Abụ Ọma

2 Gịnị mere mba niile ji na-agba ghara ghara,+

Mba dị iche iche anọrọkwa na-atamu ihe efu?+

 2 Ndị eze ụwa eguzorokwa,+

Ndị isi ezukọtawokwa dị ka otu onye+

Imegide Jehova+ na imegide onye o tere mmanụ,+

 3 Sị: “Ka anyị dọbisịa agbụ ha,+

Tọpụsịakwa ụdọ ha kere anyị!”+

 4 Onye ahụ nke nọ ọdụ n’eluigwe+ ga-achị ọchị;

Jehova ga-akwa ha emo.+

 5 N’oge ahụ, ọ ga-agwa ha okwu n’iwe ya,+

Ọ ga-emekwa ka ha maa jijiji n’iwe ya dị ọkụ,+

 6 Sị: “Mụ onwe m emewo ka eze m nọdụ n’ocheeze+

Na Zayọn,+ bụ́ ugwu nsọ m.”+

 7 Ka m kwuo ihe Jehova nyere n’iwu;

Ọ gwara m, sị: “Ị bụ ọkpara m;+

Mụ onwe m aghọwo nna gị taa.+

 8 Rịọ m,+ ka m nye gị mba dị iche iche ka ha bụrụ ihe nketa gị,+

Nyekwa gị nsọtụ niile nke ụwa ka ha bụrụ ihe onwunwe gị.+

 9 Ị ga-eji mkpanaka ígwè kụpịa ha,+

Ị ga-akụri ha ka arịa ọkpụite kpụrụ.”+

10 Ugbu a kwa, unu ndị eze, jirinụ nghọta mee ihe;

Kwenụ ka a gbazie unu, unu ndị ikpe nke ụwa.+

11 Jirinụ egwu jeere Jehova ozi,+

Jirikwanụ ịma jijiji ṅụrịa ọṅụ.+

12 Susuonụ ọkpara ya ọnụ,+ ka O wee ghara iwe iwe,

Ka unu wee ghara ịla n’iyi wee si n’ụzọ pụọ,+

N’ihi na iwe ya na-adị ọkụ ngwa ngwa.+

Obi ụtọ na-adịrị ndị niile na-agbaba n’ime ya.+