nayatwa larusipjje,+

nayat sipans jukʼamp wayna chachanakäpjjewa.

Nayasti jupanakan tatanakaparojj janiw permitkiriskayätti,

ni tamaj uñjapkäna uka anunakamp chikäpjjañapsa.

Kuntï waña oraqen jikjjatapki ukwa jankhipjje,

uka oraqejj qʼala tukjatäjjänwa, chʼusakëjjarakïnwa.

 6 Jupanakajj barranco parkinakanwa jakapjje,

oraqen pʼiyanakapana, qarqanakan* pʼiyanakapana.

 7 Alinak taypit arnaqasinipjje,

itapallu alinak taypinwa tantachtʼasipjjaraki.

 8 Jan amuytʼasiri jan kunatak serviri jaqenakan wawanakapjamaw

markat alisnukut* uñjasipjje.

12 Kupëjjajarojj walja jaqenakaw naya contra saytʼasipjje,

jupanakajj nayaruw escapayapjjetu.

13 Jupanakajj thakinakaj jiskʼa jiskʼa tukjapjje,

jukʼampikiw aynachtʼayjjapjjetu,+

jan khitin jarkʼataw ukanak lurapjje.*

14 Jachʼa qʼasantat perqa taypis pasapkaspa ukhamaw jupanakajj mantapjje,

mä tukjat lugararuw mantapjjaraki.

15 Ajjsarañaw nayarojj aynachtʼayitu,

honrajas thayampjam apatawa,

salvasiñajas mä qenayar uñtasitaw chhaqtjjaraki.

16 Jichhasti nayajj jiwjjäwa,+

sapürurakiw tʼaqesiskta.+

17 Arumarusti chʼakhanakajajj walpun usutu,+

wal usuyasiñas janirakiw apaqtkituti.+

18 Isijajj* wali chʼamamp jiyjatawa,*

isijan cuellopjamaw uka isejj jaychjitu.

19 Diosajj ñeqʼeruw jaqtitu,

laqʼampir qhellampiruw tukuyitu.

21 Jan sinttʼasisaw naya contra saytʼtajja,+

amparaman taqe chʼamapampiw naya contra saytʼtajja.

22 Jumaw nayar aptasajj thayamp chik apistajja,

ukatsti mä jachʼa thayan tukjarakistajja.

23 Nayajj yattwa, jumaw nayarojj jiwañar apitäta,

kawkjantï taqe jakirinakajj tantachasipkani uka utaru.

24 Ukampis janiw khitis mä llakit jaqerojj nuwantkaspati,*+

jan waltʼäwinkkasin yanaptʼayasiñatak arnaqaski uka jaqeru.

29 Chacal sat animalanakan jilaparuw tukta,

avestruz sat animalan phuchanakapan masiparuw tukurakta.+

31 Arpajasti wali llakin uñjasipki ukanakatakikiw apnaqasi,

flautajasti* khitinakatï jachapki ukanakatakikiw tuktʼasiraki.

 6 Diosajj phoqat balanzampi pestʼitpan,+

ukatsti jupajj taqpach chuymamp servitaj amuyani.+

 7 Kayunakajatï thakit saranukchi,+

chuymajas nayranakajampi apayaschi,+

amparanakajas qʼañuchatäjjarakchi ukhajja,

 8 kuntï nayajj phawantkä uk yaqhanak manqʼaspan,+

kuntï ayruntkä* ukajj jikʼiratäpan.*

 9 Chuymajatï yaqha warmimp lunthatatächi,+

jaqe masijan punkupan suyjjataraksta ukhajja,+

10 esposajajj yaqha chachatak grano ñutʼjpan,

yaqha chachanakarak jupampejj ikintaspan.*+

11 Kuna laykutejj ukasti jan phenqʼani jan walinak lurañäspawa,

ukham pantjasiñajj juezanakamp castigatäñaw wakisispa.+

12 Ukajj qʼal nakhantiri qʼal tukjiri* ninar uñtasitäspawa,+

taqe kunanakatï nayankki ukanak saphitpach nakhantarakispa.

13 Nayatï sirvientejarusa sirvientajarusa jan cheqaparjam uñjksta,

kunapachatï naya contra quejasipjjäna ukhajja,

14 Diosajj nayatak saytʼkani ukhajj ¿kunsa luräjja?

16 Nayatï kuntejj pobrenakajj munapkäna uk jan churañ munkchiyäta,+

jan ukajj nayatï viudanakan nayranakap llakit uñnaqaychiyäta,+

17 nayatï manqʼaj sapak manqʼaschiyäta,

wajcha wawanakar* jan wajjtʼasa+

18 (kuna laykutejj waynitüskayäta ukhatpachaw wajcha wawajj* nayas tatapäkirista ukham nayamp jiläna,

jiskʼa wawatpachwa* nayajj viudar* yanaptʼayäta),

19 maynirutï jan isinïtap layku thayatjam jiwaskir uñjchiyäta,

jan ukajj mä pobre jaqer jan kunampi imjjatasiñanïtap uñjchiyäta,+

20 nayatejj ovejajan tʼarwap jan jupar churkchiyäta,

ukhamat juntʼurtʼasisajj nayar bendisiñapataki,+

21 nayatï mä wajcha wawar* ampar moqochtʼasis amenazchiyäta,+

kunapachatï jupajj markan punkupan nayampi yanaptʼayasiñ munäna ukhajja,*+

22 amparajajj kallachijat* jalaqtpan,

amparajajj mujllitpach* pʼakispan.

23 Cheqpachansa nayajj Diosampi jan waltʼayatäñ wal ajjsarayäta,

janirakiw kʼajkir qhanap nayraqatan saytʼirjamäkayätti.

24 Nayatï qorir confiyaschiyäta,

jan ukajj nayatï ‘¡jumaruw nayajj confiyassma!’+ sasin suma qorir sischiyäta,

25 nayatï wali qamirïsin kusischiyäta,+

nayajj jikjjataskta uka walja utjirinakajana,+

26 nayatï intin* qhanatap uñjchiyäta,

jan ukajj nayatï alajjpachan wali musparkañ phajjsin onjjtatap uñjchiyäta,+

27 chuymajajj engañjarakchitu,

lakajajj ukanakar adorañatak* amparaj jampʼattʼarakchi ukhajja,+

28 ukham pantjasiñajj juezanakampi castigatäñaw wakisispa,

ukajj cheqpach Diosar jan uñtʼir tukuñampi sasispawa.

30 Janipuniw nayajj lakajar juchachasiykti,

ni jupar maldisisasa ni jiwañap munasasa.+

31 ¿Janit utajankir chachanakajj

‘¿khitis Job chachan manqʼapampejj* jan sistʼaskäna?’ sasin sapki?+

32 Janiw ni mä jan uñtʼatas* arumajj anqan ikkänti,+

nayajj viajir jaqetakis punkuj llawirirïtwa.

Jan ukajj ¿yaqha familianakamp phenqʼachatäñach ajjsarayitu,

ukhamat nayan amuktʼañajataki, anqar mistuñs ajjsarañajataki?

36 Kallachij patjjaruw uk apirista,

mä coronar uñtat pʼeqej patjjar uchasirista.

37 Sapa taktʼatajatwa Diosarojj cuenta churirista,

mä principjamaw juparojj confianzampi jakʼachasirista.

38 Oraqejatï naya contra arnaqaschi,

taqe sukanakapas juntuk jachapjjarakchi,

39 nayatï achunakap jan kun pagas manqʼsta,+

jan ukajj nayatï uka oraqen dueñonakapar llakisiysta ukhajja,+

40 nayatakejj trigo jilañat sipans chʼapinak jilarapitpan,

cebada lantejj thujsa qoranak jilarapitpan”.

“Nayajj waynakïsktwa,*

jumanakajj jilïr jaqenakäpjjtawa.+

Ukatwa jumanakar respetasajj jan kuns kamskayätti,+

janirakiw kuntï nayajj yatkta ukanak sapkayäsmati.

 7 Nayajj akham amuytʼasiyäta: ‘Jilïr jaqenakay parlapjjpan,

walja maranakanïpki ukanakay yatiñjjat parlapjjpan’ sasa.

 8 Ukampis Diosan espiritupäki,

Taqe Chʼamani Diosan samanapäkaraki, ukaw jaqenakarojj amuytʼasirïñ churi.+

 9 Jaqenakajj janiw walja maranïpjjatap* laykukejj yatiñanïpkiti,

janirakiw jilïr jaqëpjjatap laykojj kunatï cheqapäki ukanak amuyapkiti.+

10 Ukatwa akham sista: ‘Istʼita,

kuntï nayajj yatkta uk jumar sarakïma’ sasa.

11 Nayajj jumanakan parlapjjañam suyaskayäta,

amuyunakam istʼaskarakiyäta,+

ukañkamasti jumanakajj kuns parlapjjäta ukanak amuytʼasipkayätajja.+

12 Nayajj wali amuyumpiw istʼasipkayäsmajja,

ukampirus jumanakat janiw ni maynis Job chachan pantjasitap uñachtʼayañ puedipkayätati,*

janirakiw arsutanakaparus jaysañ puedipkayätati.

13 Ukhamasti jan jumanakajj akham sapjjamti: ‘Nanakaw yatiñ jikjjatapjjta,

Diosaw juparojj cheqañchi, janiw mä jaqejja’ sasa.

14 Job chachan arunakapajj janiw naya conträkänti,

ukhamajj janiw juparojj jumanakan arsutanakamamp jayskäti.

15 Jupanakajj inakiw musparjjapjje, janiw kamsasas jaysirjamäjjapjjeti,

janirakiw kuns arsurjamäjjapjjeti.

17 Ukhamajj nayaw jaysarakëjja,

kuntï nayajj yatkta uk arsurakëjja,

18 nayanjja walja arsuñanakaw utjitu,

naya manqhankki uka espíritu santow nayan arsuñajatak obliguitu.

19 Naya manqhansti jan kunas mistkir wali llupantat vinor uñtasitätwa,

niya phallañampïki uka machaq vino wayaqar uñtasita.+

21 Janiw khiti toqetsa saytʼaskäti,+

ni khiti jaqerus jachʼañchkäti.*

22 Janiw yaqhanakar kunjam jachʼañchañs yatkti,

nayatï uk luriristjja, Luririjajj jankʼakiw chhaqtayitaspa.

 3 Arunakajajj nayan cheqap chuymanïtaj uñachtʼayi,+

lakajas jan kun imtʼasaw kuntï nayajj yatkta uk arsuraki.

 4 Diosan espiritupaw nayar luritu,+

Taqe Chʼamani Diosan samanapaw jakañ churitu.+

 6 Cheqpach Diosan nayraqatapanjja, nayajj jumjamarakïtwa,

ñeqʼet luratarakïtwa.+

 8 Ukampis jumajj nayan istʼkañaw arstajja,

cheqas nayajj walja kutiw aka arunak istʼsmajja:

10 Ukampis Diosajj naya contra saytʼañatakiw razonanak uñstayi,

mä enemigoparjamaw nayar uñjarakitu.+

11 Jupajj ceporuw* kayunakaj katuntayi,

taqe thakinakajwa uñakiparaki’+ sasa.

14 Cheqpachansa Diosajj kutin kutiniw parli,

ukampis janiw khitis istʼkiti.

15 Jupajj mä samkanwa ukham luri, arum toqen mä visionana,+

kunapachatï jaqenakajj jiwa ik iktʼasipki,

jupanakajj ikiñanakapan iktʼasipki ukapacha.

16 Ukatsti jiñchunakap jistʼari,+

yatichäwinakapsa pʼeqenakaparuw uchanti,*

17 ukhamat mä jaqeru jan wali luräwinakat jitheqtayañataki,+

mä jaqerus jachʼañchasiñat jarkʼaqañataki.+

18 Diosaw juparojj* sepulturat salvi,+

vidaparus espadamp* jiwayatäñats salvi.

19 Mä jaqejj ikiñapankki ukapachaw usuyasiñampi cheqañchat uñjasi,

chʼakhanakapajj taqe horasan wal uski ukapachas ukhamaraki.

20 Jupatakejj* tʼantʼas ajjtaskañawa,

suma manqʼanaksa janirakiw munkiti.+

21 Jupajj sinti tʼukhapunëjjewa,*

chʼakhanakapas uñstjjarakiwa.

22 Jupajj* sepulturaruw jakʼachasiski,

vidapajj jiwayirinakaruw jakʼachasiskaraki.

23 Ukampis mä mensajerotï* jupan ukar jutani,

waranqanit mä arjjatiri,

kunatï cheqapäki uk jaqer yatiyarakini ukhajja,

24 Diosasti uka jaqer sumat uñjasajj akham saniwa:

25 Jañchipajj wayna tiempot sipans jukʼamp sumar* tukpan,+

wayna tiemponkkäna uka urunakat sipans jukʼamp chʼamanïpan’+ sasa.

26 Jupajj Diosaruw ruwtʼasini,+ jupasti katoqarakiniwa,

Diosan ajanup uñjasajj kusisiñatwa jachʼat arnaqasini,

Diosajj wasitat jiwir jaqerojj cheqap jaqet uñj-jjani.

‘Juchachastwa,+ kunatï cheqapäki uk nayajj qʼewinukta,

ukampirus janiw castigatäkti.*

28 Jupaw nayarojj sepulturar sarañat salvitu,+

nayajj qhan uñjaskakïwa’* sasa.

29 Cheqansa Diosaw taqe ukanak luri,

mä jaqe laykuw kutin kutin luri,

30 ukhamatwa juparojj sepulturat salvani,

wali kusisit sum jakasiñapataki.+

 2 “Yatiñan jaqenaka, arunakaj istʼapjjeta;

jumanakajj amuytʼani jaqenakäpjjtawa, istʼapjjeta.

 3 Jiñchusti arunak amuytʼiwa,

kunjamtï lajjrajj manqʼanak malltʼki ukhama.

 4 Kunatï cheqapäki uk jiwas pachpa amtañäni,

kunatï sumäki uk jiwasanak pachpa amtarakiñäni.

 5 Kuna laykutejj Job chachajj akham siwa: ‘Nayajj razonanïtwa,+

ukampis Diosajj janiw cheqaparjam uñjkituti.+

 8 Jupajj jan wali luririnakampiw chikachasi,

jan wali jaqenakampiw sarnaqe.+

 9 Akham satap layku: ‘Mä jaqejj Diosar kusisiyañ munasajja,

janiw kunsa jikjjatkiti’+ sasa.

11 Kuna laykutejj lurataparjamaw jaqerojj kuttʼayani,+

kuntï sarnaqatapampejj jikjjatkani ukampiw pagani.

12 Cheqpachansa Diosajj janiw jan wal lurkiti,+

Taqe Chʼamani Diosajj janiw kunatï cheqapäki uk qʼewjkiti.+

14 Jupatï jaqenak contra saytʼaspa,

jupatï espiritupsa samanapsa jupanakat apaqaspa ukhajja,+

15 taqpach jaqenakaw jiwarapjjaspa,

jaqenakajj laqʼaruw kuttʼjjapjjaspa.+

16 Ukhamajj jumatï amuytʼasirïstajja, ak istʼam,

kuntï nayajj sisksma uk wali amuyump istʼita.

19 Diosajj janiw principenak toqet saytʼaskiti,

janirakiw qamirirojj pobret sipans jukʼamp sum uñjkiti,+

taqe jupanakajj jupan luratäpjjatap layku.+

20 Jaqenakajj mä akatjamatak jiwarapjje,+ chika arumaru,+

jupanakajj wal khatatipjje, chhaqtjjapjjarakiwa.

21 Kuna laykutejj Diosan nayranakapajj jaqen thakinakap sum uñji,+

taqe kuntï jupajj lurki ukanaks uñjarakiwa.

22 Janiw chʼamakansa ni wali chʼamak chʼiwinsa

jan wali luririnakajj imantasipkaspati.+

23 Diosajj janiw ni mä jaqetakis mä fecha uchkiti,

ukhamat jupa nayraqatan mä juicion uñstañapataki.

24 Jupajj jan kun yatjjatasaw wali chʼamani jaqenakar tukji,

yaqhanakaruw jupanak lantejj ucharaki.+

25 Jupajj kuntï lurasipki uk yatiwa,+

arumaruw jupanakarojj atipji, tukjarakiwa.+

26 Jupanakarojj jan walinak lurapjjatap laykuw nuwanti,

taqenin uñjkata,+

27 jupar arkañat kuteqtapjjatap layku,+

janirak mandamientonakapat ni maysa phoqapjjatap layku.+

28 Uka jan wali jaqenakajj pobrenakaruw yanaptʼayasiñatak jachʼat arnaqasiyapjje,

ukhamatwa jupajj jan yanapirinïpki ukanakar istʼi.+

30 mä jan wali jaqejj* janiw apnaqkaspati,+

ni markarus sipitanakar puriykaspati.

‘Nayajj janiw kuna jan wals lurkti, ukampis castigataw uñjasta,+

32 kuntï nayajj jan yatkta ukay yatichtʼita,

nayatï jan wal lurstjja, janiw mayampis uk lurjjäti’ sasa?

Jumaw uk amtjjañama, janiw nayajja,

ukhamajj kuntï jumajj wali sum yatkta ukay awistʼita.

34 Amuytʼani* jaqenakajj sapjjetaniwa,

kawkïr yatiñani jaqetejj istʼkitani ukajj akham sitaniwa:

35 ‘Job chachajj jan yatisaw parli,+

arunakapajj jan suma amuytʼasirïtap uñachtʼayi’ sasa.

36 ¡Job chachajj* phoqatpach yantʼatäpan,

jan wali jaqenak kikpa jaysatap layku!

 2 “¿Jumajj razonanïtamat jan payachasisajj

‘Diosat sipans jukʼamp cheqapätwa’ sasat sasma?+

 4 Nayaw jumarojj jaysäma,

jumampïpki uka amigonakamarus+ ukhamaraki.

 5 Alajjpachar uñtas uñjam,

jumat sipans wali altonkki uka qenayanak sum uñjam.+

 8 Juman jan wali luratamajj jumjam jaqerukiw jan waltʼayi,

cheqaparjam luratamajj jaqerukiw yanaptʼaraki.

 9 Jaqenakajj wali tʼaqesiñan uñjaskasajj yanaptʼayasiñatakiw jachʼat arnaqasipjje,

chʼamani jaqenakamp apnaqatäñat samartʼañatakiw arnaqasipjje.+

10 Ukampis janiw khitis akham siskiti: ‘¿Kawkinkis nayar Luriri Diosajja,+

jaqenakar alabanzanak aruman cantayki uka Diosajja?’+ sasa.

11 Jupajj kuntï oraqenkir animalanakar+ yatichki ukat sipans jukʼamp yatichistu,+

jamachʼinakat sipansa jukʼamp yatiñanwa tukuyarakistu.

12 Jaqenakajj yanaptʼayasiñatakiw jachʼat arnaqasipjje, ukampis jupajj janiw jayskiti,+

jan wali jaqenakan jachʼa jachʼa tukupjjatap layku.+

13 Cheqpachansa Diosajj janiw ina chʼusa* arunakamp arnaqasitarojj istʼkiti,+

Taqe Chʼamani Diosajj janiw uk istʼkiti.

15 Kuna laykutejj jupajj janiw wali coleratajj jumar cuenta mayktamti,

janirakiw juman jan amuytʼasis parlatamarojj kasktamti.+

16 Job chachajj inamayakiw lakap wali jachʼa ansatati,

jan yatisaw walja arunak arsuraki”.+

 2 “Nayan qhanañchañajkamajj mä jukʼitamp paciencianikïmaya,

Dios lanti parlañatakejj arunakajajj utjaskakituwa.

 3 Nayajj kuntï yatkta uka toqet jukʼampwa parläjja,

kunatï cheqapäki ukajj Luririjankatapwa nayajj qhanañchäjja.+

 4 Cheqpachans arunakajajj janiw kʼarinakäkiti,

uka arunakajj khititï uñtʼañan perfectöki*+ ukan arunakapawa.

 6 Jupajj janiw jan wali jaqenakan vidap jarkʼaqkaniti,+

ukampis tʼaqesirinakarojj cheqaparjamaw uñjani.+

 8 Ukampis jupanakatï cadenanakamp chinuntatäpjjaspa,

tʼaqesiña pitanakamp* katuntatäpjjaspa ukhajja,

 9 jupajj kuntï lurapki ukwa jupanakar qhanañchani,

jupanakan jachʼa jachʼa tukusin jucha luratanakapa.

10 Jupasti jiñchunakaparojj cheqañchäwi istʼapjjañapatakiw jistʼari,

jan walinakat jitheqtapjjañapatakiw arjjayaraki.+

11 Jupanakatï jupar istʼapjjani, servipjjarakini ukhajja,

sumar sartasaw urunakapan jakapjjani,

maranakapajj wali sumarakïniwa.+

12 Ukampis jupanakatï jan istʼasipkanejja, espadampi* jiwayatäpjjaniwa,+

jan yatiñanïsaw jiwapjjarakini.

13 Jan wali chuymani jaqenakajj* wali coleratäpjjewa. 

Kunapachatï jupajj jupanakar castigki ukhajj janiw yanaptʼa mayiñatak arnaqasipkiti.

14 Jupanakajj wayn tawaqökasaw jiwarapjje,+

templonkir prostituto chachanakampiw jupanakan vidapajj tukusi.+

16 Jupajj tʼaqesiñatwa jumarojj salvtamjja,+

mä jachʼa lugararuw jumarojj aparaktamjja, kawkjantï jan kunas jarkʼatäki uka lugararu,+

mesamansti suma manqʼanakaw chuymachasiñamatak utji.+

17 Ukhamasti kunjamsa jan wali jaqerojj juchañchasini ukampejj contentokïyätawa,+

kunapachatï juchañchäwejj amtatäjjani, cheqaparjam amtasirakini uka horasana.

18 Ukampis amuyasim, wal colerasitamajj jan chuyma ustʼatäñar jumarojj puriypanti,*+

janirak walja qollqe chilltayasiñampejj thakit saranukumti.

19 ¿Yanaptʼayasiñatak arnaqasitanakamati,

jan ukajj juman wal chʼamachasitamach tʼaqesiñat salviristamjja?+

20 Jan jumajj aruman puriniñap wal suyamti,

ukhaw jaqenakajj lugarapat chhaqtjjapjje.

21 Jan walinak lurañ ajlliñat sipansa,

tʼaqesiñan aguantañ ajllisim.+

24 Jupan luratanakapat jachʼañchañ jan armasimti,+

jaqenakajj uka toqet cantapki ukanakata.+

25 Taqe jaqenakaw uk uñjapjje,

jiwir jaqejj jayatwa uk uñjaraki.

26 Cheqas qhawqha chʼamanis Diosajj uk janiw yatksnati,+

jupan maranakapajj janiw jaktʼañjamäkiti.+

27 Jupaw uman chʼaqanakap apkati,+

tiempompejj uma chʼaqanakajj jallumpiru urpumpiruw tukjjaraki,

28 ukatsti qenayanakaw uk waraqtayanjje,+

jaqenakjjaruw purintayjjaraki.

30 Kunjamsa jupajj lliju llijup* qenayanakjjar saratatayi uk uñjam,+

kunjamsa jupajj lamar qota manqharojj* umanakamp phoqanti uk uñjarakim.

31 Ukanak taypiw jupajj markanakar manqʼayi,*

jupanakarojj walja manqʼañanakwa churaraki.+

32 Jupajj amparanakapampiw lliju llijunak imanti,

kawkjarutï jupajj puriyañ munki ukjaruw puriyaraki.+

33 Jupan qʼejjo qʼejjopajj jupjjatwa parli,

uywanakas jupan* jutaskatapwa arsupjjaraki.

37 ”Ukhamïpanwa chuymajajj wal putuqe,

lugarapanwa wal thoqtaraki.

 2 Diosan wali chʼamani arup amuyumpi istʼapjjam,

lakapat misturi qʼejjo qʼejjonaks ukhamaraki.

 3 Jupasti alajjpachatwa qʼejjo qʼejj puriyi,

oraq tukuykamaw lliju llijup puriyaraki.+

 4 Ukjjarusti waraririw istʼasi,

Diosan chʼamani arupajj mä qʼejjo qʼejjon suynatapjamaw istʼasi,+

arupan istʼasiñapkamajj janiw lliju llijunakar jarkʼkiti.

 7 Diosajj jaqen taqe luratanakap saytʼayi,

ukhamat taqe jiwir jaqenakajj jupan luratanakap uñtʼapjjañapataki.

 8 Salvaje animalanakajj imantasiñ pʼiyanakaparuw mantjjapjje,

uka pʼiyanakapan quedasipjjaraki.

 9 Chʼamani thayajj purinisajj wal thaytʼani,+

thayajj alay toqet* jutir thayanakat juti.+

10 Diosajj phustʼatapampiw chhullunkayanak utjayi,+

taqe umanakwa chhullunktʼayaraki.+

11 Cheqpachansa jupaw qenayanak uma chʼaqanakamp phoqanti,

juparakiw lliju llijunakap+ qenayanakjjar saratatayi.

13 Jupajj qenayanak taypiw castigo apani,+ jan ukajj oraqer jallu puriyi,

jan ukajj munasiñat jan jaytjasirïtapsa uñachtʼayi.+

14 Job, ak istʼam,

ukjar suytʼam, Diosan musparkañ luratanakapat sum amuytʼarakim.+

17 ¿Kunatsa isinakamajj juntʼutati,

kunapachatï aynach toqet* jutir thayanakajj oraqer samarayki ukhajja?+

18 Jupaw alajjpachanak janatati,+ metalat lurat espejor uñtatwa wali chʼollqhe luraraki,

¿jumajj uka kikpat lurarakisma?

19 Kunsa jupar sapjjañajäspa ukay sapjjeta,

chʼamakankapjjataj laykojj janiw nanakajj jaysirjamäpkti.

21 Jaqenakajj janiw alajjpachanakajj qenayrantatäki ukhajj qhanar* uñjañ puedipkiti,

kʼajkir qhanan uñstañapkama,

kunapachatï thayajj pasasin qenayanak apasjje ukapachkama.

22 Alay toqensti* qori kʼajir qhanaw uñjasi,

Diosan kʼajkir qhanapajj+ musparkañawa.

23 Janiw jiwasanakajj Taqe Chʼamani Diosat amuytʼksnati,+

jupajj wali chʼamaniwa,+

janipuniw kunatï jupatak cheqapäki uka contrajj juzgkaspati.+

 2 “¿Khitis aka jaqejj nayan amtanakaj qʼewjiri,

jan yatiñamp parlirejja?+

 3 Mirä amp suma, mä chʼaman chachjamay wakichtʼasim,

nayaw jumar jisktʼäma, jumasti jaysarakitätawa.

Jan ukajj ¿khitis oraqen esquin jachʼa qalap uchänjja,+

 7 kunapachatï willjta warawaranakajj+ taqeni wali kusisit arnaqasipkäna,

Diosan taqe wawanakapajj*+ jachʼañchañatak jachʼat arnaqasipjjäna ukapachajja?

 8 ¿Khitis lamar qotarojj punkunakamp llawintäna,+

kunapachatï matrizat chʼamamp mistkäna,

 9 nayajj qenayanakamp isthapiykayäta,

chʼamak qenayanakamp kʼiruntkayäta,*

10 qorpap uttʼaykayäta,

trancanakapsa punkunakapsa lugarapar uchkayäta,+

11 ‘aka cheqkamaw purisma, janiw jukʼamp khurirojja,

juman jachʼa oladanakamajj aka cheqkamaw purini’+ sasin nayajj siskayäta ukapachajja?

12 ¿Mä kutis* jumajj alwarojj ordentati,

jan ukajj qhantatiruch lugarap uñtʼayta,+

13 ukhamat oraqen thiyanakap* katuñapataki,

jan wali jaqenakarus oraqet thalanukuñapataki?+

14 Kunjamtï mä moldejj ñeqʼer mayjtʼayki ukhamarakiw qhanajj oraqer mayjtʼayi,

taqe kunanakatï oraqen utjki ukanakajj isin adornopjamaw qhan uñsti.

15 Ukampis jan wali jaqenakan qhanapajj jupanakat apaqatawa,

janirakiw jaqenakarojj jukʼamp usuchjjapjjaspati.*

¿Kawkjas chʼamakan lugarapajja,

20 ukhamat jumajj lugarapar apañamataki,

utapar apki uka thakinaks yatiñamataki?

22 ¿Jumajj khunu imañ utanakar manttati,+

jan ukajj chhijchhi imañ utanakcha uñjta?+

23 Nayajj tʼaqesiña tiempotakiw ukanak wakichta,

kunürutï nuwasiñasa guerrasa utjkani uka urutaki.+

26 ¿Khitis kawkjantï jan khiti jaqes jakki uka cheqarojj jall purintayi,

kawkjantï jaqenakajj jan utjki uka wasararu?+

27 ¿Khitis qʼala tukjatäki uka chʼusa oraqerojj chʼaranji,

pastonaks jilayaraki?+

30 ¿Khitis umarojj qalanakampis imjjatkaspa ukham imjjati,

wali manqha umanakan patjjaps chhullunktʼayi?+

34 ¿Jumajj qenayanakkamat arum puriyasma,

ukhamat jumjjarojj jallun wal purintañapataki?+

38 ¿Khitis laqʼarojj ñeqʼer tukuyaspa,

khulanakarus jupanakkam mayachthapispa?

40 Kunapachatï leonanakajj imantasiñ lugaranakapan kʼumtʼatäsipki,

jan ukajj mä akatjamat katjañatak jiptʼatäsipki ukhajja, ¿jupanakar manqʼayasmati?

41 ¿Khitis cuervo jamachʼirojj manqʼa churi,+

kunapachatï chhiwchhinakapajj yanaptʼayasiñatak Diosar artʼasipjje,

jan manqʼañ utjipans uks aks muyupjje ukapachajja?

 3 Jupanakajj kʼumtʼasaw qallunakap wawachasipjje,

wawachasiñatak tʼaqesitapajj ukharuw tukusjjaraki.

 6 Nayaw jupan utapäñapatakejj chʼusa pampa lurarapta,

nayaw jupan jakañapatakejj jayukʼar oraq lurarapta.

 7 Salvaje asnojj markan ojjotaparojj* jiskʼachiwa,

janirakiw animalanakar trabajiyki ukan arnaqasitanakap istʼkiti.

 8 Jupajj pastonak thaqasaw jiskʼa qollunakan muynaqe,

kunayman chʼojjña alinak thaqasa.

11 ¿Jupan wali chʼamanïtaparut confiyasïta,

chʼama tukuñ trabajonakti lurarapïtam?

12 ¿Jupat jumatakejj cosecham* apthapirapïtam,

grano takiyañ cheqarut apthapirapïtam?

13 Avestruz sat jamachʼejj kusisitaw chheqanakap jawqʼarasi,

ukampirus ¿chheqanakapas phuyunakapas cigüeña sat jamachʼinkirimpejj igualayasispati?+

14 Jupasti pamparuw kʼawnanakap apanuku,

juntʼukïpjjañapatakejj chʼallaruw ucharaki.

15 Jupajj kʼawnanakapan jaqenakamp takjjatatäñaps armasiwa,

jan ukajj mä salvaje animalamp takichatäñaps armasirakiwa.

16 Wawanakaparojj jan sinttʼasiñampiw uñji, janis jupan wawanakapäkaspa ukhama,+

jupajj janiw inamay chʼama tukutapat ajjsarayaskiti.

17 Kuna laykutejj Diosaw juparojj yatiñ jan churkiti,*

janirakiw amuytʼasirïñs churkiti.

18 Ukampirus kunapachatï sartasajj chheqanakap jawqʼarasi ukhajja,

caballotsa caballot sarir jaqetsa wal larusi.

21 Jupajj vallenwa kayunakap takirasi, chʼamampiw thoqtaraki,+

nuwasiñatakiw thoqsuraki.*+

24 Jan inaktʼirjam thalasisaw nayraqatar sari,

janirakiw pututun suynatapatakejj aleqtʼañ puedkiti.*

Jupajj jayatpach guerran nuwasiñ muktʼi,

comandantenakan jachʼat arnaqasitanakapsa guerrasiñatak arnaqasitanaksa istʼarakiwa.+

27 Jan ukajj ¿juman ordenatach pakajj wali altor jalkati,+

tapaps wali alto cheqar lurasiraki?+

28 Arumarusti jupajj mä barranconwa iki,

mä jachʼa qarqanwa* jarkʼaqasiñ lugarapan jaki.

29 Uka cheqatwa jupajj manqʼañ thaqe,+

nayranakapajj wali jayaruw uñjaraki.

30 Chhiwchhinakapajj wil juchhapjje,

pakajj kawkjantï jiwatanakajj utjki uka cheqankarakiwa”.+

 7 “Mirä amp suma, mä chʼaman chachjamay wakichtʼasim,

nayaw jumar jisktʼäma, jumasti jaysarakitätawa.+

10 Mirä amp suma, chʼamampi jachʼañchatäñampi kʼachachtʼasim,

jachʼätamsa jachʼañchatäñamatak derechonïtamsa uñachtʼayam.

11 Juman utjki uka wali colerasitam antutam,

jachʼa jachʼa tukurirojj amuyump uñjam, ukatsti jiskʼacharakim.

12 Taqe jachʼa jachʼa tukurinakarojj wali amuyump uñjam, ukatsti humillarakim,

jan wali jaqenakarojj uka pachpar takichasim.*

13 Taqe jupanakarojj laqʼar imantam,

chʼamak cheqan chinuntarakim.*

14 Ukhamäni ukhajj naya pachpaw arsurista,*

juman chʼamani amparamajj jumaru salvañ pueditapjja.

16 ¡Jupan caderapajj qhawqha chʼamanis uk uñjam,

purakapan ankunakapajj qhawqha chʼamanis uk uñjarakim!

17 Jupan wichʼinkapajj mä cedro qoqar* uñtat chʼollqhewa,

lankhu charapan ankunakapajj kʼanantatarakiwa.

18 Jupan chʼakhanakapajj cobret luratawa,

charanakapajj hierrot luratarakiwa.

20 Jupan manqʼañanakapajj qollunakanwa jilarapi,

kawkjantï taqe salvaje animalanakajj anatapki uka lugarana.

21 Jupajj loto* sat qoqanak* jakʼanwa winktʼasi,

siniyanakan* utjir cañanak taypina.

22 Loto sat qoqanakan* chʼiwipaw juparojj chʼiwtʼayi,

vallen utjir álamo sat qoqanakaw juparojj muytapjjaraki.

23 Jawiran wali chʼamamp saraqanitap laykojj janiw sustjaskiti,

Jordán+ jawiran umanakapas jupan lakapar chʼamamp purkchejja, janiw ajjsarayaskiti.

24 Jupajj uks aks wal uñchʼukiski ukhajj ¿maynejj jupar katuntaspati,

jan ukajj mä ganchompich nasap pʼiyjaspa?

41 ”¿Jumajj mä chawlla katuñ anzuelompit Leviatán*+ sat animalarojj katjasma,

jan ukajj mä pitampich* lajjrap chintʼasma?

 2 ¿Mä pitampit* nasa pʼiyapat passuyasma,

jan ukajj mä ganchompich* quijadap pʼiyjasma?

 3 ¿Jupajj walja kutit jumar wal ruwasïtam,

jan ukajj qoña arunakampich jumar parlätamjja?

 4 ¿Jumampit mä pacto lurani,

ukhamat jupajj wiñayataki juman esclavomäñapataki?

 5 ¿Jupampejj mä jamachʼimpjamat anatasïta,

jan ukajj jiskʼa imill wawanakaman anatasiñapatakich mä chinuñampi chintʼasma?

 7 ¿Jañchiparojj arponanakampit* junurpayäta,+

jan ukajj chawlla katuñ lanzanakampich pʼeqeparojj junurpayäta?

 8 Jumatï mä kutikis amparamamp llamktʼasmajja,

janipuniw jupamp nuwasitam armaskasmati, janirakiw mayampis uk lurkasmati.

12 Janiw nayajj charanakapat parlañ amuktʼkäti,

ni chʼamapatsa, ni musparkañ lurat cuerpopatsa.

15 Jupan jikhanipajj escamanakamp seqentatawa,*

ukanakajj maypachar suma mayachthapitawa.

16 Uka escamanakajj mayat may lugarapar wali suma uchtʼatawa,

janiw ni aires uka taypi paskaspati.

17 Ukanakajj jupanakkam lipʼthapitawa,

mayat may mayachthapitarakiwa, janiw jaljtayaskaspati.

18 Nasapamp phusaraski ukhajj llijtir qhanaw mistu,

nayranakapasti willjta qhanar uñtasitarakiwa.

19 Lakapatjja lliju llijunakaw mistu,

jiskʼa nina sankʼanakaw lakapat chhuksuraki.

20 Nasapatsti jewqʼew mistu,

aqkir mä hornor uñtasita.*

21 Samanapajj sankʼanaksa naktayiwa,

lakapatsti aqkir ninaw thoqsuraki.

22 Kunkapajj wali chʼamaniwa,

taqe khitinakatï jupamp jikthaptapkani ukanakajj wali sustjatäpjjaniwa.

23 Purakapankir jañchi lipʼichipajj chʼollqhewa,

hierrot lurat mä planchar uñtasitawa, janirakiw lugarapat onjjtayaskaspati.

24 Chuymapajj mä qaljam chʼollqhewa,

molinon manqha qalapjam chʼollqhewa.

25 Kunapachatï jupajj sarti ukhajja, chʼamaninakas wal sustjasipjje,

uma manqhan wali chʼamamp onjjtatapajj ajjsarkañarakiwa.

26 Janiw espadas juparojj apnaqkaspati,

janirakiw lanzasa, flechasa, ni kuna yaqha armasa.+

27 Jupatakejj hierrojj waña pajar uñtasitawa,

cobresti ñusantat maderar uñtasitawa.

28 Mä flechajj janiw juparojj escapaykaspati,

qʼorawamp qʼorawtʼat qalanakas waña pajar uñtasitawa.

29 Mä thuru* lawas jupatakejj pajar uñtasitawa,

lanzamp jupar jaqtʼapki ukhas larusiwa.

30 Jupan purakapajj ari jikʼillitanakar uñtasitawa,

grano takiñ tablar uñtataw ñeqʼen suchtaraki.+

31 Kunjamtï mä phukojj wal wallaqkejja, ukhamarakiw jupajj manqha umanak wallaqeyi,

lamar qotar* mantasajj kunjamtï aceitejj phukun wallaqki ukhamaw umarojj phulloqeyaraki.

32 Uman tuyusajj jupan qhepaparojj jopoqonak sarayi,

ukhamïpanjja manqha umanakajj janqʼo ñikʼutanïkaspas ukhamwa maynejj amuyaspa.

33 Oraqenjja janiw jupjamajj utjkiti,

Diosaw juparojj jan ajjsarirïñapatak luri.

 2 “Jichhaw yatta, jumajj taqe kun lurasma,

kuntï jumajj amtkta uk phoqapuntawa.+

Cheqas nayajj jan amuytʼasisaw parlayäta,

kunanakatï nayatak wali musparkañäki, kunanaktï jan amuytʼkayäta ukanakata.+

 5 Jiñchunakajajj jumat parlir istʼapjjänwa,

ukampis jichhajj pachpa nayranakajampiw jumar uñjsmajja.

 6 Ukatwa nayajj ukanak arsutajat arrepentista,+

uk uñachtʼayañatakejj laqʼa patjjana qhella patjjan qontʼasirakta”+ sasa.